ربنا مايحرمني منها ياااااارب ((مسابقه اجدع صحاب))

[تيتشر نفشه ツ]

السلام عليكم ويتجدد اللقاااء معكم احبائي




انا حبيت احكيلكو عن صاحبتي




بصراحه حصلي معاها موقف استحاله انساه طوووول حياتي




كللها حتى لو حصلي حادث وقالولي




فيه انك فقدتي الذاكره انا لايمكن انساها وانسى الموقف اللي عملته معايا ده




اولا كنا انا وهيا لسا صغيرين فخامس ابتدائي انا طبعا عايشه في السعوديه





المهم انا عايشه مع عائله كبيره شويه فبتلاقي الموضوع انو انا صغيره





مش هلاقي الاهتمام اللي




انا عايزاه او بمعنى اصح مش ظاهره قوي في البيت





فكنت دايما اقولها انا عايزه حد يهتم فيا وكده كنت كل يوم ازن عليها في الموضوع ده علشان





ع الاقل تشوفلي حل





المهم فجت قالتلي بصي يارنين ايه رأيك تخـــــــــــــــــتــمـــــــي القــــــــــران






قلتلها اختم القران ؟؟؟؟؟؟؟؟؟؟؟ انتي هبله يابنتي انا لسا صغيره مستحيل





قالتلي اسمعي مني والله هتلاقيهم كلهم هيستغربو ازززاي رنين الصغيره





اللي مش باينه في البيت





تختم القرااااااان وهتبقي باينه ووجودك بااين قوي عندهم وحيعتبروكي خلاص كبرتي وبقيتي عاقله





بيني وبينكو انا الفكره ركبت لدماغي بس قلت تيجي ازاي دي انا استحاله اختمه فأقصر



وقت القران سوره كتير





مش هقدر اخلص بسرعه وكده وبعدين مش هلاقي اللي يشجعني




وهكسل وكده ((يعني من الاخر طلعتلها القطط الفاطسه في الموضوع ))





المهم قالتلي ماتخافيش انا هفضل معاكي واقف جنبك ونحفظ انا وانتي سوا






قلتلها ماشي اتفقنا





وسبحان الله ياجماعه صدق اللي قال (انا يسرنا الذكر وانا له لحافظون )




فضلنا انا وهيا خــــــــــمـــــــــــس سنين نحفظ نحفظ ونسجل فدور تحفيظ للقران وكده




وبجد تعبت معايا قوي لحد ماختمت كنت ساعتها ف ثالث متوسط (اعدادي) وكان عندي 15 سنه





كانت اخر سوره احفظها سورة يوسف كانت فرمضان ويوم الاتنين كنت خلصت اخر ايه بعد صلاة العصر





طبعا ساعتها قعدت اعيط قووووي كنت حاسه بفرحه ياجماعه محدش في الدنيا دي حاسسها





اتصلت بصاحبتي وقلتلها ابشرك انا ختمت القران لسا من شويه قالتلي الف مبروووووك ومش عارف ايه





وقعدت ياعيني تعيط معايا وقلبناها مناحه ساعتها ههههههههه






المهم قالتلي يلا روحي عند مامتك واحضنيها وبوسي راسها وقوليلها ابشرك ياماما انا ختمت القران





وشوفي هتعمللك ايه ورديلي





قلتها طيب





وفعلا رحت وانا دموعي غرقانه من الفرحه





واول ماقلت لماما قعدت تعيط قوي وقالتلي مبروك يابنتي






ايوه كده تشرفيني وتلبسيني التاج يوم القيامه





يعني من الاخر فرحت قوي وماتخيلتش اني اعمل كده فيوم من الايام




وبعدها بيوم بالظبط عملت دبيحه كبيره قوي في البيت وجابتلي طقم دهب ناعم وجميل قوي لحد




دلوقتي شايلاه معايا



وانا رحت عند بيت صاحبتي وجبتلها هديه كبيره قوي وبست راسها وقلتلها الله يحميك ليا يارب




بس هوا دا اللي حصل





تخيلو بقى ياجماعه وحده تستنى عليا وتصبر على قرفي خـــــــــــمـــــــــــس سنين بحالهم





بالله عليكو ياخواتي عايزين صداقه واخوه اكتر من كده ايــــــــــــــــــــــــــــــــــه ؟؟؟





اتمنى تصوتولي لو شايفين اني استاهل واتمنى ان الموضوع يعجبكو




واتمنى برضو ان ربنا يرزقكو بصحاب زي صاحبتي دي واكتر كمان





اشوفكم على خير





مع الف سلامه



رنيــــــــن

[نقوش على صفحات الورد]

