لماذا تخاف إسرائيل من البرادعي ؟؟؟

[SiLver Spectra]

اقتباس المشاركة الأصلية كتبت بواسطة نقوش على صفحات الورد افهم من كده اننا بقينا شعب تصريحات وشكرا ؟ اعتقد وخليني مواطن غبي وفي قمة غبائي وهتكلم بالعاميه ايام هوجة العراق واسلحة الدمار الشامل كان مين المسؤل عن الطاقه في العالم ؟ طيب اذا بردوا انا كملت غبائي معلشي اهو بتعلم ليه وقتها مش طلع عام على الملأ وأعلن خلو العراق من أسلحة الدمار الشامل ؟ بردوا خليني غبي تاني فين هي أسلحة الدمار الشامل العراقيه ؟ خليني غبي للمليون المفروض ان اي انسان / انسانه بيترشحوا لمكان هام وحساس وحيوي زي دا يكونوا على الاقل قادرين على حماية حياتهم الخاصه والعيش باسلوب لائق هنزل لمستوى بعيد شويه واقول لحضرتك شيئ مهم ربما تكون حضرتك مش شفتوا ياترى فيديوهات وصور ( المحترمه بنت الدكتور والعالم / البرادعي مرشحنا الهمام كانت بتعمل ايه ع النت ؟ ) مؤكد انها صورها ومحدش يقول لي فوتوشوب في امور كتير غريبه رئاسة مصر كبيره اوي وكفايانا شعارات عايزين انسان ينفذ شبعنا وعود رنانه وتصريحات قويه وفي الآخر طلعوا اما قتله واما حراميه واما بلطجيه مش مصر اللي يكون حالتها دي ولو هنستخدم الحريه بالشكل دا يبقى متشكرين كلهم بقدرة قادر تحولوا لثوار وأبطال خلاص أكرم لي وأشرف لي أعيش غبي طالما النفاق أصبح سمه غالبه وتغييرات النوايا باتت سلعه رخيصه للضحك على شعب طيب بكرر تاني عليه العوض وافتكروا دا كويس ومع خالص تقديري لحضرتك وللاستاذ ضياء لما الامر يوصل لرئاسة مصر لا لازم نتكلم فى كل الامور بالعقل مش بالغضب

طيب ما الفيديو دا وقتها و قبل الغزو الأمريكي
وكالة الطاقة الذرية قالت من قبل الغزو الأمريكي من شهور ان مافيش اسلحة دمار شمال و صرحت بكدا و الفيديو دا فيه نص التصريح
دي مش قاعدة في برنامج توك شو دا قرار من الأمم المتحدة!!
و أنا واحد من الناس الي كنت بتابع اخبار من 2001
من أحداث حداشر سبتمبر

الاستخبارات الامريكية هي بس الي كانت بتقول ان في اسلحة دمار شامل و كانت بتجيب صور باقمار صناعية و بتعمل افلام هندية
أما الوكالة الذرية مافيش ليها اي تصريح و كل المفتشين الي زاروا العراق قبل الغزو قالوا مافيش اسلحة دمار شامل
حتى نظام صام كان بيحاول يراضي الغرب بأي طريقة و كان بيدي للمفتشين صواريخ الصمود 2 عشان يفجروها و كان مداها تعبان ماكانتش حاجه خطر
يادوبك 150 كيلو

و دا اقتباس من الويكيبيديا

اقتباس كان تبرير امتلاك العراق لأسلحة الدمار الشامل من أهم التبريرات التي حاولت الإدارة الأمريكية وعلى لسان وزير خارجيتها كولن باول ترويجها في الأمم المتحدة ومجلس الأمن. قبل وقوع الحرب صرح كبير مفتشي الأسلحة في العراق هانز بليكس ان فريقه لم يعثر على أسلحة نووية وكيمياوية وبايلوجية ولكنه عثر على صواريخ تفوق مداها عن المدى المقرر في قرار الأمم المتحدة (150 كم) المرقم 687 في عام 1991 وكان العراق يطلق على هذه الصواريخ اسم صواريخ الصمود. وقد وافق صدام حسين ومحاولة منه لتفادي الصراع بتدميرها من قبل فريق هانز بليكس

