الرقـــص ,,

[αЛαstoOorα]

رقاصة والرقص عندها غية :003: حلوة ونكشة ومرعووشة :biggrin: والآخلاق آصل المهنة؟ والمهنة مش مهنة عادية دة الرقص فن بيُحترم ؟ والغرب منه بيقربوا والشرقي منه اتخرجو آجيال تشرف مصرنا والحب مش بغددة آآآيمن الحب مش بغددة والرقص مش عربدة ولما آقول آنا كدا لازم يدلعني وعلى ورق الفل دلعني :biggrin: ودي المقدمة بمناسبة آننا هنتكلم عن الرقص والرقصات بقة ككككك زمان كان فيه فـ المهنة دي ناس لسه ليها علامه دلوقت فـ السينما زى مثلاً الآدارة ( تحية كاريوكا ) الآثارة ( سامية جمال ) الحرارة ( نجوي فؤاد ) ^_* وكان فيه تاني بس دول اللى آعرفهم ..الناس دي لحد الآن فيه ناس بتفتكرها وبتقدرها اوي وبتقول آنهم نجوم عظماء ومحدش يقدر يقول غير كدا تمام؟؟ دلوقتي في ع الساحه راقصات برضه زى المعلمة ( فيفي عبدة ) الصاروخ الفيبريشن ( دينا ) اللي آتجنت وطرطشت خاالص بقة ( لوسي ) ودول برضه فى ناس بتقول عليهم فنانين !! دة غير بقة راقصات الموالد والفرحان وشارع الهرم والمسارح يعني كمب من الراقصات فـ مصر غريب وعجيب !! طيب موضوعنا بقة واللى هيدور الحوار عليه دلوقت آنا عاوز آسآلكم سؤال من وجهة نظركم يعني ؟ هل آنتو شايفيين آن الرقاصة ممكن تكون آنسانة محترمة هى ممكن تكون متعلمة؟ لكن محترمة؟؟ هنشيل فكرة آن الرقص حرام عشان الآغاني حرام ومعظمنا بيسمع آغاني مااااااشي هل آنتو شايفيين مهنة الرقص فـ نظركم فن راقي بيُحترم ؟ طب ولو كدا ليه معظم الرقصات منحلات؟ طب وليه دايماً تلاقيهم عندهم مشكلة آسرية آو نفسية يا آما هربانة وطفشانة من آهلها يا آما آبوها طلق آمها وهي باظت يا اما مشيت مشي مش كويس ؟ حد هيطلع يقولى رقص الشعبيات والرقاصات بتوع شارع الهرم والفرحان مينفعش نقارنهم بفنانين زي فيفي عبدة وتحية كاريوكا ودينا والخ طب مش فـ النهاية كله رقص ؟؟ طب مش دي بتلبس بدلة رقص عريانة ودي بتلبس بدلة رقص عريانة والآتنين بيطلعو يعرضو جسمهم للناس؟؟ طب النجوم دول آساسهم مش كان فرحان؟ وموالد ومسارح؟ طب ليه دايماً الرقاصات ليهم علاقات كتييييرة ؟؟ جواز عورفي بالخمسة وبالسبعة ؟ هي مش محترمة ؟ ولا محترمة بس بتحب التجديد :biggrin: طب ايه رآيكم فـ البنات اللى بتخش معهد الرقص وبتتمني تطلع رقاصة ؟؟؟ طبعاً ولو سآلتها هتقولك الرقص فن بيُحترم والغرب منه بيقربوا على آساس آننا جهلة يعني وان مهنة الرقص زيها زي اى مهنة فـ الكون طب تخيل لو ليك / ى / آخت رقاصة ؟ هتكون ايه نظرة الناس وقتها ليك/ي؟ اللى عاوز آعرفه دلوقت آنتو شايفيين الرقاصة آزاااى؟؟؟ وايه رآيكم فـ المبررات واللى بيتقال عن مهنة الرقص دة؟ وفـ نظركم ايه الآسباب اللى تحول بني آدمة عادية الى رقاصة؟ يعني مثلا آنا آتفرجت على برنامج مرة لواحدة صحفية قلبت :biggrin: وبقت رقاصة وصحفية مشهورة ولما سآلها المزيع ليه عملتى كدا قالتله مكنتش واخدة حقي فـ الصحافة وواحد قالي روحي اشتغلي رقاصة آحسن :079: تفتكرو لو محترمة كانت سمعت الكلام؟؟ ولا الآحترام ملهوش علاقة بالرقص عشان الرقص مهنة عادية زيها زي اى مهنة بتُحترم؟ شايفيين الرقااصة آزاى ؟

[Galaxii Snuorita]

اولا احب اشكرك ع المناقشه الجميله دي والاسلوب السلسل ف الحوار

اما عن رايي ان بالنسبالي الرقص ده مش فن لا انحلاااال

فن ايه الي يثير الناس ويشيلهم ذنوب الدنيا والاخره وزي مانت قولت كل رقاصه بيبقي ليها

بدل العلاقه مليون علاقه وجواز عرفي وبلاوي زرقا

وكل التصرفات دي اكبر دليل ان المهنه مهنه منحله والي بتمارسها منحله

وحجه اي واحده دلوقتي زي مانت قولت اصلكوا متخلفين ماتشوفوا الغرب بيعملوا ايه

اصل الرقص ده فن راقي ف الغرب واحنا عاوزين نرسخ المفهوم ده ف الشرق

مع انهم لو ركزوا شويه هيعرفوا انهم هما الي متخلفين لانهم بياخدوا كل حاجه وحشه من الغرب

ويقلدوها تقليد اعمي من غير مايرجعوا لدين ولا شريعه

وتيجي مذيعه هبله ف التليفزيون تقولك ومعانا الفنانه العظيمه القديره فيفي عبده !!!!

