لو مصري ادخل

[بنوتة مصرية عسولة]

جبتلكم جمل دايما بتردد في مصر معرفش فى باقى الدول العربية ايه


على مراحل العمر المختلفه بيمر علي مسامع الواحد جمل بتتقال في اغلب البيوت اذا مكنش كلها ..لحد الواحد محفاظها شوفوي معايا كدا


مش عايزة اسمع صوت
*ما تردش عليا
*لو مش فاهم حاجة ارفع ايدك واقول للأستاذ مش فاهم ... ما تتكسفش
*ومالها بس كتب الوزارة
*بص كويس وانت بتعدى الشارع
*البس شبشب ... ما تمشيش حافى
*قوم صلى ربنا يهديك
*اطفى التليفزيون واقوم ذاكر... التمثيلية مش حتنفعك بحاجة
*اقفل صدرك
*كل على مهلك وامضغ الأكل كويس
*كفاية رغى فى التليفون بأة
*ما تقفش فى تيارات الهوا وانت مستحمى
*ما تعليش صوتك عليا
*اللى يكذب ربنا يدخله النار
*يا بنى اللى ذاكر ذاكر وخلاص ... اقوم نام
*ادى دقنى اهه لو فلحت
*بلاش تلعب بالمقص ... بيجيب الفقر
*يا بنى كلم خالتك العيانة اسال عليها
*اوعى حد غريب فى الشارع يديلك حاجة وتاخدها
*لازم تاكل سلاطة خضرا
*عيب لازم تحترم اللى اكبر منك
*انت فاكرنى قاعد على تل فلوس ... اجيبلك منين
*انت ما بتشبعش طلبات
*قوم اقرالك كلمتين ينفعوك
*ما تتكلمش بصوت عالى فى الحمام
* والله ما انت فالح السنه دى
*ما تلزقش فى التليفزيون كدة ... نظرك حيضعف
*مش شايف ابن عمك فالح ازاى ... ياريت تبقى ربعه
*اللى بيعوز يذاكر بيذاكر انشا لله حتى على لمبة جاز
*ما تطلعش ايدك من شباك العربية
* كسر رقبتك على صدرك
*ربنا يرزقك بعيال يوروك اللى ورتهولى
*ما تطلعش ع الملاية النظيفة ورجلك وسخة
*حول القناة دى بلاش مسخرة وقلة ادب
*طلع ايدك من جيبك وانت بتكلمنى
*ما تحطيش ايدك فى جنبك وانتى بتكلمينى
*بتبرطم بتقول ايه
*انت فاكر انك كبرت خلاص ... مش حتكبر عليا
* ربنا يفتح فى وشك الأبواب المقفلة




اتحدى حد مصرى مسمعش كل الكلام ده قبل كد ه

[BatoOota]

لا اكيد سمعنااااااة اكيد يعنى

ميرسى على التوبيك يا جميلة

[بنوتهv.i.p]

هههههههههههههههههه
سمعناها وسمعنا اكتر منها
محنا منعرفش غير نتكلم بس
تقبلي مروري

[AmoOonA]

هههههههههههههه اكيد طبعا

[*reham*]

هههههههههههههههههههههههههههه
سمعناها وحفظناها صم
ميرسي الموضوع جااااامد

[معقول؟؟]

اشهر جمل يقولها الاباء في مصر

ههههههههههههههههههههههه

[sherry]

ههههههههههه

كل يوم اسمعها

انا اعتقد ان احنا لو عشنا من غير ما نسمع الكلام ده في واحد بس هنموتوا هههههههههه

تشكري على الموضوع الحلو

[منال ابوالوفا]

لأ اكيييييييد سمعنااااها كتييير
هههههه

[Karamela]

iههههههههههه

ده انا ليل ونهار ودني هتفنجر منه خلاص

الله اعلم بحالي والله

هههههههههه

الف شكر ياجميلة موضوع مرح

وعشان يكتمل جماله

ينقل لقسم الطرائف والنكت

ضحكتيني بجد

ميرسي ليكي اوي

بانتظار جديدك دايما

تحيتي ودمت بخير

[اميره القمر]

ههههههههههههههههههههه
لا اكيد سمعناه طبعا
ولو حد قال غير كده يبقى كداب
تسلم اديكى يا بنوته
على الموضوع الجميل
بانتظار جديدك
دمتى بود