عملت ايه الثـــــــورة ؟؟؟؟

[شاعر واسير الحب]

عملت ايه الثـــــــورة ؟؟؟؟

ايه اللى احنا اخدناه من الثوره؟

مفيش حد سأل نفسه السؤال ده ؟

احنا اخدنا ايه منها ؟

نخش في الموضوع عشان الواحد ع اخرة

اولا انا وانت وهي ملناش في السياسة اوي
صح
بس لازم اقول رايي

وتقولوا رايكم برضوا

احنا خدنا اية من الثورة

اكيد في مكاسب طبعا

بس فين الامن

يعني اية بعد 11 شهر

مفيش امن

يعني اية في ضرب نار جنبي وانا راجع بيتي وراجل الشرطة واقف يحكي مع صاحبة

ايام مبارك عمرنا ما شوفنا كدة
صح ولا مش صح
صح بدون انكار
ماشي كان فيه كتم الانفاس وعدم الحرية بس ايه حرية ومافيش امن ولا امان
يعني ايه الخوف دب في قلوب الامهات والاباء علي ابنائهم

عيال بتتخطف وعربيات ...... اية دة كلة

يمكن انتو مش حاسين بحاجة

انما احنا مش عارفين نعيش

الواحد بيتشاهد في كل ثانية

هيطلع واحد كدة يقوللي اصبر

اقولة اصبر لامتي

لغاية ما اتخطف انا ولا واحد من اخواتي

ولا لغاية ما ابقي في خبر كان
طيب اخدنا الحرية وشمينا انفسنا
لقينا بلطجة وسرقة ونهب واعتصامات وتخريب ايه الفايدة من ثورة لم تنجب لنا مطالبنا

فين ايامك يا مبارك

احنا وصلنا الي كدا خلاص لازم ابكي علي الايام الماضية

واحد تاني يقول دة من مناصري مبارك

واللة انا فرحت انو اتشال

بس الوضع كدة زباااالة

والجيش مبيعملش حاجة
وخايف علي الشعب ومش راضي يضرب ولو ضرب الدنيا تخرب
يعني ايه الوضع الوقت نمشي من البلد
وحتي لو مشينا ما كل بلد فيها اللي مكفيها
يا ناس مصر بضيع من ايدينا بايدينا

وفي مظاهرات دلوقتي عندنا

نعمل اية يا جمااااااااااعة
والوضع الان في التحرير لايسر حبيب بل يسر العدو عاوز كدا تفكك بيننا وموجود والحمد لله التفكك

وعندهم مثل بيقول
فرق تسد
يعني لما احنا نتفرق العدو يكون هنا
في بلدنا
انتم عاوزين كدا ولا ايه
محتلين ونبكي ونولول من جديد

من شويه كده كنت قاعد بفكر
عملت ايه الثورة

اكتشفت انو ولا حاجه

الناس عماله كل شويه تنزل كل يوم جمعه
اشي جمعه تصحيح ولا جمعه غضب و معرفش جمعه ايه على جمعة ايه
المهم السلطه الجيش يسيب البلد ويسلمها لمين معرفش
عصام شرف اللي انتخبوه من التحرير و كانوا فرحانين بيه
كمان مش عايزينه طيب بداله مين معرفش

حتي مافيش جمعه اسمها جمعه العمل والانتاج

كله واقف واعتصام وبكي ونويح وعاوزين وعاوزين
منين ياحسرة ماتنتج يا فالح ويا فالحة

مسمعتش مره كده عن جمعه تخفيف الاعباء عن المواطن الغلبان
كان نفسي الاقي جمعه عشان فواتير الكهربا اللي قطمت وسطنا
ولا فواتير التليفون اللي كنا زمان بندفع 22 جنيه فس السنه دلوقتي مباااالغ كل 3 شهور
الواحد ميلحقش ياخد نفسه من دفع الفاتوره يلاقي التانيه بمبلغ وقدره حتى لو مش بيتكلم بيدفع دم قلبه

كان نفسي الاقي جمعه تقول الغوا ضريبة المبيعات اللي بتمص دمنا
ولا الضريبه العقاريه اللي واحد مش فاهم هي ليه وازاي و عشان ايه بس سرقه و السلام
واحد اشتري شقه من سنين ببلاش المنطقه غليت وهو موظف غلبان يدفع ضريبه على بيته عشان المكان اصبح اغلى
بالزمه دا كلام

