" شبابـ خمسة وعشريين " 25 jan

[αЛαstoOorα]

فـ زل ومهانه وفقر سنين كنا عايشيــين يا حكومة آخدت حقي يا حكومة جباريين سلب ونهب وخيانه فين فلوسنا فيــــــن دا 80 مليون مصري 30 سنة غرقانين وعملنا ثورة بيها واقفين ع الصفــــــيين وآخويا المصري راح برصاص الغداريين ورفعنا الظلم عنا بصـــوت الغلبانـــــــين وبدم كــــــــــل شهيد قام طالب بالتــغيير طلع المشير وقال، فدا مصر والمصريين ضحكو علينا كلاب فاكرين آننا ساذجيين فين الحرية ديـــا فين هيا يا نصــــابيين من تاني فـ التحرير من تاني فـ التحرير وهنفضل لآخر صوت بنطالب بالتــــغيير بآســــــم التعبانين بآســــــــــم الغلبانين واقفين واقفين واقفين جوه التحرير واقفين يا يرحـل المشير يا نفضل معتصمـــــــين يا نعيش زى ما عايزيين يا نبقة ميتيين وفداكي يا مصر آنا دمي وفدا كل المصريين شباب خمسة وعشريين شباب خمسة وعشريين

/// بقلمي ///

المنشاوي

[Lost Pearl]

ربنا معاكو يا فارس يا رب
و يتحقق اللي احنا عايزينه ,,

و يعدي بينا و بمصر لبر الامان ,,
و يحمي شبابها
آميييين .

كلماتك جميلة اوي و بتعبر عن الحب اللي جواك للبلد
تسلم علي ابداعك الجميل يا فارس ,,

ف انتظار جديدك ... مشكور و تم التقييم

[بلدنا في القلوب متشاله]

ربنا يستر على مصر يارب

وموضوع حلو اوي

[ندى الحب]

معلش يا فارس المشير لوغلط فى حاجه مايصحش نشتمه ونقول الكلاب عليه هووالجيش انت بتشم واحد كان قائد فى حرب اكتوبر هو اللى قاد فى معركه الصينيه وانتصر دى واحد ماسك جيش مش هيقدر يمسك شعب انتم مش مدين فرصه لحد يصلح البلد انتم مش هتسكتووو غير اما البلد تستعمر ولما تستعمر مش هنلاقى حد يدافع عن البلد دى الا الجيش اللى انتم بتكسره اه صحيح ماانتم لم جيته الدنيا لقيته مصر على الجهاز فعادى لم تضيعوها ربنا يسترها ولكى الله يا مصر

[αЛαstoOorα]

اقتباس المشاركة الأصلية كتبت بواسطة ندى الحب معلش يا فارس المشير لوغلط فى حاجه مايصحش نشتمه ونقول الكلاب عليه هووالجيش انت بتشم واحد كان قائد فى حرب اكتوبر هو اللى قاد فى معركه الصينيه وانتصر دى واحد ماسك جيش مش هيقدر يمسك شعب انتم مش مدين فرصه لحد يصلح البلد انتم مش هتسكتووو غير اما البلد تستعمر ولما تستعمر مش هنلاقى حد يدافع عن البلد دى الا الجيش اللى انتم بتكسره اه صحيح ماانتم لم جيته الدنيا لقيته مصر على الجهاز فعادى لم تضيعوها ربنا يسترها ولكى الله يا مصر

آحنا لما جينا الدنيا لقينا مصر بتااخد على قفاها )

آحنا لما جينا الدنيا لقينا مصر ضيعه

آحنا لما جينا الدنيا عانينا وشقينا وطفحنا الكوتة وحاميها كان حراميها

آحنا لما جينا الدنيا مكنتش مصر لينا ؟ عشان نلاقيها .. كانت للي معاه آكتر

آحنا لما جينا الدنيا اتمرمطنا فـ البلاد ضايعيين عشان جواها مكناش لاقيين

عشان نظامها كان واكل جواها الملايين آحنا لما جينا الدنيا

شوفنا المهندس والدكتور ع القهوة وشوفنا الحراميه فـ التليفزيون مشهورين )

آحنا لما جينا الدنيا مكناش لاقيين رغيف العيش ومشينا فيها متسرطانين

آحنا لما جينا الدنيا بقينا نتعامل زي العبيد فـ كل للجنة ولا كمين وعلى طول فيها خايفيين

هقولك آيه ولا ايه ؟

المشير لو غلط فـ المشير غلط فيا وفيكي وفـ كل الناس اللي فـ التحرير دي

مين قالك آن الآستعمار مش موجود وآنتي بتسمي مصر فـ ظل حكم عسكري

باهت عليه فساد 30 سنة ونظام ديكتاتوري وتحالف آمريكي مش آستعمار ؟

القادة بتوع حرب آكتوبر الناس اللي حربت وضحت بنفسها الناس اللى دمها راح

الرجالة بتوع مصر هما اللى جابو حقها فـ آكتوبر والرجالة دي زى ما كانو عسكر

فـ هما من الآساس شعب مصر .؟.

