لازم تشارك في الإنتخابات,,

[۩۩ elMagic ۩۩]

انا ابقى اشوف بقى النظام دا ربنا يسهل
ان شاء الله كل المسؤليين الجدد يبقوا جديرين بمناصبهم
ومش يكونوا زى اللى قبليهم
تسلم للمجهود يا طارق والافاده

[~..a7la smile..~]

تسلم ياطارق بجد
مجهوود ولا اروع
وموضوع مهمبيعرف كل شخص مهامه في الموضوع
شرح مميز بجد
وربنا يوفقهم

[اسكندريلا]

اقتباس المشاركة الأصلية كتبت بواسطة نقوش على صفحات الورد اسف جدا مش هنزل انتخابات لا انا ولا اصحابي فى كل الجمهوريه ازاي انتخابات قبل محاكمات ازاي قوانين قبل تصليح ما ينفع انزل انتخابات لصالح الاخوان الوصوليين ! ولا الوفديين المتناحرين ! ولا بقايا الفلول الساقطين المزورين ! مفيش شيئ في مصر النهارده اسموا لازم في شيئ اسموا حريه كلمة لازم دي كانت ايام الحزن الوطني انما بعد الثوره للكل حق الحريه وحقي ارفض او اقبل انما مش من حقي ان اي جهه تلزمني انا ايام التعديلات قلت لا برغم علمي ان عارف نتيجتها وعارف ان الاخوان هللوا ليها وهما نجحوها واصلا مش معترف بتعديل دستور فقد شرعيته اصلا شبعت تصريحات ووعود وف الاخر نفس الحال ومفيش اي جديد لا انتخابات قبل القصاص من دماء الشهداء ولو فينا حد سال دموا او فقد شهيد كان مستحيل يقبل كده اتمنى نكون اكثر واقعيه وكفايانا شعارات لاتغني ولا تسمن من جوع اعتذر لن انزل اي انتخابات قبل تطهير مصر ممن قتلوا ممن سرقوا ممن نهبوا لا تصحيح دون تصليح اسف جدااااااااااااااااا كل احترامي

الله ينور عليك

[يارات الحب]

تسلم افادتنا في الوقت المناسبوشكراالمعلوماتك


انا عن نفسي واثقة في طارق طلعت مصطفي مرشحاة لعضويةمجلس الشعب بالنسبة لاسكندرية الدائرة التانية(الرمل-سيدي جابر) لانو بيعمل حاجات كتير منها مستشفة ويساعد الفقراء واليتامي وكتير انا واثقة فية
وشكرا

[SiLver Spectra]

اقتباس المشاركة الأصلية كتبت بواسطة نقوش على صفحات الورد اسف جدا مش هنزل انتخابات لا انا ولا اصحابي فى كل الجمهوريه ازاي انتخابات قبل محاكمات ازاي قوانين قبل تصليح ما ينفع انزل انتخابات لصالح الاخوان الوصوليين ! ولا الوفديين المتناحرين ! ولا بقايا الفلول الساقطين المزورين ! مفيش شيئ في مصر النهارده اسموا لازم في شيئ اسموا حريه كلمة لازم دي كانت ايام الحزن الوطني انما بعد الثوره للكل حق الحريه وحقي ارفض او اقبل انما مش من حقي ان اي جهه تلزمني انا ايام التعديلات قلت لا برغم علمي ان عارف نتيجتها وعارف ان الاخوان هللوا ليها وهما نجحوها واصلا مش معترف بتعديل دستور فقد شرعيته اصلا شبعت تصريحات ووعود وف الاخر نفس الحال ومفيش اي جديد لا انتخابات قبل القصاص من دماء الشهداء ولو فينا حد سال دموا او فقد شهيد كان مستحيل يقبل كده اتمنى نكون اكثر واقعيه وكفايانا شعارات لاتغني ولا تسمن من جوع اعتذر لن انزل اي انتخابات قبل تطهير مصر ممن قتلوا ممن سرقوا ممن نهبوا لا تصحيح دون تصليح اسف جدااااااااااااااااا كل احترامي

طبعا انت حر ماحدش بيلزمك
بس زي ما ذكرت دا مالوش علاقة بالمجلس العسكري , لأنه مش مرشح نفسه
يعني انت خش صوت و كمل اعتصامك
كون الاخوان او الوفد او اي حزب يفوز بنصيب الاسد من المقاعد فدا لأنه مجتهد
يعني مشكلتنا زمان في التزوير ,,طيب دلوقتي عندك فرصة من غير تزوير
لما انت مش تشارك طيب ما طبيعي الي انت مش عايزه هيفوز
انت راجل معارض الحزب الفلاني ,,طب خش صوت لحزب تاني أو صوت لمستقل ,,مافي ناس كتير مستقله مرشحه نفسها
دور على الكويس و صوتله

