عملاء أسرائيل وأمريكا الذين يسيطرون علي مصر منذ عام 1952 وحتي الان هم سبب كل الخراب الذي

[زهره الشتاء]

السلام عليكم ورحمة الله وبركاته
احببت ان تسمعو لعل يكون خير ونفهم بجد
اترك لكم مشاهده ممتعه
واتمنى الاستماع بدقه وتركيز





[youtube]ويآرب يصلح احوال البلد
وترجع مصر امنه مستقره

[رنا هشام]

السلام عليكم
أختي الكريمه
هما دول اعداء الثوره الحقيقيين
وهما دول الفلول اللي فاكرين
نفسهم هيقدروا يحددوا مصيرنا
وايه اسماء محفوظ دي اصلا
بكرهها ومش بطيقها من يوم ما سمعت عنها
دي عينه من سوزان مبارك وعميله
وربنا كشفهم والشعب قال كلمته في الانتخابات
واذهل العالم بموقفه
ومحدش هيضحك علينا تاني
والجيش المصري ليه احترامه
كما قال عنه رسول الله صل الله
عليه وسلم انهم خير اجناد الارض

[زهره الشتاء]

اقتباس المشاركة الأصلية كتبت بواسطة رنا هشام السلام عليكم أختي الكريمه هما دول اعداء الثوره الحقيقيين وهما دول الفلول اللي فاكرين نفسهم هيقدروا يحددوا مصيرنا وايه اسماء محفوظ دي اصلا بكرهها ومش بطيقها من يوم ما سمعت عنها دي عينه من سوزان مبارك وعميله وربنا كشفهم والشعب قال كلمته في الانتخابات واذهل العالم بموقفه ومحدش هيضحك علينا تاني والجيش المصري ليه احترامه كما قال عنه رسول الله صل الله عليه وسلم انهم خير اجناد الارض

وعليكم السلام
فعلا والله عايزين يخربو ويسقطو الدوله باسم الثورة
الثورة غيرت وكان فيها ناس ناضجه وعاقله بس قله
و6 ابريل بالفديو كانو سبب فى خراب واللى حصل فى ماسبيرو
ربنا بيمهل ولا يهمل وليها صور وفيديوهات انها بتدرب فى امريكآ وتنفذ هنا
واصلا غريبه جدآآ البلاد كلها تخرج وتعمل ثورة فى وقت واحد
وكلهم من الخونه اللى ينتقم منهم اللى بيخربو فى البلد
الجيش من غيره يبقى الدوله ملهاش اي لازمه
وكان شعار 25 الجيش والشعب ايد واحده
ايه غيرو دلوقتى !! ولما يحب يتغير باسلوب مقبول مش همجى وخلاص
/
اللهم صل وسلم وبآرك عليك ياحبيبى يارسول الله
اسعدنى مرورك وتعليقك الراقى
فـ انتظارك بين صفحاتى القادمه
دمتى بكل الخير
فيض ودى

[Bebo El Magic]

موضوع جميل
بارك الله فيك
وجعله فى ميزان حسناتك
شكرا لك على هذه الخبر

[زهره الشتاء]

اقتباس المشاركة الأصلية كتبت بواسطة بيبو الساحر موضوع جميل بارك الله فيك وجعله فى ميزان حسناتك شكرا لك على هذه الخبر

وبآرك فيك اخى الفاضل
الجمال وجودك بالطرح
ربنا يسلم عمرك من كل شر يارب
تشرفت بمرورك العذب الذي رفع من قيمه موضوعى
لا تحرمنى مرورك بين صفحاتى القادمه
دمت بكل الحب
فيض ودى

[doiss]

اقتباس زهره الشتاءواصلا غريبه جدآآ البلاد كلها تخرج وتعمل ثورة فى وقت واحد وكلهم من الخونه اللى ينتقم منهم اللى بيخربو فى البلد

انا احب اجيب الخلاصة ومنبع الدافع والفكر والتوجة وعلي اي اساس بيتطرح الكلام ..
مش مؤمنة بالثورة يبقي متشككيش بفصيل واحد مواربة لفكرك الملتوي ,,
قولي انك ضد الثورة من بدايتها واعرضي فكرك وبلاش نظام الإسقاط والتشويه علي فصائل معينة ,,

