طريقة عمل النجرسكو (تابع للمسابقة)

[Lost Pearl]

السلام عليكم و رحمة الله و بركاته ازيكو ان شاء الله بخير النهاردة انا جايبالكو طريقة النجرسكو و هي اكلة جميلة اوي من اكلاتي المفضلة و ان شاء الله تعجبكو المكونات : 1-مكرونه شرايط و ممكن اي نوع تاني 2- صدور فراخ متقطعة مكعبات 3- زيتون اسود 4- جبنة رومي مبشورة او موتزاريلا 5-بشاميل خفيف الطريقة : 1- نسلق الفراخ و نقطعها مكعبات 2- و بعدين نسلق المكرونه 3- بعد كدة نحط حوالي نص المكرونة فى صينية مدهونة و نحط فوقها شوية من البشاميل 4-بعدين نحط فوقها مكعبات الفراخ و بعدها شرائح الزيتون الأسود 5- بعد كدة باقى المكرونة و بعدين الجبنه المبشورة و البشاميل الخفيف 6- بعدين نحط الصينية فى الفرن لحد ما وشها يحمر وده يبقي شكلها بعد ما تخرج من الفرن و بالهنا و الشفا :003:

[Lost Pearl]

انا اسفة علي التواريخ و الحاجات المكتوبة علي الصور
بس للأسف ماعرفتش اشيلها

بس شاء الله الاكلة تعجبكو :biggrin:

[♥Donya♥]

الله الله الله
شكلها لذيذه وكميله

وكمان قريبه جدااا من البشاميل
بس الفرق فراخ وحجات تانيه

بجد تسلمي ياقمر ع الاكله الجديده
بالتوفيق ياقمر(:

[Lost Pearl]

اقتباس المشاركة الأصلية كتبت بواسطة donya el gram الله الله الله شكلها لذيذه وكميله وكمان قريبه جدااا من البشاميل بس الفرق فراخ وحجات تانيه بجد تسلمي ياقمر ع الاكله الجديده بالتوفيق ياقمر(:

اه فعلا هي قريبة من المكرونة اللي بالبشاميل
بس عارفة لو البشاميل بتاع النجرسكو اتعمل بشوربة الفراخ كمان
تبقي تحفة بجد بجد
ابقي جربيها بقي و ادعيلي )

منورة يا حبيبتي