الحلقة الاولي من ((نصايح للشباب))

[Lost Pearl]

السلام عليكم و رحمة الله و بركاته اهلا بيكو ف اول حلقة من ((نصايح للشباب)) النهاردة ان شاء الله معانا اول 10 نصايح يللا بينا نشوفهم :198: شوية ديني ف الاول اول نصيحة : خليك دايما عارف ان الايمان بالله عز و جل مش بس اعتقاد و لا كلام , لكن هو اعتقاد بالجنة و الثواب , و كلام باللسان , وعمل بالأركان , يزود الطاعة و ينقص العصيان , يبقي انت لازم تطيع الرحمن و تسيب العصيان , لأن دول هيبقوا سبيلك ف زيادة الايمان . تاني نصيحة : خليك دايما عارف أن أحسن العبادة هي اللي ربنا فرضها عليك زي ما قال سبحانه في الحديث القدسي : (( وما يتقرب إليّ عبدي بشيء أحب إليّ مما افترضته عليه )) [ رواه البخاري ] ف نخلي بالنا من الفرائض اوي اوي , و نحافظ عليها أشد المحافظة , و نعملها على أكمل وجه . ثالث نصيحة : حافظ على الصلوات كلها ف أوقاتها , لأن ده أفضل الأعمال . رابع نصيحة : حسن وضوئك للصلاة لأن الطهور شطر الإيمان , واعرف أن الوضوء هو مفتاح الصلاة , ومش بيحافظ عليه إلا مؤمن . خامس نصيحة : ماتتأخرش عن الصلاة في المسجد لأن صلاة الجماعة واجب ماينفعش ابدا نسيبها من غير عذر . سادس نصيحة : اوعي تضيع صلاة الفجر أو تنام و تسيبها و حاول تشوف حد يساعدك تصحي و تصليها , و كمان حاول تصليها ف مسجد واحد , عشان لو ف يوم مارحتش يسأل عنك الجماعة اللي ف المسجد . سابع نصيحة : حاول تداوم علي الاذكار اللي بتتقال بعد الصلاة و ماتخرجش من المسجد بسرعة و تستعجل من غير ماتقولها :biggrin: . و دلوقتي للنصايح العادية :762: ثامن نصيحة : احترم ثلاث حاجات : (1) نفسك . (2) الآخرين . (3) تصرفاتك و خليك مسئول عنها . تاسع نصيحة : لما تقول أنا آسف بص لعين الشخص اللي بتكلمه . عاشر نصيحة : خليك رقيق وعاطفـى مع حبيبتك او خطيبتك او مراتك او حتي مامتك لأن الانثي عبارة عن كتلة من الاحاسيس والمشاعر المرهفة بس باردو باعتدال يعني مش ((سوما العاشق)) :079: . كدة خلصت حلقتنا النهاردةمن نصايح للشباب يا رب تبقي عجبتكو و اللي معترض علي نصيحة معينة او ليه فيها وجهة نظر يتناقش فيها عشان تستفيد من بعض :182: تحياتي للكل , و استنوني الحلقة الجاية و مفاجئة بقي ان شاء الله . مفاجئاتنا من اول حلقة كدة علي طول :biggrin:

[angelgirl]

ما شاء الله عليكى بيرل
موضوع رااائع ونصائح جميله

مشكوورة حبيبتى على التوبيك المميز

[فــــــــــرح]

نصائح عفوية وسلسلة جداا
وبجد ما تتمناش انها تنتهي من قبولها في قلبنا
وبساطة طرحها ..

ودي نصائح لكلا الجنسين من وجهة نظري
شباب وبنات

بجد موضوع خفيف ومفيد جداااااا

[مهندسه بغداد]

موضوع جميل ورائع


ونصائح رائعه


ولكن انتِ


فقتي كل مقياس للروعه

[نقوش على صفحات الورد]

ما شاء الله عليكي
بارك الله فيكي
موضوع جميل وتذكره ولا اروع ولا اشمل ولا اقيم
تقييم ممتاز

[بقــايا أنثى]

عندك حق فعلا يا بيرل
مش النصايح دى للشباب بس لاء للمسلمين اجمعين
ويا رب كلنا نقدر عليها كلها
اما بخصوص اخر نصيحه ههههههههههههههههههههههه
عاشر نصيحة :
خليك رقيق وعاطفـى مع حبيبتك او خطيبتك او مراتك او حتي مامتك لأن الانثي عبارة عن كتلة من الاحاسيس والمشاعر المرهفة بس باردو باعتدال يعني مش ((سوما العاشق)) :079: .
يا ريت النصيحه تبقى كدا
لو حسيت حاجه اعملها ووقولها لا تكدب ولا تجمل فى حقيقه مشاعرك
عشان ال قدامك يقدر يتعامل معاك صح ايا كان نتيجه صدقك دا
الكدددددب لاء لاء لاء تلاته لاء :079::079:

[عيون الملاك]

ربنا ما يحرمناش من نصايحك الجميلة دي

نصايح تنفع للشباب والصبايا

وياريت يستفيدو منها

ميرسي يا قمر ع طرحك الرايئ دة

[الرحــاال المٌتَمرد]

ميرسى عل النصايح الجميله
جزاكى الله كل خير
وبالتوفيق دايما ان شاء الله

[Lost Pearl]

اقتباس المشاركة الأصلية كتبت بواسطة angelgirl ما شاء الله عليكى بيرل موضوع رااائع ونصائح جميله مشكوورة حبيبتى على التوبيك المميز

الاحلي مرورك
نورتي يا قمرة )

[Lost Pearl]

اقتباس المشاركة الأصلية كتبت بواسطة فــــــــــرح نصائح عفوية وسلسلة جداا وبجد ما تتمناش انها تنتهي من قبولها في قلبنا وبساطة طرحها .. ودي نصائح لكلا الجنسين من وجهة نظري شباب وبنات بجد موضوع خفيف ومفيد جداااااا

صح يا قمر هي للجنسين فعلا
منورة بمرورك علي الحلقة
و انا مبسوطة انها عجبتك
تسلمي )