:biggrin:

[زهره الشتاء]

اقتباس المشاركة الأصلية كتبت بواسطة doiss انا احب اجيب الخلاصة ومنبع الدافع والفكر والتوجة وعلي اي اساس بيتطرح الكلام .. مش مؤمنة بالثورة يبقي متشككيش بفصيل واحد مواربة لفكرك الملتوي ,, قولي انك ضد الثورة من بدايتها واعرضي فكرك وبلاش نظام الإسقاط والتشويه علي فصائل معينة ,, :biggrin:

مواربة لفكرك الملتوي

هو ليه كل اللى يخاف على البلد واللى بيحصل فيها يبقى مش مؤمن بالثورة ؟؟؟!!
الثورة ليها دور كبير فى حريه الرأي والديمواقرطيه بس انتو عكس كده
بتكونو عايزي الكلام ليكم ينفذ من غير ما تسمع للرأي التانى وده معرفش سببه ايه
دلوقتى اصلا التحرير فى ارأء مختلفه ومع ذلك مش عارفين انتو اصلا عايزين ايه
لا بقى امان فى البلد ولا اسقرار عايزين كل حاجه تكون فى ثانيه ازاي وليه !! متعرفش
وانا مش بشوه على حد ولا اقصد حد معيين يا اخى الفاضل
انما فى صور وفيديوهات للى ادرب بره مصر ومنهم 6 ابريل
وعايزين يطبقو اللى ادربو عليه وصالحهم مش لصالح مصر
وده اتقال بصريح العباره فى قنوات كتير!!
شكرى لمرورك وتعليقك!!
دمت بخير
فيض دى

[doiss]

اقتباس زهرة الشتاء عملاء أسرائيل وأمريكا الذين يسيطرون علي مصر منذ عام 1952 وحتي الان هم سبب كل الخراب الذي

دة عنوان الموضوع ,,
انا مش عارف بصراحة هية شباب 6 ابريل ولا اسماء محفوظ من مواليد كام ؟
النقطة الاخري عشان اثبتلك انك بتنقلي والسلام وغسيل المخ 100% ..
هو مين اللي متولي الحكم من سنة 52 حتي الان ؟
كلهم من الجيش ههههه
ولا يمكن قصدك ان 6 ابريل هي السبب بنكسة 67 ؟
ولا يمكن قصدك ان اسماء محفوظ هي اللي ارسلت جيوشنا بجميع الدول العربية ليتم قتلها بحثاً عن البطولة والامجاد ؟
مش عبد الناصر هو اللي عمل كدة !! اية اللي بناخدة من القيادات العسكرية !!
هو مين اللي خسف بالجنية المصري الارض بعد ما كان قيمتة بما يعادل 5 دولار .. عبد الناصر ولا 6 ابريل ؟
مين اللي عمل إنقلاب علي القائد محمد نجيب عندما حاول تسليم السلطة للمدنيين ؟
عبد الناصر ولا اسماء محفوظ ههههههه
مين اللي بيحكمنا بقالة 60 سنة القيادات العسكرية ولا 6 ابريل اللي اغلبهم ميكملوش 30 سنة ؟ ههههه
هو مين اللي باع مصر واصدر قرارات الخصخصة وسرطن الاغذية وسمح بتقسيم السودان وبناء سد اثيوبيا وإزدياد حالة الفقر .. 6 ابريل ؟ هههههه
هو مين اللي كان بياخد طيارة ويروح يتعشي كل يوم مع قادة إسرائيل اسماء محفوظ ولا المخلوع ؟ :biggrin:
هو مين اللي كان بيعتقل الاخوان ويعذبهم بداعي انهم خونة .. أمن الدولة ولا ضباط وسجون 6 ابريل ؟
هو مين اللي عمل معاهدة كامب ديفيد .. السادات ولا 6 ابريل ؟
هو مين اللي اهمل إعمار سيناء السادات ولا 6 ابريل ؟
هو مين اللي مفكر عدم وضع اي جندي بسيناء بعد 73 السادات وكملها المخلوع ولا 6 ابريل ؟

