والدة خالد سعيد تدعو لمقاطعة الانتخابات

[اسكندريلا]

والدة خالد سعيد تدعو لمقاطعة الانتخابات

ليلى مرزوق والدة خالد سعيد
الإسكندرية – هناء أبو العز

أعلنت ليلى مرزوق والدة خالد سعيد مقاطعتها للانتخابات البرلمانية الحالية، باعتبارها غير معترف بها، حيث إنها تمت مخالفة لمطالب الشعب والذى طالب بضرورة أن يكون هناك تسليم للسلطة لمجلس مدنى أولا ً ثم إعداد دستور مناسب وبعد هذا تتم العملية الانتخابية.

وأضافت زهرة شقيقة خالد فى تصريحات خاصة لـ"اليوم السابع" أنها ترفض أن تجرى الانتخابات تحت قيادة المجلس العسكرى وأشارت إلى أن قرار إبقاء فترة التصويت لمدة يومين يثير الشكوك ويضع الانتخابات فى دائرة إمكانية التزوير.

وأكدت زهرة أنها لن تدلى بصوتها على الرغم من نزول عمها الدكتور على قاسم الانتخابات على قائمة حزب الإصلاح والتنمية.

وأكدت زهرة وعائلتها أنها لن تهتم بالغرامة المالية المفروضة على كل من لم يدلِ بصوته فى الانتخابات البرلمانية الحالية.

[الأميرة رودي]

هيا وجهات نظر

وفيه ناس هتلاقيها مقاطعه للآنتخابات

بس مش ده الحل

ومش ينفع كل شويه نشكك فى بعضنا ونقول هيكون فيه تزوير

أظن المجلس العسكرى مالوش مصلحه فى تزوير اعضاء البرلمان كمان

عمليه الفرز المجلس العسكرى هيباشرها من بعيد

يعني مستحيل هيفرض على قاضى من القضاه التزوير فى نتيجه الانتخاب

وخصوصا وهما عارفين انهم فى مرحله صعبه وان فيه كتير من الشعب منقلب عليهم

وفيه شكوك فيهم

مش هيغامر المجلس العسكرى بمكانته وسمعته ويزور الانتخابات !!

لكن احنا كده واخدين على التشكيك فى بعضنا ومش بندى فرصه نشوف نتيجه اللى بيحصل

تسلمي ياقمر ع الخبر

ربنا يرحمنا جميعا ويهدينا للصواب

[Iѕlαм Ч 3αlαм]

ممممممممم
طيب
اكيد فى ناس هاترفض انها تدلى بصوتها فى الانتخابات
عشان قتلى التحرير
طيب
وبعدين
لما كل واحد يطلع بحق او غير حق
ده هايفيد البلد
اعتقد ان ده هايبقى ضد المصلحة
ربنا يهدى الجميع
ويصلح الاحوال
شكرا على الخبر
تقبلى مرورى

[نقوش على صفحات الورد]

اولا


متشكر جدا على الخبر المهم دا
وانا بعلن اتفاقي التام والمطلق والنهائي مع رأي الفاضله والدة الشهيد خالد سعيد
ومش بس كده
انا عملت اكتر من حاجه للمقاطعه
وياريتنا نكون واقعيين مش فلسفيين
لو كل حد عندوا شهيد
او مصاب بيعاني الموت
او جريح
اقسم بالله كان هيعمل كده
نفسي نكون مره واقعيين دون فلسفه
كل الاحترام

[واد حبيب]

امال ازاي عوزين البلد تنصلح وكل واحد يطلع يقول كلمه

ايه اللي هيصلح البلد من وجهه نظرهم ؟

شكرا علي الخبر

الحبيب

[واد حبيب]

اقتباس المشاركة الأصلية كتبت بواسطة نقوش على صفحات الورد اولا متشكر جدا على الخبر المهم دا وانا بعلن اتفاقي التام والمطلق والنهائي مع رأي الفاضله والدة الشهيد خالد سعيد ومش بس كده انا عملت اكتر من حاجه للمقاطعه وياريتنا نكون واقعيين مش فلسفيين لو كل حد عندوا شهيد او مصاب بيعاني الموت او جريح اقسم بالله كان هيعمل كده نفسي نكون مره واقعيين دون فلسفه كل الاحترام

بطريقه دي هتصلحو البلد

بجد لا تعليق

الحبيب