لازم تشارك في الإنتخابات,,

[نقوش على صفحات الورد]

سيدي الكريم
الفكره مش المجلس العسكري
الفكره
دم شهداء لغاية دلوقتي بدون مقابل
الاف مصابين لغاية دلوقتي بدون مقابل
سابقا صدعونا وضحكوا علينا بتعديلات هشه وغير مجديه
وبيكرروا نفس اللعبه دلوقتي بهيصة الانتخابات
انا الفكره مش في المجلس العسكري
الفكره في ان المفروض 1 قبل 2 ثم 2 وبعدين 3
الثوره لو تذكر قامت ليه ؟
عشان تعديلات وانتخابات ؟
سيدي
طريقة الفكر الخاصه بيهم
بتلهي الشعب عما هو أهم
في أولويات
ما احنا داخلين ع السنه بلا مجلس
بلا رئيس
بلا امن
بلا تواجد سياسي على الخريطتين الدوليه والاقليميه
حصل ايه يعني؟
المحاكمات اولا
العدل الاول
المواطن فقد ثقتوا في كل شيئ
وصدقني برغم كل دا
تذكر
لو تمت هتكون باصوات تكاد تكون معدومه
الاخوان وغيرهم دلوقتي بيدور ع الكعكه
طبعا
عايزين يخلصوا قديمهم مع الفلول
وبالتالي مش همهم لا الشعب ولا مطالب الثوره
في امور غلط
ولو فكرنا بهدوء بلا تعصب
نعرف ان كل دي حيل وألاعيب بيضيعوا بيها الوقت
وبكره هتخلص هوجة الانتخابات
وندخل في هوجة الاعادات
وبعدوا هو الرئيس
وتموت القضايا الاصليه
طيب بالله عليكم دا عدل ؟
انا مش بحجر على حد
ومش بطلب م الكل يرفض
كل واحد حر
وانا رغم اختلافي التام والمطلق مع العسكر ونظامهم
لكن دا لا يمنع إني بعلن مقاطعة الانتخابات لأمور كتيره
لكن زي ما ذكرت
كل تقديري وربنا يرحمنا ويحفظ مصر
من نمر وألاعيب بقت مخزيه ومخجله جدا وللأسف بنرجع لنفس الفكر القديم
بس بأشكال جديده ومضحكه
على طريقة
البيضه ولا الكتكوت
مع الفارق
احترامي وودي

[عاشقة الهدوء]

مجهود عاااااالى وقيم منك ياطااارق

تسلم عليه ربنا ييسر الامور الى الخير أمين

وأكيد كلامك هيفيد ناس كتير جدا والى معندوش

درايه بالانتخابات وكيفية الانتخاب أكيد هيستفاد

من هذا الموضوع القيم ربنا يحفظك ويعزك موووفق دائما

[SiLver Spectra]

اقتباس المشاركة الأصلية كتبت بواسطة فارس الندى الأخ طارق لفت نظرى ذلك المقطع من اللذى يقول أن هذه الأنتخابات لن يحدث فيها تزوير ؟؟؟؟ الأحتمالات فى عدم تزوير الأنتخابات ضعيفه وقد نوه على ذلك قاضى من القضاه مشرف على أحد اللجان الأنتخابيه حيث أن القاضى سيترك لجنة الأنتخاب والصناديق داخلها وسيوضع الشمع الأحمر على باب الغرفه وأيضاً على صناديق الأنتخاب ولكن نوه ذلك القاضى أنه يمكن فك الشمع من على الصناديق دون أن يشعر أحد بذلك وهذا لأن الشمع سوف يكون على قماشه والصندوق كما تعلم خشبى وهذا يختلف أختلاف كلى عن الشمع لمظروف فعند فك الشمع ينقطع المظروف ولكن مع الصناديق و الأقفال الخارجيه لن يكتشف أحد ذلك ويمكن فك الشمع من الأسفل دون التعرض للأختام على الشمع من أعلى ولهذا طلب ذلك القاضى أن يكون الصندوق ملازم للقضاه المختصين بفحص الصناديق ومد فتره العمل لديهم إلى الساعه الثانيه ليلاً أذا مجال التزوير مفتوح كما فى السابق وليس هناك ضامن إلا الله ومن وجهة نظرى هذه الأنتخابات لا يصح أن تقام فى الوقت الحالى نظراً للظروف التى تمر بها البلاد والدماء التى تسيل فى الشوارع والميادين دون رادع وتأجير البلطجية من جهة الأمن المصرى أن تلك الأنتخابات هى لصالح جهتين فقط الأخوان والنور والله المستعان

شكرا على مداخلتك
و عامة أنا ضد اقامتها على يومين و هو حدث شاذ عن كل ول العالم
و كمان ضد اقامتها في الوقت الراهن بسبب عدم الاستقرار السياسي
لكن لما يفرض الواقع و تقام الانتخابات لازم أشارك فيها عشان أدي صوتي للأصلح
و الا يبقى انت كدا هتسيبها للنور و للاخوان زي ما بتقول
هي الديمقراطية عبارة عن صندوق بيختار الشعب الي هو عايزه و على اساسها بيفوز الي يفوز و يخسر الي يخسر

