الجزء الرابع والأخير من قصة حب عندنا في المنتدى

[Just G!rl]

انهاردة الجمعة ميعاد اللقاء المرتقب بين العيلتين


باقى ساعة على الميعاد واسماء بتجهز الشقة لاستقبال الضيوف مع مامتها


وماتش الزمالك وحرس الحدود شغال وابوها قاعد بيتفرج





اسماء / اية رايك ياماما البس الفستان الموف ولا التونك البنى؟


الام / ودة لية ان شاء الله انتى فاكرة نفسك هتقعدى معاهم ؟


دة ابوكى كان يقطعك


اسماء / ازاى ياماما دى اول مرة هشوف فيها محمد وهو كمان


الام / بتقولى اية يابت ؟ هو انتى لسة مشفتوش بعض اومال كنتوا بتروحوا تتقابلوا فى النت دة ازاى ؟


النور كان قاطع هناك ولا اية ؟


اسماء / مش وقتك خالص معنديش وقت افهمك


المهم شوفى الزمالك عامل اية احسن يخسر زى كل مرة وبابا يبقى متضايق وهو بيتكلم مع الناس


الام / ربنا يستر لما اروح اشوفه



اية ياحج الزمالك عامل اية ؟


الاب / زمالك ؟


دة خسران خمسة صفر


دة الواد اللى جى يخطب بنتك دة ليلتة سودة معايا





الماتش خلص والعريس وصل





اسماء / بابا بابا بابا


العريس جة العريس جة


الاب / جة جة


يعنى جى من ****************** ؟


خشى انجرى على اوضتك متورنيش وشك لغاية لما اناديلك




محمد و والدتة و والدة طالعين على السلم


اسماء ساكنة فى الدور السادس



والدة محمد / يادى البهدلة انا يابنى فيا نفس اطلع السادس ؟


كان مالها بطة بنت خالتك ماهى ساكنة فى الدور التانى ومعانا فى نفس العمارة ؟


والد محمد / ولا كان مالها نورة بنت عمك ماهى فى العمارة اللى جنبنا ولا انت غاوى بهدلة وخلاص ؟


محمد / مش وقت لا بطة ولا فرخة ابوس ايديكوا خلوا اليوم دة يعدى على خير


انا اصلا مخنوق من الكرفتة اللى انا لابسها دى


وشكلى بالورد اللى انا شايلة دة بيفكرنى بأفلام الابيض والاسود


والدة محمد / مالو الورد ياواد


دا انت عامل زى تامر حسنى فى فيلم احمد وسلمى


محمد / احمد وسلمى؟.......اسكتى اسكتى ياحجة بمسلسل 7 ونص اللى انتى واقعة فية دة


ربنا يستر




وصلوا السادس ورنوا الجرس




والد اسماء / مين ؟


محمد / انا محمد ياعمى


والد اسماء / يعنى محمد ابو تريكة ؟


محمد مين ؟


وفتح الباب




والد محمد / السلام عليكم


والد اسماء / وعليكم السلام ورحمة الله وبركاتة


اهلا اهلا اتفضلوا


اتفضلوا هنا فى الصالون


يا أم اسماء تعالى رحبى بالضيوف


ام اسماء / يادى النور يادى النور


دة البيت نور ازيك ياحبيبتى


والدة محمد / منور ب أصحابة ياحبيبتى


امممممممممممممممممممممممممممة


امممممممممممممممممممممممممممة


والد اسماء / ولية التعب دة يابنى ( قصدة على الورد )


محمد / دى حاجة بسيطة كدة ياعمى علشان خاطر العروسة


والدة اسماء / والله يامحمد يابنى انا قلبى اتفتحلك من اول ماشوفنك


والدة محمد / القلوب عند بعضها ياحبيبتى


أومال فين العروسة ؟


دة محمد مبيبطلش كلام عن ادبها واخلاقها


والد اسماء / يا أسماء تعالى سلمى على ضيوفنا



خرجت اسماء مكسوفة جدا وهتقع وهى خارجة وراحت تسلم




والد محمد / اللهم صلى على حضرة النبى


دة اية الجمال دة ؟


والدة محمد / تعالى ياحبيبتى لما ابوسك


اممممممممممممممممممممممممممممممممممممممممممممة


اممممممممممممممممممممممممممممممممممممممممممممة


والدة اسماء /اقعدى يا اسماء


اسماء / اومال فين محمد ؟


محمد / اومال فين اسماء ؟



والد محمد / ما هو دة محمد ابنى


والدة اسماء / ماهى دى اسماء بنتى


محمد واسماء فى نفس واحد / اية ؟


اسماء / انت مش قولتلى انك شبة كاظم الساهر ؟


محمد / وانتى مش قولتيلى انك شبة اليسا ؟


اسماء / انت تخين لية ؟ مش قولتلى انك رشيق ورياضى


محمد / وانتى دى مش صورتك اللى بعتيهالى


انتى كدابة


اسماء / وانت غشاش


محمد / انا مش ممكن اوافق على الجوازة دى


اسماء / وانا مش ممكن اتجوز واحد غشاش زيك




كل دة والاسرتين بيتفرجوا على اللى بيحصل فى زهول


والد محمد ووالدتة اخدوة على جنب وبيكلموة




والدة محمد / يابنى استهدى بالله دول ناس طيبين والبنت كويسة


محمد / لا انا خلاص قررت اتجوز بطة بنت خالتى


بطة ست بيت شاطرة ومش بتاعة اقسام ولا سجن زى البت دى


مش دة كلامك ؟


والدة محمد / بطة مين وفرخة مين ياعم ؟


انا خلاص موافقه على اسماء


محمد / خلاص اتجوز نورة بنت عمى


واللى تعرفة احسن من اللى متعرفوش


والد محمد / يابنى اسماء كويسة وابوها شكلة راجل طيب


خليك ناصح ومتنشفش دماغك





فى نفس الوقت والد اسماء ووالدتها بيكلموها على جنب




والد اسماء / جرى اية يا أسماء


الواد كويس وزى الفل وابوة شكلة زملكاوى


اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر


مش دة كلامك ؟


دة مصاحب اجانب ياماما


فرى بوى ولفلى جيرل وايمى


ودول كمان مش اى اجانب دول اسرائيلين


والدة اسماء / يابنتى بكرة يعقل و يبعد عنهم بعد الجواز


اسماء / مش هتجوزة يعنى مش هتجوزة


محمد / وانا لو شنقتونى مش عاوز البت دى



بعد محاولات كتير من الطرفين


فشلت كل المحاولات لاقناعهم بالجواز




انا عارف ان النهاية دى هتزعل ناس كتير منى




.................................................. .................................................. ............................................



انا كدة خلصت الحكاية


مستنى اعرف رأيكوا فيها


وياريت تشاركونى برأيكوا