الحلقـة الثالثـة من برنامج " رحلة تعمق " في شخصيات الاعضـآء ..

[الحان الورد]

السـلآم عليكم ورحمـة الله وبركآته ,, مسـآءكم ,, صبـآحكم ورد ويآسمين ..~ أخبـآر الجميـع ,, يآرب كله تمـآم زي مآوعدتكم كل أسبوع تقريباً معانا عضو جديد في برنآمج " رحلة تعمق في شخصيات الاعضاء " الحلقـة اللي فآتت كانت معانا " ياسميـن " وكانت منورآنا أكيد الحلقـة دي معانا شخصية جديدة مشرفة ، هآدية ، وعآقلة جداً ، نشآطها مميز في المنتدى معانا ومعاكم ,, مشرفة القسم العـآم .. sereen أهلاً بيك يا سيرين معانا نورتِ البرنآمج تعآلـوا نشـوف إجابات سيرين ونتعرف على شخصيتها أكتر ,, الفقرة الاولى " إكمآل الفرآغآت .." إسمي سيرو ،، عمري 25 لآ أحب أن يرآني الآخرين وأنا باكيه او مخنوقة او ضعيفه جربت النجاح ، وكرهت الفشل، وخفت أن يمتلكنى اليأس والاستسلام أصعب مآفي الحيآة أن تكون مجبر عن التخلى عن حلم - او ان تفقد ماتحب حياتي ليست كلها افراح او احزان فهى خليط بين الاثنان لكن مازال التفاءل والامل يسودها وماضيي هو جزء من تكوين شخصيه الحاضروعندما يظهر جزءة المظلم فى حاضرى اجبرة ع العودة للوراء حتى لا يؤثر على حاضرى ومستقبلي لا اعلمة ولكنه متوج بأحلامى التى اسعى لتحقيقها وكلى أمل انة سيكون الافضل في وحدتي أعيش بصمت مع تفكير واعادة حساباتى مع نفسى والاخرين في طفولتي أحببت بساطة الحياة فبدأت أضحك وألهو وألعب بسعادة ، وعندمآ كبرت وجدت أن الحياة ليست بسيطة فهى مليئة بالتحديات والصعاب عالمي الصغير هو غموضى الذى يجهله كثيرون ، والكون بالنسبة لي حياه قصيرة واختبارلاعمالنا نهايتة حساب ، والآخرين في عمري ليسوا الا اصدقائى الذين احبهم كثيرا ويقضون معى محطة من محطات الحياة فى فترة م عمرى لاتنظر الى ابتسامتى فى عز خنقتى لانها بتكون مجامله لك، ولاتجبرني على جرحك ولاتطلب مني ان افعل مالا اريدة او اتنازل عن مبادئى انتقد نفسي في بعض التصرفات السريعه الجنونيه وأفتح نافذة أمل جديدة في عمري ولاأطوي صفحة تجربة في حياتي لأني أريد ان اتعلم منها الحيــآة عندي تجارب وخبرات ,,,, الفقرة الثانية " الاسئلة .." - " الحياة مليئة بالمحن والابتلآءات ، بتتفآوت درجة المحن زي مابتتفاوت ردة فعلنا وصبرنا ع المحن دي " سيرين بتوآجه إزاي اي مشكلة في حياتها ، وبتحب تعتمد على نفسها ولا ممكن تعتمد على حد غيرها ..؟؟ ,, اتعودت انى اواجة مشاكلى مش اهرب منها وانى ادورلها ع حلول ممكن اسمع واخد برأى اكتر من حد وخصوصا الناس اللى بثق فيهم لكن فى النهاية القرار لازم يكون ناتج من تفكيرى واقتناعى الشخصى يعنى بيكون متبلور من اراء اللى بثق فيهم + اقتناعى العقلى بحل المشكله فلا ارائى صارمة ومش بسمع الا صوت عقلى بس ولا بسلم دماغى لعقول الاخرين وفى الغالب فى المشاكل بذات بحب اسمع رأى اصحاب التجارب السابقة لنفس المشكله ولو المشكله مع اشخاص معينة بروح احلها معاهم - أيه هي نقطة ضعفك ..؟؟ ,, دموعى القريبه جدا لما بتخرج فى بعض المواقف بتبان ضعف فبكره انها خرجت لان فى مواقف ماينفعش نبين فيها ضعفنا بس بتكون غصب عنى - دآيماًبنتكلم عن الايجابية وازاي نكون مؤثرين وفعالين في المجتمع اللي عآيشينفيه ،، أيه هو تعريف الايجابية من وجهة نظرك ؟ وتفكيرك -غالباً- بيبقى مهتم بالايجابيات ولا السلبيات ..؟؟ ,, الايجابيه فى رأيى ان يكون ليا دور فعال مؤثر فى اللى حواليا سواءالدور دة كان فى الشغل فى البيت تفكيرى غالبا بيركز ع الجانبين الايجابى والسلبى خصوصا لوبقيم موضوع بعرف مميزاتة وبعرف عيوبة وبتوقعها علشان ما اتصدمش بحب اشوف كل حاجة من الجانبين - أيه هو دآفعك في الحيآة اللي بيخليكِ تُنجزي ، وامتى بتحسي انك محبطة ..؟؟ ,, الطموح والامل والتفاءل هو دافعى فى الحياة بحس بالاحباط لما بفشل اكتر من مرة ولما بتظلم اوى او لما بتصدم - ابرز عيوب شخصيتك ايه ؟ وبتحاولي تعالجيها ولا مؤمنة ان كل شخص لازم تكون ليه عيوب ومفيش حد كآمل ..؟؟ ,, الحساسيه الزيادة بعتبرها ميزة وعيب فى نفس الوقت عيبها انى ممكن اتضايق بسرعه وازعل وانجرح ومميزاتها انى بحس وبراعى شعور الناس جدا بحاول طبعا اقلل من العيب دة - بتهتمي بـ علم النفس وتطوير الذآت ؟ وليــه ؟؟ ,, اة جدآ درساه كويس وبحب مجال التنمية البشرية جدا لانة بيساعدك ع اكتشاف ذاتك وتطويرها وازاى تفهمى ذاتك اكتر - " الانسان عدو مايجهل " ، ايه رأيك بالمقولة دي ، وليه غالبية النآس بتبقى ضد التغيير ؟ سيرين موقفها ايه منه ..؟؟ ,, مش معاها حتى لو فيه ناس بتطبقها يمكن المجهول بيقلق الناس شوية وبيقولولك اللى نعرفه احسن من اللى مانعرفهوش بس انا بحب المغامرة والتجديد والتغيير جدا بحب اجرب واكتشف واجرب بنفسى واعيش المغامرة - بصرآحة ، بتبصي غالباً لنص الكوباية الفآضي ولا المليان ؟ وبتعتبري نفسك .. متفآئلة ، بنسبة قد ايه ..؟؟ ,, عارفه لما بكون محبطة اوى ونفسيتى تحت الصفر مش ببص لاى نص وبكون شايفه الجزء الاسود بس بالتدريج بكون متفائله وبحاول اخرج م الحاله دى وببدأ ابص للنص المليان غالبا فىالعادى متفائله جدا انما وقت الاحباط بكون مش قادرة اشوف حاجة حلوة والدنيا عندى بتكون سودة - بتفضلي تكوني خيالية وطموحة ولا واقعية ، وليه احيانا الطموح بيبقى ضد الواقعية ، يعني ياكون واقعية او اكون طموحة ..؟؟ ,, بحاول اوفق بين الاتنين بمعنى ان انا طموحة جدا وفى نفس الوقت واقعية جدا فبحاول اطمح بالحاجات اللى بتتوافق مع الواقع وممكن يحققها فبوصل لمعادله متزنة نفسيا وهى طموح اقدر احققه ع ارض الواقع بس محتاج منى صبر وخطوات - أول انطبآع بيتآخد عن شخصيتك ايه ؟ وهل بيبقى صحيح ولا لأ ..؟؟ ,, هادية ومرحة وبيكون انطباع صح - امتى سيرين بتحس انها محبطة ؟ واحباطها دآ بيستمر لمدة طويلة ولا بتتخلى عنه بسرعة ..؟؟ ,, بحس بالاحباط لما بتظلم اوبتجرح او بفشل لدرجة اليأس لانى لما بفشل مرة بجرب تانى وتالت او لما بتصدم فى الناس لا بحاول اخرج نفسى من المرحله دى بأى طريقة وفى الغالب بنجح ,, - بتعبري ازاي عن .. فرحك ، بإبتسامة وانبساط وضحك كتييييييير بقا لدرجة التهييس غضبك ، بصمت قاتل بكون مش عاوزة اتكلم واحيانا عياط وبس وبحب اقعد مع نفسى وقتها لحد اما افضفض لاقرب حد بثق فيه واحيانا لما بجيب اخرى بنفجر بقا وبقول كلاااااااام بطلع كل اللى فى قلبى..!!! صراحتى فى غضبى بتريحنى كتير لان طالما هتكلم بقول كل اللى جوايا بتلجَئي للسكوت ولا بيكون ليكِ موقف ..؟؟ ,, لو مشكله لازم اتكلم مش اسكت علشان اوضحها واحيانا بتصدم فمش بلاقى كلام وبعد المشكله اما تحصل بلجأ للصمت القاتل بكون م كتر خنقتى مش عاوزة ولا قادرة اكلم حد ,, - مجتمعنادآيماً او غالباً بيميل للمجآملات ، وقليل اللي بيتقبل الرأي الآخر والنقدبدون حسآسية ، انتِ شايفة امتى هنقدر نآخد النقد والصرآحة ببسآطة ؟ وانتِبتميلي للمجاملات وبتقولي رأيك ومابيهمكيش ..؟؟ ,, بصى الصراحة سمة شخصيتى لانها اقرب طريق توصلك للقدامك فى اى تعامل ..!!! لكن المجاملات احيانا مطلوبة لانها بتكون نوع من الزوق والصراحة مطلوبة فى حاله الاراء يعنى لو حد بيطلب رأى يبقى لازم اقوله بصراحة شديدة وفى حاله النقد بنقد بصراحة وبإسلوب كويس لان اللى قدامك بيتقبل النقد ع حسب الاسلوب وطريقة النقد نفسه ولازم نفرق بين الصراحة والقباحة لان بينهم شعرة بسيطة " مش اجى اقول للاعور انت اعور يعنى " ,, - الخجل والحيآء سمات اساسية للبنت ، امتى الخجل دآ بيتحول لخجل اجتمآعي مذموم ؟ وهل بتفضلي البنت الجريئة أم الخجولة ...؟؟ ,, الخجوله اكيد بفضلها لان الخجل بيجمل المرأة ممكن ألوم الخجل لو عاقنا عن التصرف فى بعض المواقف اللى لازم نتكلم فيها زى كلمة حق فعلا _ طلب حق من الحقوق ...الخ وبالنسبة للشباب ، لو قابلتِ وآحد ولاحظتِ انه خجول نوعاً ما هتعتبري دي حآجة بتنقص من شخصيتهوان الرآجل لازم يبقى جريء تماماً ومايهموش حآجة ..؟؟ ,, بالعكس خجله مش هينقص من رجولته ولا حاجة بالعكس هحترمة خصوصا لو كان خجول مع الجنس الاخر او فيه حدود فى التعامل مش بجح وجرىء فالخجل هنا مطلوب فى الحاله دى اما فى العادى الرجل لازم يكون شخصيه جريئه فى باقى المواقف لانة هيحمى بعد كدة اسرة وعيله فلازم يكون بيعرف ياخد حقة كويس وحق ولادة بعد كدة وتحس مراتة انها فى امان وانة قادر يحميها مش خايف من حاجة ,, - معروفان الطفل وهو صغير الام والاب هم اللي بيتحكموا في تكوين شخصيته بشكل كبير، انتِ شايفة ان التربية بتأثر قد ايه في شخصية الانسان ؟ وهل كل وآحدمهما كبر بتفضل جوآه جزء من طفولته ولا الوضع بيتغير ..؟؟ ,, اة طبعا الطفل لما بيتولد بيكون صفحه بيضة عجينة سهله التشكيل الاب والام بيزرعوا جواة الجذور والقيم وبيبدأوا يشكلوا شخصيته ومرحله الطفوله بالذات هى اساس تكوين الشخصيه وكل الطرق المستخدمة فيها سواء طرق صح او غلط هتفضل مأثرة فى شخصية الانسان لحد امايكبر ,, - التربية (الام والاب) ، المدرسة ، الاصدقاء ، الاعلام .. رتبيهم من حيث تأثيرهم على شخصية الانسآن .. الام والاب والاعلام مع بعض لان الام والاب اول تأثير ع الطفل وبيكون لسه فىالبيت ماخرجش منة وطبعا كل بيت فيه تلفزيون بيبدأ الطفل يتأثر بيه المدرسة والاصدقاء مع بعض لانة بيقابلهم لما بيخرج من محيط الاسرة لمحيط المجتمع ,, - مين قدوتك في الحيآة أو ملهمك والشخص اللي بتتمني تكوني زيه ؟ وليه الشخص دآ بالذآت ..؟؟ ,, سيدنا محمد صلى الله عليه السلام هو قدوتنا كلنا ولوهنتكلم عن اشخاص معينة حواليا يبقى كل انسان ناجح ومتفوق هو قدوتى فى الحياة - اكتر موقف مر في حياتك وأثر في شخصيتك ؟ واثر فيها ازاي ..؟ ,, تجربتى فى مدرسة اشتغلت فيها علمتنى كتير واديتنى خبرات خلتنى افضل وعندى خبرة ووعى اكتر لماروحت مدرسة تانية - " اهتماماتنا بتعبر بشكل ما عن افكارنا وشخصياتنا " ، ايه رايك في الجملة دي ؟ وكلمينا شوية عن اهتماماتك وهواياتك ..؟؟ ,, مقوله صح ..!! اهتماماتى بحب دراستى جدا وبحب كل حاجة جديدة بحب التثقيف الذاتى بحب اعلم نفسى كل حاجة جديدة فالاهتمام بتكون جزء م بلورة عقولنا وافكارنا - ايه هو تعريف الثقة بالنفس بالنسبآلك ؟ وياترى ايه هو الخط الرُفيع اللي بيفصل عن الثقة والغرور ..؟؟ ,, الثقة بالنفس انك تثق فى عقليتك وارائك وتفكيرك تقدر تواجة المواقف بثقة تقدر تواجة التحديات بثقة وقلب جامد بتتحط فى اى وضع وانت واثق فى نفسك انك هتقدرتتخطاه وتنجح فيه فالثقة بتكون غرور لما بتوصل لمرحله انى احس ان انا احسن وانا افضل وانا عملت وانا اقدر الواثق بيعمل بصمت من غيركلام او يقول اقدر واعمل او يمدح فى نفسه اويشوف نفسه الافضل عن غيرة ومافيش حد افضل منه - إيه هي الأسباب اللي ممكن تقلل من ثقة الشخص في نفسه ؟ سيرين ثقتها بنفسها قد ايه ..؟؟ ,, لما يعطى لنفسة قيمة اقل اوماعرفش يقدر قيمة نفسة اولما ينقص من قدر نفسه الحمد لله بثق فى نفسى بدرجة كبيرة - كل انسان جوآه طاقة كبيرة محتاجة يوجهها في الاتجآه الصح ويستفيدمنها و كل انسان ربنا ميزه عن غيره بشيء خآص بيه ،، انتِ عارفة كل موآهبك وقدرآتك وبتقدري تستفيدي منها ولا مازالت في حاجات مجهولةبالنسبآلك ..؟؟ ,, دى مقوله صح كل انسان جواة طاقة اما بيوجهها صح واما بيوجهها غلط بحاول اوجة طاقتى فى الحاجات اللى بحبها وفى تثقيف نفسى - بتحبي تكوني صدآقات مع الشخصيات القريبة من شخصيتك ؟ ولا شآيفة ان دآ شيء مش مؤثر في الصدآقة ..؟؟ ,, اة برتاح مع الشخصيات اللى تفكيرها وشخصياتها وطباعها قريبه منى وكل الحاجات دى بتفرق معايا فى الصداقة جدا - المآضي ب ذكرياته وتجآربه ، بيمثل ليكِ ايه في حيآتك ومستقبلك ..؟؟ ,, الماضى هو جزء من تكوين شخصيتى اللى بتعامل بيها مع الحاضر فيه حاجات حلوة جدا وفيه حاجات تناستها ومش خلتها تأثر ع حاضرى - بتعتبري نفسك قيآدية وبتتحملي المسؤوليه ولا لأ ..؟؟ ,, اه الحمد لله اتحطيت فى مواقف تحمل مسئوليه واكتشفت انى انفع يعنى - هل فشلتِ في تحقيق حلم مهم في حيآتك قبل كدآ ، وكانت ايه الاسباب ، ولو حصل استمريتِ في المحآولة انك تحققيه ولا لأ ..؟؟ ,, اة ومازلت بحاول فى الاستمرار فيه لتحقيقه وفى حلم تانى فشلت فيه وحاولت بكل ماعندى انى احققه بس فشلت فماكنش قدامى حل غير انى اتخلى عنه واعتبرتة حلم انتهى - ايه هي العبآرة اللي بتاخديها شعار ليكِ في حياتك ..؟؟ ,, ,, love life love you هتتصرفي ازاي في الموآقف دي .. اتظلمتِ من حد وانتِ عارفة انك مش هتقدري تعملي حاجة او تغيري الظلم دآ ، هل هتحآولي بردو تتكلمي وتاخدي حقك ولا هترضي بالامر الوآقع ..؟؟ ,, لا هحاول اخد حقى وادور عليه حتى لو ما اخدتهوش بس يكفينى انى حاولت لان اللى بيرضى بالظلم يستاهل يكون ذليل انتِ وزميلتك مثلاً عندكو فكرة معينة حابين تشرحوها لمجموعة من النآس ، غالباً مين اللي هيتكلم ويشرح ,, انتِ ولا هي ..؟؟ ,, مش هتفرق كتير انا فى الغالب بشرح وبحب اساعد اللى قدامى - تعبتِ في تحضير بحث أيام المدرسة او الكليةولما سلمتيه جآلك الرد بانه "مش كآمل ولازم تعيديه " ..؟؟ دا الطبيعى فى الجامعة لازم يحبطك عادى اعمله من تانى واكمل الناقص * في الآخر ، ايه هو برجك وايه هو لونك المفضل ..؟؟ برج السرطان حساس ورومانسى .. مافيشى ايموشن بيسبل بقا بحب الاحمر والروز والاسود ,,,, المرأة في برج السرطان تملك شخصية جذابة ومحببة، وقورة وظريفة في آن واحد ، دائمة الابتسامة، هي الام المسؤولة والطفلة المدللة ، حنونة ومزاجية عاطفية وقاسية لطيفة وحساسة، رقيقة ومستبدة ظالمة، سيدة موهوبة حريصة على عائلتها وعلى زوجها بصورة خاصة، ذكية تهوى تامين الرفاهية لمن تحب تشعر المرأة السرطان دائما بالنقص مما يدفعها للبحث باستمرار، تحب ان تعمل في ميادين غايتها افادة الاخرين قبل افادة نفسها، تعشق الاكتشاف وتهتم بآخر التطورات العلمية. قليلا ما تحب السهر والابتعاد عن عائلتها ، تجد السعادة في عيون أطفالها وزوجها ومنهم تستمد القوة لحمايتهم، تحب البحر من المميزات التي تختص بالمرأة السرطان عاطفتها القوية وحنانها ومعاشرتها الحلوة واندفاعها القوي ودموعها الجارحة، المرأة السرطان حبها صادق وعميق قليلة الغيرة ومشاكلها العاطفية تنبع من داخلها لعدم ثقتها بنفسها .. ,, إيه رأيك ..؟؟ امممممم فى جزء كبيراوى منة صح وفى شخصيتى زى انى بعشق البحرجدا وبرتاح فى النظر له وفى اجزاء مش فيا خصوصا انى مش بحب السهر ده استاذة سهر بس ايام شغلى بتعلم الادب وبنام مجبورة ههههههه أحسـن P: :biggrin: ,,,, تحليلي انا لـِ شخصية سيرين : إنسـآنة عآقلة جداً جداً ممكن عقلها دآ يخليها تيجي على نفسها او بمعنى أصح على قلبها بحسها بتعافر مع الحيآة :biggrin: ومصممة تنجح وتبقى زي ماهي عآيزة ودي حاجة جميلة جداً وعجبتني يمكن مش بتآخد ع النآس بسرعة والمقربين منها بتحبهم جداً وبتثق في اراءهم شخصية جميلة يا سيرو ،، ربنا يوفقك ,,,, أتمنى تكون الحلقـة نآلت على اعجآبكم وانتظرونا في الحلقة القادمة بالتوفيق للجميع ,,

