مش لازم أبقى م العرايا ..

[الفيلسوف الآخير]

مش لازم أبقى م العرايا ..
ولا ابقى م المشايخ ......
ولا ادخل فـ النوايا ....
ولا اركن فـ الزوايا ...
ولا ادفن شبابى ...
... وسط الزمن اللى شايخ ....
أنا مصرى موحّد ربنا ....
وان حبّناه هيحبّنا ...
انا مش عاشق تكسير ...
أنا عاشق بُنا ....
بلاش تقتلوا الكلمة فينا ...
ولا التوبة فـ قلبنا ....
فاتت كم سنه ...
والعقل لسه دايخ ....
بلاش تطلع الطبنجه ...
وتقتل وترين كمنجه ....
انا مش ليبرالى ....ولا اخونى ...
ولا سلفى .......ولا علمانى ....
مصر هى اللى ألمانى ....
ملامحى شاهده عليا ...
ومتقولش عليا ..
أمريكى ولا ألمانى ....
مصرى وبعشق الحصرى وسومه ...
والنفس مش معصومه ...
والكلمة لو مسمومه ...
مش هسمع كلامك تانى ....
المصرى ميتصنّفش ..
واللى فاهم ...
مش زى اللى مبيفهمش ....
بلاش تاخدنى قفش ...
منا قلتلك ...
أنا مش ليبرالى ولا اخوانى ...
ولا سلفى ولا علمانى ....
انا مصرى جراحه مبتلسعش ...
ولو مت ّ ...
بعد الموت مبسكتش ...
بلاش تصنفنى ...
وتحوشنى وتصرفنى ....
بمية دولار فى القرش ....
ولو مت ...
متقولش ليها موتى ....
هى مبتموتش ...
واكتب على تابوتى ...
( مصرى ) جوا النعش .............!!!!!

[اسير الشعر]

خاااااااااااااااااطره

روووووووووووووعه

الله يعطيك العاااااااااااااااااافيه

لاتحرمنااااااااااااااااا من تواااااااااااااااااااجدك

,,, تحياااااااااااااتي لك,,,

[الفيلسوف الآخير]

شكرا لتواجدك الرقيق يا أسير الشعر .........!!

[جبل عالي]

كلمات أقل ما توصف بها انها رائعة

كالسهل الممتنع ... كتبت بحب وقوة

فبين الحرف والحرف مائة قصة ورواية للمصرى

سيدى ...أحييك على تلك المعزوفة الراقية

[الفيلسوف الآخير]

الجبل العالى شكرا ً لروعة حضورك النقى ..........!!