عن شخصي
ولليوم
مقاطع المسابقات
ومؤكد طالما دون غلط
كل انسان حر
انما لما قريت موضوعك
المهم والعطر
واللي زادت عظمتوا بكتاب الله
ووفاء صديقتك المحترمه
بلا اراده
قررت اديلك صوتي
مش لانك صديقتي مع احترامي لدا
انما لان موضوعك ( عظيم وبكل المعاني )
يارب يخلي لك صديقتك
ويارب يخلي كل حد بيخاف على حد
ويارب يديم الصداقات المميزه والمحترمه بين الناس
ومؤكد وبعلنها احلا خمس نجوم
ومعهم
كل الاحترام
وكل التقدير
وموفقه يارب انتي والجميع

[تيتشر نفشه ツ]

تسلم يااحمد عالتصويت ويشرفني جدا انك تكون اول حد يرد عليا ويديني صوته

متشكره جدا

نورت والموضوع عظيم بحضورك

رنين

[░▒▓ MusliMA ▓▒░]

اختى بنوتة
سعدت كثيرا بدعوتك لى
وسعدت اكثر عندما قرات موضوعك
معنى راقى للوفاء والصداقة
ربى يحفظكم
ولكن ما بعرف اين التصويت
ياريت تفيدينى

[نقوش على صفحات الورد]

اعتذر لردي مره اخرى
الموضوع عظيم فعلا
لأن به كتاب الله قبل كل شيئ وأهم من كل شيئ
الموضوع عظيم فعلا لأن فيه نوع من الصداقه الدافئه الصادقه والنادره أيضا
الموضوع عظيم لأنه في منتدى عظيم بأغلب ما فيه
وختاما
الموضوع عظيم لأنكي صاحبته
انسانه عطره ومميزه ورائعه
دمتي يارب بكل سعاده
ومقدما
أتوقع إكتساحك بأمر الله

[ماتركس]

ربنا يبارك في صديقتك يا رنين

والقران اجمل تاج علي راس المسلم

وربنا يحفظك انتي وصحبتك يارب

بالتوفيق اليك في مسابقاتك

[تيتشر نفشه ツ]

اقتباس المشاركة الأصلية كتبت بواسطة ░▒▓ muslima ▓▒░ اختى بنوتة سعدت كثيرا بدعوتك لى وسعدت اكثر عندما قرات موضوعك معنى راقى للوفاء والصداقة ربى يحفظكم ولكن ما بعرف اين التصويت ياريت تفيدينى

نورتي موضوعي يامسلمه ومتشكره جدا لقبول الدعوه

وياحببتي لو عايزه تصوتي

اكتبي في المشاركه

اقدم صوتي ليكي ((مبدئيا لاني مابعرفش المسؤله عن المسابقه هتقول ايه))

نورتيني ياحببتي مره تانيه

[تيتشر نفشه ツ]

اقتباس المشاركة الأصلية كتبت بواسطة نقوش على صفحات الورد اعتذر لردي مره اخرى الموضوع عظيم فعلا لأن به كتاب الله قبل كل شيئ وأهم من كل شيئ الموضوع عظيم فعلا لأن فيه نوع من الصداقه الدافئه الصادقه والنادره أيضا الموضوع عظيم لأنه في منتدى عظيم بأغلب ما فيه وختاما الموضوع عظيم لأنكي صاحبته انسانه عطره ومميزه ورائعه دمتي يارب بكل سعاده ومقدما أتوقع إكتساحك بأمر الله

انتا العظيم بوجودك يااحمد ودمت حضرتك بكل فرح بوجودك معانا بكامل الصحه

نورت موضوعي تانيه يااحمد

شكرا لتقديرك كتير

رنين

[حافظة القرآن]

ربنا يباركلك فى صاحبتك دى
ويخليكوا لبعض يارب
بجد احلى حاجة فى الدنيا انك تلاقى صاحبة مخلصة ووفية كدة
وانها تساعدك انك تعملى احسن حاجة فى الدنيا انك تحفظى القرآن
وانها تشجعك على كدة ومش تسيبك

ربنا يحفظكوا ويحميكوا يارب

وبالتوفيق ان شاء الله

[░▒▓ MusliMA ▓▒░]

اقتباس المشاركة الأصلية كتبت بواسطة بنوته بريئه نورتي موضوعي يامسلمه ومتشكره جدا لقبول الدعوه وياحببتي لو عايزه تصوتي اكتبي في المشاركه اقدم صوتي ليكي ((مبدئيا لاني مابعرفش المسؤله عن المسابقه هتقول ايه)) نورتيني ياحببتي مره تانيه

جزاكى الله خيرا على زوقك وحسن استقبالك
وموضوعك يستحق التصويت والتقيم
موفقة باذن الله
تحياتى وتقبلى مرورى