زاهر: الشماريخ تهدد الدوري بالالغاء او اقامته بدون جمهور

[game010]

اكد سمير زاهر رئيس الاتحاد المصرى لكرة القدم بان ظاهرة انتشار الشماريخ وشغب الملاعب تهدد الدورى بالالغاء او اقامته بدون جماهير مع تأمين من القوات المسلحة.
وتأتى تصريحات رئيس اتحاد الكرة بعد ان انتشرت ظاهرة قيام جماهير الاندية باشعال الشماريخ فى المدرجات اثناء سير المباريات على الرغم من الغرامات المالية الكبيرة التى تفرضها لجنة المسابقات ضد الاندية حسب اللائحة الخاصة بذلك.
وقال زاهر فى تصريحات تلفزيونية: "موضوع الشماريخ اخذ بعدا مختلف تماما فهناك شيئا ما غائبا عنا والسؤال هنا من الذى يقوم بإدخال الشماريخ باهظة الثمن البلاد ومن الذى يقوم بتمويل ذلك."
وتابع: "لن نتراجع عن تنفيذ لائحة لجنة المسابقات الخاصة بشغب الملاعب ولو كان الحل هو اعتقال من يخرج عن النص فسوف انفذ ذلك."
وواصل: "بعض مسئولي الاندية الجماهيرية طالبونى باقامة المباريات بدون جماهير معتبرين ان ذلك يبعد الضغط عن لاعبيها."

[SiLver Spectra]

الشماريخ و الليزر بيعكسوا سلوك الشعب السيء
احنا بس فالحين ننفخ في نفسنا عالفاضي
الواحد بيشوف مباريات أوروبية مابيشوفش ليزر واحد
تعالى بقى للمباريات المصرية كلها ليزر و شكله بيكون مستفز مع انه اصلا مش بيأثر على اللاعب و لا بيفرق معاه
دا غير الشماريخ و الدخان

هو نفس سلوك المواطن الي بيرمي الزبالة أو أي حاجه في ايده في الشارع و هو ماشي و مش فارق معاه

فعلا الوعي الحضاري منخفض

[ღ Gի๐sτ ღ]

اقتباس المشاركة الأصلية كتبت بواسطة game010 و والسؤال هنا من الذى يقوم بإدخال الشماريخ باهظة الثمن البلاد ومن الذى يقوم بتمويل ذلك." :biggrin::biggrin: اي كلام فاضي الشمروخ بـ 50 الى 90 جنية + موجودة في البلد طول عمرها:biggrin::biggrin: وتابع: "لن نتراجع عن تنفيذ لائحة لجنة المسابقات الخاصة بشغب الملاعب ولو كان الحل هو اعتقال من يخرج عن النص فسوف انفذ ذلك." اعتقال ! بيحسسوني ان الشماريخ قنابل ذرية قبل ان تحاسب من يشعل الشماريخ حاسب اللى بيدخلها الى المدرجات وواصل: "بعض مسئولي الاندية الجماهيرية طالبونى باقامة المباريات بدون جماهير معتبرين ان ذلك يبعد الضغط عن لاعبيها." :biggrin::biggrin: طول عمرك صادق يا زاهر:biggrin::biggrin:

شـكراً يا محمد ع الخـبر
Sliver Spectra
سلوك الليزر شىء سىء واتفق معاك فيه
ولكن كشماريخ اغلب دول اوروبا بتستخدمها فهي ملهاش دعوة بالوعي حضاري
ولكنها ثقافة تشجيع تختلف من بلد لبلد

[game010]

اقتباس المشاركة الأصلية كتبت بواسطة silver spectra الشماريخ و الليزر بيعكسوا سلوك الشعب السيء احنا بس فالحين ننفخ في نفسنا عالفاضي الواحد بيشوف مباريات أوروبية مابيشوفش ليزر واحد تعالى بقى للمباريات المصرية كلها ليزر و شكله بيكون مستفز مع انه اصلا مش بيأثر على اللاعب و لا بيفرق معاه دا غير الشماريخ و الدخان هو نفس سلوك المواطن الي بيرمي الزبالة أو أي حاجه في ايده في الشارع و هو ماشي و مش فارق معاه فعلا الوعي الحضاري منخفض

شكراً على المرور الجميل ده يا طارق
والله كلها حاجات فاضيه وملهاش اى لازمه
على العموم ربنا يهدى الجميع
منور الاقسام الرياضيه

[game010]

اقتباس المشاركة الأصلية كتبت بواسطة ghost.rider [/center] شـكراً يا محمد ع الخـبر sliver spectra سلوك الليزر شىء سىء واتفق معاك فيه ولكن كشماريخ اغلب دول اوروبا بتستخدمها فهي ملهاش دعوة بالوعي حضاري ولكنها ثقافة تشجيع تختلف من بلد لبلد [/center]

يعنى احنا سبنا كل الحاجات الى فى اوروبا واخدنا الشماريخ
طيب مناخذ من انجلترا مثلاً وهو اقوى دورى على مستوى العالم
ومفيهوش شمروخ واحد بس .
ومتزعلش منى يا جوست اسلوب فاشل .

