لماذا تختلف الشخصيات من النت للواقع

[بسمة العمر]

بسم الله الرحمن الرحيم خطر على بالى جمله بسمعها كتير فى عالم النت ومش لاقى ليها مبرر بصراحه حبيت انا وانتم نتناقش ونشوف ايه اسبابها لو حصل اى مشكله دخل النت مع اى شخص تلاقى حد يقولك يا عم كبر دماغك دا نت يعنى ايه هل انتا او هيا ليكم اكتر من اسلوب هل بتتعامل على النت غير ما بتتعامل فى واقع الحياه بتعير اسلوبك فى النت غير اسلوبك فى الحياه العامه اعتقد اسلوب الانسان واحد طباعه واحده طب انتا داخل نت ليه علشان ايه تتعرف وخلاص وتطور من نفسك وتفيد نفسك وتنمى فكرك ما احنا خلاص اصبح فكرنا مشوش مبقناش شايفين غير اننا نجرح بعض وخلاص ليه لما بيحصل مثلا مشكله ليه الغلطان ميقفش ويقول انا غلطت مش عيب اننا نغلط لاكن العيب اننا نتمادى فى الغلط العيب اننا نتكابر على انفسنا هوا ده العيب لاكن نصلح من نفسنا لاء ازاى بيبص لمنظره قدام الناس مانت ظلمت انسان ومنتش دارى غريب طبعك ايها الانسان وتيجى فى الاخر تسمع كلمه ياعم كبر احنا فى نت يعنى مثلا بتتعامل بدورين دور فى النت ودر فى الواقع فى مثل بيقول صاحب بالين كداب وصاحب ثلاثه منافق اين انتم يا اصحاب الفكر ولا خلاص معتشى عندكم فكر هنفضل لحد امتا نجرح فى بعض ونهين بعض وصوتنا يعلا فى االغلط وبس لاكن يعلا فى الحق لاء كله سعاتها لسانه بيتقطع ويسلام بقا لو المشكله مع بنت ياااااااااااااااه تلاقى الكل وقف جمب البنت ويدافع ويتخانق مع اى حد طب ليه ما هيا الى غلط لاء ما هوا عايز يفرض عضلاته ويبان قدامها جان كيس خان غريب امر هذا الزمن العجيب اتمنا ان نتناقش بجديه ومجال النقاش مفتوح من كل الجوانب تعالوا نفكر ونتناقش سوا ليه وصلنا لكدا منتظركم ومنتظر فكركم

[fankosha]

اكيد طبعا فى شخصيات بتتعامل
داخل النت بشخصية غير شخصيتها الحقيقية
عشان تجذب الاخرين ليها
بس فى راى ان لو فى مشكلة على النت
لازم نحاول نحلها بنفس القدر
لو المشكلة فى الواقع بدال بنتعامل بشخصية واحدة
ومش لا بسين اقنعه منافقه
لانك ببساطة لو زعلتى حد منك داخل النت
زى لو زعلتى حد منك فى الواقع النهاية
واحدة فى شخص زعلان منك
بتمنى ان كل شخص يتعامل بنفس شخصيتة الحقيقية
شكرا يابسمة على التوبيك
تقبلى مرورى

[بسمة العمر]

اقتباس المشاركة الأصلية كتبت بواسطة fankosha اكيد طبعا فى شخصيات بتتعامل داخل النت بشخصية غير شخصيتها الحقيقية عشان تجذب الاخرين ليها بس فى راى ان لو فى مشكلة على النت لازم نحاول نحلها بنفس القدر لو المشكلة فى الواقع بدال بنتعامل بشخصية واحدة ومش لا بسين اقنعه منافقه لانك ببساطة لو زعلتى حد منك داخل النت زى لو زعلتى حد منك فى الواقع النهاية واحدة فى شخص زعلان منك بتمنى ان كل شخص يتعامل بنفس شخصيتة الحقيقية شكرا يابسمة على التوبيك تقبلى مرورى

فنكوشة الجميلة
نورتى الموضوع

[كوين ميرو]

