ممكن افضفض معاك شوية ؟؟

[Little princess]

.
.
.

ترررررن.. تررررررن ... ترررررن ( جرس تليفون )
هو انا بحلم ولا ده صوت التليفون ترررررن ترررررررن .. ايوة التليفون
هي الساعه كام ؟ ( انا متسائلة ) يااه الساعه 9:30 الصبح ........ تررررررررررن ترررررررررن
ده مين الرخم ده اللى صحانى من احلى نومة ؟!!
تررررررررررررن ترررررررررررن .. ( مفيش فايدة مضطرة أرد )

-ألو ..
-ألو ( صوت سيدة منخفض النبرة ، من صوتها استنتجت انها مش اقل من 30 سنه)
-ايوة مين معايا ؟؟
-معلش لو كنت ازعجتك .. هو انا صحيتك من النوم ولا حاجة
-( احااول ان اتمالك أعصابي ) لا ابدا مفيش حاجة .. ممكن اعرف عايزة مين ؟
-ممم انا ضربت نمره عشوائية .. محتاجة حد اتكلم معاه .. ممكن اتكلم معاكي شوية

تنبهت أمي لصوتي فى المكالمة
فأشارت لي من بعيد ( بتكلمي مين ؟؟)
مطيت شفتاي استنكارا ( مش عارفة )

-انتى بتكلمي حد ( قالت السيدة المجهولة )
-ا ه دى ماما
-ممكن بقى اتكلم معاكي لو فاضية
-( صمت مني بعدها ... قفلت فى وشها السكة ) !!!

بصراحة معرفتش أرد عليها متعودتش اتكلم مع حد غريب قبل كده فى التليفون

توجهت إلى غرفتي محاولة لاستكمال نومي ..
-مين يا نورا ؟
- ( شكلي مش هعرف انام تاني ) دي واحدة كده يا ماما معرفش مين ، كانت بتقولى انها ضربت اى رقم وعايزة ترغي معايا
-(علامات تعجب على وجه أمي) !!!!!!!!
-والله أنا استغربت زيك كده يا ماما ومعرفتش أرد فقفلت في وشها السكة !!


بعدها بكام أسبوع ...

ترررررررررررررررن ترررررررررررررررن ترررررررررررررن ( جرس تليفون )
بس المرادي اختى الصغيرة اللى ردت ، كنت قاعدة في الاوضة التانية ومش سامعه المكالمة
اختى : نورهان ، في واحدة غريبة بتقول عاوزة تكلمنى ومش عارفة أقولها ايه
انا : ( معقول تكون اللى فى بالى !! ) طيب روحي انتى أنا هرد عليها
-ألو
-ألو ، أنا ضربت اى نمرة ومحتاجة اتكلم معاكي
-انتى تانى ؟؟! ( المرادي كان رد فعلى مختلف شوية ) لأ انا آسفة ، مش فاضية اتكلم
قفلت فى وشها .. للمرة التانية !!

شكلها كده نفس الست اياها ( افكر بصوت عالى )

اختي : هى مين دى يا نورهان
أنا : مش عارفة والله .. ست غريبة فعلا !!

طبعا حدث زي ده قعدت افكر فيه مع نفسي مية مرة فيه
هل الست دى كانت محتجانى فعلا ؟؟
وايه اللى دفعها انها تلجأ لشخص متعرفوش عشان تفضفضله ؟؟
يا تري فى حد تانى اتصلت بيه ؟؟ وسمعها.. ولا قفل فى وشها السكة ؟؟
هو انا كان رد فعلى قاسي فعلا ؟ ولا ده اللى المفروض كنت اعمله ؟؟ !!
والأعجب انها نفس الست !! هى محرمتش من المره اللى فاتت ولا ايه؟

وغيرها من الأسئلة اللى لفت دماغي ، ومش لاقيالها اجابة مقنعه

انا مش عشاق برنامج أسامة منير (أنا والنجوم وهواك ) على إذاعة نجوم إف إم برنامج جميل فعلا و المقدم أجمل( أسامة منير) بيحاول يبحث حلول لمشاكل الناس الاجتماعية .. طبعا غني عن التعريف ..

بس ساعات أسأل نفسي ازاى ممكن الناس تتصل بواحد متعرفوش وتحكيله عن مشاكلها ؟، اللى غالبا بتكون خاصة جدا ، ويسمعها ناس كتير على الراديو
هل ممكن لو الدنيا ضاقت بيا ومش لاقيه حد افضفضله .. ممكن ارفع السماعه واضرب نمرة عشوائية اكلمه واحكيله على اللى جوايا

ولا هيقفل فى وشي السكة ، ومش بعيد ......... !!!!!!