[ღ Gի๐sτ ღ]

اقتباس المشاركة الأصلية كتبت بواسطة game010 يعنى احنا سبنا كل الحاجات الى فى اوروبا واخدنا الشماريخ طيب مناخذ من انجلترا مثلاً وهو اقوى دورى على مستوى العالم ومفيهوش شمروخ واحد بس . ومتزعلش منى يا جوست اسلوب فاشل .

زي ماكتبت فوق ثقافة تختلف من بلد لبلد
انجلترا مبيستخدموش الشماريخ لأن معندهمش التراس
فيما ان دوريات كبري بردو زي الايطالى والالماني بيولعو شماريخ
والاسباني نفسه اللى يعتبر الدورى الاول عالميا مع الانجليزي بيولعو لما بيعرفو يهربو بالشماريخ من الامن
ولما بيروحو فرنسا بيكون لهم مطلق الحرية في استخدام شماريخ فدايما يولعو الشماريخ في فرنسا لان الامن هناك بيسمحلهم

ملخصها
اي جروب التراس فى العالم بيولع شماريخ


ومن ناحية فاشل او صحيح فكل جمهور ليه مطلق الحرية في اسلوب تشجيعه طالما مبيضرش حد بيها
وللعلم لو مكنش في قرارات بدون جمهور محدش كان هايولع شماريخ خالص غير في الديربي
ولكن طالما اتحاد الكورة عاوز يفرض اسلوب تشجيع علي مزاجهم رغم ان المدرج دة بتاعنا نشجع فيه بطريقتنا
الجمهور هايولع

[سَـلمَى]

فعلأ الشمآريخ والليز ممكن تحدد الدوري بأي حآجة
سوآء إلغآء أو تأخير أو عقوبآت ...

يآمحمد إنت عشآن من الجمآهير ال بتروح ال ستآد
فمبتشوفش شكل الشمآريخ بتكون عالمة إيه
دهـ في أقوآآت كتير مبنعرفش نشوف الملعب من دخنهآ
وبتشتت الاعب والحكم والناس ال تحت المدرجات
وفي نآس ببتأذي منهآ مش شرط بحروق أو بإصاب لانها مبتعملش كدآ
بس ممكن من لونها وريحتهآ أو حآجة تآنية
عشآن كدآ مش محبوبة عند الأغلبية ...

وتسلم يآ جيمي عل الخبر ^^

[دمعه حائره]

فعلا سلوك سىء لازم يتحارب بكل الطرق
والشعب المصرى بيقلد فى التفاهات بس
شكرا جيمى تحياتى وتقديرى لك

[game010]

اقتباس المشاركة الأصلية كتبت بواسطة ‡vŦăҚĂ فعلأ الشمآريخ والليز ممكن تحدد الدوري بأي حآجة سوآء إلغآء أو تأخير أو عقوبآت ... يآمحمد إنت عشآن من الجمآهير ال بتروح ال ستآد فمبتشوفش شكل الشمآريخ بتكون عالمة إيه دهـ في أقوآآت كتير مبنعرفش نشوف الملعب من دخنهآ وبتشتت الاعب والحكم والناس ال تحت المدرجات وفي نآس ببتأذي منهآ مش شرط بحروق أو بإصاب لانها مبتعملش كدآ بس ممكن من لونها وريحتهآ أو حآجة تآنية عشآن كدآ مش محبوبة عند الأغلبية ... وتسلم يآ جيمي عل الخبر ^^

شكراً ليكى على المرور الجميل ده
نورت التوبيك
انا رئى من رئيك واتفق معاكى جدا جدا جدا
منوره الاقسام الرياضيه

[game010]

اقتباس المشاركة الأصلية كتبت بواسطة دمعه حائره فعلا سلوك سىء لازم يتحارب بكل الطرق والشعب المصرى بيقلد فى التفاهات بس شكرا جيمى تحياتى وتقديرى لك

كلام جميل كلام معقول مقدرش اقول حاجه عنوا
بجد انا معاكى بنسبة 101/100
وان شاء الله هيجى اليوم الى مش هنشوف فيه اى شمورخ فى الملاعب
شكراً على مرورك
نورتى التوبيك
منوره الاقسام الرياضيه