انا بحبها وهى بتحبنى ولكن؟

[ساحر الأحزان]

اسعد الله مائكم بكل خير
طبعا اخونا البنات بقولم انتم الشباب مش قد المسئولية وبتحبوبنا
وبعد ما نحبكم بتضحكم علينا وقت الجد وانا فى الموضوع دة حوضح
الصورة الى معظمنا بيتعرض ليها كشباب وممكن انتى وانت تكونوا
ابطال تلك الاحداث لانها بتمس الكثير منا انا حبتها وهى حبتنى
وكبر حبنا مع الايام وقلت لازم اطلع راجل مع فتاتى الى اختارها قلبى

وكون قد كلمتى ومتخلاش عنها حددت معاد مع والدها ورحت عندة
وشافنى وكلمنى وكلمتة وقلتلة انا عايز اطلب ايد بنتك يا عمى قلى
بتشتغل اية؟قلتلة انا خلصت دراستى وسافرت وربنى اكرمنى ورجعت
لجل ما استقر وكون اسرة قلى والدك عايش قلتلة متوفى طيب والوالدة
قلتلة انا اصغر اخواتى ووالدتى عايشة معاية قلى عندك شقة قلتلة

اهه عندى شقة وامى عايشة معاية فيها قلى ماشى يابنى حنشاور
العروسة ونرد عليك واستاذنت وخرجت والتفكير ماسكنى ياترى
حيوافق ولا مش حيوافق ومر اسبوع ورحت عندهم وسلمت عليهم
على العروسة ووالدها ومامتها وقلى شوف يابنى طلبك مقبول بسى

لينا شروط اقلتلة اتفضل قلى تجيب شقة لبنتى لوحدها قلتلة يعنى
ارمى امى فى الشارع ولا اوديها دار مسنين قلى جيب شقة كمان
ويبقى واحدة لبنتى وواحدة لوالدتك قلتلة واية كمان قلى تجيب

شبكة بكذا قلتلة واية كمان فتح بقى معى الحج فى قائمة شروط كتير
جدا قلتلة يا عم الحج ممكن اقول كلمة اقلى اتفضل قلتلة انا عايز
بنتك بشنطة هدوما بس ولا اقلك مش عايز الشنطة كمان انا عايز
الى اختارها قلبى ومحبش انى اتخلى عنها لجل ما اكون قد كلمتى

فقلتلة اعطينى فرصة من الوقت لكى ارتب حالى والى فية الخير

يقدمة ربنا وخرج الشاب وهو بيكلم نفسة بعد الى سمعة

اخوتى الموضوع دة ممكن اكون انا بطلة

وانت بطلة

وانتى ايضا بطلتة

فما رائيكم فيما يحدث لشاب فى مقتبل العمر واعتمد على نفسة وحاب

يكون اسرة بعد الى سمعة حيكون موقفة اية؟

انتى لو دة حصلك لما خطيبك يتقدم ليكى حتعملى اية؟واية موقفك مع اهلك؟


اخوتى اعتذر عن الاطالة ولكن الموقف بيحصل لكتير منا فى حياتة


وضعت القضية التى تشغل بال الكثير بين ايديكم وفى انتظار تعليقاتكم

لذلك الموضوع الهام والذى يشغل الكثير فى حياتنا

تحياتى لكم

[Silver Flower]

والله يا ساحر انتا عم تطرح مشكله كبيره اظن انها في جميع الدول العربيه

شوف للاسف برضوا احنا عنا نفس الشي اول ما يسال عليه الخاطب الشقه
وبعدين الدهب وشوف سعر الدهب اليومين هدول
مش عارفه العيب في مين

بس بتعرف
في عنا مناطق في نابلس والخليل

قام الشيوخ في تحديد اسعار المهور وطلبات الزواج

انا بتمنى من كل حكومه انها تتحكم او تعمل قانون خاص لهيك اشيا

الانه بصراحه سلبيات الناجمه عن هيك امور احنا عارفينها


الله يستر من قله الدين الي فينا

شكرا لموضوعك المميز

[ندوشه 2011]

انا من رايىء ان باباها يوافق هو حد لاقى يتجوز دلوقتى هههههه وايه يعنى لما العروسه تعتبر ماما العريس زى مامتهاوكمان الواد شارى ودخل من الباب زى ما بيقولوا وخطوة مع خطوة هيكبروا مع بعض هو مهما كان عايز بنته تعيش سعيدة هى هتعيش سعيدة بس بكلامها الحلو مع العريس ومامته وربنا يتمم بخير مش تقولى شقه والكلام دا اللى عايز يعيش بيعيش

[الأميرة رودي]