انتي بتستخفي بعقول الناس والشباب الصغير ولا أية ؟
هو اي حد يطلع يعملة فيديو تقولي دليل ؟
كان غيرك اشطر .. وكان الرويني اثبت انهم عملاء بالادلة ولا يمكن انتي اذكي من مجلس العار ؟
عندك أدلة مقننة وأوراق ضعيها ..
إنما بخلاف ذلك فـ لا تستخفي بعقولنا عشان الرد هيجي بالصميم ..
:1eye:

[زهره الشتاء]

دة عنوان الموضوع ,,
انا مش عارف بصراحة هية شباب 6 ابريل ولا اسماء محفوظ من مواليد كام ؟
الواضح بتاخد الكلام اللى يعجيك وترد عليه

النقطة الاخري عشان اثبتلك انك بتنقلي والسلام وغسيل المخ 100% ..

مش مساله انقل ولا غسيل مخ بس الكلام اللى بيتقال بيحصل قدامنا دلوقتى
واسلوبك فى النقاش مش يشجع اننا نتحاور باسلوب احسن
هو مين اللي متولي الحكم من سنة 52 حتي الان ؟
كلهم من الجيش ههههه

ومالهم الجيش الانسان بطبعه فيه الكويس والوحش بعيد عن االجيش وعن 52 سنه انت لو شوفت نفسك هتلاقى انك مش ملاك ولازم بتغلط ده طبع الانسان
ولا يمكن قصدك ان 6 ابريل هي السبب بنكسة 67 ؟

انا بقول اسرائيل وعملاء اسرائيل ولا هما العملاء مظهروش الا دلوقتى ؟؟ و6 ابريل منهم
ولا يمكن قصدك ان اسماء محفوظ هي اللي ارسلت جيوشنا بجميع الدول العربية ليتم قتلها بحثاً عن البطولة والامجاد ؟
مش عبد الناصر هو اللي عمل كدة !! اية اللي بناخدة من القيادات العسكرية !!
هو الهدف من اللى حصل وحلمه نكون وحده وطنيه فى كل الشعوب العربيه
عشان كل الدول كانت محتله ومين بنى سد العالى ؟!! اللى ابهر العالم كله
هو مين اللي خسف بالجنية المصري الارض بعد ما كان قيمتة بما يعادل 5 دولار .. عبد الناصر ولا 6 ابريل ؟
انت مركز على 6 برميل ليه ؟؟ انا بقول العملاء وهما منهم بغض النظر عن مين فيهم!!
مين اللي عمل إنقلاب علي القائد محمد نجيب عندما حاول تسليم السلطة للمدنيين ؟
عبد الناصر ولا اسماء محفوظ ههههههه

مين اللي بيحكمنا بقالة 60 سنة القيادات العسكرية ولا 6 ابريل اللي اغلبهم ميكملوش 30 سنة ؟ ههههه
والعسكر ماله فيها الكويس والوحش وطبيعى تفتكر كل حاجه وحشه
هو مين اللي باع مصر واصدر قرارات الخصخصة وسرطن الاغذية وسمح بتقسيم السودان وبناء سد اثيوبيا وإزدياد حالة الفقر .. 6 ابريل ؟ هههههه

انت بتدخل الكلام فى بعض ليه هههه ومركز اوي على العملاء والخونه وبردو هم اساس الخراب
هو مين اللي كان بياخد طيارة ويروح يتعشي كل يوم مع قادة إسرائيل اسماء محفوظ ولا المخلوع ؟ :biggrin:
الاتنين
ناس بتتفسح وناس بتتدرب على الخراب:biggrin:


انتي بتستخفي بعقول الناس والشباب الصغير ولا أية ؟
لا كل واحد ليه عقل بيريحو وكل واحد فاهم وعاقل
هو اي حد يطلع يعملة فيديو تقولي دليل ؟
لا بس الكلام اللى بيتقال سواء بدليل او لا بيحصل دلوقتى
كان غيرك اشطر .. وكان الرويني اثبت انهم عملاء بالادلة ولا يمكن انتي اذكي من مجلس العار ؟
عار!!
عندك أدلة مقننة وأوراق ضعيها ..
إنما بخلاف ذلك فـ لا تستخفي بعقولنا عشان الرد هيجي بالصميم ..
:1eye:
لكن باسلوبك ده النقاش فيه مش كويس
لو اسلوبك كان احسن من كده وبطريقه احسن
كنا نتناقش اكتر واختلاف الرأي لا يفسد للود قضيه
دمت بخير

