جمهورية حلمبوحه

[نقوش على صفحات الورد]

مساء الخير/ صباح الخير
شوفوا حضراتكم
هتكلم بلهجه بسيطه
دون حيث ان وثم ان والامور دي
ايه بقى في ايه ؟
كل يوم ومن وقت الثوره نقرا ونتابع موضوعات عن الثوره
وتوابع الثوره
وجبال هموم عماله تترمي على الثوره
طيب وبعدين ؟
ايه يعني مفيش اي مكاسب خالص حصلت من ثورتنا
لا في وهقولكم حاضر المكاسب
خلع رئيس فاشل
هدم امبراطورية التوريث
اسقاط حكومه متخلفه
كشف مئات والاف ملفات فساد ( متنوعه )
سقوط دولة ( أمن الدوله )
سقوط دولة ( قراصنة الشرطه )
عودة قيمة المواطن المصري ( خارجيا )
رجوع طعم الحريه مره اخرى
اثبات بأن الشباب فعلا هم أمل مصر وياريت نلغي كلمة خبره بقى وكفايا شيوخ ( ملينا )
فرض رأي الشعب
ودا اهم حاجه
يعني في مكاسب
طب فى ايه غلط
انتشار فوضى
كثافة حجم البلطجه
ظهور كل من هب ودب وتأكيد بأنه صاحب براءة اكتشاف الثوره
في ايه يا اخواننا
في ايه بالظبط
الحج برادعي مثلا
جاب لي شلل رعاش بمواهبوا الغريبه والمضحكه
هو نسي العراق !
نسي ان في يوم 2/2 وفى داخل ميدان التحرير
وتحديدا ( الجامعه الأمريكيه )
تم عمل اجتماع مع
سفير خارجية اسرائيل بحضور وزيرة خارجية امريكا وطبعا مدير الجامعه الأمريكيه !
ياترى وقتها كان بيعمل ايه ؟
بيعمل ثوره جوا الجامعه الامريكيه مثلا !
انما دلوقتي عشان احنا بقينا في جمهورية حلمبوحه
خلاص
كل واحد يمدد وياخد راحتوا ( وبقدرة قادر بقوا كلهم ثوار وأبطال وأحرار )
خلاص البرادعي اللي باس دماغ المخلوع ومش بس كده واعترف بانوا افضل رئيس عربي ومش بس كده أكد ان الافضليه لوجود جمال مبارك
سبحان من يغير ولا يتغير
هو هو نفس الكابتن برادعي اللي هرينا تصريحات ومؤتمرات ومؤمرات بأنه الاحق للرئاسه
ايه ياعم برادعي
صلي ع النبي كده واهدى
انت فاكر الحكايه مولد
ايه يا برادعي بيه
انت بتفكرني بالاخرس اللي بيغني لواحد اطرش
ياعم روق
ومش بس كده
لا الاخوه الافاضل اللي لكام شهر فاتوا كانوا محظورين وفي فتره من فترات مصر كانوا فعلا بيستخدموا سياسة التصفيات بالقتل العمد ( وبحجة التعديل )
دلوقتي اخترعوا حزب جديد واتسببوا فى كل الغباء السياسي اللي واضح دلوقتي
في ايه يا اخواننا
مصر مش كعكه
في ايه
مالكم كده
فاكرين الحكايه ايه
مصر مش جمهورية حلمبوحه
ولا مملكة كشريستان
ولا عزبة ستوته
دي مصر
واللي مش عارف يعني ايه مصر يبقي جاهل تاريخ ولازم يتعلم تاريخ تاني
مصر مش برادعيه
ولا اخوانيه
ولا وفديه
مصر = حريه
لكل المصريين
والنغمه القبيحه العبيطة بتاعت مسلم ومسيحي دي
مش بتاعة شعب مصر الواعي
وعمرنا ما حسيناها ولا فكرنا ولا هنفكر فيها
مصر للجميع
والدين لله
وكفايه غباء بقى
انا تعبت
وعلى رأي شاعرنا الكبير / شعبان بيه عبد الرحيم
بس خلاص

[тoкα..♥]

آنـآ مبحبش آلسيآسه ونظرتي ليهـآ سطحيه جدآآ
بس كلآمك صحيح ف آلآخـر
مصر مش ملك لحد
آلدين لله وكلنـآ آخـوآت
كفـآيه عصبيه وتخـلف ورجعيه
لآزم نفوق وآلله بس حلني بـأه :biggrin:
يسلمو آخي ع آلطرح ,,

[الشعنونة المجنونة]

كلاااااااااااااااااامك كلو ميه ميه والله معاك حق في كل كلمه

قولتها بجد يااريت الكل وعااي وفااهم وبيتكلم زيك

انا بس مش فرسني في الموضوع ده الا البرادعي

معاهم معاهم عليهم عليهم

على قولك مكان بيبوس رااس حسني

ايه اللي جرا دلوقتي وبعدين كل اللي طلعين مش سادقين بصراحه بكلامهم

ويااارب يرزق مصر برئيس عاادل صاالح غير ظالم

اللهم اميين

وبجد خلااص بطلو الشعارات المتطرفه كلنا مع بعض

وربنا يووفق الجميع

الف شكر وعافيه على التوبيك الجاااامد ده

[اسماء93]