[رووكه]

شخصيتها عقله جداااااااااااا

ويمكن انا اتعرفت عليها اكتر

ربنا يوفقك يا سرين ويسعدك ويبعد عنك اى زعل

ويمكن اكون زيك منا برج السرطان هههههههههه

تسلمى على الحلقه ومننحرمش من ضيوفك

الكرام ومنتظرين الضيف الجديد

تحياتى لشخصك ولضيفه الحلقه

[Lost Pearl]

حلقة بجد جميلة جداااااا
و خصوصا انها مع حبيبة قلبي سيرين )

منورة الحلقة يا قمر زي ما بتنوري اي مكان انتي فيه

و تخليلي لشخصيتك
انك انسانة عاقلة جدا ما شاء الله ....
بتحاولي تتصرفي بعقلك و توازني بين عقلك و قلبك لأنك من تجاربك و خبرتك عرفتي انه القلب مش بينفع :biggrin:
و كمان بتحبي الخير و التربية و الكتب اللي بتتكلم عن الحاجات النفسية بقي
و يمكن بتحبي علم ما فوق الطبيعيات ,,, اللي هو بيحاول يك لغز الخرافات او الحاجات اللي بتحصل في حياتنا اليومية غريبة و مش بيبقي ليها تفسير علمي )

ده جنب كدة علي السريع و قوليلي بقي انا صح و لا لأ يا قمر ,,,,
و انتي اكيد شخصية جميلة يا قمر ,, بجد و الله يعني انا بحبك في الله :*

تسلمي يا الحان علي الاختيار التحف بجد ,, و ان شاء الله دايما مميزة كدة )
في انتظار الحلقات الجاية

و تم التقييم اكيد ,,

[DR.SMA]

حلقه جميله كالعاده بجد
اختيار للشخصيات مميز جدا
تعمق الاسئله بيديني مساحه كافيه لدراسه الشخصيه
تسلمي وشكرا على الرابط والله
مقبوله منك وانا فعلا بتابع القسم بإستمرار
منوره سيرين واجابات حلوة
وانا برج السرطان زيك
يعني فاهمه الشخصيه دي تمام
^_*

[Mind language]

حلقه فى منتهى الجمال منوره سيرين الحلقه
اختيار مميز منك الحان وليا باك هنا علشان
زى ما انا متعوده منوره ياقمرى

[الحب الخالد]

يسلمووووووووووو على الحلقة

[Sєяєєη●•ʚɞ]

تحليلي انا لـِ شخصية سيرين :

إنسـآنة عآقلة جداً جداً
ممكن عقلها دآ يخليها تيجي على نفسها او بمعنى أصح على قلبها
بحسها بتعافر مع الحيآة :biggrin:
ومصممة تنجح وتبقى زي ماهي عآيزة ودي حاجة جميلة جداً وعجبتني
يمكن مش بتآخد ع النآس بسرعة
والمقربين منها بتحبهم جداً وبتثق في اراءهم
شخصية جميلة يا سيرو ،، ربنا يوفقك