لا الفنانه القديره دينا !!! يانهار اسود مش طالعله شمس

ع العموم ربنا يهديهم

اسفه ع الاطاله تسلم ع التوبيك \\

[رنين]

من وجهة نظرى يا فارس انت بتكلم فى موضوع منتهى
لان لا اى دين من الاديان ولا عادات وتقاليد بتحلل الموضوع ده
اذا كان يا بنى المفروض صوت البنت ميعلاش شويه ولا تزعق تقولى ترقص ويتاع
طبعا حرام بكل المقاييس
واكترهم بيكونو ناتجين من مشاكل اسريه وظروف صعبه
بس من وجهة نظرى مفيش حاجه تبرر انك تكون انسان وحش
تقولى ظروف وكدا
اقولك لا يخويا اسرق عشان تاكل بس هى مترحش تشتغل رقاصه
وتقولك بتاكل من تعبها وشقائها
ان شاء الله هتولعى بالفلوس دى فى نار جهنم
موضوع مفروغ منه يا فارس
زى ما قولتلك لا شرع ولا حاجه تتقبله
وطالما بيعملو حاجه تغضب ربنا بالشكل ده هتلاقى حياتهم كلها مشاكل وزى الزفت
وربنا يهدينا جميعا

[الوجه البرئ]

من اخر من رقص نقص فى عيون الناس

[هزوره المصريه]

والله من وجهة نظرى الحرام بين والحلال بين
وربنا يستر ع الناس وسلامتك بئه

[احضان الحبايب]

اولا شيل الصوره ال فوق يا ابو فاارس ،، مش لذيذه يعنى
ثاينا : بص يابن جهــدى
لا شرع و لا دين ولا اخلاق تقول ان الرقص ده حااجه محترمه
بس طبعــا احنا بنتكلم عن الرقص المهنه
مش الرقص ال البنات بترقصه فى ليلة خطوبتهم و السهرات و الكلام ده
اشطاا ؟!

فيعنى ايه الفايده من الرقص ،، و تيجى رقاااصه محترمه كداا تقولك انا بقدم فن
طب انتى لو لبستى عبايه و رقصتى ،، هل الفن بتاعك هيوصل

اكيد لا ولا حد هيتفرج عليها اساسا

فمــا بنــى على بااطل .. فهــو باطل

الموضوع مش محتااج نقااش ياامه ،، لان الحلال بين و الحرام بين ،،

و عن وجهــة نظرى بخصوص شاايف الرقاصه اازاى
فهــى سلعــة بتعلن عن نفســها ،، و ال ما يشترى يتفرج

و ربنا يهدى الجميع بقا يا عمــى

تحياتى لــك

[حياتي ذكريات]

هسألك كآم سؤآل بس يجآوبك على كل اسئلتك دي
وانت قولي بقآ حلآل ولآ حرآم
ترضى اختك تشتغل رقآصة ؟!
ترضى انهآ تبين اجزآء من جسمهآ والنآس تعد تتفرج عليهآ ؟!
الإسلآم محرم اسآسآ صوت المرأة وانه عورة فـ الغنآ فمآ بآلك باللي بتعري جسمهآ ؟!
وأغرب لقآء شفته مع المحترمة ( دينآ )
كآن مع طوني خليفة اظآهر على مآ افتكر كآن بيسألهآ إذآ كآن ابنهآ بيتكسف منهآ
فقآلتله ليه مآ انآ محترمة .!
اذآ كآنت الست دينآ محترمة يبقى الله يرحم معنى الإحترآم

تسلم على الموضوع
بالتوفيق ليك

[░▒▓ MusliMA ▓▒░]

وهل اصبح العرى فى زمانا هذا مهنه لدرجة اننا نتحدث عن راينا فيه
---------------
مشكور لموضوعك
تحياتى وتقبل مرورى

[fankosha]

طبعا الرقص ده انحلال لو انسانة محترمة
مش هتقبل انها تكون مجرد سلعة
الناس بتتفرج عليها
مش معنى انها هربت من اهلها ولا عندها
اى مشكلة فى حياتها يبقى مبرر انها تكون رقاصة
ربنا يهدى الجميع

[عاشقة الشهادة]

الرقص حرام شرعا Pregnant لانها من مشيت فى الرقص خرجت عن دينها وكل ما تملكه ستخسره