الدرس الثامن ( ازاي ترخم علي جارك ) للمحترفين فقط

[M.G]

صباح الخير
جمله كتير مننا بيبدأ بيها لجاره الحبيب
وبكل نور واشراق

ششششششششششششششششششششششششششش

انت ايه الي بتقوله دا ياعم ( مين دا يا جماعه)

معادكم النهارده مع


الدرس الثامن
( ازاي ترخم علي جارك )



الدرس دا متاح ل
شباب

أو

بنات

قبل ما نبدأ بس

الاجزاء السابقة

-------------
ازاي ترفع ضغط اي حد لدرجة انه يتجنن تقريبا ‏

( الدرس الثاني )ازاى ترخم وانت فى محل كشرى....!!

(الدرس الثالث ) ازاي ترخم في محل عصير قصب

(الدرس الرابع ) ازاي ترخم علي حبيبتك (ممنوع دخول البنوتات)

( الدرس الخامس ) ازاي ترخمي علي اخوكي (اهداء للبنوتات)

الدرس السادس ( ازاي ترخم علي مراتك ) للمتجوزين بس ‏

الدرس السابع ( ازاي ترخم علي بابا الحج) للرجال فقط


-----------------------


نبدأ وكل واحد يخلي باله من لغاليغه:762:





طبعاً كلنا عارفين اللعبة الخنيقه اللي اسمها ازاي تخنق جارك

طبعاً انا مش هتكلم عليها عشان دي لعبة غنيه عن التعريف..
أنا هتكلم النهارده عن ازاي ترخم بنفسك علي جارك .. مش عايزك ترخم عليه بس.. عايزك تجننه وترفع ضغطه ..


نبتدي...



طبعاً لازم عشان ترخم على جارك تنقي حاجة بنت لذينه تطلبها منو ف الأول.. فانتا هتخبط عليه، ومتنساش تحرق الجرس من كتر الرزع ف الزراير..

ولو هو نايم صحيه متسيبوش..


طبعاً لو كان نايم وانتا صحيته.. عايزك تقوله: معلش أصل انا كنت عايز اخبط عاللي تحتينا بس نسيت وخبطت عليك انتا.. المهم انتا عامل ايه؟
وابتسم ف وشه ابتسامه عريضه ..

طبعاً هيتخنق منك وهيقلك عايز حاجة.. هتقله سلامتك وهيخش عادي..

لو هو بقا كان صاحي وفتحلك عادي.. قله معلش يا معلم بس ياريت تديني شوية فلفل اسمر عشان بس انا عامل بيض مسلوق وعايز اكلو.. أصل البيض بيبقى زفر من غير فلفل اسمر..
طبعاً هو بأخلاقه العليا هيقولك من عنيا وهيديلك الشوية اللي انتا عايزهم..
قله بعدها شكراً..


استنى 5 دقايق.. خبط عليه تاني وقله: معلش يا معلم.. واقعد فكر شوية.. هيقلك ايه خير؟..
قله: معلش أنا أصلي نسيت انا كنت عايز اقولك ايه.. معلش معلش لما افتكر هخبط عليك تاني..
هيقلك ماشي يا معلم.. وطبعاً ترمومتر المراره اللي ف جسمه هيبتدي يزيد منك ويبقى 10 %..


استنى ربع ساعة وخبط عليه تاني -متنساش ف كل مره تخبط فيها تدمر الزرار بتاع الجرس-
هيفتحلك.. قله انا افتكرت.. أصل انا بعد ما كلت البيض قلت انا عايز احبس بكباية شاي بس المشكله ان الأنبوبة خلصت وانا مش معايا فلوس.. ف لو فيها رزالة يعني يا ريت تحطلي البراد ده عندك عالنار وأول مايغلي خبط عليا بس..


هيقلك ياعم اتفضل اعزمك على كوباية شاي عندي انتا تنور..
قله لا معلش اصل انا مش فاضي.. ورايا بحث لازم اكمله..
هيقلك ماشي يا معلم وهياخد منك البراد ويعلق عليه.


