تركيب شاشه فيديو للسياره ...

[MĺŔǾ]

كما وعدناكم في موضوع سابق اننا سوف نقوم بعمل موضوع منفرد لكيفيه تركيب شاشه لعرض الفيديو في سياراتنا ... .... طبعا احنا هنا هنتكلم علي ثلاثه أنواع : 1 :- النوع الاول هوا النوع اللي بيكون فيه مكان للفلاشه او الميموري كارت ودا موجود ومنه انواع غاليه الثمن واخري تقليد رخيصه .. 2:- النوع الثاني هوا اللي بيكون مربوط بالكاسيت أو الدي في دي يعني بياخد الفيديو من ال الدي في دي ومفيهوش مساحه تخزينيه .. 3:- النوع الثالث اللي بيركب في مسند الرأس للكرسي ........... النوع الاول : - طبعا هنركب شاشه فيديو معاها مميموري كارد وطبعا وهتكون شاشه باناسونيك panasonic موش عايزين نسترخص يا جماعه هههه وزي ما احنا شايفين مكان الميموري كاررد ...وكمان مكان للـ DVD (سي دي) .. يا لا بينا نركب .... زي ما احنا شفنا الصور اللي فاتت دي صوره لمبه الصالون طبعا المكان دا فيه كهرباء 12 فولت وكمان فيه سلك ارضي ودا مناسب لتركيب ال دي في دي .. طيب واحد هيسألني ويقولي هوا احنا هناخد مكان لمبه الصالون ونعمله دي في دي ونشيلها . والصالون هيبقي مظلم ... هقوله متقلقشي عشان كدا انا اخترت نوع نضيف من الشاشات وهيا الباناسونيك ودي فيها بدال اللمبه الواحده لمبتين زي ما احنا شايفين .... هنبدا نشيل اللمبه بتاعه الصالون .. لحد هنا وتمام طبعا الجهاز بتاعنا فيه سلكين صغيرين غالبنا هتلاقي واحد اسود وواحد احمر هنوصل الارضي باالاسود والكهرباء بالاحمر يعني هنوصل السلوك ببعضيها ..... طيب فيه واحد هيقولي هوا احنا هنركب الشاشه كدا في فرش السقف دا موش هيستحملها .. اقوله هنمل التالي ... هنقيس المسافه الصغننه دي .. وبعدين هنروح عند السمكري او الخراط او لو كان اصلا احنا عندنا قطعه صاج صغير زي ما احنا شايفين .. وهنركبها بين السقف والفرش علشان نربط فيها الشاشه بمسامير تثبيت ومننساش نعمل شويه ثقوب في قطعه الصاج علشان المسامير.. وكدا هنكون وضعنا شاشه دي في دي في السياره من غير ما نوصل سلوك او اي شيئ والشاشه دي هتغطي المساحه اللي بالخلف .. النوع الثاني :- طيب دلوقتي واحد بيقولي انا عايز اركب شاشه وكمان موش اشيل لمبه الصالون وكمان هوصلها علي كاسيت او دي في دي زي كدا .. اقوله اوك يالا بينا نركب الشاشه .... المره دي هنيجي بعد اللمبه بشويه وهنعمل ثقب صغير علشان ندخل منه سلك للشاشه والسلك دا جاي من الكاسيت طيب هنوصله لغايه السقف ازاي اقولك .. هنشيل الباكته بتاعه قائم السياره ودي هتلاقيها غالبا مربوطه بمسامير هنفكها وكمان هنفك العتب بتاع الابواب ونعدي السلك من خلالهم زي ما احنا شايفين بالترتيب .. ... هنعمل زي الطريقه الاولي ونقطع قطعتين صاج علشان التثبيت واحده في ظهر الشاشه وواحده بين السقف والفرش هنركب كدا وطبعا شايفين السلك دا ....ودا السلك بتاع الكاسيت وهنركبه في الشاشه من الظهر ونثبت الشاشه زي كدا ... وهتبقي بالمنظر دا وطبعا زي ما احنا شايفين غطينا اللمبه تاني بعد ما ركبنا من خلالها قطعه الصاج بتاعه الثبيت .. ... طبعا هنعدي السلك من قايم الباب وبعدين من الفرش بتاع الارضيه تحت الدواسات يعني وطبعا لو هنركب الدي في دي مكان الكاسيت خلاص هنوصل الشاشه علي طول بيه .... طيب لو موش عندنا يبقي اكيد هنشتري نوع كويس وهنركبه مثلا بالمنظر دا والاختيار متاح امامك في مكان الدي في دي بس دا مكان مناسب وكل واحد حسب سيارته ... ................................................ النوع الثــالث : - طيب واحد ييجي يقولي طيب انا موش عايز اركبها هنا في نصف السقف انا عايز اركب الشاشه في مسند الرأس بتاعه الكراسي اقوله اوك مافيش مشكله خالص يالا بينا .... هنروح عن اي معرض لاكسسوارات السيارات وهنشتري الشاشه دي وثمنها من 220 الي 250 جنيه مصري ومعاها الحامل او الماسك او بيسموه مشبك كرسي ودا ثمنه 40 جنيه ... .. طبعا الشاشه بييجي معاها ريموت وحامل وكمان كابل باور بياخد الكهربه بتاعته من الولاعه 12 فولت وكمان ADAPTOR ودا لو هنستخدم الشاشه في المنزل علي كهرباء 220 فولت ......... ودا صوره المشبك بتاع سناده الراس بتاعه الكرسي تيب هناخد الكابل بتاع الولاعه ونجيب سلك حوالي مترين او ثلاثه امتار عشان هنعدي السلك من تحت الدواسات وندخله من الكرسي زي ما احنا شايفين كدا ونرفع مسند الراس ونعدي سلك الباور بتاعنا ... دلوقتي بقي هنركب المشبك اللي هنركب عليه الشاشه دلوقتي دور الشاشه في التركيب وطبعا الدراع بتاع المشبك بتاعنا ميزته بتخلينا نحرك الشاشه في اي اتجاه ومنها اننا موش قطعنا مسند الكرسي علشان نركب شاشه ودا الشكل النهائي للشاشه ... الحمد لله كدا نبقي بعون الله شرحنا كيفيه تركيب ثلاثه انواع من شاشات السيارات وطبعا لو فيه اي استفسار انا في الخدمه أمــيـــر في 22 - 10 - 2011