كلامك صح جدا للاسف انا ممكن اقولك الاسباب لده ايه لكن

الحلول صعب متهايئلى لانه بترجع للشخص نفسه وقناعته وتربيته كمان

ومن ضمن اسباب تعدد الشخصيات دى ببساطه النت عالم افتراضى خيالى نوعا ما

يعنى انت بتشوف فى الانسان اللى بتتعامل معاه من ورا شاشه اللى هو عايز تشوفه بس

لكن فى الحقيقه انت بتحكم بناء على نظرتك انت

وكمان من ضمن الاسباب وده الاكثر انتشار تقريبا

هنا الناس بتلبس القناع اللى هى عايزاه بدون مراقب

يعنى مثلا المتردد فى حياته هنا هتلاقيه شجاع وصاحب قرار

الخجول فى حياته هنا هتلاقيه مقدام وجرئ

العصبى فى حياته هنا هتلاقيه لطيف ورومانسى

كل اللى محتاج قناع بيلبسه ويعيش بيه لحظات نفسه يعيشها فى واقعه وعاجز

ومجرد ماتطفى جهازك ترجع لعالمك الحقيقى بكل تفاضيله

والحل الوحيد اننا نواجه نفسنا ونحاول نكون اللى نفسنا بجد نكونه

ونتعامل مع الناس بشخصيتنا الحقيقه والناس تقبلنا بعيوبنا قبل مميزتنا

واللى مش هيقدر يقبلنا كده يبقى حريته الشخصيه مش لازم نخدعه علشان نقدر نكسبه

حقيقى موضوع مهم جدا وللاسف منتشر جدا جدا

تسلم ايدك بسمه العمر

[Ŝmilể Ḿőøn]

معاكى حق في كلامك ولكن الكلام مش بينطبق على الكل ولكن فئة معينة
انا ماعرفش بالنسبة للناس ايه لأني مش خبره في حكاية المشاكل دي هههههههه
بس بالنسبالي انا فعلا مختلفه في النت وخارج النت
عالنت عادي ممكن اتجرأ وادافع عن نفسي او حتى اتخانق لانه نت وفيه حاجز
انما خارج النت الوضع بيختلف مية وتمانين درجة
حكاية اكبر دماغي دي هي الي ممشياها كتكبير
ولأني بخاف من الصوت العالي وبخاف من المشاكل وبتوتر جدا كمان
فبفضل الانسحاب تحت فكرة انا اكبر من كده
ودي احيانا بتكون سلبية وغلط وبتسمح للناس انهم يستهتروا بيك
انا مش عارفه فهمت الموضوع صح كده ولا حضرتك تقصد حاجة تانية


شكرا ليكى على الموضوع

[Arco Baleno]

الناس انواع وفصول متنوعه كا فصول السنه
اجملها وانقها واقربها لنفس الصادقه التي
لاتعرف لفائف الخداع تتعامل كما هي اي بشخصيتها
وليس كل الناس سواء اي ليس كل الناس كاذبه مخادعه
مقنعه
والفئات التي تميل الى الكذب ولبس القناع فهي
شخصيات مجوفه خاليه
من الشخصيه الثابته فيها اهتزاز فكري شديد
والانسان يضل بطبيعته في كل مكان وزمان
لان الطبيعه لاتجهدك لانك صادق ولا تخشى شي
اما الكاذب من شده كذبه ينسى الكذب الذي تفوه به ويتفوه بغيره
وليس هناك اجمل من ظهور الانسان على منصت الحياه بوجه واحد في كل فصول السنه
وفي كل مكان وزمان
موضوع جميل ولا يشمل الا فئات معينه من البشر وهم
المهتزون في الشخصيه
والصادق يضل صادق مهما تغير المكان

[فنانه باسلوبي]

مرسي علي مجهودك الجميل:

مش عارفه لكن بحس ان الي بيعمل كده

مش بيكون هدفه ينمي ويثقف نفسه ويرتقي بفكره
بيكون بضيع وقت ويتسلي مش اكتر وعالعموم ده غير
سوي بصراحه

الطبيعي انك انته علي ارض الواقع نفسك عالنت
ممكن تفاصيل وخصوصياتك متحدش يعرفها
لكن اسلوبك واحد

راق لي