((((( موضوع حساس وشائك جدا جدا ومطروح للمناقشه )))))

[abo adhem]

السلام عليكم و رحمة الله و بركاتة
انا انتظرت الى ان يعمل المنتدى لكى ابدأ معكم مواضيع جامده للمناقشه ونحاول نعرف رأى بعض ونشوف المستوى الفكرى للمناقشه يلا بقى ورونى شطارتكم فى المناقشه وربنا يوفقكم

الحقيقة الموضوع الي حتكلم فيه حساس جداو شائك جدا جدا لكن في نفس الوقت هو خطير جدا و ان دل علي شئ فانه يدل علي ان معظم العرب علي وجه العموم و المصريين علي وجه الخصوص مصابين بمرض انفصام الشخصية , وبيدل ايضا علي انهيار القيم و المبادئ في المجتمع و ان الدين بالنسبة للمسلمين ركعتين و حجاب و برنامج فتاوي علي الفضائيات 90% بتتكلم عن امور ثانوية جدا في حين ان الامور و القيم الاساسية في الدين منهارة تماما.
دراسه:

اما بالنسبة للدراسة هي دراسة عملها موقع جوجل عن اكثر المواضيع التي يبحث عنها الشباب المصري علي الانترنت و اللي غالبا لا تختلف اهتماماته عن اهتمامات الشباب في اغلب البلاد الاسلامية - الدراسة بتقول ان اكبر كلمه يتم البحث عنها علي الانترنت هي كلمة - سكس - يليها اغاني ثم افلام . طبعا انا متأكد ان الموضوع مش مفاجأه لنا و علي الرغم من ده مثل لى اناشخصيا صدمة كبيره جدا و الحقيقه انا أتأكدت من ده بنفسي فيgoogle trend و الكارثه الاكبر ان الدول الاسلاميه بما فيها تركيا و باكستان هم الاكثر بحثا عن هذه النوعية من المواضيع في العالم كله.
بريد:
بالنسبة لبريد الجمعه اللي نسبه كبيره جدا من المصرين بتتبعه من سنين طويله , في الفتره الاخيره احتوي علي رسائل كتير مضمونها الخيانه عبر الانترنت من خلال ممارسة الجنس عبر برامج الشات و المصيبه ان بعض اللي بيعملوا كده متزوجين يعني المفروض انهم مش محتاجين لمثل هذه الامور


مواقف:


بالنسبة للمواقف اللي بتحصل من خلال برنامج الما سنجر اكثر الشباب الا من رحم ربي متصور انه طالما بيتكلم مع بنت عبر الانترنت يبقي كل شئ مباح و الغريب في الامر ان الشاب بيتصدم من موقف البنت الي بترفض تتكلم في الامور دي و لو عليه حيقولها "امال انتي داخلة النت ليه " و كأن المفروض علي كل مستخدمي الانترنت انهم داخلين لممارسة الرذيلة علي الانترنت.

بعد ايضاح اسباب فتح هذا الموضوع نبدأ في الحديث عن دلالاته
-1من المفترض ان المسلمين هم اكثر الناس تمسكا بدينهم و عقائدهم والعلاقات الغير مباحه بمختلف اشكالها و مسمياتها تعتبر من الكبائر في الدينالاسلامي و رغم ذلك انتشارها علي الانترنت يدل علي عكس ذلك.
-2 الطبيعة القبليه في المجتمع العربي (القبائل و العائلات) تسببت في جعل المجتمع العربي اكثر محافظه لان الناس عارفه بعضها و دايما بينسبه الشخص لعائلته و قبيلته و طبعا ده بيجعل الشخص محافظ اكتر علي تصرفاته و افعاله طبعا ده كله ادي الي ثقافه اجتماعيه عامه متعلقه بالمجتمع كله علي اختلاف اديانه و ثقافاته , و بالتالي مش الدين وحدة المسئول عن المجتمع العربي المحافظ.
3- اذن من 1, 2 نستنتج اننا في مجتمع متدين بطبعه محافظ له تقاليده و عاداته الشرقيه التي تعتبر الشرف من اهم مقومات الحياه وفي نفس الوقت 1, 2بيتعارضوا تعارض كامل عن الدراسة الي طرحتها علينا جوجل و عن المشكلات اللى بيعرضها علينا باب بريد الجمعة:- و ده يجعلني استنتج عدةاشياء:-