أما الحكم في التزوير أو النزاهة فهو متروك للواقع وقتها
و بإذن الله ما يحصلش تزوير

[سهرالليالى]

جزاك الله خيرا
الله المستعان

[●•0دموع الورد ●•0]

موضوع قيم جدا ومفيد جدا جدا وممكن يسهل لناس كتير الموضوع

بس يا خساره كان نفسى انزل انتخب بس لسه مكملتش 18 لو يستنوا سنه كمان ههههههه

شكرا على الموضوع

خالص تقديرى واحترامى

[laroz]

كويس الموضوع دا فى وقتوا لأن فى ناس كتيره للأسف مش عارفه إزاى تعمل كده وانا بنصح أى حد أوعى تفرض فى صوتك لأن صوتك دا مهم ذى أهميتك وربنا معانا كلنا

[SiLver Spectra]

نقوش
ماهي دي اللعبة الانتخابية
انت كثوري مثلا عملت ايه خلال ال10 شهور الي فاتوا!!
نزلوا التحرير اسقطوا النظام و روحوا بيتوهم ,,غيرك بقى الي تكتل سياسيا و عمل حزب كبير و بقى له نفوذ ,,يبقى دا مش ذنبه ,,ذنبك انت الي ماقدرتش تتوحد و تتكتل سياسيا زي ماهو تكتل و نظم صفوفه
أنا مش بدافع عن الاخوان و لا هصوتلهم لا هو و لا النور
أنا بكلمك عن منطق الديمقراطية
لو أجلتها و عملتها بعد عشرين شهر برضو هما الي هيفوزوا بالأغلبية
الا لو انت قررت انك تقصيه عن الانتخابات و تقمعه زي الحزب الوطني ما كان بيعمل !
و بالتالي انت كدا هتتحول لديكتاتور

انزل شارك للكتلة المصرية ,,فيها احزاب شبابية كتير و شايفه واخد نسبة عالية في صفحة كلنا خالد سعيد (و طبعا النت مش مقياس)
أو الحزب الي يعجبك بقوا عاملين زي سوق الخضار
و على فكرة الي أعرفهم من 6 ابريل و ائتلافات شبابية كتير نازلين ينتخبوا , ماحدش منهم قالي مش نازل أنتخب ,لأن لازم توصل صوتك في تشكيل البرلمان
و كمل اعتراضك على المجلس و اعتصم لحاد ما يسلم صلاحياته

لكن صدقني لو قاطعت مش هياثر على المجلس ,, لو نسبة التصويت كانت حتى 10% هو مالوش دعوة هو عمل الي عليه و أمن و فتح الابواب لمنظمات حقوقية تراقب دا غير الاشراف القضائي , و دا كلو ماكنش بيحصل في انتخابات 2010

و كمان لو قاطعت و الانتخابات خلصت و المجلس سلم صلاحياته
وقتها مجلس الشعب الي أنتخب مش هيسقط طالما مافيشقضايا تزوير شابهت الانتخابات
يعني هيبقى عندك رئيس جديد انتقالي أو مجلس رئاسي مدني + مجلس الشعب المنتخب


أنا مش مع المجلس العسكري و أعتقد انك شوفت موضوعي السابق ,, مع الاعتصام ضده و بشارك في مظاهرات بتهتف لاسقاطه , بس مش مع اني اقاطع الانتخابات مهما كان موعدها لأن لازم أوصل صوتي
و لو حصل تزوير وقتها هيكون الموقف مختلف و أول واحد هيدعوا لمقاطعة باقي المراحل

في النهاية دا قرارك و أحترمك فيه,,بس دا مجرد نقاش,,

[أميرة الدفا والوفا]

روووووووووووووووووووووووووووووووووووووووووعه يا طارق

بجد ما شاء الله
يعطيك العافيه
تسلم

موضوع مهم جداااااااااااااااا
و
مفيد جداااااااااااااااااااااااااا

أنا فعلا في حاجات كتير كنت عيزا أعرفها

الحمد لله عرفتها من الموضوع

بس يارب ميبقاش في قلق

عشان نعرف ننزل

لأن لو في ضرب أو بلطجيه و الحاجات دي

هيبقي صعب أوي

[نقوش على صفحات الورد]

ومؤكد تماما احترامي التام لفكرك
وأكيد اتفاقنا او اختلافنا وارد
الاهم تبقى بيننا لغات الاحترام سائده
وطبيعي نتعلم كلنا من بعض
وفي النهايه
بدعي ربنا ان الصح هو اللي يتم أيا كان شكلوا
كل تقديري

[P R ! M O]

تمااااام يا طارق

ماهى كل الناس الى عيزه المجلس يرحل

طب ما تساعدوا المجلس يرحل

لو الانتخابات تمت واكيد نسبه التزاوير ضئيله !!

فا السلطه التشريعيه هتخرج من تحت ايد المجلس العسكرى

وبعد كده السلطه التنفيذيه

يعني لازم الانتخابات تتم


بعيد عن موضوع الاخوان الوفد

الى انته عايزوا انتخبوا

وزى ما قولت لو احنا قاطعنا الانتخابات هتتم عاااادى

والى احنا مش عايزينهم هينجحوا بنصيب الاسد ^_^


انا عن نفسى هكون ايجابيي

وهشااارك فى الانتخابات