مصر التحرير

فتحى عيسى · منذ /11-28-2011, 07:56 PM

وإيه يعني
هما لسه شافوا حاجة
ده أول الدين
إيه يعني فرقعنا كام عين
سحلنا مية ميتين
رحلنا عالآخرة
جثتين
خللي حد يتكلم
يرفع بس ويشاور
هنقطع مش لسان
الفين
مش احنا اللي نتعاقب
احنا اسياد البرين
احنا اللي علمناكم
الادب وورناكم
الضهر ف عز الليل
عاملين رجالة طب
خدوا حقكم
شوفوا مين
هيسمعلكم
مين هينفذ لكم
مين يقدر علينا
البلد كلها خاتم
في صباع
رجلينا
حق وكل شئ يشهد
انك صادق امين
في كل كلمة قولتها
واشهد واحلف
ميت يمين
الا في حاجة واحدة
انكم اسياد البرين
لان العبد مينفعش
يتسيد علي حر
امين
قلب موازين ايامكم
ولففكم زي الطواحين
خدكم من جوه قلوبكم
ونزع الامان
وزرع الفتيل
اللي دمر احلامكم
وخلاكم سعرانين
بتقتلوا في اخواتكم
ببشاعة ملهاش نظير
انتم حيوانات مش
ناس بتحس او تشعر
زي البني ادميين
مهما اتجبرتم
راحلين
وهنبني مصر الحرة
علي انقاضكم
مصر التحرير
ام المصريين
فتحي عيسي
الرياض
مساء الخميس
24-11-2011

دمعه حائره · منذ /11-28-2011, 08:06 PM

وتبقى مصر حرة ابيه مهما مر عليها من احزان وازمات
ويبقى شعبها ثائر باحث عن حريته
يقف صامت امام الظلم والقهرلايكسره احد
تسلم استاذنا ويدوم التواجد الرائع
تحياتى وتقديرى لك

MĺŔǾ · منذ /11-28-2011, 08:22 PM

تسلم يا غالي علي الروح العاليه والكلمات الاكثر من رائعه المُعبره عن شباب ما زالوا حرصين علي مصلحه بلدهم ومضحيين بالغالي والنفيس من أجلها ...
تقبل مروري ..................

فتحى عيسى · منذ /11-29-2011, 07:44 PM

اقتباس

المشاركة الأصلية كتبت بواسطة دمعه حائره


	وتبقى مصر حرة ابيه مهما مر عليها من احزان وازمات ويبقى شعبها ثائر باحث عن حريته يقف صامت امام الظلم والقهرلايكسره احد تسلم استاذنا ويدوم التواجد الرائع تحياتى وتقديرى لك

الأستاذة القديرة دمعة حائرة

شكرا علي هذا التشريف الراقي

الذي يضيف لمتصفحي ويفيض

بكرمه الجميل

سلمت يمينك وقلمك الرائع

تحياتي وإحترامي

فتحى عيسى · منذ /11-29-2011, 08:31 PM

اقتباس

المشاركة الأصلية كتبت بواسطة xmerox


	تسلم يا غالي علي الروح العاليه والكلمات الاكثر من رائعه المُعبره عن شباب ما زالوا حرصين علي مصلحه بلدهم ومضحيين بالغالي والنفيس من أجلها ... تقبل مروري ..................

شكرا علي تشريفك الغالي

وتفاعلك الراقي بكرمه

الرائع

سلمت يمينك

تحياتي وإحترامي

واد حبيب · منذ /11-30-2011, 02:48 AM

تسلم يا غالي علي كلماتك وابداعك العالي

مبدع بكلماتك مبدع في تعبرك مبدع باحساسك العالي

دايما متالق بكلماتك وقلمك الراقي

في انتظار الجديد من ابداعك

الحبيب

براءة أنثى · منذ /11-30-2011, 07:19 PM

كلامك حلو كتير فتحي
ميرسي خالص

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من قلب ميدان التحرير	نقوش على صفحات الورد	قسم الخواطر - وهمس القوافى حصرى بقلم الأعضاء	22	01-11-2012 10:47 AM
التحرير التحرير	نقوش على صفحات الورد	قسم الخواطر - وهمس القوافى حصرى بقلم الأعضاء	19	11-26-2011 06:09 PM
من ميدان التحرير	game010	قسم مناقشة المواضيع المتداوله والمنقوله	8	11-12-2011 03:18 PM
\|ميدان التحرير\| صورة لاحد المنشورات التي توزع الان في التحرير	P R ! M O	منتدى الاخبار - عربيه - عالميه - اخبار مصر	6	07-02-2011 08:17 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

مصر التحرير

منتدي ابداعات الاعضاء الادبية