اتأسفت في يوم لنفسك ؟؟

[ابو رامى]

السلام عليكم ورحمة الله وبركاته


مساء الخير يارب تكونوا جميعا بخير





كثير بنغلط في حق غيرنا ولما بنراجع نفسنا بنروح نعتذر لهم


بغض النظر ان كانوا هيقبلوا الاعتذار ده ولا لاء مش موضوعنا







وكثير كمان بنغلط في حق نفسنا وفي حق قلبنا وفي حق روحنا


لكن مفيش حد مننا بيفكر يقول اسف يا نفسي غلطت في حقك


او اسف يا قلبي اتسببت في وجعك او اسف يا روحي جيت عليكي


بنغلط ونغلط والحياة مستمرة وبنعيشها ونَفسنا مجروحة مننا !!


بفكر بيني وبين نفسي وبقول لما احنا نعمل كده في نفسنا وفي روحنا


هنكون سبنا ايه للغير ؟ سواء الي بيحبونا او الي بيتمنوا لينا الاذى





الموضوع ده مش كلام وبس انا قصدي بالافعال كمان


احنا ليه مش نتأسف لنفسنا ونفكر نسعدها بكل طريقة مُتاحة لينا ؟


ليه مش نتوقف عن ظلمها مش كفاية غيرنا بيظلمنا وبيجي علينا كثير ؟


ليه بنكون سلبيين مع نفسنا بدل ما نكون ايجابيين ؟






اسئلتي ليكم

اتأسفت في يوم لنفسك ؟؟

نَفسك اول اهتماماتك ولا آخر همّك ؟

الشخص لما يحب نفسه اكثر من اي حد هل دي تُعتبر انانية ؟

ليه بنسيب سعادتنا في ايد غيرنا بدل ما نحققها بنفسنا لنفسنا ؟

[بسمة العمر]

ابو رامى موضوع جميل
انا فى يوم اتسفت لنفسى
تسلم ايدك ابو رامى

[الأميرة رودي]

تسلم ايدك أبو رامى

موضوع جميل وأكيد الكل بيجي عليه لحظات بيحس انه غلط فى حق نفسه

ولازم يتأسفلها

بس أحيانا بيكون الآسف ده فى وقت غلط يعني بعد حدوث شئ صعب تصليحه

ساعتها ولا الآسف ولا الندم هيرضى النفس

تقبل مرورى

[الروح أرق من الندى]

اتأسفت في يوم لنفسك ؟؟

ايوا لاني بجد ظلمتها معايا كتيييييير اوي

نَفسك اول اهتماماتك ولا آخر همّك ؟

مش في كل الاوقات بتكون اول همي بس اتعلمت من اللي عدي عليا

اني مش اقسو عليها لاني قسيت علي نفسي كثيرا لدرجه اني حملتها

اخطاء وشعور بالذنب تفوق قدرتها .. اعتقد من حقها علي ان اريحها قليلآ

الشخص لما يحب نفسه اكثر من اي حد هل دي تُعتبر انانية ؟

مش في كل الاوقات بيكون حب النفس انانيه

حب النفس مرض صحي لتصالح مع انفسنا

فحبي لنفسي لا يفصلني عن احساسي بمن

يعيشون حولي

ليه بنسيب سعادتنا في ايد غيرنا بدل ما نحققها بنفسنا لنفسنا ؟

لان المشكله فينا جميعا دايما بستمد قوتنا بمن حولنا ومن يكون بجوارنا دائما

لا نستطيع ان نحقق سعادتنا بأنفسنا للأسف لابد من وجود طرف اخر يكمل سعادتنا

تقديري لموضوعك الرائع

[نـــــ غ ـــــــم]

طبعا لازم نعترف بخطانا ونحاسب نفسنا ونعتزر عن اى خطا

تسلم ايدك ع الموضوع الجميل

دمت بكل تميز وابدااااع

[أميرة الدفا والوفا]

أولا موضوع حلو أووووووووووووووي
بجد عجبني مووووت

دلوقتي أجاوب بقي -_-


اتأسفت في يوم لنفسك ؟؟

مؤخرا أيوه
عشان جيت عليها كتير أووووووووووي
و تعبتها معايا أوي أوي
و حملتها فوق طاقتها (
و هي مكانتش تستاهل كده

نَفسك اول اهتماماتك ولا آخر همّك ؟

والله للأسف
أخر همي بهتم بناس تانيين أكتر من نفسي

الشخص لما يحب نفسه اكثر من اي حد هل دي تُعتبر انانية ؟

هو لو الأنسان حب نفسه أكتر من أي حد و حاول يرتقي بنفسه
سواء
أخلاقيا أو طبعا أو في أي حاجه مش أنانيه
بس لو حبه لنفسه ده
كان علي حساب أي انسان تاني
تبقي أنانيه

ليه بنسيب سعادتنا في ايد غيرنا بدل ما نحققها بنفسنا لنفسنا ؟

عشان أحنا بشر
و الأنسان بطبعه مش بيحب يكون وحيد
أكيد كل انسان بيتمني
صاحب أو حبيب أو قريب
يهتم بيه و يكون معاه في كل حاجه


يسلموووووووووووووووو

[فرحه قريبه]

موضوع غايه في الروعه