،،،

وده برضه هيفتح قضية مهمة جدا
المعاكسات ..
بس مش معاكسات الشوارع اللى متعودين عليها و التليفزيون قارفنا بيها ، لكن معاكسات التليفون اللى من زمان الواحد بيعانى منها وللأسف الاعلام مش بلاقيه بيتكلم عنها إلا نادرا

طبعا كلنا غلطنا وضربنا نمرة غلط .. ممكن بالقصد وممكن من غير قصد بيبقى عاوز ايه اللى بيعاكس ده ؟؟

يسمعله كلمتين حلوين << ويا مكتر الكلام الحلو !!!!! :vb19:

ليه يعرض نفسه للإهانه والشتم والسب

هل الفراغ ممكن يوصل الواحد انه يعاكس نمرة ، ويسمع شتايم واهانات ومع ذلك بيبقي مستمتع بسماعها !!

اعتبر هذا الموضوع بداية مني لفك عقدة اللسان عندي

عاوزة منكم بقى حاجتين
أولا اسمع رأيكم فى الموضوع اللى اتكلمت فيه
ثانيا تقييمكم لأسلوبي

ودي واحترامي ,,,

.
.
.

[A7meD]

عاوزة منكم بقى حاجتين


أولا اسمع رأيكم فى الموضوع اللى اتكلمت فيه
موضوع جميل جدا ... و فعلا الكل بيعاني منه ..
صحيح اني شب بس انا بعاني منها بالي بيخصوني ..
اعرف ناس كل مدة صغيرة تغير الخط بتاعها ..
من ورا المعاكسات
في فئة من الشباب شغلانتها معاكسات الموبايل ..
و توزيع الأرقام .. يعني الراجل بيحس بمتعة جامدة
و انا شايف من الأسباب الفراغ زي ما قولتي .
وكمان نقص الوعي والتربية السليمة ..
و المشكلة انه ما فيش دور بارز من وسائل الإعلام .
لمحاربة المشكلة دي .....

بس القصة الي حكيتيها بالبداية ...
انا شايف انها مش ضمن المعاكسات
لانه ممكن تكون الست مخنوقة وعاوزة حد بس تقول الكلميت الي بدماغها وترتاح
بس انا شايف انك عملتي زين العقل ..
ممكن كان فتح معاكي موضوع كبير
وخد يا رغي .. و وجع راس ..

و عن نفسي كان دردشت شوية مع الست افهم حكايتها :vb19:
ولو لقيت الموضوع هيجنني ...
اقفل الخط واشتري راحت بالي ..

ثانيا تقييمكم لأسلوبي
الأسلوب رائع يا نورهان
عملتي سرد جميل للموضوع ...
و لخصتي فكرة الموضوع في اخر السطور ..
يعني قلمك مبدع
وأسلوبك جميل ...

بإنتظار جديدكــــ

very good :080402gudl_prv:

[Little princess]

اقتباس المشاركة الأصلية كتبت بواسطة AhMeD HaMaDa عاوزة منكم بقى حاجتين أولا اسمع رأيكم فى الموضوع اللى اتكلمت فيه موضوع جميل جدا ... و فعلا الكل بيعاني منه .. صحيح اني شب بس انا بعاني منها بالي بيخصوني .. اعرف ناس كل مدة صغيرة تغير الخط بتاعها .. من ورا المعاكسات في فئة من الشباب شغلانتها معاكسات الموبايل .. و توزيع الأرقام .. يعني الراجل بيحس بمتعة جامدة صح والله ، بيحصل كتير ان الناس تغير نمرتها بسبب معاكسات التليفون بمجرد انه يعرف ان اللى بيكلمها دى بنت يستلمها بئا يقولها انتى صوتك حلو وحاسس انك هتبقى نصي التاني و ياكل دماغها بكلمتين حلوين ، وبيبقى صعب جدا انك تقنعه بعد كده انه ميتصلش بالنمرة دى تانى و انا شايف من الأسباب الفراغ زي ما قولتي . وكمان نقص الوعي والتربية السليمة .. و المشكلة انه ما فيش دور بارز من وسائل الإعلام . لمحاربة المشكلة دي ..... بس القصة الي حكيتيها بالبداية ... انا شايف انها مش ضمن المعاكسات لانه ممكن تكون الست مخنوقة وعاوزة حد بس تقول الكلميت الي بدماغها وترتاح بس انا شايف انك عملتي زين العقل .. ممكن كان فتح معاكي موضوع كبير وخد يا رغي .. و وجع راس .. هقولك ليه كمان يا أحمد دفعنى انى اقفل السكة فى وشها صوتها .. صوتها كان غريب شوية ، للحظه كده حسيت انها ممكن تكون راجل وبينعم صوته ، ومن هبلي كمان افتكرت انها بنت خالتى وقعدت اهزر معاها لما لقيت من ردها معايا انها مش بنت خالتى بجد حسيت ان اسلم طريقه انى اقفل السكة افتكرت انها هتتصل تانى فى نفس اللحظة ، بس ماتصلتش و عن نفسي كان دردشت شوية مع الست افهم حكايتها :vb19: ولو لقيت الموضوع هيجنني ... اقفل الخط واشتري راحت بالي .. ثانيا تقييمكم لأسلوبي الأسلوب رائع يا نورهان عملتي سرد جميل للموضوع ... و لخصتي فكرة الموضوع في اخر السطور .. يعني قلمك مبدع وأسلوبك جميل ... بإنتظار جديدكــــ very good :080402gudl_prv:

