عملت ايه الثـــــــورة ؟؟؟؟

[αЛαstoOorα]

فين ايامك يا مبارك

احنا وصلنا الي كدا خلاص لازم ابكي علي الايام الماضية

صحيح لازم تبكي!! لو كنت بعيد عن الناس اللى كانت بتكمل عشاها نوم جوه مصر ؟ لازم تبكي

ولو كنت بعيد عن الغلابة اللى مطحونين فـ سقاية طول النهار بـ 300 جنيه فـ الشهر عشان يربو عيالهم ويطلعو من شغلانة يخشو فـ التانية عشان ميشحتوش جوة مصر لازم تبكي

ولازم تبكي لو كنت بعيد عن الخريجين اللى كانت بتتخرج تقعد على القهوة وتشتكي لربنا من قلة الشغل

ولازم تبكي لو كنت مبتضربش على قفاك فـ اللجان وآنت ابن ناس وتتهان بدون اى اسباب

ولازم تبكي لو كنت من الناس اللى ربنا محققلها امنيتها فـ الدنيا وواخدين حقهم بقة

لكن لما توصل لسن ال 40 مش عارف تتجوز ومش لاقي شقة ومرتبك مش مكفيك كنت حسيت


اوعي تفكر فـ عصر مبارك مكنش فيه تحرش ؟ ومكنش فيه خطف وقتل ونهب وسرقة وقلة آدب وسفالة وبيع مخدرات والصيع ماليين المناطق عشان عصر مبارك هو اللى خلاهم صيع وبلطجية ؟

اوعي تفكر فـ عصر مبارك الناس مكنتش بتموت من الخوف والزل والقهر لاء لو كنت فاكر غير كدا

تبقي انت كنت فـ دنيا تانيه بقة غير دنيتنا دي آوعي مش مدرك اللى بيحصل حوليك

فـ عصر مبارك الناس كانت بتموت من الرعب على عيالها اللى مش لاقيين يعلجوها من مرضها

وهتموت الناس كانت بتموت من الرعب والخوف على عيالها اللى كانو بيتمسكو فـ اللجان يتلفئلهم

قواضي مخدرات وشيل سلاح وهما ولا ليهم فـ الطور ولا فـ التحين مجرد رذالة ..

فـ عصر مبارك الجهل والمرض والآهانة وقلة الآدب والجوع والتعب والموت والمرار واليآس والجنان

والخراب والسرقة والبلطجة والتيتم والعجز والقرف وكل حاجة كانت تنطق من وتتكلم من الذل واليآس الجبال كانت قربت تنطق الحمير نهئت وزعقت

كل اللى يطلع يقول عملتلنا ايه الثورة .. عملتلنا ايه الثورة ..زي ميكون كنتو عايشيين فـ رفاهية فـ عصر مبارك والفلوس كانت بتجلكم لحد بيتكم فـ آكياس وكل واحد فيكم عندو فيلا بدورين ع البحر

مش هيحس بالثورة غير الغلابة اللى كانت فعلا مش واخدة حقها جوه بلدها واللى كان بياخد حقة دايما اللى لي ضهر فيها ووسطة ..مش الغلابة ..اللى هيحس بالثورة الشباب اللى عانت بسبب نظام معفن

واتبهدلت واتهانت من شوية زبالة كانو بيحكمو البلد لكن الناس اللى كانت مرتاحه بقة وطلعت لقت

ابوها سايبلها حتتة ارض ولا سلسلة مطاعم ومدارس للغات ودادة تصحيه وخدامة تروئلة وطباخ يآكله

دا آكيد يعني من الطبيعي ميحسش هيحس بآيه تاني كفاية الآحساس اللى هو عايش فيه يعمي عنيه عن اى حاجة تانيه وطووز فـ النظام !!!