عندك حق استاذ احمد الدين لله والوطن للجميع ولازم ننظر الي الامام وزي ماقلت كفايه غباء

[ايمان مصطفي]

رغم اني ملييش في السياسه
بس كلامك مظبوط ميه في الميه
ده طبعا مش غريب علي ابداعك
وكفايه بقي كلام في السياسه
المنتدي ليه ودان :762:
تقبل مروري المتواضع

[lolh]

حد حاكم رشا مجدى
حد حاكم محافظ اسوان
حد حاكم وزيرالاعلام (جوبلز)
حد حاكم العساكر اللى كانوا بيقودوا المدرعات اللى دهست الثوار
حد حاكم من حرق كنيسة امبابة وكنيسة اطفيح وكنيسة المريناب
حد حاكم المسئول عن احداث ماسبيرو واللى هم بيحاولوا يبرئوا نفسهم (لكنها جريمة دولية لن تسقط بالزمن )

فى دولة لا قانون
فى اخر دولة عنصرية فى العالم

لايمكن ان تنجح اى ثورة
الا
با
بالعدل
والقانون القوى على الجميع
والاعتراف بالاخطاء

[░▒▓ MusliMA ▓▒░]

اقتباس المشاركة الأصلية كتبت بواسطة نقوش على صفحات الورد مصر للجميع والدين لله وكفايه غباء بقى

بداية موضوع اكثر من رائع ومعروض بطريقة سلسة جدا وشيقة وبيتناول اكثر من نقطة هامة
بحييك على موضوعك وعلى طريقة تناولك لفكرتك وطريقة عرضك ليها
واتفق معك من كون البرادعى وامثاله لا يصلحون كرؤساء لدوله اسلامية عربية عريقة
فنحن اكتفينا بالشعارات والهتافات الكاذبة ولا نريد هتافات ووعود بعد اليوم من اناس لا نثق بهم
ولكن لى تعقيب لو سمحت
جملة (الدين لله ومصر للجميع )
إن كانت جملة الدين لله والوطن للجميع تستخدم بمعنى ان غير المسلمين يتمتعون بالامن ولا يحرمون من حقوقهم فى العمل او فى اقامة الشعائر الدينية فى كنائسهم ومعابدهم والتمتع بحقوق اهل الذمة مع مراعاة الضوابط الشرعية بعدم توليهم الحكم واحترامهم كونهم مقيمين فى دولة اسلامية وعدم الخروج عن قوانين هذه الدوله الاسلامية القائمة على شريعة القران ---- فلا شك انى اتفق معك فيها وان معناها صحيح
اما ان كان معناها ما يراد بها حين تتداولها وسائل الإعلام من دولة مدنية لا علاقة لها بالاسلام
تسعى للتحرر ومجاورة كل ما هو حديث بغض النظر عن كوننا مسلمين ام لا
ونفى شرائع الإسلام كالجهاد واطلاق لفظ ارهابين ومتخلفين
وترك تحكيم شرع الله لأجل وجود غير المسلمين فى بلاد المسلمين
وهذا ما يحدث على أرض الواقع .. وما يتبادر إلى الذهن عند سماعها
فهى كلمة باطلة ... قد تودى بصاحبها خارج نطاق الإسلام إن إلتزم لوازمها ونادى بتطبيقها
-------------------------------
واخيرااااا شكرا لسعة صدرك وتحياتى لموضوعك الهادف

[زهره الشتاء]

اولا ده موضوع جميل وهام جدآآ
وفى ايامنا دى اغلبهم بقى يفتى فى الصالح والطالح
واغلبهم محلليين سياسيين وبطريقه غريبه
ومحدش عايز مصر تستقر كلام من غير افعال والواحد تعب اوي من كتر االكلام من غير افعال
والاهم فى كل ده مصر وربنا على كل ظالم فاسد على ارض مصر
وربنا يمهل ولا يهمل ابداااا
زي ما قامت الثورة وظهرت من وراها حاجات كتير هيجى اليوم اللى يظهر فيه
الخاين ،، الفاسد ،، الظالم
ويقولون هذا مستحيل وانا اقول الله قادر على كل شئ
/
/
/
&
&
اشكرى على طرحك الراقى
ويعطيك الف عافيه يآرب
فـ انتظار كل مفيد وجديد لديك
دمت بخير
فيض ودى

[ريـــــــم]

اولا انا مليش فى السياسه

لاكن انا شيفه كل من هب ودب بيتكلم فى السيايه

وعامل انه زعيم ويستحق الرئاسه

احنا من شهر فبراير من غير رئيس
والبلد ماشيه زى مكان موجود حسنى مبارك
يعنى احنا بنحكم نفسنا
لاكن محتاجين نظام اكتر

فلازم الرئيس القادم يكون قدها

شكرا يا احمد موضوع قيم فعلا
تستاهل خمس نجوم عليه

[ندوشه 2011]

وربنا انت رايق جدا يا بختك