مرسي يا احمد على المرور
دايما كده منور المواضيع مننحرمش من وجودك معانا ابدا

[Just G!rl]

أنا مع أحمد في كل الي قاله

تقيمي لاسلوبك

اسلوب جميل زيك

دايما مبدعه

تسلم إيديكي يا قمر

[Little princess]

اقتباس المشاركة الأصلية كتبت بواسطة فراشة أنا مع أحمد في كل الي قاله تقيمي لاسلوبك اسلوب جميل زيك دايما مبدعه تسلم إيديكي يا قمر

الاجمل هو مرورك يا فراشة

دمتِ بكل خير

[Karamela]

ايه الجمال ده يانورهان

اخيراااااا

وبعد طوووول انتظار

وحدوووه

لا اله الا الله

مين مات

نورهان القديمة ماتت خلاص


احم احم نرجع لموضعنا >> ماصدقت لقيتلي موضوع اتفلسف فيه :vb19:

خليني اتخيل الوضع ثواني كده

متصورة اني مثلا ممكن امسك الموبايل ولا سماعة التليفون واترمي ع السرير

وافضل احط اي ارقام كده

لمجر اني عايزة افضفض

ده من رابع المستحيلات

اذا كنت انا من غير حاجةوشخص عارفاه ومابأتمنهوش على كلامي وسري

اروح لواحدة ولا واحد م الشارع لا يعرفني ولا اعرفه افضل اكلم فيه واقوله ان مضايقة ولا انا بحب ولا انا مبسوطة

مش منطقية صراحة بالنسبة لي

وانا صغيرة اه

كنت بعمل الحركة دي يعني 11 ولا 12 كده

اتصل على بيوت الناس وافضل استهبل واعمل النمرة غلط

بس لمجرد الشقاوة كده .. عادي يعني

واني اتصل بواحدة صحاحبتي ماعنهمش كاشف وافضل مااردش

بدره عادي كانت حركات عيال

لكن اني اعملها دلوقتي

صعب اوي ابقى فعلا عيلة

نيجي نسأل بئه ازاي الناس بيفضلوا يتكلموا ع الهوا كده

هي فكرة صعبة برده .. لكن احيانا الواحد والله يبقى نفسه يكلم اي حد .. ولان الشخص الي هم بيتصلوا بيه ده ممكن يقدم لهم حلول

يقولوا وماله .. هو حد يعرفنا .. اهو نستفيد ونفيد

>>>>> باستبعاد انهم بيسبوكي اساسا ع الخط ساعة ويسحبوا يسحبوا .. وفي الاخر تلاقي الفاتورة ضاربة في السما

ههههههههههه

بس اسلوب جميل يانورهان .. بداية بقصة عن نفسك بعدين عن الوضع

انا بحب الاسلوب ده بيخليني مهما قريت مااملش

يلا ورينا تاني ابدعاتك ياجميل

بالتوفيق يانورا

تحيتي

[عاشق الأحزان]