1- ان المجتمع العربي مصاب بمرض الفصام اي انه يعيش بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة امراض نفسيه.
2- الشباب العربي يعاني من خواء الشخصيه لان اللى بيضيع كل الوقت ده في البحث عن الاشياء دي صاحب شخصيه جوفاء ضعيفه مهتزه غير محدده المبادئ و القيم والمعايير اي شخصيه منهاره.
3- اعتقد ان السببين 1, 2 كفيلين باننا نعرف ليه مجتماعتنا منهاره سياسيا و اقتصاديا و فكريا و ثقافيا و دينيا و ليه مفيش ولا جامعه مصريه ضمن قائمة افضل 500 جامعة في العالم.

اسئلتي الان و اللي بطرحها للمناقشه
تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟
هل المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي ده؟؟ و يا تري بعد الزواج الموضوع ده حيكون له تأثير علي العلاقه الزوجيه والماديه و المعنويه؟؟ و يا تري اللي بيعمل كده, اييه هي القيم و المبادئ الي حيعلموها لولادهم ؟

اتمني اكبر مشاركة في الموضوع لان الموضوع فعلا هام جدا فهو سبب ونتيجه - نتيجة لما نمر به من انهيار في جميع المجالات و سبب في انهيار اخلاقي وامراض نفسيه , و ده اللى خلاني اسأل هل فعلا احنا مؤهلين للاصلاح و اذا تم الاصلاح هل نقدر نتعامل معاه.
و لكن لي رجاء ان نناقش الموضوع بايجابيه وموضوعيه
دون الخروج عن الاسلوب الاخلاقى المتبع فى منتدانا العظيم
اقول قولى هذا واسغفر الله لى ولكم
والسلام عليكم ورحمة الله وبركاته
اخوكم ابو ادهم

[الفراشه]

شكررا يابو ادهم على الموضوع
وفعلا ده حال الشباب ياابو ادهم ونقدر نحمل المسؤليه الكامله للاسره ومن بعدها الموسسات التربويه الي مر بيها الشاب ده ومن بعدهم وهيكون تقريبا بنسبه20%على الشاب نفسه الي سمح لنفسه انو يكون عضو في هدم الاسلام ومرعاش ضميره ولا اخلاقو
والاسره الي بتسيب ابنها او بنتها طول اليوم على النت بدون مراقبه وتعرف ابنها بيعمل ايه 24 ساعه في غرفته مبيطلعش منها الا عند الاكل او الخروج
وانا بقول ان الحل الوحيد طالما ان احنا مش ورانا حاجه غير النت ده نستغل ولو ساعه واحده من 24 ساعه قدام النت في حفظ ولو وجه واحد من صفحه في القران والصلاه مش هتخد والله والله 5 دقايق بس من وقتك وانا اضمن كل الشباب الي ان شاء الله يعملوا كده ان عزيمتهم هتقوى بحفظ الله ( احفظ الله يحفظك)وعمرهم ما هيفكروا يفتحوا حاجه ز ي كده تاني بس بشرط تكون معتمد على الله ثم عزيمتك بعدم العوده لهذا الذنب الذي هو بمثابت الزنا لان العين تزني برئيه المنكرات............

تقبل مروري مع خالص شكري وتقديري لك يا ابو ادهم............

