البرادعي أمل مصر القادم إن شاء الله ..

[doiss]

بسم الله الرحمن الرحيم .. البرادعي أمل مصر القادم إن شاء الله .. وياريت يبقي عندنا روح رياضية:712: :Sport-007: انا شخصياً بحب حازم ابواسماعيل وبحترمة جداً وبعتبرة قائد ميداني من الطراز الاول ,, لكنني سأرشح دكتور البرادعي :biggrin: .. دكتور محمد البرادعي رئيس وكالة الطاقة الذرية والعالم الكبير بإختصار .. جائزة نوبل في أكتوبر 2005 نال محمد البرادعي جائزة نوبل للسلام مع الوكالة الدولية للطاقة الذرية ومنحت الجائزة للوكالة ومديرها اعترافا بالجهود المبذولة من جانبهما لاحتواء انتشار الأسلحة النووية. و قال البرادعي إن الفقر وما ينتج عنه من فقدان الأمل يمثل "أرضا خصبة" للجريمة المنظمة والحروب الاهلية والارهاب والتطرف.» تتألف الجائزة من شهادة وميدالية ذهبية و 10 ملايين كرونا سويدية (تساوي وقتها حوالي 1.3 مليون دولار) مناصفة بين الوكالة ومديرها. وقال البرادعي إن نصيبه من الجائزة التي سيحصل عليها ستذهب إلى دورٍ لرعاية الأيتام في بلده مصر، وأن نصيب الوكالة سيستخدم في إزالة الألغام الأرضية من الدول النامية . جائزة فرانكلين د. روزفلت للحريات الأربع (2006) (The Franklin D. Roosevelt Four Freedoms Award) جائزة الطبق الذهبي من الأكاديمية الاوروامريكية للإنجاز (The Golden Plate award from the American Academy of Achievement) جائزة جيت تراينور (Jit Trainor) من جامعة جورج تاون للتميز في الأداء الدبلوماسي جائزة أمن الإنسانية من مجلس العلاقات العامة الإسلامي (The Human Security award from the Muslim Public Affairs Council) جائزة المؤسسة من مجلس كرانس مونتانا (The Prix de la Fondation award from the Crans Montana Forum) جائزة الأثير، أعلى وسام وطني جزائري جائزة الحمامة الذهبية للسلام من الرئيس الإيطالي حامي شرفي لجماعة الفلسفة في كلية الثالوث في دبلن (2006)، مماثلا لآخرين ممن نالوا جائزة نوبل للسلام مثل دزموند توتو وجون هيوم . وشاح النيل من الطبقة العليا، أعلى تكريم مدني من الرئيس المصري السابق محمد حسني مبارك جائزة الإسهام المتميز في الاستخدامات السلمية للتقنية النووية من الاتحاد النووي العالمي (سبتمبر 2007) جائزة موستار 2007 للسلام العالمي من مركز موستار للسلام والتعاون بين الإثنيات كما نال البرادعي شهادات دكتوراة فخرية من جامعات نيويورك، وماريلاند، والجامعة الأمريكية في القاهرة، والجامعة المتوسطية الحرة في باري، وجامعة سوكا في اليابان، وجامعة تسنغوا في بكين ومعهد بوخارست للتقانة، والجامعة التقنية في مدريد، وجامعة كونكو في سيول، جامعة فلورنسا، وجامعة بوينوس آيرِس، وجامعة كويو الوطنية في الأرجنتين وجامعة أمهرست وجامعة ترينيتى. لمن يعيبون علي طريقة كلام الدكتور البرادعي بالتأتأة :biggrin: ,, ((الرد علي شبهة تسبب البرادعي بإحتلال العراق)) البرادعي ومواقفة ابان قوة حسني مبارك قبل خلعه ,, رأي الفنان محمد نوح بالبرادعي ,, البرادعي اعلي فكرياً من الكثير واحنا منستاهلوش ,, يتبع بسلسلة اخري أجلاً إن شاء الله .. :445:

[نقوش على صفحات الورد]

واكيد دا رأيك وانت تماما حر فيه
بس أنا عن نفسي
وبما ان كرسي عرش مصر اصبح ( سداح مداح )
أنا بفكر أجتمع أنا وجيران ومنطقتي وأغلب اصحابي ومعارفي
وبنفكر نرشح ( سعد الصغير )
آه
وإيه يمنع بقى
عشان كلنا نرفع شعار ( تعالوا نهز وسطنا )
بجد
عليه العوووووووووووووووووووووووووووووض

[doiss]

اقتباس وبنفكر نرشح ( سعد الصغير ) آه وإيه يمنع بقى عشان كلنا نرفع شعار ( تعالوا نهز وسطنا ) بجد

انت حر عاوز تهز وسطك هزة ..
عاوز ترشح سعد الصغير ويبقي رمزة بحبك يا حمار بردو انت حر ,,
سواء نجح البرادعي ولا سعد الصغير بالاول والاخر هي دية الديموقراطية ويكفي محاولة التحلي بها بغض النظر عن من سيفوز بالانتخابات ..