[ندى الجورى]

واوووووووووو
مفهمتش اى حاجة ههههههههههه
موضوع جميييل يا ميرو
بس انا مش عندى سيارة
بس وعد لما اجيب سيارة هركب شاشة فيديو فيها اوك هههههههه
يسلمووو ميرو

[MĺŔǾ]

اقتباس المشاركة الأصلية كتبت بواسطة ندى الجورى واوووووووووو مفهمتش اى حاجة ههههههههههه موضوع جميييل يا ميرو بس انا مش عندى سيارة بس وعد لما اجيب سيارة هركب شاشة فيديو فيها اوك هههههههه يسلمووو ميرو

ههههههههههه مشكوره يا قمرايه للمرور العثل دا
انتي بس اشتري العربيه وموش تقلقي هركب ليكي بدل الشاشه اربعه ههههههه
تسلمي للمرور

[روميو مجنن البنات]

انا مركب شاشه فعلاا بس مشكلها كتير
ثانكس يا برنس
تحياتى
روميو

[MĺŔǾ]

مشكور روميو علي المرور
ساعات بتعمل شويه مشاكل
بس لو اخترت شاشه كويسه محترمه هتخف معاك المشاكل خالص
مشكور يا جميل

[ماتركس]

الله عليك يا عم امير

هيه دي المواضيع والا بلاش ياريس

ايوا كده تسلم ايدك شغاال وشغل كبير كمان يا عمونا

اجمل خمس نجووم لموضوعك القيم والجميل ده ياريس

[MĺŔǾ]

اقتباس المشاركة الأصلية كتبت بواسطة ماتركس الله عليك يا عم امير

اقتباس المشاركة الأصلية كتبت بواسطة ماتركس هيه دي المواضيع والا بلاش ياريس ايوا كده تسلم ايدك شغاال وشغل كبير كمان يا عمونا اجمل خمس نجووم لموضوعك القيم والجميل ده ياريس

...............
منور يا كبيررر .. اهي حاجه صغننه كدا
النت عندي زفت شوي هوا بس يتعدل وانا هزروط ليك الدنيا مواضيع ههههه
منور يا جميل .....

[احضان الحبايب]

شغل عاالى يا كبير
تسلم ايدك

[MĺŔǾ]

يسلموا مرورك يا الغالي بموضوعي المتواضع

[MĺŔǾ]

اقتباس المشاركة الأصلية كتبت بواسطة احضان الحبايب شغل عاالى يا كبير تسلم ايدك

مشكور يا غالي لمرورك بموضوعي وان شاء الله فيه دايما جديد