[doiss]

هكررها تاني ,,
عندك ادلة دامغة ضعيها .. إنما كلام بدون ادلة يبقي حملة تشوية متعمدة !!
والغريب بالموضوع انك تضعي صورة اجتماع وكانما ذلك دليل إدانة ؟ هههههه
مبدئياً يجب ان تثقلي معلوماتك عن منظمات الحقوق والحريات الدولية حتي تفهمي ما هو دورها وكيفية العمل بها !!
وتلك منظمات معترف بها بجميع دول العالم من قبل الحكومات الرسمية !!
ومازلت مُصر علي سؤالي ,,
مجلس العار بجلالة قدرة اتهم 6 ابريل بالعمالة ولم يأتي بأدلة وانتي تدعين انك تمتلكين ادلة !!
ولقد تقدموا ببلاغ بانفسهم وتم اعلان نتيجتة بالتلفزيون الحكومي وتبرئتهم !!
وعلي الرغم اراكي تطرحي تلك النوعيات من حملات التشويه بدون ادلة وبعد ظهور البراءة بحكم محكمة ؟!
أليس هذا حملة تشويه ؟
وعجبني جداً موضوع السد العالي الذي جعلنا من اول الدول اقتصادياً وعسكرياً وصناعياً :biggrin:

اقتباس ومالهم الجيش الانسان بطبعه فيه الكويس والوحش بعيد عن االجيش وعن 52 سنه انت لو شوفت نفسك هتلاقى انك مش ملاك ولازم بتغلط ده طبع الانسان

الكلام دة مع احترامي ليكي يتقال بقعدة عائلية او اجتماعي او بين اثنين اصحاب ..
احنا بنتكلم عن إدارة مصر ومسئولية دولة مش تعاملات شخصية !!
دة مش واحد صاحبي هزعل منة عشان متصلش بيا :biggrin:
انتي بتتكلمي عن خطأ فردي لعلاقة بين افراد إنما تعالي اوريكي الاخطاء اللي انتي مسامحة فيها بتوصلنا لأية ,,
الفقر والسرطان
افقر دول العالم
تسكين المقابر !!
إحتكار
واخرهم اقتصادياً وصناعياً واجتماعياً وصحياً !!
السماح بتقسيم السودان .
تصدير الغاز لاسرائيل .
الفساد السياسي
الفساد المالي
الفساد التعليمي
احتكار طبقة واحدة للامول !!
آلخ ..
وبعدين وحدة وطنية اية بالظبط اللي عملها عبد الناصر ؟
انة حجر علي محمد نجيب لما حب يسلم السلطة لمدنيين ؟
انة اهلك اطهر جنود الارض للبحث عن امجاد شخصية ؟
انة انهزم بـ67 وكبدنا خسائر وديون مازلنا نعاني منها حتي الان ؟
انة بعهدة سمح لـ صلاح نصر رئيس المخابرات انة يدنس اي سيدة تدخل مزاجة ويعتقل ويقتل ويعذب بالسجون ؟
انة سمح لصفوت الشريف انة يجند سيدات المجتمع بتصويرهم وتلفيق فضائح جنسية لهم ؟
هي دية الانجازات ؟ السد العالي ؟ ههههه

اقتباس لا بس الكلام اللى بيتقال سواء بدليل او لا بيحصل دلوقتى

انتي اعترفتي ان مفيش ادلة !!
ولا مجلس العار قدم ادلة !!
واتبرائو بالتلفزيون الحكومي وبحكم قضائي !!
يبقي من باب اولي تبطلي تتهمي الناس بالباطل .. صح ولا خطأ ؟
وللمرة المليون دية حملة تشوية باغراض شخصية وبنظام غسيل مخ ..
ممكن تكوني بعفوية بتصدقي من خوفك علي البلد بس هو دة هدفهم وهو تشوية اي شخص يحاول النهوض بمصر ليجعلوها دولة متخلفة دائماً تابعة لإسرائيل ,,
ومتزعليش لو كلامي حاد شوية لأن المفروض مادام مش معاكي ادلة يبقي نلتزم الصمت حتي لا نتهم حركة من اخلص الحركات بمصر حرصاً علي مصر ,,

خالص الاحترام ..