كان نفسي الاقي جمعه تقول خففوا المناهج و حسنوا التعليم واهتموا بالطلبه
بدل المناهج المستفزه اللي النظام السابق حطها عشان الناس تتلهي في عيالها و محدش يفوق

كان نفسي الاقي جمعه تحديد الاسعار مش كل واحد يبيع على مزاجه

عملت ايه الثوره يا حصره

غير كل حاجه بقت غاليه ناااااااااار
و الناس مش قادره تعيش
فوضى و بلطجه هي دي البلد فوضي فوضى بلطجه بلطجه

( ينفع مطلع اغنيه على وزن زنجا زنجا ))

اهم حاجه تسليم السُلطه ( بضم الواو مش سَـــلطه الخضار او الفاكهه))
نفسي في شويه سلطة الوقت يلا مافيش طماطم غالية والخضار اغلي

والفاكهة بتصور جنبها بس
لما الثورة تنجح تعيشي وتعيش وربنا يعطيك طولة العمر
والاسعار تقل بقي احقق حلم اكلة السَـلطة

واهم حاجه الانتخابات ماهي تورته وكل واحد يلحق حته
ناس كانو بيضربوا بالجزم باقلهم صوت و حزب وكل همهم يلحقوا كام مقعد في المجلس

و ناس كانوا مستخبيين في الدرة فجأة طلعوا متعرفوش منين و عملوا حزب
وغيرهم و غيرهم كل همهم السلطه و النفوذ والناس الجديده برضو بتستخدهم نفس الاساليب القديمه
هههههههههههههههه اساليب الفلول و الحزب الوطني
اتشال الحزب الوطني بس بقى 1000 حزب وطني جديد بس بأسماء تانيه
كلهم كدابين و غشاشين كلهم حزب وطني فاسد كلهم عايزين الحصانه و السلطه
محدش فيهم همه الغلابه و الناس كلهم همهم نفسهم
و الاعلام مساعدهم محدش همه البلد ابدااااااااااااااااااااااا
كله عايز مصلحته الله يعينا على اللي جاااااااااي
دا رأي

انت رأيك وفين انت من البلد
ولا قاعد امام النت وخلاص بتسمع رايك فين كلامك
فين صوتك فين ولا عندك برد

اتمني تشارك ونسمع نقرأ لك هنا في ردك

[S n i p e R]

اقتباس اولا انا وانت وهي ملناش في السياسة اوي صح بس لازم اقول رايي

متفق معاك اووووووووووووووووووووووي ف النقطة دي

لو احنا بنفهم ف السياسة لو حاجة بسيطة

كان زمانا فهمنا ان 11 شهر دول ولا حاجة بالنسبة للي حصل

عشان نبقى دولة بجد محتاجين 11 سنة مش شهر

ساكتين بقالنا 30 سنة وبناخد على قفانا

وجاي تقولي 11 شهر

مش مفروض نقول اصبر

مفروض غصب عننا نصبر

لان يا الصبر يا نروح ف داهية

الوضع مش مستحمل تقولي طلبتنا ومش طلبتنا

طلباتنا دي مش هتتنفذ إلى لما نتغير احنا

فاضل كتييييييييييييييير عشان نبقى دولة بجد

مش هنتغير ف يوم وليلة

موضوع مميز اخي

تحياتى

[DR.SMA]

اهلا وسهلا استاذ جلال
حضرتك بتتكلم على ثوره على فساد دام اكتر من 30 سنه
ثورات العالم كله بتحصل
ويكون في فتره عدم استقرار
وبعدها تقوم ثوره تصحيح
انا هنا عارفه ان مفيش امان
اختي ف اعدادي واعدت من المدرسه من قبل العيد ببتاع 3 اسابيع
اتخطفو من عندهم بنات وولاد قدامهم

اكيد مفيش امان
لكن ايه السبب فعدم الامان
الناس الي كانت بتاكل عيش من ورا النظام الفاسد بدأت تطلع
طبعا ما هي دلوقتي مش لاقيه تاكل
احنا يعني كنا مبسوطين والفار فجحره وكل يوم يطلع يسرق حته جبنه بالراحه
وزعلانين لما طلع وشفناه وهو بيسرق
على الاقل دلوقتي عارفينه وبنحاول نجيبه ونتقي شره
لكن الاول كان متخفي