و دا الموضوع
غزو العراق - ويكيبيديا، الموسوعة الحرة




هي امريكا كانت عايزه تدخل بالعافية و حتى فرنسا عملت فيتو و كسرت القرار و دخلت بدماغها بدون ما تهتم بالامم المتحدة
و كانت حججها بان الاستخبارات بتقولها ان في اسلحة دمار شامل و ان العراق بيمول تنظيم القاعدة و غيره,,
و عامة اصلا نظام صدام كان نظام قمعي بس هما حطوا حجج عشان يقووا مبرر دخولهم
ايه علاقة دا بالبرادعي مش عارف
الكلام دا لو كان صرح او الوكالة صرحت ان العراق فيها اسلحة و دا ماحصلش
لازم تفرق بين الوكالة الذرية التابعة للأمم المتحدة و بين الإستخبارات الأمريكية

أما بالنسبة لتغيير النوايا
فالبرادعي كان بيعارض النظام بشدة وقت عز النظام في حين ماكنش اي سياسي من الي بنشوفهم دلوقتي بيقول كلمة واحده ضد النظام
و لو كنت بتابع برامج التوك شو و بتقرأ في الاخبار من بداية 2010 هتعرف كلامي
يبقى لو هنقول تغيير نوايا و نفاق فالأولى نقول على أغلب الي في الساحة السياسية دلوقتي ماعدا البرادعي الي كان بيهاجم نظام مبارك ,,و شخصيا ضد اتهام اي شخص بنواياه بس دا ردا على كلامك

[نقوش على صفحات الورد]

مؤكد بحترم تماما فكرك
ومؤكد مش هختلف وياك عليه
طيب والباقي
الأمور الخاصه في حياتوا ؟
هتثق في حد مش قادر يحمي أصلا خصوصياتوا ؟
تفتكر
لا وايه
بيفكر يكون رئيس لمصر
يعني مش أي حاجه

[SiLver Spectra]

اقتباس المشاركة الأصلية كتبت بواسطة نقوش على صفحات الورد مؤكد بحترم تماما فكرك ومؤكد مش هختلف وياك عليه طيب والباقي الأمور الخاصه في حياتوا ؟ هتثق في حد مش قادر يحمي أصلا خصوصياتوا ؟ تفتكر لا وايه بيفكر يكون رئيس لمصر يعني مش أي حاجه

أنا مالي بحياته الخاصة و لا ببنته
هو حر و هي حرة دي اسمها حياته الخاصة
انت لما بتيجي تشتغل أو تتوظف هل حد بيسالك و بيقولك لو مطلق مش هنعينك في الوزارة!!
و لا بيقولك مثلا انت بنتك بتعمل ايه عشان نشوف هنعينك و لا مش هنعينك!!
هما مالهم بحياتك الخاصة
أنا ليه بفكر الشخص ايه و برنامجه و خططه و مؤهله بس

و بكرر تاني دا مش دفاعا عنه ,,أنا بس بفند الاتهامات بالواقع لا اكثر و لا اقل
لو قولتلي الكاريزما ضعيفة مش هقول لا و الله قوية
هو فعلا الكاريزما بتاعته ضعيفة ,,بس كمواقف و كعقلية قوية
احنا كبلد فكره مصدي محتاجين الي يشطح معانا بفكر مختلف لأنك محتاج نهضة
و النهضة مش بتتحقق بفكر تقليدي
يعني الي يقولك لازم الرئيس يكون من الغلابة و يبقى عنده جاموسة بيحلبها ,,معلش شخص زي دا هيعمل نهضة ازاي!!
و هل الدول الي حوالينا كلها الي عملت نهضة زي جنوب افريقيا او دول شرق آسيا ,,الحكام الي تسببوا في نهضتها كانوا بيحلبوا جواميس!!
أكيد كان عندهم افكار شاطحه في السما و طموحات عالية جدا تسببت في تقدم و نهضة بلادهم بالشكل الصحيح
ممكن دا يحصل مع البرادعي و ممكن مع غيره
و ممكن ما يقدرش يعمل حاجه و الله اعلم
بس اكيد كلنا فينا امل و شايلين طموحات إن بلدنا يحصل فيها نهضة
يبقى لازم نبص لفكر المرشح مش لدقنه و لا للونه و لا لدينه و لا كان عايش فين و لا بنته لابسه ايه ,,

[نقوش على صفحات الورد]

قطعا هي وجهات نظر تخص كل الاطراف
ومؤكد بيحصل افاده متبادله حتى مع الاختلاف
والاجمل لما يكون الاختلاف بفكر راقي متحضر
ومؤكد ايضا اني بحترم فكرك مش لكونك مدير المنتدى
لا
لكونك انسان تستحق دا فعلا وفكرك معتدل
انت وبعض الشخصيات المحترمه هنا
واللي بيسعدني جدا بصفه شخصيه اتابع فكرهم
واحيانا بحس من قوة الموضوع
او قوة الفكره
اني عاجز عن الرد
مش لاني مش قادر ارد
لا
انما لان الموضوع وافي بما فيه الكفايه
كل تقديري
وخالص احترامي
وخد بالي ممكن ييجي يوم تتعمل هنا ثوره بالمنتدى لمدير جديد
:079:

