لمحبى ربطات الاسبانش

[نوركمال]

أولا: ربطات إسبانش تغطي منطقة الرقبة

دي مجموعة من الربطات الإسبانش للبنات اللي بتحب إنها تلبس إسبانش بس في نفس الوقت بتحب الطرحة تكون مغطية منطقة الرقبة.. وعلى فكرة مجموعة الربطات دي بسيطة جدا وسهلة في التنفيذ بس أنتِ امشي واحدة واحدة زي ما انا بقولك ولو أول مرة ما طلعتش الربطة مضبوطة معاكي جربي تانى وإن شاء الله هتطلع معاكي مضبوطة وزي الفل..

الربطة الأولى

1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك.

2- هتجيبي دبابيس علشان تثبتي الإيشارب في منتصف رأسك... هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.

ده الشكل النهائي اللي هتلاقيه في النهاية

الربطة التانية


1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف..

2- هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف ده بالدبابيس كويس وتسيبي الطرف التاني علشان تعملي بيه ضفيرة... هتجيبي أحد أطراف الإيشارب الثاني وتلفيه حوالين رقبتك وتثبتيه بدبوس من على الجنب.

3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..

على فكرة ممكن تبتكري حاجات تانية في اللفة دي زي مثلا إنك تحطي الإيشارب التاني بشكل ثابت على رأسك مش مائل بحيث إن جزء بسيط من الإيشارب الأولاني يبان.

ده الشكل النهائي اللي هتلاقيه في النهاية

الربطة الثالثة

1- هتربطي شعرك بالإيشارب من الخلف.. هتجيبي إيشارب تاني يكون لونه مناسب للون الإيشارب الأولاني وتحطيه في منتصف رأسك وتربطيه هو كمان من الخلف.

2- هتبدئي فى انك تلفى الإيشارب التاني حوالين كحكة شعرك وتثبتي اللفة دي بالدبابيس

3- هتجيبي أطراف الإيشارب الأولاني وتربطيه حوالين رقبتك من الأمام.. على فكرة بالشكل ده ممكن تستغني عن الكوفيه الصوف اللي ممكن تلبسيها في الشتاء.

ده الشكل النهائي اللي هتلاقيه في النهاية

دي كانت مجموعة بسيطة من الربطات الإسبانش اللي تغطي منطقة الرقبة..
وتعالي نشوف مجموعة تانية من الربطات الإسبانشدي مجموعة تانية من الربطات الإسبانش الجديدة والبسيطة والشيك كمان علشان تدلعي نفسك في العيد على الآخر..


الربطة الأولى

1- هتجيبى بندانة صغيرة
وتربطي بيها شعرك وتجيبي إيشارب طويل وتحطيه في منتصف رأسك بطريقة مائلة أو عادية بس أهم حاجة إن جزء من البندانة يبان... هتربطي الإيشارب على أحد الجوانب وتجيبي أحد أطراف الإيشارب وتحطيه على رأسك

2- هتجيبي دبابيس وتبدئي تثبتي طرف الإيشارب على رأسك بطريقة مائلة.. وتمسكي الطرف الثاني من الإيشارب وتلفيه على الجنب بطريقة فيها كشكشة مثلا أو على شكل وردة وتثبتيه بالدبابيس على جنب.





ده الشكل النهائي اللي هتلاقيه في النهاية









الربطة التانية 1- الربطة دي محتاجة يكون عندك إيشارب كبير جدا زي (الشال) مثلا كل اللي هتعمليه إنك هتلمي شعرك كويس وتعمليه كحكة إلى أسفل... وهتحطي الإيشارب وتربطيه كويس من وراء وتكون الربطة أسفل كحكة الشعر..






2. هتجيبي أحد أطراف الإيشارب إلى الأمام وتحطيه على منطقة الجبين.





3- هتلمي طرف الإيشارب من فوق الكحكة مع عمل كشكشة بسيطة وتثبتيها بدبوس..




ده الشكل النهائي اللي هتلاقيه في النهاية









الربطة الثالثة

1- هتجيبي بندانة وتلمي بيها شعرك.. وبعد كده تجيبي إيشارب تاني وتربطيه أسفل الكحكة.. وتبدئي في برم أطراف الإيشارب مع بعضها وتربطيها من الآخر كويس قوي




2- هتلفي أطراف الإيشارب حوالين الكحكة كذا مرة وممكن تلفيها كلها أو تسيبي منها جزء ينزل على الظهر أو على الكتف بس خدي بالك إنك هتثبتي اللي أنت بتلفيه ده بدبابيس.






ده الشكل النهائي اللي هتلاقيه في النهاية





آتمنى تكون عجبتكم

[سمسمة2008]

الجميلة نور

لفات روووووووعة

بارك الله فيكى ياغالية

مجموعة لفات هايلة

فى انتظار جديدك

تحياتى

[*reham*]

[مصرية اوي]

[نوركمال]

اقتباس المشاركة الأصلية كتبت بواسطة سمسمة2008 الجميلة نور لفات روووووووعة بارك الله فيكى ياغالية مجموعة لفات هايلة فى انتظار جديدك تحياتى

شكرا للمرور العطر
الله لا يحرمنا تواجدك
سررت بمشاركتك
التى اضاءت صفحتى

[قلب..حزين]

مشكوووووووووووووووووووووووووووووورة
بس للاسف انا مش بلبس الحاجات ديه

[Silver Flower]

ررررررررررررررررررررررروعه تسلمي حبيبتي

[lovestory]

ميرسي يا قمر بجد لفات تحفه

[AmoOonA]

ميرسي يا قمر علي الفات لفات تحفه وجميله اوي

[نوركمال]

اقتباس المشاركة الأصلية كتبت بواسطة *reham*

اختى ريهام
شكرا للمرور العطر
الله لا يحرمنا تواجدك
سررت بمشاركتك
التى اضاءت صفحتى