صرخة بنت

[حلا على]

صرخة بنت
*****

ربونى إنى بنت ومن الكلام

ومن الجدال وأى حرف اتمنع

أمشى واطاطى

فى الأرض راسى

أصل الحيا للبنت لازم

حتى لو كان مصطنع

ممنوع خروج ..ممنوع فسح

ممنوع كلام مع الولاد

لان ده معيبه

وشى أكيد من المحال

وعليا تنفيذ الأوامر

بدون نقاش ولا جدال

وفجأة ... وبعد صبر

قالوا خلاص .. حرية

حبيت أعرف واحس

واشوف أنا بعينيا

أصل الفضول طبعى

وشىء أساسى فيا

لقيت البنت تلبس ملابس

أضل من المكشوف

محزق وملزق

وإل ما يشترى

يتفرج و يشوف

وكمان الضيق إتخنق

وشكا للناس همو

وقال يا ناس غطوا

اللحم بأه وإتلمو

وال إيه صداقه بين

الولد وبين البنت

فى الجامعه وفى

الشغل وكمان على النت

صرخت وقلت يا ابويا

تعالى قوام واسمعنى

حقك عليا لو كنت يوم

شكيت أنا همى

انا راضيه أعيش

عيشتنا زى زمان

حتى لو إنت سجانى

وبيتنا هو الليمان

شعر : حلا على

[دمعه حائره]

وأى صرخة هذه هى كلمة حق لواقع صعب يمر بنا
كلماتك عبرت عن شخصيه جميله وعقل واعى مثقف
بنت مصريه بجد بتحافظ على عادتها وتعاليم دينها
رائعه كلماتك والاروع المعنى الذى تحمله
سلمت اناملك حلا ويدوم تواجدك الراقى

[نقوش على صفحات الورد]

للاسف الكبير
كلامك كلوا صح حلا
ما زلنا فى مجتمع غريب
له نفس عادات وافكار راح زمانها
انما للاسف في عقليات متحجره
روعه حلا
تميز واضح وقوي
يارب دايما
خمس نجوم مش كتير ابدا والله
كل ودي

[السفينة]

سطور واقعية ماهي من الخيال

كلامك حلا وآإحه من الجمال الطبيعه
قطعه من الخلود السائد بالوجود
سحر الكلمه وعبير الهمسه
أمواج االصدق و شوآإطىء مجتمع عربي سائد
ابدعت في نقاط حرفك الذهبى
دام قلمك الراقى وعبيركِ سيدتى
خالص الود