كنت مستنية نزول الحلقة دى بفارغ الصبر مش عارفه ليه ههههههههه
بس لان فكرة البرنامج عجبانى جدا
ونفسى اعرف فعلا تحليل الاعضاء لشخصيتى (مميزات وعيوب )
حسب وجهه نظرهم وحسب ماهما شايفننى

بالنسبه لتحليلك
تحليل قريب منى اوى
بحب اعتمد ع عقلى لانى لما بسيب الزمام لقلبى بيودينى فى داهيه
العقل بيحكم شوية فإتعودت ان الحكم يكون متزن
بس دة مابيمنعش ان قلبى بيكون له تأثير ع عقلى
ومش باجى ع قلبى الا لما بكون مقتنعه ان النهاية مسدودة
نقطة مش باخد ع الناس بسرعه دى
دى حقيقة بس مش عند كل الناس
فى ناس مابعرفش اندمج معاها خصوصا لو كانوا مش نفس العادات ولا الطباع
وناس تانية تلاقينى اخدت عليها بسرعه ومن اول مرة وبقوا صحابى جدا
بشكرك جدا حبيبتى ع الاستضافه
وانتى بنوتة قريبه لقلبى فعلا
وفى انتظار تحليل الاعضاء

[Sєяєєη●•ʚɞ]

اقتباس المشاركة الأصلية كتبت بواسطة روكه2 شخصيتها عقله جداااااااااااا ويمكن انا اتعرفت عليها اكتر ربنا يوفقك يا سرين ويسعدك ويبعد عنك اى زعل ويمكن اكون زيك منا برج السرطان هههههههههه تسلمى على الحلقه ومننحرمش من ضيوفك الكرام ومنتظرين الضيف الجديد تحياتى لشخصك ولضيفه الحلقه

منورانى ياحبيبتى
كان نفسى اسمع تحليلك
بما اننا نفس البرج
نورتينى جدآآ
ومانتحرمش م طلتك الحلوه
::

[♥..ᗩпo]

مآشآء الله عليهآ احسهآ انسآنه تووب
ربنآ يزيدك نجآح وتفوق بحيآتك كلهآ
الحآن اختيآرك دآئمآ مميز
عوآآفي ,ْ~

________

[Sєяєєη●•ʚɞ]

اقتباس المشاركة الأصلية كتبت بواسطة lost pearl حلقة بجد جميلة جداااااا و خصوصا انها مع حبيبة قلبي سيرين ) منورة الحلقة يا قمر زي ما بتنوري اي مكان انتي فيه و تخليلي لشخصيتك انك انسانة عاقلة جدا ما شاء الله .... بتحاولي تتصرفي بعقلك و توازني بين عقلك و قلبك لأنك من تجاربك و خبرتك عرفتي انه القلب مش بينفع :biggrin: و كمان بتحبي الخير و التربية و الكتب اللي بتتكلم عن الحاجات النفسية بقي و يمكن بتحبي علم ما فوق الطبيعيات ,,, اللي هو بيحاول يك لغز الخرافات او الحاجات اللي بتحصل في حياتنا اليومية غريبة و مش بيبقي ليها تفسير علمي ) ده جنب كدة علي السريع و قوليلي بقي انا صح و لا لأ يا قمر ,,,, و انتي اكيد شخصية جميلة يا قمر ,, بجد و الله يعني انا بحبك في الله :* تسلمي يا الحان علي الاختيار التحف بجد ,, و ان شاء الله دايما مميزة كدة ) في انتظار الحلقات الجاية و تم التقييم اكيد ,,

منورانى يالوجين
اناكمان بحبك
شفتينى ازاى سايباكى لسه فى المدرسة ومش عاوزة اخرجك ههههههههههه
تحليلك لشخصيتى قريب منى
وانتى الوحيدة اللى حللتينى لحد دلوقتى
انا غاوية تربوى وعلم نفس جدا انما علم مافوق الطبيعه ماجربتش اقرأ فيه
بشكرك جدا يا لوجى ع كلامك الجميل فى حقى
ومانتحرمش من طلتك الحلوة