طبعاً لما الميه هتغلي هيخبط عليك -دي بقى فرصتك انك تخنقه بزياده- سيبه يقعد يخبط تمن تسع مرات ورا بعض وبعد كده افتحله واعمل نفسك لسه صاحي م النوم..


قله صباح الخير.. هي الساعة كام دلوقتي؟؟
هيقلك الساعة.. قله ياااااااااه ده انا نمت كتير أوي.. وخليه يعتقد ان اللي كان بيخبط عليه ده الشبح بتاعك..


طبعاً هو ف سره هيقول.. ايه الواد التيت ده.. انتا بقى قله بكل برود.. فيه حاجة يا معلم ولا ايه؟
طبعاً الله أعلم الرد هيبقى ايه.. وبكده ممكن يكون ترمومتر المراره عندو وصل ل 40%..


متسيبوش.. لما يدخل.. سيبه شوية -حرام يعني مش هيبقى ورا بعضه-.. سيبه قد ربع ساعة وخبط عليه تاني -ودمر زرار الجرس-.. طبعاً هو ممكن ميفتحش لأنه متوقع انو انتا.. برضو افضل خبط متسيبوش
أول مايفتح قله.. ايه يا معلم كنت فين انا قلقت عليك..


هيخترعلك أي حاجة يقولهالك.. قوله طب كويس اني اطمنت عليك.. هيقلك في حاجة.. قله لأ كنت بس بطمن عليك وابتسم برضو.ممكن ساعتها يوصل ترمومتر المراره اللي جواه منك 90%.


متسيبوش.. طلع عينه .. سيبه شوية وخبط تاني عليه -المره دي عايزك تخبط عالجرس وبإيدك جامد-


وأول ماتحس انو هيفتح اطلع اجري على تحت -عشان لو قفشك انت ميت -
وبكده تكون خلصت عليه خالص.. وياريت تطلبه الإسعاف عشان ممكن يموت محروق منك.


وتحياتي الرخاميه للقعده الحلوة ديه
:079::079::079::079::079::079:

[بنت الاكابر]

ههههههههههههههه
ايوه كدا بقى
انا لازم اجرب الدرس دا يا مستر
بس لو حصلى حاجه
هيبقى ذنبى فى رقبتك

استنونى بعد ما اتطرد من العماره هههههههه
بأنتظار الدرس الجديد يا مستررررررررر

[تيا]

هههههههههههههههههههههههه
انا معرفش الجيران بتوعنا
بس ساعات لما يجيلي مزاج ارخم
بضرب الجرس انا واختي الصغيرة ونجري وساعات انا واختي الكبيرة برده ههههههههه
نايس توبيك

[M.G]

ههههههههههههههه هتوحشينا يا بنت الاكابر

الدرس الجي بكره

بس محتار نرخم علي مين

[بنت الاكابر]

هههههههههه
ماشى ماشى
هنشوف ايه اللى هيجرالى

يلا فكر هترخم على مين

[لحظة عتآب]

هههههههههههههههههههههههههههههههههههه
درس جاامد
بس للاسف جيراننا كبار في السن
لو جيت اجرب معاهم من اول حركة
بس هيخلصوا في ايدي وهيودوني ف داهية

تسلم الايادي
مستنيين الدرس الجديد

[ε s я α α]

هههههههههههههههه
درس لازم يتجرب ^^
ميرسى على الدرس الجنان
بانتظار الدرس اللى بعديه

[M.G]

جي ف السكه يا جماعه هههههههههههه

[نونا صاصا]

جميييييييييييييييييل الكلام بس انا معنديش حد ارخم عليه اصلا مش بتعامل مع اى حد من جيرانى

[نونا صاصا]

مفيش درس
كيف ترخمين على زوجك
اكيدهلاقى فى يوم من الايام