[SiLver Spectra]

اقتباس المشاركة الأصلية كتبت بواسطة نقوش على صفحات الورد قطعا هي وجهات نظر تخص كل الاطراف ومؤكد بيحصل افاده متبادله حتى مع الاختلاف والاجمل لما يكون الاختلاف بفكر راقي متحضر ومؤكد ايضا اني بحترم فكرك مش لكونك مدير المنتدى لا لكونك انسان تستحق دا فعلا وفكرك معتدل انت وبعض الشخصيات المحترمه هنا واللي بيسعدني جدا بصفه شخصيه اتابع فكرهم واحيانا بحس من قوة الموضوع او قوة الفكره اني عاجز عن الرد مش لاني مش قادر ارد لا انما لان الموضوع وافي بما فيه الكفايه كل تقديري وخالص احترامي وخد بالي ممكن ييجي يوم تتعمل هنا ثوره بالمنتدى لمدير جديد :079:

تسلم يا جميل و أنا مش بفرض فكري عليك و انت حر طبعا تختار و تعترض على المرشح الي يعجبك
الموضوع كلو نقاش على جزئيات انت ذكرتها في اسباب اعتراضك

و بالنسبة لثورة ضد المدير فياريت و الله حتى نتنحى و نتفرغ للأعمال الخيرية :762:
و بعدين مش أنا عاملكم انتخابات ادارية
لو هتعملوا ثورة بقى اعملوها على الاداري المنتخب:biggrin:

[نقوش على صفحات الورد]

اقتباس المشاركة الأصلية كتبت بواسطة silver spectra تسلم يا جميل و أنا مش بفرض فكري عليك و انت حر طبعا تختار و تعترض على المرشح الي يعجبك الموضوع كلو نقاش على جزئيات انت ذكرتها في اسباب اعتراضك و بالنسبة لثورة ضد المدير فياريت و الله حتى نتنحى و نتفرغ للأعمال الخيرية :762: و بعدين مش أنا عاملكم انتخابات ادارية لو هتعملوا ثورة بقى اعملوها على الاداري المنتخب:biggrin:

يارب دايما موفق
ودايما منتدانا عامر وزاخر بكل الافاضل اللي فيه
ويارب دايما كل الخير للجميع
وكل الود
وكل السعاده
ومتشكر كل الشكر

[Iѕlαм Ч 3αlαм]

[QUOTE=SiLver Spectra;2845748]

اقتباس المشاركة الأصلية كتبت بواسطة Iѕlαм Ч 3αlαм حقك تأيد المرشح الي يعجبك أنا شخصيا لحد اللحظة مش اخترت المرشح المثالي بتاعي و إن كان ليه ميول و دا مأجله لحين بدأ الحملات الانتخابية و المناظرات و على اساسها هحكم فماحدش يقدر يقلل من باقي المرشحين و كلهم عالراس لكن في ناس كلامها بيكون ضعيف و بيوازيها ضعف الوعي السياسي مش عشانه بيعترض أو بيأيد مرشح ,في ناس بتعترض لكن بمضمون موضوعي,,تحترمه من كلامه لكن في واحد بتلاقيه بيتهكم و بيهجم و بيشوه بشكل غريب و دا الفارق بين العقلاء و بين الغير ذلك فالكلام مالوش علاقة بالمرشح له علاقة بمضمون طرح ضياء للموضوع بشكل راقي بالمقارنة بموضوعات اخرى

انت ماقلتش كده
انت قولت انك بتعتبر ان اللى بيأيد البرادعى عاقل
انا برده عايز اعرف
اللى مش بيأيده يبقى ايه
مانت ماردتش
انا عايز اعرف
عشان اعرف انا واللى مش بنرشحه ناس معندهاش عقل ولا ايه
عشان برده لو طلع ده فى دماغك ارد عليك
بس ياريت توضح
ياما تقنعنى انك ماغلطتش
ياما لو سكت يبقى انت كده غلطت
وده مش مسموح من ادارى بيطالب بالعقل والحرية فى المناقشة
لان كلامك لا يحمل الا منظور واحد

[محمد خطاب]