كل حاجه موجوده من قبل ثوره 25 يناير
لكن الفرق انها ظهرت والناس خدت الثوره شماعه يعلقو عليها الحجات دي بس
خدنا من الثوره على الاقل الخوف الي جانا كشعب اتكسر
حتى لو راحت ارواح كتير
يكفي ان الشعب ده يفهم معنى انه المفروض يعيش حر
وان حقه لازم ياخده لو بدمه
الشعب ده كان اجبن من انه يقول انا جعان
دلوقتي بيطلع ف اعلى مكان ويقول انا جعان وعارف ان الرصاصه هتضربه
ومش خايف حتى من الموت
تفتكر دي مش حاجه كويسه
حتى لو راح ناس

السكوت على الظلم ظلم
وان كان ال11 شهر مده كبيره وزعلانين عليها
اما ال30 سنه دول كانو ايه
الفرق بس ان الحكومه والي موافقنها لقو شماعه يعلقو عليها الي بيحصل
وطلعت بقى فشلت الثوره وحصل وحصل
طيب ما هو كان بيحصل من زمان وكان فشل النظام هو السبب
المفروض طالما زعلانين على الي بيحصل كنا زعلنا من زمان
ربنا يصلح الامور وتعدي على خير
ويقدر الخير للبلد دي ويولي من يصلح
تحياتي استاذ جلال على الموضوع
شكرا ليك ,,

[يمانيه وافتخر]

متاكد انك مصري من ام الدنيا التغيير سنه من سنن الله في الكون واي تغيير في الكون محفوف بالفتن اذا كل شخص انكسر من اول انتكاسه ما كان احد عمر الارض واي امان تتكلم عنه في زمن مبارك الامان مش محصور في ان تمشي في الشارع وما احديعترضك اين الامان في التعليم والصحه وغيرها

[شاعر واسير الحب]

اقتباس المشاركة الأصلية كتبت بواسطة silver sniper متفق معاك اووووووووووووووووووووووي ف النقطة دي لو احنا بنفهم ف السياسة لو حاجة بسيطة كان زمانا فهمنا ان 11 شهر دول ولا حاجة بالنسبة للي حصل عشان نبقى دولة بجد محتاجين 11 سنة مش شهر ساكتين بقالنا 30 سنة وبناخد على قفانا وجاي تقولي 11 شهر مش مفروض نقول اصبر مفروض غصب عننا نصبر لان يا الصبر يا نروح ف داهية الوضع مش مستحمل تقولي طلبتنا ومش طلبتنا طلباتنا دي مش هتتنفذ إلى لما نتغير احنا فاضل كتييييييييييييييير عشان نبقى دولة بجد مش هنتغير ف يوم وليلة موضوع مميز اخي تحياتى

اشكرك علي مرورك

انا بوضح 11 شهر بعدد السنين اللي مضت 30 سنة

ليه انا وانت والكل مستعجل علي الحكومة ليه نتطلب من حكومة عدت نفسها وتاهلت لتكون في خدمة الجميع ليه نطلب من الجيش الوقت بترك زمام الامور ولمن تترك ؟
ليه احنا صوتنا عالي الوقت كان فين من زمان
ليه لم نتعلم الصبر ولو نتجرعه جرعه جرعه كما كنا نصبر علي الصبر نفسة خلال 30 سنه

ليه الوقت بنحب نوقف المساعي والمراكب الماشية والامور ومستعجلين كل شئ
ليه الوقت بنحب نتكلم باسم الثورة
ليه كل الشعب سار يعلم في السياسة وبيتكلموا وبيحكموا وبيقولوا قرارات الشعب الوقت كله سياسي

احزاب خرجت من بطن الحزب الوطني موجودة
ناس اسسوا احزاب كانوا عناصر الحزب و30 سنه خدمة

لية وليةولية
ونرجع نقول ثورة ثورة

لك تحيتي

[شاعر واسير الحب]