هرجع واقول برضه حسبنا الله ونعم الوكيل

ربنا يرحمنا برحمته

[شاعر واسير الحب]

اقتباس المشاركة الأصلية كتبت بواسطة ! HerOoO ! فين ايامك يا مبارك احنا وصلنا الي كدا خلاص لازم ابكي علي الايام الماضية صحيح لازم تبكي!! لو كنت بعيد عن الناس اللى كانت بتكمل عشاها نوم جوه مصر ؟ لازم تبكي ولو كنت بعيد عن الغلابة اللى مطحونين فـ سقاية طول النهار بـ 300 جنيه فـ الشهر عشان يربو عيالهم ويطلعو من شغلانة يخشو فـ التانية عشان ميشحتوش جوة مصر لازم تبكي ولازم تبكي لو كنت بعيد عن الخريجين اللى كانت بتتخرج تقعد على القهوة وتشتكي لربنا من قلة الشغل ولازم تبكي لو كنت مبتضربش على قفاك فـ اللجان وآنت ابن ناس وتتهان بدون اى اسباب ولازم تبكي لو كنت من الناس اللى ربنا محققلها امنيتها فـ الدنيا وواخدين حقهم بقة لكن لما توصل لسن ال 40 مش عارف تتجوز ومش لاقي شقة ومرتبك مش مكفيك كنت حسيت اوعي تفكر فـ عصر مبارك مكنش فيه تحرش ؟ ومكنش فيه خطف وقتل ونهب وسرقة وقلة آدب وسفالة وبيع مخدرات والصيع ماليين المناطق عشان عصر مبارك هو اللى خلاهم صيع وبلطجية ؟ اوعي تفكر فـ عصر مبارك الناس مكنتش بتموت من الخوف والزل والقهر لاء لو كنت فاكر غير كدا تبقي انت كنت فـ دنيا تانيه بقة غير دنيتنا دي آوعي مش مدرك اللى بيحصل حوليك فـ عصر مبارك الناس كانت بتموت من الرعب على عيالها اللى مش لاقيين يعلجوها من مرضها وهتموت الناس كانت بتموت من الرعب والخوف على عيالها اللى كانو بيتمسكو فـ اللجان يتلفئلهم قواضي مخدرات وشيل سلاح وهما ولا ليهم فـ الطور ولا فـ التحين مجرد رذالة .. فـ عصر مبارك الجهل والمرض والآهانة وقلة الآدب والجوع والتعب والموت والمرار واليآس والجنان والخراب والسرقة والبلطجة والتيتم والعجز والقرف وكل حاجة كانت تنطق من وتتكلم من الذل واليآس الجبال كانت قربت تنطق الحمير نهئت وزعقت كل اللى يطلع يقول عملتلنا ايه الثورة .. عملتلنا ايه الثورة ..زي ميكون كنتو عايشيين فـ رفاهية فـ عصر مبارك والفلوس كانت بتجلكم لحد بيتكم فـ آكياس وكل واحد فيكم عندو فيلا بدورين ع البحر مش هيحس بالثورة غير الغلابة اللى كانت فعلا مش واخدة حقها جوه بلدها واللى كان بياخد حقة دايما اللى لي ضهر فيها ووسطة ..مش الغلابة ..اللى هيحس بالثورة الشباب اللى عانت بسبب نظام معفن واتبهدلت واتهانت من شوية زبالة كانو بيحكمو البلد لكن الناس اللى كانت مرتاحه بقة وطلعت لقت ابوها سايبلها حتتة ارض ولا سلسلة مطاعم ومدارس للغات ودادة تصحيه وخدامة تروئلة وطباخ يآكله دا آكيد يعني من الطبيعي ميحسش هيحس بآيه تاني كفاية الآحساس اللى هو عايش فيه يعمي عنيه عن اى حاجة تانيه وطووز فـ النظام !!! هرجع واقول برضه حسبنا الله ونعم الوكيل ربنا يرحمنا برحمته

