الحلقة الثانية من برنامج (شخصيات رياضيه) محمد افندى مرتضى مرسى

[game010]

السلام عليكم ورحمة الله وبركاته

من الممكن ان يكون هذا الاسم لا يعرفه الكثيرون
وهذا ما جعلنى اتحدث عن هذه الشخصية التى تسببت
فى امتاع الكثير من لعبة كرة القدم والى وقتنا هذا
من منا لا يحب نادى الاسماعيلى
من منا لا يحب برازيل مصر
من منا لا يحب كرة نادى الاسماعيلى

ونحن اليوم سوف نتحدث عن الشخصية التى تسببت فى انشاء
نادى الاسماعيلى
وهو

محمد افندى مرتضى مرسى
احدى الشخصيات الهامة فى تاريخ النادى الاسماعيلى
وصاحب الفضل الاول فى فكرة انشاء نادى الاسماعيلى
تولي محمد مرتضي مرسي سكرتير النادي منذ عام 1925 حتى عام 1961 ثم تولي سكرتير النادي مرة أخري عام 66/67 أي انه تولي سكرتير النادي الاسماعيلي لأكثر من 36 سنة

و كانت لجهود محمد مرتضي مرسي الأثر الأكبر في انشاء النادي الاسماعيلي ففي عام 1926 تقدم إلي الاتحاد المصري لكرة القدم بطلب اعتماد النادي عضوا في الاتحاد المصري باسم نادي الاسماعيلية للألعاب الرياضية و تمكن محمد أفندي مرتضي من الحصول علي موافقة الاعتماد من الاتحاد المصري بعد جهد كبير و مشقة



فريق الاسماعيلي الحاصل علي كأس المنطقة في الاربعينات و يقف من اليمين محمد مرتضي مرسي – بيضو – علي فؤاد
صابر عبد الجواد – احمد السيسي – صلاح عامر – نور الدين
الجالسون فتحي نافع – ابراهيم رجب – عطية احمد عطية – محمد الباز – طه ابو العلا

و بعد ذلك واجه النادي صعوبات كثيرة في انشاءوه فقد كان النادي مبنيا من الطوب للبن و اراد مرتضي ان يكون النادي لائقا باسم الإسماعيلية و قرر و معه مجلس إدارة النادي إنشاء مقر جديد للنادي و بدأ في الحصول علي أرض لإنشاء النادي و لكن واجهته بعض الصعوبات المالية في البداية فقام بارسال طلب التماس الي الملك فاروق لطلب إعانة عاجلة مساعدة لإنشاء مبني جديد للنادي الاسماعيلي و قام الملك فاروق بتقديم مبلغ 2500 جنية إعانة للنادي الاسماعيلي مساهمة في إنشاء المبني الجديد

و يعتبر محمد مرتضي أول من تحدث باسم النادي حيث انه قام بإلقاء خطبة افتتاح النادي الجديد عام 1948 بصفته سكرتير النادي الاسماعيلي



الأستاذ محمد مرتضي مرسي سكرتير النادي و هو يلقي كلمة الافتتاح و حوله لفيف من حضرات مجلس إدارة النادي

و من أطرف النوادر التي تحكي عن مرتضي أفندي انه في مباراة الاسماعيلي و المصري في الدوري عام 1949 كان الفريق لا يستطيع السفر الي بور سعيد لأداء المباراة لعدم وجود أي مبالغ بالنادي للسفر – فقام محمد أفندي بأخذ مبلغ من عهدته الشخصية في عمله علي أن تسدد بعد ذلك – و يتمكن الفريق من السفر و في صباح اليوم الذي اقترض فيه محمد أفندي المبلغ – حضر مفتش لكي يجرد الخزينة و لكن محمد مرتضي استطاع ان ينجو من هذه المشكلة و قام بإعادة المبلغ مرة اخري عن طريق الاقتراض من أكثر من شخص

و يروي عن من عاصروا الاستاذ محمد مرتضي انه قد باع أثاث شقته من اجل النادي الاسماعيلي ليتجاوز النادي احدي الأزمات المالية و كانت تلك القصة دليلا واضحا و عمليا علي العشق اللامحدود من هذا الرجل محمد أفندي مرتضي مرسي للنادي

