حرمت أعمل كده

[حلا على]

حرمت أعمل كده
********
من سمتى وطبعى الوسامة

وولد روش ترويش


أهوى النساء ألوفاً لو

كانوا حتى ورا الشيش


وبيوم كنت بالشارع

فرأيت مزة بكنيش


تختال حسناً ودلالاً

وتجيد فن التطنيش


عيناها بحر بسكونه

جعلونى مثل الدراويش


أسرعت إليها بخطواتى

وقلتلها هالو يا ياميش


نظرت بعيونها الدبالى

وقالتلى .. متكلمنيش


أترانى فتاة لعوب

تهوى عكاس وتهويش


إذهب يا منيل على بيتكم

ده الاحمر عندك مفيش


رجلت عيونى وقلتلها

أنا واقف ميهمنيش


فوجدت حده بعيونها

وصراخ يا لهويش


ورأيت بغالاً قد سمنت

عجنونى مثل القراميش


وجميع من كان بالشارع

زادونى ضرب وتلطيش


فصرخت أنادى بصوت عالى

الحقنى قوام يا شاويش


وذهبت لقسم ونيابة

وفضيحتى ديلها بكرانيش


وأقسمت من ذات اليوم

ما أكون ولد رويش


ولا أنظر لأى نسوة

ولا أبربش حتى بربيش

كلمات : حلا على

[دمعه حائره]

هههههه
جميله ياحلا والاجمل فيها عبره لمن لا يعتبرولأى انثى يقترب
يسلمو حلا على الشعر الحلمنتيشى الجميل كتبتيه ببراعه
مانتحرمش من جديدك ابدا
تحياتى وتقديرى لكى

[الرحــاال المٌتَمرد]

عشقت هذا الاسلوب من أول طرح
أبداع دائم ومستمر ومتواصل
مودتى لقلمك المميز

[واد حبيب]

بجد اسلوبك جميل جداااااااااااااا

تسلمي علي كلماتك الجميله

في انتظار جديدك

الحبيب

[السفينة]

هههههههههههههههههههه


روعة اخت حلا الشعر العامي مع اني بصراحة ماعرفت بعض الكلمات بسبب اختلاف اللهجة


سسلمتي ياحلا من كل سوء وأسعد الله ايامك

[براءة أنثى]

ههههههههههههههههه
روعه وحلو كتير
مرسي