( الدرس الخامس ) ازاي ترخمي علي اخوكي (اهداء للبنوتات)

[M.G]

احم احم
السلام عليكم ورحمة الله وبركاته

شباب وبنات منتديات بنات مصر
ايه الاخبار اتمني تكونم في احسن حال زي كل مرة:198:

النهارده هندخل علي الدرس الخامس في موسوعة الغلاسه والرخامه

قبل ما نبدأ بس

الاجزاء السابقة

-------------
ازاي ترفع ضغط اي حد لدرجة انه يتجنن تقريبا ‏

( الدرس الثاني )ازاى ترخم وانت فى محل كشرى....!!

(الدرس الثالث ) ازاي ترخم في محل عصير قصب

(الدرس الرابع ) ازاي ترخم علي حبيبتك (ممنوع دخول البنوتات)

-------------

نبدأ الدرس

كلو ف مكانو (فين بنت الاكابر )
اهي دخلت خلاص

(((الدرس اهداء لبنوتات المنتدي علي ما حدث ف الدرس السابق ههههه )))
ويارب منتضربش من الطرفين
ولو معندكيش اخ ولد - مش مشكلتي بقي :079:



----


1- لو مثلا اخوكي نايم وانتي مرارتك مفقوعه منه ادخلي افتحي نور الاوضه اللى هو

نايم فيها واانتي خارجه ماتنسياش تقفلي الباب علشان مهما نده على حد يطفى

النور ماحدش يسمعه وبكده يصحى غصب عنه




2_ لو حضرتك قاعده على الكومبيوتر وجالك مزاج تسمعي اغنيه مش تشغلي

الهيتفون والكلام الفارغ ده .......لا منك للسبوفر على طول واعلى صوت يا

بطه وياسلام لو الاغنيه دى تنطيط وكده يعنى علشان تقرف اللى نايم

بصوت الدبدبه بتاعه الاغنيه


وممكن بقى لو مخنوقه منه على الاخر

3_ تجيبي كبايه ميه وهو فى عز نومه تقومي واخد حبه وترشي عليه وتطلعي تجري

علشان لما يصحى ميلاقيش حد بيرش عليه ...والمسكين هيفتكر نفسه يا اتهبل

يا اما السقف بتاع البيت بقى فى الطراوه وفى الحالتين تطلعي انتي براء يا

نسمه ولا كأنك عملت حاجه...وبردوا تبقى قرفتيه وطلعتيه مجنون وبيريل

:079::079::079::079::079::079::079:
لو الكلام بقى ده كله مجبش نتيجة هقولك تعملي ايه

( اي خدمه يا بنوتات)

4_ تروحي تصحيه من النوم علشان تساليه الساعه كام دلوقتى هيقولك مثلا

الساعه خمسه تقولي اه صحيح فعلا تصدق ان ساعتك طلعت مظبوطه


وكل ده طبعا انتي لسة مرخمتيش انتي كدة بتهزري خفيف



5_ بصي ياجميل علشان بقى تصحيه فعلا وتتاكدي كده انه صحى وفاق وبقى ميت فل


وعشره تعملي ايه يا جميل هقولك انا ---- انتي تكوني قاعده وطافيه

كل انوار البيت ومشغله فيلم رعب جامد زى dead alive تقومي معليه الصوت على

الاخر واول مايجى مشهد مرعب تفضلي تصوتي وتقولي لالالالالالالالا حرام عليك

ارحمنى انا مش قدك يا لهوى يا مصيبتى الحقونى ...واول مايجى الشخص اللى انتي

عايزه تصحيه ويسالك فى ايه مالك تقوليه ابدا اصلى كنت بتخيل المشهد اللى

هيجى بعد ده وبتخيل البطله بتموت ازاي ...روح نام روح ...وطبعا
مش هيروح ينام من فيلم

