وظنى فيك يـآربِ جميل ~

[Aya 7ekaya]

بـآكـ
..
وحشتونى شويه

طبعاً فى البهدله اللى انا فيها مش بقا ليا نفس اكتب اى حاجة
اول امبارح مروحه من الكليه الساعه 9 بليل
والحمد لله خلصت اول مشروع نحت ..
حآسـه انى اتخرجت والله :d

.......

النهآردة كآن يوم رخم جـدا
ومرة واحده سبت اصحابى كنا ف ورشه النحت وطلعت بره
سألونى رايحه فين مش رديت
وقعدت لوحدى حاولت امسك نفسى بس عيطت غصب عنى
مش عارفه ليه اوقات بفتكر حاجت نفسى انساها
بالاضافه انى مش بحب حد يشوفنى بأبكى خالص
كآن يوم مش تمآم

...

مش هقول غير الحمد لله

[Aya 7ekaya]

بعد غيآآب عن عرض رسوماتى بقآ
جبتلكم رسمه بشكل جديد
بدأت اهتم بالتفاصيل أكتر

أه رسمتى .. ايـون انا رسمتها

قولولى رأيكم
وانتظرو رسمه بعد قليل هتنزل ف الهوايات

[Aya 7ekaya]

بكرة محاكمه الرئيس
ايوة الرئيس .,..
حتى لو مش رجع بس هو الرئيس

طبعا مش هروح الكليه لان بابا مش موافق

بس زعلانه اوى من بكرة
خير ياارب
انت العادل يارب فى امرك
وليك حكمتك

[Aya 7ekaya]

رسوماتى الجديده بقا






اوعو تنسو تقولو رأيكم
وبشكر كل اللى بعت تقييم ع الرسمه اللى فاتت استفدت منكم بجد

[Aya 7ekaya]

حاسه بالظلم ..

ايوه انا المظلومه لما بلدى تضيع ورئيسى يتسجن وصوتى يتقال عليه ارهاب

عايزة اعرف النهاردة مرسى هيتحاكم على ايه ..؟!!
على انه اعطى الحريه للشعب
حريه على مرئى ومسمع من العالم كله
ولا هيحاكموه لانه كان يريدها اسلاميه .. وفى اجاد متعفنه كانت تريدها دوله فاشله لا دين لها
ولا هيحاكموه على الناس اللى ماتت فى رابعه والنهضه اللى هم اصلا مؤيديه



محمد بيومى اتقتل علشان هو ارهابى
عارفين ارهابى ليه .؟؟
علشان قال ثورة دى ولا انقلاب


حسبى الله ... وكفى

[Aya 7ekaya]

اشتغلت الاعتقالات اهو ولسه ..

كان نفسى اروح الكليه النهاردة طبعا كنت هنزل المظاهرات بس بابا مش وافق لانى بعدى على كل المناطق اللى فيها قلق ف اليكس من القائد ابراهيم لسيدى جابر والمناطق دى كلها

بس صعبان عليا اوى ان الرئيس يتهان كده ويبقى ويقف ورا القضبان
ف الوقت اللى قتل وعذب لسه بيمارس ظلمه

يارب انت الحق .. يارب انصر الحق

[Aya 7ekaya]

عندمآ يكون للطهر والبرآءه عنوآن ..

سلام لآروآح ترفرف ف الجنه ان شاء الله

[Aya 7ekaya]

#لحظه جنون ...

[Aya 7ekaya]

#


مشــآعر ..
بنخـآف نقرب تجرحـنآ .. ونخـآف نبعد تدبحـنآ

ذكرى جميـله تفرحـنآ
ولا دى دمعه بتفضحنا

دى
مشــآعر ..


#وردة خجوله

[Aya 7ekaya]

أنــآ أكتشفت أكتشآف خطير :d

اللى هو ...
ان فى ناس معايا فـ الكليةة لـآ يفقهون شىء عن الـرسم ، أه والله !

من يومين روحنا تبع حاآجـةة اسمهـآ الجوآله مسابقه رسـم
طبعا اللى شوفتهم كآنوآ جايين حجه انهم يهربوا من السكاشن بدل مايبقوآ غيآب
أيوة شغل أولى ابتدائى ده

الموهيم الكابتن بتاع الجواله طلب منى انا ووآحده نعمل لوجو جديد يعنى فكرة جديده للوجو الفنون
والوآحده دى بصرآحه طلعت عينى
أه هو الفنآن مجنون بس مش للدرجآدى يعنى .,
الموهيم أن كل وآح]د بيعمل حآجة بيبقى مقتنع بيهآ أوى وفاكر نفسه عمل تحفه فنيه
وانا اقول طيب احرجها واقول وحشه بوظتى كل اللى انا عملته يخربيتك ( ده ف بالى )

قولت طيب نوريها للكابتن
قام زعقلى انا

كان نفسى اشتمهآ والله ,, بس أخلاقى لا تسمح

...................
أحلى حاجة اتعلمتها لما دخلت الكليه دى بالخصوص انى يكون عندى جرأة شويه فى حقى
ايوة انا جبانه وبتكسف اتكلم مع حد
حتى الدكاترة ..
بس فى شخصيات عرفتها ف الكليه ,, لازم معاها البجاحه والله

ولسه بنتعلم