اشكرك علي المرور

انت زعلان يا HerOoO

موضوعنا نقاش بس مش كل الزعل بس اقولك الثورة عملت ايه برضوا ناس انتهزتها فرصة هبش ونهب وبلطجة
ناس قاعدة ليل نهار في التحرير بيصرفوا من اين وبياكلوا من اين
6 ابريل عرفناها من اين كانت المعونات
مش عاوزين نضحك علي انفسنا بكلام وخلاص ونقول ثورة
لوكانت ثورة ماكنش الناس راحت التحرير وراحت الشغل عشان الانتاج عشان مصر اللي عمالين نهتف ونقول مصر مصر
المصانع وقفت ولم تعد تنتج من قلة العمال وهروبهم الي التحرير
الكل هاص وزاط والكل بيقول انا البطل اللي حررت مصر
اسمع الفضائيات وشوف كل يوم يطلع علينا منسق حركة ومحرر مصر
كم حزب الان في مصر الان اكثر من خمسين حزب كلهم كانوا علي ايام مبارك ابنائك سيبك من كلامهم وينتمون اليه
كل اللي كانوا بيهتفون لحسني الان ضدة وركبوا الموجة هم هم من غير تغيير

اشكرك بس بدون زعل احنا بنتناقش

[فارس الكلمة]

شاعر واسير الحب
متفق معاك فى كل ما قتله
الثورة ورثت لنا الخراب والتأخير
فعلا فين الأمن فين الأمان
فين الشعور بالأدامية فين الأحساس
فين الحق فين العدل
فين الشرطة فين الشعب
ليه البلطجة فى مكان
فى كل حارة وشارع كمان
ليه أختى وأختك تنجرج كمان
ليه أمى تموت من حسرتها على أخوى المخطوف الغلباان
ليه السيارات تتسرق فى عز النهار
فينك يا بلد وفين الأمان
الفقر والأمن أرحم من الغنى وكل اللى بيحصل فى هذا الزمان
فينك يا ثورة وليه غايبة
فينك يا تحرير وفين الأربعين
دموعى تسبق كلامى
ألمى يحاصر أيامى
والله الثورة تركت الخراب
ولسه بدرى للإنصلاح الحال
يااااارب يكون بسرعة الحال ينصلح
أخى شاعر واسير الحب
موضوعك روعة يستحق النقااااااااااااش
تقبل مرورى ودمت بالخير
فااااااااااااارس الكلمة

[طِيشْ !]

أنـــــــــــا معاك في إن احنا ممكن منكونش فاهمين في السياسة اوي

احنا بقالنا اكتر من 30 سنه عايشين في ظلم

وناس عايشة في عشوائيات وناس مش لاقيه تاكل

ملايين معندهومش بيوت

وتقــــــــــول نسكت كنا هنسكت لحد ايمتا

حضــــرتك أنا مش هتكلم علي نفسي ولا إنت هتتكلم علي نفسك إحنا بنتكلم


عن 87 مليووووووووون عايشين في صندوق ... اللي هوا اسكندرية والقاهرة

والمدن التانية فيييييييين باقي البلد


ليه بنستورد سلع غذائية وحاجات مسمومة ومنتهية الصلاحية من برا ....

كنـــــــــا هنسكت لحد ايمتا


لو سكتنا كان زمانا دلوقتي تحت حكم جمال ولا علاء مبارك

لو سكتنا ومكملناش هتبقى دي الفوضي وعدم الاستقرار اللي بجد

الفترة الإنتقالية لازم تكون فيها زعزة أمن واستقرار

شــيء طبيعي احنا مش بنعمل سلطة ... احنا بنغير نظام حكم


بنغير بلــــد ... شبـــــابنا مبقوش كدا غير مالبطالة والظلم والقهر اللي عايشين فيه


تقدر تقول لي لو واحد مكمل تعليميه وبيشتغل وعايش كويس حتى لو علي قد حاله هيفكر يبيع