اممممم

اولا صفات الرئيس : هو شخص ينتمى لبيئته ولناسه عقيدة وثقافة وحبا وإخلاصا ولديه مشاعر إيجابية نحو ذاته ونحو شعبه ونحو ثقافته ، ولديه شعور بالكرامة الوطنية النابعة من احترام الذات والثقة فى قدرة الشعب على النمو والنجاح والإنتصار ومهيب الطلعة و ممتلئا صحة، حسن الصوت ، حى المشاعر ولديه منظومة أخلاقية تتسم بالصدق والأمانة والشجاعة والعدل تدرج فى ميادين العمل السياسى واكتسب خبرة ميدانية فى التعامل مع البشر على مختلف توجهاتهم ومستوياتهم ، وعاش الحياة اليومية بكل صعوباتها وتفاصيلها ، ولديه خبرة كافية بمشكلات الناس ومعاناتهم ولديه رؤية استراتيجية وآفاق واسعة للتفكير والتخطيط والعمل على المدى الطويل مع معرفة عميقة بالأولويات والمسارات الرئيسية للعمل ويملك القدرة على التفكير الإبتكارى ويسعى نحو التغيير الإيجابى دون خوف و يؤمن بأن التغيير هو أحد أهم القوانين فى الحياة ولديه قدرة هائلة على الإنصات النشط لكل من حوله والتواصل المرن معهم دون تحيز أو استقطاب أو أفكار مسبقة


ثانيا نشوف البرادعى من الصفات دى هنلاقيه تقريبا لا يصلح لانه لا ينتمى لبيئته ولا لناسه ولا لشعبه بالمقارنه بأشخاص آخرين وليس لديه اى خلفية عن المعاناه التى عاشها ويعيشها المواطن المصرى الفقير وليس ليده اى خبرة عن مشكلات الناس نظرا لانقطاع الاتصال بينه وبين الشعب ولديه قدرة محدودة او تكاد تكون معدومه عن الانصات للشعب واحتياجاته ,

حاجه كمان حياته الشخصيه دى مثال مصغر لحياته الشخصيه فى الدولة الحياة الكبيرة بالنسبه ليه

اذا كان سايب بنته فرى كده وخمر فى رمضان وعمرو اديب والنت جابو كل حاجه بالصور هيعمل ايه فى الشعب اللى دينه الاسلام وكتابه القرآن تتوقع هيعمل فيه ايه؟؟!! اذا كان مش عارف يمشى بيته هيمشى على دولة ؟؟!! ومصر مش اى دوله دى مصر يا جماعه ام الدنيا
لو يعرف حاجه عن الدين الاسلامى وعلى فكرة لازم يكون على علم بأحكام الشريعه الاسلاميه وده أظن مفيش عنده اى خلفيه عن الشريعه !!!

شكرا ليك يا ضياء على طرحك وترويجك للبرادعى وده حقك أكيد ,,,


خالص ودى واحترامى ,,,

[Iѕlαм Ч 3αlαм]

ماهى الناس مش عايزة الدين
الناس عايزة الفواحش
والزنا
والسرقة
وفى الاخر
لما تحصلهم مصيبة
يزعلوا
ويقولوا هى دى الاخلاق اللى اتربينا عليها
حتى كمان فى الفاظهم لا ينتمون الى الدين
الذى هو مصدر القيم والاخلاق والمحافظة على النفس
ده حتى الدين بقوا يشمأزوا منه
ده وصلت لدرجة ان الدين لا يساوى عندهم جنيها
ولا حول ولا قوة الا بالله
اما نشوف البرادعى العالم الكبرة هايعمل ايه
بس حذار لو مسك البلد انه يأثر على الدين بشىء
لان ساعتها احنا مش هانسكت
عايزينها ايه
طيب انا عايز بلدنا
تبقى نصها كوسة
والنص التانى كفتة
وماتنسوش المخللات
وشعارنا ( كيلو كوسة وكيلو كفتة لكل مصرى )

[doiss]

كامل الاحترام لارائكم مادامت تنتقد نقد موضوعي وبناء لإرساء الديموقراطية بغض النظر عن من سيفوز بالرئاسة ,,
وبالنسبة للتطرق لاخطاء الاخرين الخاصة او الاسرية علي مستواهم الاسري ,
فلو اطلعني رب العباد علي اسراركم سأكتب مجلدات تشيب لها الولدان :762:,,
فمن منا بلا خطيئة فليبحث عن المدينة الفاضلة ,,

وبالنسبة للاخت نايت جيرل ,,
ممكن تتعبي شوية هتعرفي ان كاتب المقال بلال فضل مش انا :biggrin: ,,
موفقين ..