يوميات اسره مصريــــــــــــه(الحلقه الخامسه)تابع ابدع فنان

[همسه الجوارح]

نعود من جديد ليومياتنا للاسره مصــريه المشهد داخلى فى بيت الاسره يجتمع بداخل المنزل الابناء والام ويدور بينهم الحوار التالى الام:توجه الكلام لابنها الكبير محمود انت يابنى من ناوى تعقل كده وتشتغل زى اخوك الصغير احسن منك شغال وربنا هديه وشايل مسؤليه وانت مكبر دماغك من ناحيتنا ومش عاوز تريحنا محمود:يامى هو فين الشغل مانتى مش شايفه حاجه البلد الشغل فيها مريح وشهادتى ماليهاش اى لزوم وانا بدور اهو مش ساكت بس ادعيلى انتى ان شاء الله هشتغل قريب واتفرحى بيا ياست الكل انتى الام:ادى اللى وخداه منك بوق ع الفاضى يارب يهديك يابنى وتريح قلبى يتدخل مصطفى فى الحديث مصطفى:ماما انا عاوز مصاريف الدرس علشان اخر حصه النهارده ولزم ادفعها الام:حاضر لما يجى ابوك هقوله وربنا يوفقك ياحبيبى انت كمان ونخلص من الهم ده مصطفى :مانتى كل مره تقوليلى كده ويفضل يزعق فينا الام:يابنى براحه وكل شئ يتعمل بس الصبر يدخل محمود:يوجهه الكلام لاخيه مصطفى ياعم مش قالتلك حاضر وهتقول لابوك عاوز ايه تانى مانا اتعلمت قبلك وماخدتش ولا درس وطول السنه كراسه وقلم وجنيه اروح واجى بيه مصروفى وكنت مقضيها شعبطه فى الاتوبيس مصطفى:وانا مالى بيك انت من يومك مغلب الكل انا مش عاوز ابقى زيك واكون احسن منك محمود:طيب يافالح لما نشوف هتجيب الديب من ديله ولا هتعمل ايه الام:بس كفايه وسيب اخوك يامحمود فى حاله ربنا يهديه ويفلح محمود:ايوه انتى افضلى دلعى فيه لحد مايتكبر علينا الام:والله انتوا كلكم عندى واحد وانت اللى اخترت من الاول يدخل الاب:السلام عليكم الجميع :وعليكم السلام حمد الله ع السلامه الاب:الله يسلمكم خير متجمعين يعنى النهارده وغريبه محمود قاعد فى البيت يعنى مش صايع فى الشوارع يبتسم محمود :هو انا بقيت مسجل الخطر فى البيت ده ولا ايه اقعد مش عاجبكم اخرج مش عاجبكم اطفش من البيت يعنى الاب:وعلى ايه بس مانت قاعد قرفنا قومى ياست حضريلى الحمام والغداء ماهو دول مش وراهم غير وجع الدماغ الام:حاضر ياسيدى بس الواد مصطفى عاوز المصاريف بتاعت الدرس الاب فى ضجر:يقطع المصاريف وسنين المصاريف منا قولتلك تدخل دبلوم زى اخواتك وتريح ابويا من وجع القلب ده مصطفى :لا انا نفسي ادخل جامعه كويسه الاب: طيب لما نشوف اخرتها عاوز كام ياسيدى مصطفى فى تردد:150جنيه الاب:ليه ان شاء الله قالولك ابوك وزير خارجيه ولا موظفينه فى البنك الاهلى حرام عليكم ياناس انتوا مابتحسوش بحاجه كل اللى عليكم تاكلوا وتنامو مابتحسوش بحاجه انتوا مصطفى:يابابا يعنى هو انا لوحدى ماكله كده الاب:ربنا يصبرنى عليكم وع ايامكم السوده دى محمود:الله يرحم الجنيه اليتيم اللى كنا بناخده زمان مصطفى:والنبى اسكت انت ومالكش دعوه بيا الاب:اتخانقوا قدامى اصل هوا قاعد قدامكم محمود:خلاص ياحج انا نازل اصلا سلام عليكم الاب:فين الاكل ولا امشى انا الام من المطبخ:حـــاضر انا جايه اهو الاب :امال فين البنات فين..؟ الام :راحوا عند ستهم النهارده يباتوا اليوم الاب:وماقلتوليش ليه الصبح انهم هيروحوا الام:وهما راحوا عند حد غريب دى ستهم الاب بغضب:يعنى انتى تمشى اللى فى مزاجك انتى الام:اهو يفكوا عن نفسهم شويه والبت صفاء بتقول انها تعبت من النوم ع الارض عاوزه نجبلها سرير بدل اللى اخده اخوها منها الاب:خليها تنام جنبك انا اليومين الجايين هروح شغل مع واحد صاحبى وهغيب اليومين الام:يامسهل يارب يكون فيها خير الاب :لا خير ان شاء الله بعد اتغدى الاسطى فتحى توجهه الى الباب الاسطى فتحى:انا نازل عاوزه حاجه الزوجه:لا متشكره الزوج طيب السلام عليكم تتتتتتتتت فاص وسنعود

[ساحر الأحزان]

اليوميات دى بتميز الاسرة المصرية عن غيرها

ومواقفها هامة جدا فى الحياة

وبنتعلم منها الكثير

تحياتى على تميز قلمك العالى

بالتوفيق لكى

[Arco Baleno]

فعلا موضوع رائع وتنسيق رائع
قصه جميله جدااااااا واختيارك الى الخط والالوان
جميل جداااااااااا
بالتوفيق لك حبيبتي
استمري في ابداعك الله يعطيك العافيه

[مهندسه بغداد]

يا همسه

يومياتكِ

مميزه لانها

بتحسسنا بحياه

الواقع

تقبلي تواجدي

تحيتي

[dяєαм..|♥]

الصراحه قصه حلوه جدا وامتعتنى
شكرا يا قمر ع مجهودك الرائع ده
ننتظر جديدك المميز

[همسه الجوارح]

اقتباس المشاركة الأصلية كتبت بواسطة ساحر الاحزان اليوميات دى بتميز الاسرة المصرية عن غيرها ومواقفها هامة جدا فى الحياة وبنتعلم منها الكثير تحياتى على تميز قلمك العالى بالتوفيق لكى

ثانكس ع المرور
ودى وخالص شكرى

[همسه الجوارح]

اقتباس المشاركة الأصلية كتبت بواسطة arco baleno فعلا موضوع رائع وتنسيق رائع قصه جميله جدااااااا واختيارك الى الخط والالوان جميل جداااااااااا بالتوفيق لك حبيبتي استمري في ابداعك الله يعطيك العافيه

ثانكس ع المرور
ودى وخالص شكرى

[همسه الجوارح]

اقتباس المشاركة الأصلية كتبت بواسطة مهندسه بغداد يا همسه يومياتكِ مميزه لانها بتحسسنا بحياه الواقع تقبلي تواجدي تحيتي

ثانكس ع المرور
ودى وخالص شكرى

[همسه الجوارح]

اقتباس المشاركة الأصلية كتبت بواسطة بنوتات مصريات الصراحه قصه حلوه جدا وامتعتنى شكرا يا قمر ع مجهودك الرائع ده ننتظر جديدك المميز

ثانكس ع المرور
ودى وخالص شكرى