والشعب كفيل يحميها ويحمي آرضها زي ما حماها وجاب حقها فـ آكتوبر

وزي ما جاب حقها فـ يناير ؟

الصبر له حدود ..لكن عشان نصبر وترجع ريما لعادتها القديمة وكآنك ياابو زيد ما غزيت

دا اللى آستحالة يحصل 11 شهر من بدء انطلاق الثورة تقدري تقوليلي فين هي حقوقنا

اللى طالبنا بيها ؟ طب ايه منها آتنفذ؟ طب ليه هيرجع القرار من تاني فـ آيد الحاكم ؟

اللى آنتي متعرفهوش آننا بنادي فـ مالطة ومحدش هيسمعنا غير بعلو الصوت

ومفيش حد هيقعد على كرسي لي سلطة فـ مصر آحنا مش عاوزينه هو مش غصب

لما الثورة قامت آظن قامت عشان بطالب بالتغيير وعشان تجيب للبلد حقها وتجبلي وتجبلك آنتي كمان

ولما حسنى اتشال وآترفع الظلم عني وعنك وعن الشعب كله دا مكنش بالساهل

آحنا كنا بنموت وكنا بنتصاب وكنا بنضرب وكنا بمنمش وكنا كل حاجة آنتي عوزاها فيها مرار

لما الظلم اترفع عني وعنك وعن الشعب دا كان قصادة ناس دمها راح عشان بس طالعه تقول كفاية

والناس دي ما ضحتش بنفسها عشان آحنا نرجع نطاطي تاني لآي حد

احنا وكل الناس اللى بتتظاهر والناس اللى فـ التحرير دي طالعه تلحق حقك وحقي وحق الغلابة

من الآستعمار والظلم طالعة تجيب حق كل شهيد مات عشان قال للظلم لاء وتقول آستحالة يروح هدر

ليه مطلعتيش قولتى فـ الثورة هضيعوها ؟ كان فى ناس بتقول زيك كدا وقتها بس ربنا وقف معانا )

كان نفسي الاقيلك رد غير دا يا ندي ..بس لنا الله فـ الآول والآخر ومصيرك تعرفي

آننا مش عاوزين للبلد خراب ولا عاوزنها تضيع ..آحنا عاوزين نعيش ونعيشك بكرامه

ومفيش حاكم يسيطر على شعبها ..ورآيك وصوتك هو اللى يمشي ومتكونيش مجبورة على شيئ

آحنا يا ندي مش المخربين؟ ولا آحنا البلطجية؟ آحنا صحاب القضية ؟

ربنا ينصرنا

[رقة BaNOTa]

انا مش عارفه اقولك ايه من كتر حزني على مصر
بجد كاني مش شايفه حاجه
لما اعرف استرد تفكيري هعلق كويس
شكرا على الطرح الجميل يافارس
وربنا يستر على مصر حببتي

[countess]

ربنا يستر >> والله سبحانه وتعالى عادل > وحققكم مهما طال مش هايضيع

+ تقييم يسلم قلمك آستمر بالكتابه وكمان طريقة > نقاشك بالكاتبه جدآآآ رئع

[لوسينا]

كلاام جميييل اوووي
وربنا معاكوا
والنصر لينا انشاء الله
يسلموووو

[حنـــــون]

كلمات واحساس كل المصرين والله يافارس
الفكره كلها اننا لازم نفرق بين الجيش نفسه
وبين المجلس العسكرى مشكله المجلس العسكرى
انو ماعندوش اى خبره سياسيه وماعرفش يحكم البلد صح
لانوا فى النهايه عسكرى مش شغلته اداره شئون البلد
الانفعال الى انت فيه طبيعى جدا اننا كلنا نشعر بيه
لكن مصر والمصرين كلهم واحد سواء جيش بئه ولا شباب ميدان
التحرير لازم نعترف بعدم قدره المجلس على اداره البلد
وانو من الاول كان لازم يسمع لكلام الشعب وكان يعمل حكومه حقيقه
بصلاحيات حقيقه تقدر تاخد البلد نوعا ما لطريق الاستقرار لحد ما كنا نعمل
الانتخابات المجلس والرئاسه لكن دا قدرنا
بحيك يافاررس على كلماتك الصادقه واتمنى لبلدنا الخير

[ندى الحب]

انا مش بقول انى احنا كنا عايشين حلو بس على الاقل كنا عايشين فى امن وامان دلوقتى تقدر تقولى هما فين دلوقتى ماشى احنا فى البديه كنت مع الثوره وبتوع التحرير دلوقتى انا مش معاهم لانى الشى ان زاد عن حدو اتقلب ل.....كان لازم نصبر لان انتم من البدايه مش مدينله فرصه فيها ايه لوكنا نعمل زى تونس هى اللى بدات الثوره وبجد ده شعب الواحد يفتخر بى واصلوو صوتهم وخلعورموز الفساد وصبرو لحد اما تونس قامت تانى علشان اتعاونه لكن اللى انا شايفه يا فارس انى احنا هنا فى مصر مافيش تعاون مره مع الشرطه وبعدين الفتنه الطائفيه مااحنا طول عمرنا عايشين مسلم ومسيحى مع بعض تقدر تقولى ايه اللى حصل وبعدين الجيش مش شايف انى فى حاجه غلط انى فى بلاد بتسعى لتدمير مصر وتفقيك الجيش للوصول الى هدفها بكره باذن الله فى مظاهره مسانده للجيش ورفع معنوياته وهكون باذن الله اول من يسانده لان مش كل مصر فى التحرير الاغلبيه الصامته مش هيسكتوا خلاص وربنا يسترها على مصر