اختى الغالية/¨°o.O ( نورهان ) O.o°¨




اولا يا غاليه الموضوع ده بيعاني منه ناس كثيرة
بس انا مش داخل عقلى مثلك
لانه مش معقول حد يتصل على اى شخص عشوائي علشان يحكيله مشاكله سؤا خاصه او عامه
لانه ده غلط وفى نفس الوقت الواحد ما بيعرف مين يكون الطرف الثاني
اما بالنسبه لمشكلتك اللى صارت معك اعتقد ده شيئ مقصود من حد معين
او هزار من شخص مقرب منكى
فالامور لا تقاس بمكالمه عشوائيه وممكن ده يحصل ولكن بنسبه 1% اذا فرضنا انه شيئ طبيعي
لكن تتصل على نفس الرقم مرتين فده شيئ مش طبيعي خالص
وسلامتك يا نورهان من الازعاج
ثانيه بالنسبه للاسلوب يا نورهان اكيد انتى غنيه عن التعريف دائما
لانك طول عمرك مميزة فى حاجات كثيرة جدا
وشكرا



يسلموووو يسلموووو يسلمووو

موضوع راااائع ومتالق وراقي
قلمك مميز ودمتى مبدعة

دمتى بود



"¨°°o°°¨]§[° عا الأحزان شق°]§[¨°°o°°¨"

[ليليان]

انا مافهمت شغلة هو الموضوع اللي اتكلمتي فيه صار معك انتي ؟؟؟

ولو صار معك هي ردة فعل طبيعية جدا منك

لانك مابتعرفي مين بكلمك

ولو صارت مع اي شخص تاني كان عمل نفس اللي انتي عملتيه

انا صار معي موقف مشابه للي قلتيه

بس كنت انا اللي طلبت النمرة وطلعت غلط

وكنت معصبة وقتها ونازلة شتايم كنت مفكرا حالي بحكي مع اخي

اللي رد علي قلي انتي غلطانة بالنمرة وسكر

وهلاء نرجع لموضوع الست اللي تكلمت معك

شو ماكان وضعها هادا مش اسلوب

بجوز هي عندها ضروف خلتها تحكي

بس انتي اللي عملتيه من وجهة نظري هو الصح

اسفة عاالاطالة

تقبلي مروري

[Little princess]

اقتباس المشاركة الأصلية كتبت بواسطة ليليان انا مافهمت شغلة هو الموضوع اللي اتكلمتي فيه صار معك انتي ؟؟؟ يس ، حصل معايا << تجربة ذاتية :liverpool-flag: ولو صار معك هي ردة فعل طبيعية جدا منك لانك مابتعرفي مين بكلمك ولو صارت مع اي شخص تاني كان عمل نفس اللي انتي عملتيه انا صار معي موقف مشابه للي قلتيه بس كنت انا اللي طلبت النمرة وطلعت غلط وكنت معصبة وقتها ونازلة شتايم كنت مفكرا حالي بحكي مع اخي اللي رد علي قلي انتي غلطانة بالنمرة وسكر ههههههه ، راجل عاقل طب كويس انه عمل كده ، من غير ما يعصب عليكي هو كمان وهلاء نرجع لموضوع الست اللي تكلمت معك شو ماكان وضعها هادا مش اسلوب بجوز هي عندها ضروف خلتها تحكي بس انتي اللي عملتيه من وجهة نظري هو الصح اسفة عاالاطالة تقبلي مروري

شكرا ليليان على المرور وابداء الرأي

دمتِ بكل خير

[miraa]

موضوعك كتير مهم يا نورهان
كمان عنوانه بجد جميل

كلنا عايزين نفضفض ... اى انسان لازم يخرج اللى جواه صعب اوى نفضل مستحملين وكاتمين اللى جوانا من كثره التحمل هيجى يوم وننفجر

طبيعى لما ندايق نتخنق نتعب بجد بنحتاج حد نفضفض معاه نرتاح معاه نرمى بهمومنا ونلاقى عنده صدر رحب لسماعنا

بس المهم ان الحد ده يكون حد احنا عارفينه بنثق فيه طريقته بتريحنا حد يكون موضع امان لدينا
مش عارفه بس اعتقد ان نطلب اى حد مش نعرفه لمجرد اننا عايزين نخرج تعبنا او مشاكلنا
صعب شويه الموضوع ده
بصراحه ان الانسان يكون عايز يحكى ومش يلاقى حد يسمعه بيبقى شعور متعب بجد
بس مش ينفع ان اى حد يقابلنا او نتصادف بيه نتكلم معاه ونحكى بهمومنا ومشاكلنا

اكيد الانسان اللى معانا على الخط ده هيقول دى ناس فاضيه او ناس بتعاكس
بصراحه اى حد يقول كده


موضوعك جميل كتير يا نورا وطريقته بسيطه وبتوصل بسرعه

تسلم ايدك يا نورا