لكن لما انت ما توصتش ,,طيب ماهو كدا الي انت مش عايزه هيفوز و هيكتسح بشرعية الشعب
فالنفرض انه هيفوز ب100 مقعد ,,انت و غيرك الي معارضين الحزب دا لو صوت لغيره هتقل عدد المقاعد الي هو هيفوز بيها

فانت حر عامة,,بس دا مالوش علاقة بالمجلس العسكري (أنا شخصيا ضده) لأن مجلس الشعب هو الي هيعد ل 4 سنين ادام و هو الي هيفرض التشريعات جديده و احتمال تشكل منه الحكومة

[ماتركس]

موضوع جميل يا دكتور

والله تسلم ايدك يا عم

ياريت الكل ينتخب

وربنا يسترها علينا يارب

ما هوه اختفائك ده عن المنتدي مش بيبقي وخلاص يا عم انتا سياسي كبير

من زمان ومنتحرمش منك يا دكتور

[رنا هشام]

ربنا يسترها علي مصــر
ويحفظها من كل سوء
للاسف مش هقدر انتخب
بس كل اللي عندي هينتخبوا
^^

[دمعه حائره]

انا شايفه ان التغيير هايبدأ من الانتخابات دى
اللى عاوز يغير بلده للاحسن ينزل ينتخب ويختار صح
ولا يدخل الدين او التفكير الغربى فى اختياره
يختار المخلص اللى هايفيد بلده
والمجلس ده لما يتشكل هوا اللى هايشيل المجلس العسكرى
ويحط القوانين اللى تمشى البلد صح
لكن لو هانستنى لما المشير يرحل البلد هايتوقف حالها
وهاتدخل فى فوضى مالهاش حل
لازم يفضل لحد لما الانتخابات تعدى
واللى مش هاينزل الانتخابات بيفرط فى حقه
مايرجعش يقول المجلس باطل
معلش انت اللى مااخترتش اعضاؤه
يسلمو دكتور موضوع رائع وفى وقته
تحياتى وتقديرى لك

[Lost Pearl]

ايوة ,,,
صح كدة
حتي لو احنا ضد حاجات كتير ,,,,
لازم نشارك عشان اللي عاجبنا يفوز باكبر عدد ممكن من المقاعد
مع اني اصلا ضد المجلس ده ...

بس لازم اشارك باني اقول و اشجع اللي حواليا (( بما اني لسة صغيرة d: )) انهم ينتخبوا و يشاركو .

تسلم يا طارق علي المعلومات المهمة و المجهود العالي .

[فارس الندى]

اقتباس المشاركة الأصلية كتبت بواسطة silver spectra يعني مشكلتنا زمان في التزوير ,,طيب دلوقتي عندك فرصة من غير تزوير

الأخ طارق لفت نظرى ذلك المقطع

من اللذى يقول أن هذه الأنتخابات لن يحدث فيها تزوير ؟؟؟؟

الأحتمالات فى عدم تزوير الأنتخابات ضعيفه وقد نوه على ذلك قاضى
من القضاه مشرف على أحد اللجان الأنتخابيه

حيث أن القاضى سيترك لجنة الأنتخاب والصناديق داخلها
وسيوضع الشمع الأحمر على باب الغرفه وأيضاً على صناديق الأنتخاب

ولكن نوه ذلك القاضى أنه يمكن فك الشمع من على الصناديق دون أن يشعر
أحد بذلك وهذا لأن الشمع سوف يكون على قماشه والصندوق كما تعلم خشبى

وهذا يختلف أختلاف كلى عن الشمع لمظروف فعند فك الشمع ينقطع المظروف
ولكن مع الصناديق و الأقفال الخارجيه لن يكتشف أحد ذلك

ويمكن فك الشمع من الأسفل دون التعرض للأختام على الشمع من أعلى


ولهذا طلب ذلك القاضى أن يكون الصندوق ملازم للقضاه المختصين بفحص الصناديق ومد فتره العمل لديهم إلى الساعه الثانيه ليلاً

أذا مجال التزوير مفتوح كما فى السابق وليس هناك ضامن إلا الله

ومن وجهة نظرى هذه الأنتخابات لا يصح أن تقام فى الوقت الحالى
نظراً للظروف التى تمر بها البلاد والدماء التى تسيل فى الشوارع
والميادين دون رادع وتأجير البلطجية من جهة الأمن المصرى

أن تلك الأنتخابات هى لصالح جهتين فقط الأخوان والنور

والله المستعان