فوق يا مصرى....!!

[big bốss]

يا ابن بلدى.......

مالك يا ابن بلدي هو أنت قالب وشك ليه ؟!

مش أنت يوم ما الثورة قامت قلت هيييييه ؟!

و رقصت في الشارع و قلت بقينا أحرار يا بيه ؟!

و أنت أصلاً محدش قالك حرية يعني أيه ؟!

و إن الحرية مش بس حقك اللى تفضل تدور عليه !!

... و بعدين تنسى واجبك و اللى عليك ما تفكرش فيه !!

و ترجع بعديها تستغرب البلد ماتغيرتش ليه ؟!

طب إسمحلى أقولك يا سيدى من يوم الثورة عملت إيه !!

عملت بإسم الثورة كشك عشان تبيع سجاير !!

و لزقت ستيكر شهداء 25 يناير !!

و ع الأرض الزراعية قلت فرصة و بنيت عماير !!

و عملت للثورة لحاف و مش بعيد تعمل ستاير !!

و كأن الثورة قامت لأجل الفلوس مش للضماير !!

بعد الثورة أنت قلت كلام كتير مية مية .. قلت البلد دى بلدى و هشيلها جوة عينيا !!

و عشانها هتغير عشان مصر البهية .. لكن كانت المفاجأة أن أخلاقك هي هي !!

و كلها كام يوم و رجعت ريما لعادتها الأولانية !!

و بقيت تشكى من البلطجة و إحنا كلنا بلطجية !!

أصل إحنا أحسن ناس تصقف و أجدع مطبلاتية !!

تكونش فاكر الفهلوة هتاخدك للعالمية ؟!

ده مفيش بلد بتتقدم و أغلب سكانها فهلوية !!

ده إحنا عشان نتقدم عايزين عزيمة قوية !!

و اتفرج ع اليابان و شوف خيبتك القوية !!

يضربها نووي ، إعصار ، بركان و برده واقفة عفية !!

و إحنا بلدنا تولع عشان عيل عاكس ولية !!


آه لو تبدأ بنفسك بشوية إحساس بالمسؤلية !!

[واد حبيب]

مصر داتيما فوق الجميع

كلمات في قمه الجمال والابداع العالي

اسعدني توجدي بين الكلمات الجميله

في انتظار الجديد من ابداعك الراقي

الحبيب

[يارات الحب]

تسلم اخي ابدعت ما بداخلك

وكلاماتك في غاية الروعة والجمال

تسلم يمينك

[prave heart]

كانت ايام جميله

[جبل عالي]

هههههههه يا الله

تلك هى الكوميديا السوداء

هنا بين حروف حلمنتيشية عامية

برااااااافو براااافو

صحيح والله الكلام كله مية مية

احييك بجدارة كل الود والتقدير

[big bốss]

شكرا لمروركم نورتم