اقتباس المشاركة الأصلية كتبت بواسطة dr.sma اهلا وسهلا استاذ جلال حضرتك بتتكلم على ثوره على فساد دام اكتر من 30 سنه ثورات العالم كله بتحصل ويكون في فتره عدم استقرار وبعدها تقوم ثوره تصحيح انا هنا عارفه ان مفيش امان اختي ف اعدادي واعدت من المدرسه من قبل العيد ببتاع 3 اسابيع اتخطفو من عندهم بنات وولاد قدامهم اكيد مفيش امان لكن ايه السبب فعدم الامان الناس الي كانت بتاكل عيش من ورا النظام الفاسد بدأت تطلع طبعا ما هي دلوقتي مش لاقيه تاكل احنا يعني كنا مبسوطين والفار فجحره وكل يوم يطلع يسرق حته جبنه بالراحه وزعلانين لما طلع وشفناه وهو بيسرق على الاقل دلوقتي عارفينه وبنحاول نجيبه ونتقي شره لكن الاول كان متخفي كل حاجه موجوده من قبل ثوره 25 يناير لكن الفرق انها ظهرت والناس خدت الثوره شماعه يعلقو عليها الحجات دي بس خدنا من الثوره على الاقل الخوف الي جانا كشعب اتكسر حتى لو راحت ارواح كتير يكفي ان الشعب ده يفهم معنى انه المفروض يعيش حر وان حقه لازم ياخده لو بدمه الشعب ده كان اجبن من انه يقول انا جعان دلوقتي بيطلع ف اعلى مكان ويقول انا جعان وعارف ان الرصاصه هتضربه ومش خايف حتى من الموت تفتكر دي مش حاجه كويسه حتى لو راح ناس السكوت على الظلم ظلم وان كان ال11 شهر مده كبيره وزعلانين عليها اما ال30 سنه دول كانو ايه الفرق بس ان الحكومه والي موافقنها لقو شماعه يعلقو عليها الي بيحصل وطلعت بقى فشلت الثوره وحصل وحصل طيب ما هو كان بيحصل من زمان وكان فشل النظام هو السبب المفروض طالما زعلانين على الي بيحصل كنا زعلنا من زمان ربنا يصلح الامور وتعدي على خير ويقدر الخير للبلد دي ويولي من يصلح تحياتي استاذ جلال على الموضوع شكرا ليك ,,

اشكرك علي المرور

اكيد مافيش امان خالص الثورة المفروض تكون امن في بيتك امن علي اولادك امن علي اخواتك

حضرتك قلت زميله اختك وامام اعينهم هنا لا نسلط كل الانظار علي الفلول
هنا يوجد بلطجي سنحت له الفرصة لعمل الاجرام فين الثورة فين النظام فين انا وانت وهم من الحماية
الان الخوف دب في قلوب الاباء والامهات علي اولادهم
الحرية الزائدة مه وجود الخوف لا تنفع ولا تصح اطلاقا

كلمنا كنا 30 سنه مكممين لا يوجد حرية طيب الوقت معنا الحرية ولا يوجد الامان

اطلع اقول انا جعان ورصاصة تاتي في قلبي فالفائدة
هل الموت حرية هل كدا احنا زدنا الطين بلة موت وخراب ديار
ليه اعتصم وانا لا اعرف انا رايح التحرير عشان ايه
ليه نقول الثورة فشلت احنا لابد نكون ايجابيين
الثورة لابد من تخطيط لها من جديد الوقت يطالعنا الف ريس للثورة وكل منهم يحمل اجندة وبيتكلم بالامس احد المتحدجثين عاوز يفرض رايه علي الجيش فلان رئيس وزراء وفلان وفلان
السفينة اذا كترت الريسة غرقت
هكذا الثورة غرقت من كثرة كل من يريد ان يحتضنها لنفسه ويمون هو الواصي لها
الثورة احنا اللي غرقنها في خبر كان اعطينا هنا للفلول ان يتحركوا ويثبتوا لنا انهم كانوا فعلا صح
كام حكومة الان مسكت مصر في خلال 11 شهر
كم واحد طمعان في الرئاسة
كم واحد يريد ان تعرفه الفضائيات ليتكلم ويهلل اي كلام في اي كلام المهم اتكلم
الثورة مش شماعة احنا اللي عمنها شماعة بتصرفتنا
واعتصامتنا ولم نتبه الي الانتاج والعمل من انجاح الثورة
اعطينا فرصة للبلطجية والحرمية انهم يكونوا بينا من جديد بثوب ناصع البياض

