خايفة

[برنسس ملك]

لحظة خوف
فيها تشوف
كلّ العالم واقف ضدَّك
و انت لوحدك
فيها تحس الكون اتغيّر
كل قريّب منك سابك
شِعْرك
رسمك
أهلك
صاحبك
حتى حبيبك
تلقى الدينا بترمي همومها
علشان تقتل لحظة فرْحك

تلقى البحر بيرفض يجري
ترفع فوق الموجة شراع
لأجل ما تهرب إنت و حلمك
٭٭٭٭٭٭
لحظة ...!!!
لحظة تشوف نفسك متقيَّد
بين جدران العمر الضايع
عاجز إنّك تكسر سجنك
نفسك تصرخ و صوتك يعلى
يوصل عند الشمس الغايبة
علشان تشيل الخوف من قلبك
بس تلاقي الصوت مسجون
تعرف إن العتمة دي قدرك
و إنّ الخوف هيصبح قدرك
٭٭٭٭٭٭
لحظة ..!!
لحظة تحس بخـوفك منّك
تبعد عنّك
تبقى عدوَّك
تبقى المجني عليه و الجاني
تكره نفسك
ترفض شكلك جوَّه مرايتك
لما تشوف الخوف بيسكن
جوَّه عيونك مش بيفارقك
٭٭٭٭٭٭
لحظة ...!!!
لحظة تشوف الريح بتقرب
تاخدك فيها و ترميك أبعد
تلقاك وحدك وسط الغربة
تجري تدوَّر .. تجري بسرعة
فين اللمـة
فين الصحبة
تفهم إنك عايش وحدك
و ان الجاي من زمنك .... أصعب

[واد حبيب]

بجد كلمات جميله واحساس رائع

كلمات في قمه الجمال والروعه

اسعدني جداا توجدي بين كلماتك الجميله

ودي وتقديري لقلمك الراقي

في انتظار الجديد من ابداعك

الحبيب