[abo adhem]

شكرا جزيلا اختى نهله للمشاركه
يبفى هنا انتى حددتى الجانب الدينى على من تقع المسؤليه على الاسره ولا الدعاه
ام نؤهل انفسنا نحن لتربيه انفسنا
المشكله يااختى اكبرمن كده احنا لابد لنا من تغير جزري فى كل حياتنا علشان نقدر نتفاعل
فى الحياه ونكون اكثر تقدم ونتأهل فى كل المجلات وانا فى رأى اننا لسه مش مؤهلين ان نمسك مناصب اتمنى ذلك
اعزك الله اختى الفاضله وبارك فيكى
ابو ادهم

[imane de maroc]

mawdo hilwe bzaf

[ranomaa]

موضوع جميل ياأبو ادهم تسلم عليه
انا من وجهة نظري بحمل الاهل او البيت الاسري جزء من المسئوليه وطبعا دا لان البيت هو الماء الذي يروي النبته بمعنى لما الاب يلاقي ابنه على طول مشغول امام الكمبيوتر ليه ميسألهوش انت بتعمل ايه فالنفرض ان الابن هيكذب عليه ليه الاب اصلا او الام متصاحبش ابنها وتتقرب منه بطريقه تعرفها هو بيعمل ايه لكن للأسف أغلبية الاهالي بتحسس أولادها انهم فاشلين وانهم ملهومش لزمه في الحياة وان وجودهم زي عدمه ولو نجح في حاجه بيحبها اشهر جمله بتتقال ((جتك خيبه يعني جبت الديب من ديله))....!!!!!
الجزء التاني من المسئوليه بيقع على كاهل الشباب نفسه,,,,,الشباب دلوقتي مش عارف هو عاوز ايه بمعنى اوضح دماغه فاضيه ملهوش هدف حاطه علشان يحققه كام زاحد كان نفسه يعمل حاجه عملها مش هنقولظروف ماليه واقتصاديه وتبقى دي الشماعه اللي بنعلق عليها الحجج بتاعتنا رغم لو بصينا هنلاقي عندنا شباب بجد دماغها ذكيه جداااااااا وعندهم افكار ممكن توصلنا لمكانه محترمه في جميع المجالات لكن لا حياة لمن تنادي ومنلقيش اللوم على الافلام او الكليبات اللي مش عاوز يعمل حاجه مش هيعملها ....
واخيرا..........من وجهة نظري احنا غير مؤهلين اطلاقا للاصلاح في اي مجال من المجالات وكل اللي نقدر عليه هو الاحتفاظ بماضينا

اسفه على اطالة حديثي ولكنه موضوع شيق جداااااااااا
تقبل تحياتي

[abo adhem]

مشكوره اختى رانيم
طبعا مش كل الاسر كده مثل ما ذكرتى بس ده له فائده فى حاجه من وجهة نظرى لكل الشباب
يعنى كل اللى انتى ذكرتيهم اكيد اكيد لما يكونوا اسره ها يتفادوا كل اخطاء اهاليهم
ولاكن بالنسبه للشباب الناجح طبعا هو مؤهل لكده وغالبية الشباب دول تلاقيهم بيعملوا فى القطاع الخاص اذا هنا اضع يدى على تقصير الحكومات فى توظيف هذه الطاقات الهائله
واكتفى بهذا وللحديث بقيه مع الاخوه والاخوات
جزاكى الله خيرا اختى للمشاركه
ابو ادهم

[خلود]

فعلا كلامك كله صح اخي ابو ادهم اغلب الشباب داخلين النت عشان حاجات تافهة و لو كانوا يدخلوا عشان يستفيدوا كان تغيرت حاجات كثير في المجتمع طبعا هذا يحصل لغياب الوازع الديني بشكل كبير
و كمان يمكن لانه كل ممنوع مرغوب يمكن لانه المجتمع يرفض مناقشة مثل هذه الامور تلاقيهم يحصلوا في النت فرصة بعيدن انا اعتقد برضه ان المجتمع يتحمل جزء كبير و خصوصا الاهل
لانهم من البداية ما كان فيه توعية و تثقيف بمثل هذه الامور و كان مجرد ذكرها يعتبر عيب و اكبر غلط
تلقى الواحد يكبر و هو ما يفهم شي و تدريجيا يبدا يعرف و يفهم يعني لو كانوا الاهل اعتبروا هذي الاشياء طبيعة بشرية و غريزة فطرية و فهموا ابنائهم من البداية ما كان فكروا فيها بالشكل دا و الملاحظ انه اغلب اللي يعملوا كدا هم الشباب يعني مرحلة عمرية معينة عندها طاقة و لا تعرف اين
تصرفها .

