ازاي تعرف ان الواد ده وحداني على (5) بنات

[كبرياء رجل]

ازاي تعرف ان الواد ده وحداني على 5 بنات
طبعا في مجتمعا العربي
لو الراجل عنده 5 اولاد مفيش مشاكل
اما لو عنده 5 بنات لازم يجيب الواد
والغريبه ان الواد ميجيش غير بعد البنت الخامسه
هنشوف مع بعض كيف تكشف ان هذا الولد وحداني على 5 بنات
1/ تلاقيه اليوم كله في الشارع وماشي حافي
2/ بعد ما تسلم عليه وتبوسه تلاقي ايده على وجهك ضرررررررررررب ويجري
3/ تلاقيه مميز في حاجه عن اخواته البنات كلهم ناجحين وهو فاشل
4/ اليوم كله بيضرب في اخواته البنات ويا عيني عينهم مكسوره امهم قاعده بالعصايا للي تتكلم
5/ طبعا مميز بريحته مش حلوه لا ريحه كريهه لانه مش بيتحمم ومحدش يقدر يقوله لا
6/ اسماء اصحابه توفيق المجنزر راضي الواطي كمال الحرامي
7/ اسماء اخواته البنات على تليفونه صفيه ام اربعه واربعين توحيده مكسورة الجناح عدلات الهبله روحيه اللي حلقتلها شعرها كروان ام صوت وحش
8/ اسم امه على التليفون المعلم
9/ اسم ابوه على التليفون مرات المعلم قصدي زوج المعلم
.........
صدقوني كنت عاوز اوضح نقطه معينه
ان غالبا الابن الوحيد بعد اكتر من بنت
من كتر الدلع وتلبيه كل متطلباته
وعدم توعيته وترفيهه زياده عن اللازم
النتيجه
ياريته ما جه

[Silver Flower]

ههههههههههههههههه
اعجبني طريقه طرحك لمشكله في المجتمع

بس يمكن مش الكل هيك بما انه مدلل الاهتمام بيكون فيه اكتر من جهه التعليم
الانه الاب ولام بيزرعوا فيه طموحهم وبالعكس يمكن بيحملوه طاقه اكبر من احتماله
انا الصراحه بشوف الولد البكر الي بيكون مدلل بعكس الي بتقوله
بيكون اول طفولته مدلل وبعد 7 او عشر سنين بياخد على دماغه الانه الاهل بيكتشوا انه ولد قليل ادب وانه لازم يتربى من اول جديد
والولد بيعيش في ضغوط نفسيه متناقضه مع التربيه الي اترباها في صغره
عشان هيك المعظم بيكونوا فاشلين
شكرا لموضوعك
اظن انه موضوعك موضوع نقاش اكتر من طرح ل مشكله

[دمعه حائره]

توبيك جميل كبرياء
وغالبا الولد بيكون مدلل بطريقه تفسده مش تخليه احسن
ومشكله الاصرار على انجاب الولد حتى لو بعد 7بنات
دى بنواجهها بشكل كبير حتى لو امكانيتهم الماديه لاتسمح
ربنا يرزق الجميع البنين والبنات
ويوفقك اخى تحياتى وتقديرى لك

[S n i p e R]

هههههههههههههه

فكرة التوبيك نايس اوي

فعلا محتواها مفيد وجميل

واسلوب طرح مميز

تحياتى

[ୠ
ୠ متَـ ـمْرده ୠ
ୠ]

ههههههههههههههههههههههههههههه
غريبة آوي . فكرآ جأأمده كيك
وطرحك للتوبيك جأمد
وحقيقي المشكلة دي بنوآجهها كتير اوى
وفـ آلاخر زى مـ قلتي يـأريته مـ جه

[بقــايا أنثى]

هههههههههههههههه موضوعك مميز فعلا كبرياء
بس والله مش شرط خمس عيال
مجرد وجود طفل ذكر بين الاخوات وخصوصا لو وحدانى ولو معاه بنت واحده حتى
بيطلع عينها فى كل حاجه
وعلى فكره دا بيزرع جواه احساس بالنقص وعدم الاحساس بالمسؤليه
وللاسف الوالدين مش الام فقط بيساعدو على تنميه الاحساس دا
وفعلااااا بتكون النتيجه يا ريته ما جه
يا رب يرزقنا خلف صالح ويرزقنا ملكه تربيه الاطفال
فى زمن تقريبا اتعدمت فيه البراءه

[كبرياء رجل]

اقتباس المشاركة الأصلية كتبت بواسطة silver flower ههههههههههههههههه اعجبني طريقه طرحك لمشكله في المجتمع بس يمكن مش الكل هيك بما انه مدلل الاهتمام بيكون فيه اكتر من جهه التعليم الانه الاب ولام بيزرعوا فيه طموحهم وبالعكس يمكن بيحملوه طاقه اكبر من احتماله انا الصراحه بشوف الولد البكر الي بيكون مدلل بعكس الي بتقوله بيكون اول طفولته مدلل وبعد 7 او عشر سنين بياخد على دماغه الانه الاهل بيكتشوا انه ولد قليل ادب وانه لازم يتربى من اول جديد والولد بيعيش في ضغوط نفسيه متناقضه مع التربيه الي اترباها في صغره عشان هيك المعظم بيكونوا فاشلين شكرا لموضوعك اظن انه موضوعك موضوع نقاش اكتر من طرح ل مشكله

اهلا وسهلا بيكي اختي
وانا مقولتش الكل كده بس المعظم
يمكن احيانا للحرمان من الولد فيطلع الولد فاشل للحريه المفرطه ولعدم التوعيه
وعدم التربيه اسعدني مرورك سلفر
دمتي بخير
تحياتي لكي

[روح صامتة]

واو
موضوع جامد جدا يا كبرياء
الفكرة ان احنا خمسة على ولد بردو ودا اللي شدني للموضوع
الغريب ان دا مش حاصل معانا حاليا )
هوة صح ان الدلع دا مشكلة
لكن انا خوفي الاكبر مش من الدلع اصلا
خوفي جاي على اخويا من اكتسابه لصفات الانوثة مننا
كبنات كلنا ع ولد واحد
انت فاهم الفكرة انه مثلا يبقى مش قوي او يميل لينا اكثر
لانه مش لاقي حد يلعب معاه كورة او يضربه مثلا )
وتاني فكرة لو فرق السن كبير بيننا وبينه بتلاقي مخه كبير
وصعب يكون صداقات مع الي قده كمان
لكن دي مرحلة وهيمر بيها والاحسن انه يكون واعي
وهوة صغنون بس بشرط ان احنا نحافظ على انه يتمتع بكل حاجة بحدود
وان شاء الله خير يعني
تسلم يا كبرياء موضوعك رائع
تقييمي
ارق تحياتي

[الروح أرق من الندى]

فكره جامده بجد

والاسلوب رائع في طرحها

الدلع الزائد عن اللزوم بيفسد الاخلاق

وللاسف الاباء مش بيعرفوا ده الا بعد فوات الاوان

موضوعك رائع تسلم عليه

[بعثرة فرح]

ههههههههههههههه
لأ حلوة ههههههه
شكلك مجرب
تسلم