[تيتشر نفشه ツ]

الانسان مش بشهاداته وجوايزه ياضياء

وبعدين بغض النظر عن ان كان يستحق الجوايز دي او مايستحقاش

دا واحد عاش طول حياته في بلاد الغرب ياضياء

يعني مهما كان حسيس مش هيحس بالشعب المصري وبالمعاناه اللي عاناها ابدا

وكمان لما هوا زي مابتقول كده احنا منستحقهوش كان ايه اللي جابه مكان يخليه في

المكان اللي يليقله احسن

دي وجهة نظري

دمت لنا

رنيـــن

[doiss]

مفيش حاجة اسمها قاعد برا ميحس بالشعب يا رنين ..
يعني لما بباكي مثلاً يطلع شغل بدولة خارجية هل معني كدة انة مش حاسس بمصر ؟
اكيد لأ ..
ولما سفير مصر مثلاً بأي بلد خارجية بيجي مصر اجازات وشغلة كلة برا .
هل معني كدة انة مش حاسس بالناس ؟
اكيد لأ ..
محدش يقدر يحكم علي اي واحد هو حاسس بأية لأن محدش معاه ترمومتر مثلاً هيقيس مدي إنتمائة ..
الراجل جنسيتة مصرية وحاصل علي 50 دكتوراة فخرية من جميع انحاء العالم ..
عاوز اقولك حاجة عشان تصدقي ان السبب بكدة نظام مبارك واسرائيل بحملة التشويه لأنهم خايفين من البرادعي لأنة مخ ..
اشمعني احمد زويل محدش قال علية الكلام دة رغم انة عايش برا ؟
كل دية من افعال بقايا نظام مبارك وعملاء اسرائيل لأنهم عارفين البرادعي تفكيرة هيطور مصر ازاي وهيخلي الانسان المصري لية كرامة ,,
خالص الاحترام ..

[iiwowii]

بص يا زمالة المنتدى

برادعى حازم حمدين العوا اى حد ايا كان
هيبقى كويس لانه عارف انه لو مظبطناش هيتشال فى تانى انتخابات

يعنى مش مهم مين المهم منفترقش ونتشتت ونتخانق على مين ومين

كل اللى يجى كويس لانه قدر ربنا وقدرنا اللى ربنا قدرهولنا

وممكن انت تحب فلان ويجى علان وممكن انا زيك والعكس

عموما البرادعى كويس ودماغه حلوة

بس عن نفسى مشتت ارشح مين حازم ولا حمدين صباحى

مووضوع جميل زيك

[doiss]

اقتباس المشاركة الأصلية كتبت بواسطة iiwowii بص يا زمالة المنتدى برادعى حازم حمدين العوا اى حد ايا كان هيبقى كويس لانه عارف انه لو مظبطناش هيتشال فى تانى انتخابات يعنى مش مهم مين المهم منفترقش ونتشتت ونتخانق على مين ومين كل اللى يجى كويس لانه قدر ربنا وقدرنا اللى ربنا قدرهولنا وممكن انت تحب فلان ويجى علان وممكن انا زيك والعكس عموما البرادعى كويس ودماغه حلوة بس عن نفسى مشتت ارشح مين حازم ولا حمدين صباحى مووضوع جميل زيك

حمدين صباحي راجل ممتاز ومحترم واحترمة جداً
وايضاً استاذ حازم مع بعض التحفظات الصغيرة ,,
لكن صراحة احس العوا ليس لة موقف ثابت فكل فترة تثير مواقفة علامات تعجب كثيرة بصدد المجلس العسكري او الثورة ,,
علي اي حال ربنا يكتبلنا حاكم عادل ,,
خالص الاحترام ..

[samer1985]

أشكرك على طرحك للموضوع..

[نجم الحبيب]

مع احترامي الشديد ليك يا ضياء

البردعي لا يصلح لحكم مصر

مين سمع عن البردعي انه في مصر اللي وقت الثوره

من امته والبردعي يحمه شعب مصر ولا العرب

بس كل واحد له وجهة نظر متغيره عن التاني

انت اكيد له وجهه نظر غيري وكل واحد كده

بتوفيق لك من يحكم مصر ان شاء الله

الحبيب

[doiss]

اقتباس واد حبيب مين سمع عن البردعي انه في مصر اللي وقت الثوره

انا مش بلومك طبعاً ..
البرادعي اتمجد بمصر ابان حصولة علي جائزة نوبل اسوه بالدكتور احمد زويل ,,
او تولية وكالة الطاقة الذرية والناس كلها كانت فرحانة بية كخير ممثل للمصريين .
لكن اللي حصل انة لما ابتدي يطالب بالتغيير من 2009 لازم طبعا مش هتسمع عنة ودية مش بلوم حد فيها ..
لأن محدش كان بيتكلم او بيسمع او بيقول ع الشاشات الا المؤيدين وسياسة الحزب الوطني وما شابه .
هتسمع فين طبعاً ليك حق واي حد لية حق ,
التشويه اللي اخدة البرادعي ذنبة برقاب كل مشوه بعمد .
بس ممكن نبذل شوية مجهود ونقيم الراجل دة من خلال البحث الصادق احتمال تغير رايك ,
خالص الاحترام ,,