بانجو ولا حشيش ولا مخدرات .... هيفكر يسرق


احنـــــــا اللي عملنا نفسنا كدا

حركة اللا وعي في السياسة هيا اللي عملت فينا كدا ... في ناس مش عارفه يعني ايه دستور

مش عارفه مين الرئيس ... دا كلـــــــه هوا الغلط ... الغلط الكبير ان احنا نسكت علي الغلط نفسه

الساكت عن الحق شيطان أخرس ... دي بلدنا وملكنا واللي في أرضها بتاع الشعب مش بتاع اتنين

تلاته ... اسمح لي اقول لك إن في ناس اتربت عالولاء عشان مشافتش اللي بيتداسوا تحت الرجلين

و 30 سنة ومبارك شغا شفط فلوس هوا وولاده ... دا في ناس بتاخد 200 و 300 جنيه لو عاشت الـ

30 سنه دول مش هيجيبوا مليون ولا حتى نصه


ربـــــــــــــنا يحمي مصر ويحمي شبابها

وينتقم من كل ظالم ومفتري


شكـــــــــــــــــرا علي الطرح



تحياتي

[بعثرة فرح]

وليه انت مذكرش مساوء الرئيس المخلوع
يعنى أكثر من ثلاث أرباع المصريين تحت خطر الفقر
الواحد بعد ما يتخرج يقضى بقي عمره يدور على شغل
لما تخاف حتى تعبر عن اللى جواك حتى بينك وبين نفسك ويقولك ديموقراطية
لما تلاقى الضابط بيعاملك على انك حتى محصلتش حيوان
لما تلاقى جهاز فاسد زى أمن الدول يجيبك فى عز الليل
ويوريك الويل ويقولك اجرائات امنية
ويخدوك ومحدش يعرف عنك حاجة
لما تلاقى الشئ ابو جنيه بقى بخمسة جنيه
والخير اللى فى مصر محدش يشوفه غير جمال وأبو جمال وأم جمال
لما تلاقى ردائة فى الخدمات وفى الصحة وحتى فى المية
لما تلاقى تلت تربع المصريين عندهم فيرس c
لما نموت فى العبارات وفى القطارات ومحدش يسأل عنك
لما تروح بلد أووبي ويعاملوك على انك نكرة
يعنى أسوأ معاملة
وخد عندك تزوير الإنتخابات وملف التوريث
وغيره وغيره وغييييييييييييييييييييييييره
وبعدين تقولى ان الثورة معملتش حاجة
وبعدين احدى لسه بنخطى أول خطوة فى الطريق

[بعثرة فرح]

اقتباس المشاركة الأصلية كتبت بواسطة شاعر واسير الحب اشكرك علي المرور انت زعلان يا herooo موضوعنا نقاش بس مش كل الزعل بس اقولك الثورة عملت ايه برضوا ناس انتهزتها فرصة هبش ونهب وبلطجة ناس قاعدة ليل نهار في التحرير بيصرفوا من اين وبياكلوا من اين 6 ابريل عرفناها من اين كانت المعونات مش عاوزين نضحك علي انفسنا بكلام وخلاص ونقول ثورة لوكانت ثورة ماكنش الناس راحت التحرير وراحت الشغل عشان الانتاج عشان مصر اللي عمالين نهتف ونقول مصر مصر المصانع وقفت ولم تعد تنتج من قلة العمال وهروبهم الي التحرير الكل هاص وزاط والكل بيقول انا البطل اللي حررت مصر اسمع الفضائيات وشوف كل يوم يطلع علينا منسق حركة ومحرر مصر كم حزب الان في مصر الان اكثر من خمسين حزب كلهم كانوا علي ايام مبارك ابنائك سيبك من كلامهم وينتمون اليه كل اللي كانوا بيهتفون لحسني الان ضدة وركبوا الموجة هم هم من غير تغيير اشكرك بس بدون زعل احنا بنتناقش

