حبيبى الاولانى

[برنسس ملك]

الا الاولانى..
الحب الاولانى..
أول حرف فى كلمة حب..
أول مره يدق القلب..
أول ايوه من غير كدب..
للحب الأولانى
ماينسنيش حلاوته..
أى حب تانى..

أحسن سن عشته..
فاكره باللى شفته..
مهما عشت بعده..
وعرفت اللى بعدوا..
حتى ان كنت بعته..
بس له حلاوته..

اتغيرت احلامى..
يمكن مع حد تانى..
يمكن مابحبهوش..
لكن دا الاولانى..

له طعم وشكل تانى
ابدا.. مانسيتوش..
له بصمه بين الوشوش..

الا الاولانى ..
حبيبى الاولانى..
أول طيف بيمس القلب..
أول معنى لكلمه حب..
أول مره عرفت أحب..

أحلى شعور لقلوب متعاهده..
ويونس من هم الوحده..
الروح م الاحساس بتهفهف..
والقلب بجناحات بيرفرف..
راحه البال تنساك وتسافر..
والاحلام ملهاش ولا آخر..
أحاسيس من جواك تتاخد..

وتعيش قصه..
جميله ولسه

وكل ماتنسى..
فى قلوب حاسه..
ايه اجمل من كده احساس..
حد يحبك وسط الناس..
ولا تلقاه.. فى زمانك تانى..
ولاتنساه لو حبيت تانى..
الا الاولانى..
حبيبى الاولانى

[نجم الحبيب]

الله الله علي الابداع العالي

بجد كلمات جميله جداااااا

تسلم الايادي علي ابداعك الراقي

تقبلي مني كل احترام وتقدير

الحبيب

[يارات الحب]

تسلمو دمت بأبداعك واحاسيسك



بالتوفيق ان شاء اللة