إرجع يا جيش لسكناتك

[الرحــاال المٌتَمرد]

إرجع يا جيش لسكناتك

(أقبل النقد)


يا مصــــر على فيــــن
ولادكــ متهانيــن من سنيــن
وكرماتهم بقيت فى الطيـــن
وبرغم كل دا عايشين ومتحملين
30 سنه فساد وتزوير وصابرين
باعوا أرضــك وعرضك وكنا مستسلمين
سرقوا عمرنا وإحنا مش حااااسين
لكن صحيوا أخيرا المصريين
صرخت ولادك كسرت جواهم الخوف
كانوا أيد واحده واقفين صفوف
صمدوا رغم كل الظروف

وفد وغد .. كفايه وأخوان
هتفوا مع بعض فى نفس الآوان
صوت الحق عالى فى كل مكان
طالبوا بحقوقهم وبحقوقنا أحنا كمان
وشهد على ثورتنا العالم وسجلها الزمان
ورجع هيبه وكرامه كل إنساااان
وأتنحى الرئيس الخاين الجبان

سلمها للعسكر لتيسير الأعمال
شرف شكل حكومة الأهمال
ورجع الوضع أسوء مما كان
فساد وغلآ ولا فى وظايف ولا إسكان
والشعب بيطالب بحقوقه وماحدش سمعاان

خرجوا من تانى المتظاهرين

فى روكسى والأربعين والتحرير
طلبوا من تانى الأصلاح والتغيير
طلبوا تحديد الفتره وتغيير المصير
ما الحال مايل والوضع عسير

كل واحد فى المجلس عاوز يكون المدير
وكل شويه تعديل فى مواد الدستور
والساده الوزاء الحضور.. بيتفرجوا وبكل سرور
وإحنا واقفين على فرن العيش بالطابور


كنا أيده واحده الشعب والجيش
رفعنا رآيتهم وقولنا غيرهم مافيش
هنعدى المرحله سوا وهنقدر نعيش
هنمنع البلطجه والسرقه وشرب الحشيش

الجيش أتعامل بفوضويه
تصرفاته مافيهاش موضوعيه
وقرارات مافيهاش عقلانيه
لا شفافيه ولا حياديه
وبقينا من تانى إحنا الضحيه
مسلم ومسيحى مهى نفس القضيه
مات مننا الشاب والصبيه
دا كله بسبب طول الفتره الانتقاليه

يا مشير دا مش مكانك
يا مشير أحفظ مقامك
نستنا بطولاتك ووقفاتك
بدل ما هنتفكر الانجازات هنفتكر إهمالك
أتقى ربنا فينا أنت فى أخر أيامك
مصر بتضيع بسبب كتر إنشغالك
إرجع يامشير أنت وجيشك لسكناتك
وسبنا نختار رئيس يحمى بلادنا وبلادك



وليده اللحظه
21/11/2011


جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحـــــال بلا عنوان

[طِيشْ !]

طووووووووووول عمرهم بيظلمونا

ولما جه الوقت وقلنا جيشنا في ضهرنا وهيحمونا

مسكونا بالدبابات والقنابل المسيله للدموع

وعلى حبايبنا بكونا

وببساطة جايين وعايزين يحكمونا

ومش عارفين اذا كانوا هيسيبونا

نختار حاكم لينا ولا خلاص

قرارنا مبقاش في ايدينا



رائــــــــــــــــــــــــعة هي كلماتك

بجد بجد قلمك ليه سحر خاص

يعطيك العافيهـ ودام ابداعك


أسعدني المرور علي ما خطته يداك

تحياتي لك ولقلمك الراقي

وسعيدة بإني أول حد يرد علي موضوعك

فائـــــــــق ودي واحترامـــــــي

[fankosha]

ربنا يسترها
ان شاء الله مصر تكون فى احسن حال
تسلم يارحال على كلماتك المبدعة

[شاعر واسير الحب]

تعيش مصر حرة ان شاء الله

دمت بخير رحال

[شاعرة الرومانسيه]

أكيد طبعا بعد مرورى على الرائعه دى

بالتأكيد هاحسدك وأركز قوى المره دى

لانك فعلا أبدعت جدااااااااا

قرأتها مرات وكل مره اجد ماهو جديد

سلمت اناملك ونبض احساسك المميز

[♥..ᗩпo]

ربنآ يحفظ مصر وكآفه بلدآن المسلمين
وابعد عنهآ الظلم وكل سوء , وطوقهآ بالامن بالامآن
اللهم اصلح الامور في كل مكآن
جميل هو اسلوبـــك يآرحال
ابدعت في وصف الاحوآل~

__________

[السفيره عزيزه]

بسم الله الرحمن الرحيم

بلدى حببتى .مصرأمرتى. عشتى ودمتى

احذاب ضد بعض ليه.انتم عوزين منا ايه.
شمتوهم فينا ليه.
النجمه اللعنه و الامركان.عوزنا ديما على بركان
ويدخللنا حفظ سلام
يا جيش مصر الامين.خليكم للدفاع متخصصين
وترفعوا عن كرسى الحاكمين


حقيقى وبدون مجامله خاطرتك رائعه
وجمعت اغلب الموضوعات الساخنه
ربنا يحفظ بلدنا وسائر بلاد المسلمين

دمت رحال ودام قلمك الهادف
تقبل مرورى السفيره عزيزه

[game010]

كلام جميل كلام معقووول مقدرش اقول حاجة عنو
ابداع وده العادى بتاعك رائع وهو ده حالك
مش لاقى كلام اقولوا ليك على الكلمات الجميلة دى
شكراً ليك يا ايمن على الكلام الجميل ده
فى انتطار المذيد من الابداع والجمال

[۩۩ elMagic ۩۩]

ربنا يستر
ان شاء الله مصرنا تبقى فى احسن حال
دايما مبدع اخى
ودى واحترامى

[Big Brother]

فعلا ابدعت والله بدون مجامله
دي والله تستحق النشر في كل وسائل الاعلام
وهو دا الكلام اللي كلنا بنفكر فيه
انت عبرت عنه بكلام جمييل ومرتب واسلوب في قمة الرقي
تسلم الايااادي
وان شاء الله مصر عمرها ما هتضيع وان شاء الله الثوره مستمره
بشباب مصر اللي زي الورد