رجعنا تانى لكنتاكى والكلام الفارغ ده هنفضل لحد امتى بنخون فى بعض
وعلفكرة علشان هى ثورة الناس راحت التحرير مش زى ماانت بتقول
وده طبيعى جدا جدا جداااااا
لان الناس كان جواها بركان غضب وكتمان
وكان لازم تطلعوا
ومفيش اتنين يختلفوا على ان اللى راحوا التحرير هم من أنقى فئات الشعب المصرى
ومحدش يختلف على انهم بيعملوا كده علشان مصر تكون أحلى
ولولاهم محدش يعرف احنا زمانا كنا وصلنا لفين من التأخر
وهم اللى رجعوا للمصرى كرامته

[بعثرة فرح]

ان شاء الله تشوف مصر بكرة هتكون ايه
وساعتها هتعرف الثورة عملت ايه

[شاعر واسير الحب]

اقتباس المشاركة الأصلية كتبت بواسطة بعثرة فرح رجعنا تانى لكنتاكى والكلام الفارغ ده هنفضل لحد امتى بنخون فى بعض وعلفكرة علشان هى ثورة الناس راحت التحرير مش زى ماانت بتقول وده طبيعى جدا جدا جداااااا لان الناس كان جواها بركان غضب وكتمان وكان لازم تطلعوا ومفيش اتنين يختلفوا على ان اللى راحوا التحرير هم من أنقى فئات الشعب المصرى ومحدش يختلف على انهم بيعملوا كده علشان مصر تكون أحلى ولولاهم محدش يعرف احنا زمانا كنا وصلنا لفين من التأخر وهم اللى رجعوا للمصرى كرامته

اشكرك علي المرور

بعثرة فرح
مش رجعنا تاني ولا حاجة اي ثورة في الدنيا بتكون من اولها ايجابية
الوقت كام حزب وكام حركة بيقولوا احنا السبب فيها بيتخانقـــــــــــــــــــــــــوا علي الفضائيات كل واحد عاوز يلحق حته من التورتاية مش كفاية لحد كدا سرقو ونهب لا اللي عاوز ييجي عاوز ينهب برضوا اوعي تفكري عشان خاطر الشعب محتاجين يدخلوا ويقفوا في التحرير لا اخر تقرير علي الفضائيات ان حركة 6 ابريل سافرت وغنت ورقصت في امريكا علي انقاض الشعب وغيرها وغيرها
ادخلي وشاهدي اليوتيوب بنفسك
ماشي الثورة قامت والناس جالسين ليه في التحرير والمصانع اتقفلت والانتاج قل هي دي الثورة
بركان الغضب وعدم الاختلاف ماشي
الكل طلب التغيير بس للاحسن مش الي الاسوأ
انت الان تقدري تخرجي لوحدك وتروحي لصديقتك ... تقدري الان تتحلين بالاساور وترحي فرح بنت الجيران
البلطجية امامك والحرامية كتروا من ايه من الفوضي اللي خلقتها الثورة ثورة بدون قائد والسفينة اللي يكتر رؤسائها بتغرق واحنا غرقنا

مش عاوزين فلان جه علان مش عاوزين علان جبنا وجربنا وبقينا حقل تجارب وسلميلي علي الثورة

اشكرك بعثرة فرح علي مرورك ومناقشاتك الرائعه

[شاعر واسير الحب]

اقتباس المشاركة الأصلية كتبت بواسطة بعثرة فرح ان شاء الله تشوف مصر بكرة هتكون ايه وساعتها هتعرف الثورة عملت ايه

اتمني والله ان تكون مصر في احسن حال بلدي حبيبتي

بس بكرة يكون امتي ؟؟؟؟؟؟؟
لما الدنيا تخرب
انا معكم منتظرين

[بعثرة فرح]

ان شاء قريب جدا
تسلم على النقاش