للآسف الشروط ا اللى بيضعها الاباء امام شاب مقبل على زواج من ابنته

بتكون شروط صعبه ومعقده ومش بيقدر على تنفيذها وممكن يخرج بلا عوده

ودى من اسباب ارتفاع نسبه العنوسه مش في مصر بس لآ ده فى اغلب الدول العربيه بيوصل سن البنت ل 30 سنه وهيا لسه فى بيت اهلها

لكن لو تغاضى الاب عن الشروط وفعل كما يفعل العقلاء من الآباء
بأنه يسعى لزواج ابنته من شاب متدين ويعمل وعلى خلق لكان الحل
*****
وفيه حمله دالوقتى فى مصر تحت شعار الغاء الشبكه وتكون الخطبله بدبله
وأنا بأيد الحمله دي لان الشبكه عباره عن هديه مهداه من الشاب لخطيبته(يعني مش فرض عليه)
وبكده بتوفر عليه مبلغ ممكن يساعده فى بدء حياه كريمه مع زوجته

بعتذر جدا للآطاله ياساحر
بس موضوعك شيق جداا واصبح مشكله العصر

تقبل تحياتي ومرورى

[ساحرة الليل]

انا اهم حاجة يكون الشاب متدين ومحترم وهيعرف يحافظ عليا بس لاكن كل الباقى دة هبل

[نقوش على صفحات الورد]

دون شك ياساحر
انت فعلا ساحر
لك رونق غريب
وموضوعاتك ليها عبق خاص
ومؤكد خمس نجوم
ومؤكد انا من عشاق قلمك وبحترموا تمام زي ما بحترمك
بس ليا تعليق
وهتكلم بالبلدي
ياعم ومالها العزوبيه
لا عيل يصرخ ويصحيك من عز النوم
ولا زوجه كل شويه هات هات هات وعايزين ومحتاجين
ولا كل وجع القلب دا
ياعم انا اصحابي المتورطين اقصد المتجوزين بيحسدوني ع الحريه
هههههههههههههههههه
مستغرب
اناهقولك
الزواج اه رحمة وموده واستقرار
انما في ظل موجات الهبل والعبط والشروط والفروض
لا شكرا
وانا عن شخصي يوم ما افكر اتقدم لو لملكة جمال بلاد القمر نفسها
وحسيت مجرد الاحساس ان ابوها هيقول لي نفكر او نعمل او نسوي
على طول وبكل ادب
هقوله شكرا
( خللها )
بس
كل ودي

[الحب الخالد]

يعطيك العافية اخي الكريم على هذا الانتقاء الرائع والجميل

[ندوشه 2011]

ايه اللى انت بتقوله دا يا كابتن بقى هو باباها هيقولك هات وهات وهات دا كان زمان دا ما هيسدق يخلص من واحدة هههههههههه

[بنت المختار]

موقف محرج وصعب فعلا،،،وبيصير كثير
عندنا مهر العروسة يا ساتر بيدا من 5000 دينار وبيوصل ل9000
غير ان الشقة شي اساسي وواجب على العريس
وغلاء الذهب مشكلة اكبر وغلاء المعيشة كل ما فية بيزيد
والاهالي اهم شي بفكرهم هو تأمين عيشه مستقرة ورحبة لبنتهم
عند أهلي ما فيك هيك مشكلة يعني المعيشة العريس حر فيها::بس المشكلة الي ممكن تواجه هو عيلة العريس مين واصلو وفصلو ايش:!
كل مطرح وفي معوقاته ومشاكله
الله بيعين ويصلح الاحوال
طرح قيم
يسلموووووووووووو

[ساحر الأحزان]

اقتباس المشاركة الأصلية كتبت بواسطة silver flower والله يا ساحر انتا عم تطرح مشكله كبيره اظن انها في جميع الدول العربيه شوف للاسف برضوا احنا عنا نفس الشي اول ما يسال عليه الخاطب الشقه وبعدين الدهب وشوف سعر الدهب اليومين هدول مش عارفه العيب في مين بس بتعرف في عنا مناطق في نابلس والخليل قام الشيوخ في تحديد اسعار المهور وطلبات الزواج انا بتمنى من كل حكومه انها تتحكم او تعمل قانون خاص لهيك اشيا الانه بصراحه سلبيات الناجمه عن هيك امور احنا عارفينها الله يستر من قله الدين الي فينا شكرا لموضوعك المميز

حقيقى الموضوع دة

بيحصل كتير ولازم يراعوا ان الشباب

فى مقتبل العمر

وهل سعادتها بكتر الطلبات

اشكر لكى جميل مرورك

تحياتى علية