اشكرك اسماء علي حضورك ويارب ما يحرمنا من حضورك ويبعد عنا البلطجية والحرمية وتكون مصر ديما في الامام منصور معززة يارب

[شاعر واسير الحب]

اقتباس المشاركة الأصلية كتبت بواسطة يمانيه وافتخر متاكد انك مصري من ام الدنيا التغيير سنه من سنن الله في الكون واي تغيير في الكون محفوف بالفتن اذا كل شخص انكسر من اول انتكاسه ما كان احد عمر الارض واي امان تتكلم عنه في زمن مبارك الامان مش محصور في ان تمشي في الشارع وما احديعترضك اين الامان في التعليم والصحه وغيرها

اشكرك علي المرور

والله انا مصري
صح التغيير مطلوب وغيرنا ونتبه لمصر ننتج نعمل الحال واقف الان
الامان كان موجود والحرية مفتدة والوقت لا مان ولا حرية ضاعوا في الزحمة
والناس في خوف وحريتهم محصورة الان في بيوتهم بس خلاص الكلام خلص
اذا ضاع الامان في الدولة فلايوجد امان في كل المصالح

اشكرك

[الرحــاال المٌتَمرد]

سؤال حضرتك اللى هو العنصر الأهم فى موضوعك
عملت ايه الثوره ؟؟
حتى الأن .. لا شىء
ولكن لطفاً با سيدى
وتمسك بالأمل حتى وأن كان صعب ومن المستحيـل
لابد أن تشرق شمس الحريه والأصلاح والعداله
ولابد أن تعود للوطنا الغالى (مصـــر)
لان قالها العزيز الحكيم

(أدخلوا مصر آمنين)

دمت دوماً بخيـــر

[رووكه]

والله يا جلال احنا تعبنا

كتير قولنا ان الثوره ضيعت ناس كتير والبلطجه كترت

سرقه وخطف واعتداء ع بنات علنى

المصيبه لما تصرخ وتقول يا شرطه يعملو ودن من طين والتانيه من عجين

انما الانهرده انا مع ثوره الشباب لانى فهمت

صح احنا اتسرقنا وكده كده البلد ضاعت والتهمه لبست شباب 25

وكل الناس ثارت عليهم واحنا منهم

الانهارده بوجع القلب وقلبته الجيش علينا طب ليه

الجيش كان السند بعد ربنا لينا

كل يوم تاجيل وتاجيل ونفس نظام الفلول القديم هو اللى موجود

سياسه مبارك هى سياسه الموشير

المفروض انه يراعى ان الشعب فرح ان الجيش معاه

مش ينزل يضرب فيهم من غير سبب ويدى كارت بلانش

لشرطه تسحل فى العيال ليه ولحساب مين

بجد حاجه توجع القلب هنروح لمين تانى

وفعلا ع فين يا مصر وامتى هنرتاح ونام فى امان

ونثق فى مين تانى عليه العوض ومنه العوض

[ღ Gի๐sτ ღ]

انت طالع من 30 سنة ظلام عاوز تشوف النور في 11 شهر !!
انت قلت انك ملكش في السياسة فيمكن عشان كدة لسة مش حاسس ان اللى بيحصل دة عادي

اساس نجاح كل حاجة هي الادارة والنظام والعدل
واحنا معندناش ادارة لسة اللى هى المنتخبين
تعرف ان لسة مفيش رئيس في البلد ؟؟ تعرف ان الانتخابات البرلمانية لسة متعملتش ؟؟

لسة الانتخابات جاية ولما تتعمل كل واحد هايختار الانسب والافضل واللى يفيد البلد صح
بعدها هاتشوف الناس دي هاتعمل اية للبلد وهاتشوف البلد هاتبقى عاملة ازاي

ان كاان مفيش امن فدة طبيعي لاننا من غير رئيس ومن غير حاجة احنا بنحمي نفسنا تحت حما ربنا

استني بعد الانتخابات ماتتعمل وتعالى كدة كمان كام سنة وشوف مصر دي هاتبقى عاملة ازاي