للي عاوز يتوب .... وبرده اللي مشعاوز يتوب ^_^

[*بنت عائشة*]

للي عايز يسيب ذنوبه !

سلاح ضد شهوات النفس
للي بيقول الفتن والشهوات هنعمل قدامها إيه في ذاك العصر الرهيب ....

عصر الشهوات والفتن ..

فتن في الإعلام والتلفزيون والمجلات والشوارع وفي كل الجامعات ....
نعمل إيه ؟!
إيه الحل ؟!

اسمع دعاء الرسول صلى الله عليه وسلم :
" يا حي يا قيــــــــوم برحمتك استغيث .. اصلح لي شأني كله ..
ولا تكلني إلى نفسي طرفة عين يا أرحم الراحمين ""

نفسي هتضيعني يــــــارب


شهوات نفسي هتوديني في داهية يارب


مش قادر أقاوم نفسي ومعاصي الشهوة يارب


اعمل ايه ..

تعبت يارب ,, برحمتك استغيث ,,






انت حاسس برحمة الله .. ده الرسول بيقول لاتكلني إلى نفسي طرفة عين
يعني ايه ياجماعة ؟

طرفة العين دي أبسط حركة في الجسم كله .. أبسط حركة لا إرادية في جسمك .

يعني إذا كانت أبسط حركة بتقوله يارب انا مقدرش عليها , يارب دي ابسط حركة مش هتتعمل غير بيك ,, اما باقي حياتي اعمل فيها إيه..

دي طرفة العين انت ماتعرفش بتعملك إيه .,
لو شفت مريض أُبتلي بنشفان دموع العين لأن طرفة العين دي بتجدد المياه في عينيك
عايشين في عذاب .. كل شوية قرحة .. كل شوية ألم
على طول عايشين على دموع صناعية ومراهم ! ربنا يعافينا




يعني كأنك بتقوله يارب دي أبسط حاجة مقدرش ادبرها لنفسي ..

تخيل لو ربنا سابك تظبط الضغط والسكر في دمك هتعمل ايه ؟؟

ولو سابك تنظم انزيمات المعدة بتاعت الهضم هتعمل ايه ؟ ده انت حتة اللحمة اللي بتاكلها من غير انزيمات المعدة عايزة 50 سنة عشان تتهضم ,,

انت محتاج ربنا في كل شئ

محتاج ربنا في كل حاجة

ومن غيرك يارب معرفش اعمل حاجة

مع أهل الكهف ربنا قال :
"" وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّـهَ فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا ﴿16﴾





مِن :: يعني شيء بس من رحمته


يعني مياه وسط الجبل وسخرلهم الشمس 300 سنة

وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ وَهُمْ فِي فَجْوَةٍ مِّنْهُ ۚ ذَٰلِكَ مِنْ آيَاتِ اللَّـهِ ۗ


لما ربنا ادهم شيء من رحمته حفظهم 300 سنة , نجاهم 300سنة , , ,




انت بقى لو أصابك شيء من رحمة الله هيحصلك إيه ..

ما أحوجنا إلى رحمة الله ,, ياجماعة الفكرة النهاردة اننا كلنا مبتلين لأننا مابنواجهش الحياة بقدرة الله ,, عندنا مشاكل في دنيتنا وديننا لأننا مابنواجهش الحياة بحول الله وقوته ,, ,,

ربنا سبحانه وتعالى نزلك الأرض وهو يعلم سبحانه إنك ضعيف ,,

بتترعب من أصغر ميكروب يتكبر 36ألف مرة تحت الميكروسكوب عشان تشوفه زي مابتترعب من الأسد اللي بيفترسك ,, ,,

انت .. ضعيف قدام كل حاجة

عاجز قدام كل حاجة .. متقدرش تعمل حاجة

طب ربنا خلاني عاجز كده ليه ,,

عارف ليه ...

عشان تقول يااااااااااااااااااااااارب

انت محتاج قدرة ربنا معاك في حياتك , قول بس يارب

وانت خزائن ربنا تبقى ف جيبك



منقول من محاضرة د/ حازم شومان