ساعات وساعات وساعات

[عادل طه]

اهلا بكم احبائى
غرائب بتحصل لينا كلنا
ساعات بتحس ان نفسك تتكلم ومش قادر تتكلم
ساعات بتبقى تعبان ولما تيجى تتكلم مابتلاقيش كلام يقدر يوصف
مدي اللي جواك
.
.
.
.
ساعات بتحس انك مسجون وبايديك تخرج من البيت وتلاقى حاجه حايشاك
ومش عاوز تتطلع
ساعات توحشك ضحكتك ومتلاقيش سعاده ولا فرح وتلاقى كبت وهم
وحزن وغم ساعتها تبكى على حرمانك من ضحكتك
وساعتها تضحك علي نفسك
ساعات تيجى تحب تعمل موضوع عشان تلاقى الناس ترد عليك عشان الملل
والقرف اللى انت فيه ومش تلاقى كلام تكتبه
ساعات تخش مواقع وتلاقي نفسك مش عارف تعمل ايه


ساعات لما تشوف فيلم او اغنيه بتعبر عن اللى جواك
بتبكي ويبقا نفسك تصرخ
وتقول انا ايه اللى وصلنى لده وماتبقاش عارف اى حاجه .
ساعات
تحصل منك مواقف غلط فى غلط وتستحقر نفسك انك عملتها
وتقول ياااااااه لو اليوم ده يتكرر عشان الغى الغلط من الاول
ومش كل اللي بنتمناه بيحصل للاسف
.
.
.
.
ساعات تنسى الايام وماتشوفشى النهار ولا الليل
من كتر الكبت والقرف اللى جواك
ساعات تلاقى نفسك مش عارف حاجه خالص ونفسك تعمل اى حاجه
بس مش عارف
ساعات لما تيجى تتكلم مع الناس تحس انك مش منهم وانك حد غريب عليهم
فبتسكت
ساعات تبص لعمرك تلاقيه بيجرى وتلاقى عقلك مش فاكر حاجه حلوة خالص
من اللي فات وتلاقي نفسك من جوه فاضي خالص
ساعات تتمنا تتولد من جديد عشان تكون اكبر صحاب عشان لو تعبت تلاقى
ولو واحد منهم جمبك بس للاسف مستحيل


ساعات تتمنى تعمل كل حاجه وتحرم اللى بتعمله لغيرك
وتقول ده غلط له وتحلله لنفسك
ساعات تبقى قاعد قدام جهاز الكمبيوتر وشغال دبل كليك على كل فولدر
في الجهاز ومش حاسس انت بتعمل ايه
ساعات تتمنى انك تخرج من نفسك
وتبقى حد تانى من كتر اللى فيك
بس ياخساره مش ينفع لانه من رابع المستحيلات
.
.
.
.
ساعات تسمع قصص وتسمع ان ده عنده عربيه وعنده فلوس
وعنده فيلا وولاده اللى قدك بيركبوا عربيات
وبيصرفوا اقل حاجه في اليوم 1000جنيه
.
.
ساعتها تكره نفسك لان كبيرك في اليوم يوم ماتبقى الحاله معاك بزيكا
يبقا 100 جنيه ساعتها بتحس انك ضعيف ومش بايديك تعمل حاجه
وتشكر ساعتها ربنا ومن جواك انت قرفان
.
.
.
ساعات تحلم بمشاريع وتتمنى تحقق ولو مشروع منهم
وساعتها تبقى حر نفسك وللاسف اللي حوليك بيرجعوك

ساعات نبص لعمرنا نلاقي نفسنا صغيرين 20 21 22 23 24 25 ونحس اننا
اكبر من اللي عنده 60 من اللي شوفناه
.
.
.
ساعات نحس ان الدنيا قفلت وان اللي جاى هيكون اتقل من اللى فات
ساعتها بتحس ان العمر فات وانك ضايع في بحر الاموات
.
.
.
ساعات وساعات وساعات

تحس ان قلمك اللي بيكتب بيبكى من ضعفه من خوفه من كتابه اللى حسه
ساعات بتدارى ومن عنيك بتخفى ظلم الليالى على حال خلا الليالى تبقا مظلمه
ساعات وساعات

احب اسمع وجهات نظركم في الكلام ده