صراع الطبقات اللى انتي عملتيه ده




وممكن بقى لــــــــــــــــــو


6_ لو عايزه تصحيه وتقهريه على شبابه خليكي كده ايزى اطفى التليفزيون وخلى

جو البيت هدوء وباعلى صوت عندك قولي... التربتو

التربتو..... وطبلي وسقفي كأنك فى اجدع فرح لبنت العمده وزغرط لزوم الشغل

بردوا .....وقولي وعقبال عندك ياام مش عارف مين ....ونازله السلالم وقولي كام اغنيه

شعبى كده واعملي كوكتيل جامد زي منار سعد ...وغنيه بطريقه غبيه كانك بتتخانقي ...لو

صحى وقالك فى ايه قوليله ابدا بفكر ابقى فنانه ....او ناويه اقدم فى

برنامج سوبر استار(خلف الاسوار)...ودى بتكون نهايتك يا جميل

*******************

بصوا يا بنات او شباب انا اه فعلا قولتلكم ازاى ترخموا علي النايم بس انا مش مسؤوول عن اى اصابات هتحصلكم

و علي راي الليمبك اللي ميعرفش يصرف العفريت ميحضروش:078:
لان رد الفعل هيكون شديد


يعنى لو جالنا عضوه او عضو مره وايده مكسوره او رجله مكسورة او فيه اى اصابات مليش فيه
ملحوظة:الدرس انتهي :079:
سلام موووووووووووووووووز

[M.G]

اظاهر كدا ان محدش عاجبه الموضوع

او بمعني اصح مبقاش يتبص علي مواضييعي


بشكركم جميعا
وعموما انا هفضل احط الدروس للناس الي بتتباع ومش بترد دي

[ساحرة الليل]

توبيك خطيروالله تسلم

[ندوشه 2011]

تسلم ايدك يا قمر ههههههههه

[تيا]

ههههههههههههههههههههههههههه
لا احنا بنرد اهو
جامد جدا الدرس ده
وخصوصا التربتو دي
فكرتني باحمد ذكي
وكمل على فكرة الدروس جامده جدي
عارف اللي بيعملوا بالورقه قرطاس ويحطوها ف رجل اخواتهم
وبعدين يولعوا ف القرطاس وهو ف رجليهم
دي طريقه جامده انت نسيت تكتبها
هي قديمه شويه بس مفعولها جامد
نايس توبيك

[بنت الاكابر]

انا موجوده يا مستر انا هناهنا
ازاى يعنى الدرس مش عجبنا
دا جاااااااااااامد جدا
بس المشكله ان اخويا صغير
اعمل انا ايه بقى
ارخم على مين ولا اصحى مين
مش معقول بابا يعنى
احمد ربنا ان الدرس عجبنى والا كان زمان فى تصرف تانى
هههههههههههه
بانتظار الدروس الجديده

[aya1994]

هههههههههههههههههههه

انتا شكلك عايز تودينا في دهيا دنا لو فكرت اعمل كدا معا اخويه هيعلقنى في المروحه
ههههههههههههه
لابس درس جامد
اظاهر كدا ان محدش عاجبه الموضوع

او بمعني اصح مبقاش يتبص علي مواضييعي


ياعم داحنا بنستنى الدروس بتعتك هنرخم ازاى من غيرك علي الناس ههههههههههه

كل الحكايه ان الدنيا مشاغل انتا عارف الامتحنات والانتخبات والمظهرات
في انتظار الدرس السادس

[حلاوة بشقاوة]

ميرسي يا قمر انا فكرت اعمل دا في اخويا

[برنسس ساره]

6_ لو عايزه تصحيه وتقهريه على شبابه خليكي كده ايزى اطفى التليفزيون وخلى

جو البيت هدوء وباعلى صوت عندك قولي... التربتو

التربتو..... وطبلي وسقفي كأنك فى اجدع فرح لبنت العمده وزغرط لزوم الشغل

بردوا .....وقولي وعقبال عندك ياام مش عارف مين ....ونازله السلالم وقولي كام اغنيه

شعبى كده واعملي كوكتيل جامد زي منار سعد ...وغنيه بطريقه غبيه كانك بتتخانقي ...لو

صحى وقالك فى ايه قوليله ابدا بفكر ابقى فنانه ....او ناويه اقدم فى

برنامج سوبر استار(خلف الاسوار)...ودى بتكون نهايتك يا جميل


هههههههه
والله بعملها على طول
هههههههه
تسلم ايدك موضوع جامد وخطيييييييييييير

[تيتشر نفشه ツ]

ههههههههههههههههههههههه

نصايح هايله ياعم الحج

بس عجبتني قوي بتخيل المشهد دي

درس رائع جدا وبيفيد لدرجة انو هيودينا فدهيه

تسلم ياريس