شكرا لك اخي ابو ادهم على طرح هذا الموضوع للنقاش

يعطيك الف عافية لمواضيعك المميزة


تقبل مروري و فائق احترامي

[ريهام]

موضوع جميل وجاد فعلا
أنا شخصيا لما بشوف الشريط على المحطات وكل اللى فيه عاوز بنت احبها او عاوزة شاب احبه
بحزن على المستوى التفكيرى قبل الاخلاقى والدينى الذى وصل له الشباب العربى
هل الحب هذة العلاقة السامية وصلت لحد الطلب والتفاهه هذة واصلا ده طبعا مش حب
ولكنه كما تفضلت انت وقولت علاقات تحت مسمى الحب وده طبعا راجع الى مدى (التفاهة) التى وصل اليها الشباب العربى
ونظرته الخاطئة للفتاة التى تستخدم النت وسوء استخدام للنت من بعض الفتيات وطبعا سوء اخلاق وضعف دين
والصراحة حتى لانظلم الشباب ظلم بين هناك ايضا عوامل اقتصادية وسياسية
زى عدم وجود وظائف مناسبة او غير مناسبة من اصله
تأخر سن الزواج
واسباب كتير عموما اسفة على الاطالة وربنا يهدينا وشباب المسلمين

[abo adhem]

تسلمى اختى ريهام على المشاركه وانتى عامله غياب ليه ان شاء الله تتوجدى اكثر
ردك هايل يااختى والله ماشاء الله وزى ما انتى تفضلتى وقولتى ان العوامل الاقتصاديه والسياسيه
اثرت فعلا اصبح الشباب عندهم فرغ غير عادى وده ساعدهم يتجهوا الى موضوع المناقشه اللى احنا فيه بس انا بقول للشباب انهم لازم مايسيبش نفسه الى التيارت ويسعى الى عمل يفرغ فيه طاقته وللحديث بقيه وشكرا لك
ابو ادهم

[أمواج الذكريات]

دي أول مناقشة ليه في المنتدى و بجد الموضوع رائع و أنا حبيت أعلق عليه

اقتباس معظم العرب علي وجه العموم و المصريين علي وجه الخصوص مصابين بمرض انفصام الشخصية

اعتقد إن مفيش خصوص لإن الشباب المصري أفضل حالاً من كتير من شباب العرب و الدليل إن في شاب محافظ على دينه و إلتزامه رغم الظوف إللي بتصعب ده
في حين إن في شباب في العالم العربي كل أسباب التدين متيسره له و هو أسوء ما يكون الكلام امل البنات كمان
فمثلاً أنا في بلد عربي لا يسمح بالتبرج و اخروج للشارع بغير حجاب
لذلك في امدار وقت خروج الطالبات تكن هناك معلمة على باب المدرسة للتأكد من خروج اطالات و هم في الزي الشرعي
مع كل هذه الإحتياطات بمجرد خروج الطالبة تنزع الحجاب عنها
أنا ا أعمم على الكل بل أقول البعض .

اقتباس وبيدل ايضا علي انهيار القيم و المبادئ في المجتمع و ان الدين بالنسبة للمسلمين ركعتين و حجاب و برنامج فتاوي علي الفضائيات

ده إن وجد كمان

اقتباس الغريب في الامر ان الشاب بيتصدم من موقف البنت الي بترفض تتكلم في الامور دي و لو عليه حيقولها "امال انتي داخلة النت ليه " و كأن المفروض علي كل مستخدمي الانترنت انهم داخلين لممارسة الرذيلة علي الانترنت.

اقتباس

معاك حق يعني

إزاي واحد يقول لي أنا عايز إيميلك و أقول له إني مش بدي إيميلي شباب؟
بيكون مستنكر جداً و كأن الكلام عن طريق المسنجر حلال بين الشباب و البنات

سأعود بإذن الله لإكمال التعليق فيما بعد

لضيق الوقت

شكراً مجدداً
تحياتي :
أمواج