و خلال فترة توليه سكرتير النادي ساهم بجهد كبير في ازدها الاسماعيلي حتي ان النادي الاسماعيلي ارتبط باسم محمد مرتضي مرسي حتي ألان فهو احد أبناء النادي المخلصين الذي أعطوا له الكثير


مجلس ادرة نادى الاسماعيلى الرياضى

يتوسطهم النائب المحترم الدكتور سليمان بك عيد نائب رئيس النادي و عن يمينه حضرات محمد افندي صبري وكيل النادي
و الاستاذ محمد ابو العلا المحامي و علي أفندي العجرودي و عن يساره محمد أفندي مرتضي مرسي سكرتير النادي
و الاستاذ علي الشريف المحامي و اليد افندي عبده امين الصندوق و زكي افندي اسماعيل
و الواقفون من اليمين حضرات محمد افندي حسنين و يحيي افندي حافظ و بدوي افندي السيد و محمد أفندي ناجي و محمد افندي يوسف



بجد انا عارف ان الموضوع به بعض التقصير
والكن الموضوع ده كان صعب اوووى
علشان الشخصية التى تحدثنا عنها
شخصيا من الشخصيات القديمة جدا
ولكم منى كل الود والتقدير

اخوكمـ،
محمد اسماعيل
GaMe010

[واد حبيب]

بجد يا محمد اول مره اعرف الاسم دي والمعلومات دي

انت فعلا مبدع يا كبير وكل موضيعك جميله جدااا

وبنعرف منها علي شخصيات رياضيه قديمه

تسلم الايادي علي موضوعك ومعلومات الجميله

في انتظار جديدك يا غالي

الحبيب

[دمعه حائره]

معلومات اول مره اعرفها يامحمد
بجد برنامج جميل ومفيد اشكرك اخى
ويدوم التميز الدائم
تحياتى وتقديرى لك

[الرحــاال المٌتَمرد]

معلومات قيمه يا محمد


(طول ما انت حاطط صوره ميسى كدا)
مش هدخل مواضيعك تانى ههههههه

[ღ Gի๐sτ ღ]

معلومات جميلة اوي يا محمد
علي الكلام دة محمد افندي يعتبر رمز من رموز النادي الكبار واللى لا ينساهم التاريخ
بس للاسف جمهور الاسماعيلي مش مدي اهتمام ولا اي شىء للراجل ودة اول مرة اسمع عنه رغم ان هو اللى عمل اعتماد الاسماعيلي في اتحاد الكورة زي ما مكتوب !!

شكرا علي المتابعة الجيدة والبرنامج الجميل اللى عرفنا علي شخصية تستحق الاحترام والتقدير

[ساحر الأحزان]

جميل التوضيح منك محمد

والدراويش غانين عن التعريف

ولهم صولات وجولات

مصريا وعربيا وافريقيا

تقرير جميل منك

عن رجال اعطوة ناديهم بدون مقابل

تحياتى علية

[Ahmed Elsyad]

شكراً لكـ على الموضوع المميز

تسلم لمجهودكـ العالى والمستمر بالقسم

باركــ الله فيك

ولاحرمنا من جديدكـــ

[♥..ᗩпo]

موضوع جميل , ومعلومآت اول مره اعرفهآ
تسلم يدينك ., عوآفي ~

________

[game010]

اقتباس المشاركة الأصلية كتبت بواسطة واد حبيب بجد يا محمد اول مره اعرف الاسم دي والمعلومات دي انت فعلا مبدع يا كبير وكل موضيعك جميله جدااا وبنعرف منها علي شخصيات رياضيه قديمه تسلم الايادي علي موضوعك ومعلومات الجميله في انتظار جديدك يا غالي الحبيب

شكراً على المرور الجميل ده
نورت التوبيك
منور الاقسام الرياضيه
وشكراً ليك على كلامك الجميل ده

[S n i p e R]

بص بأمانة انا لم اسمع قط عن الشخصية دي

وليك حق يكون الموضوع قصير

احمد ربنا انك عرفت تجمع معلومات

بس هقولك حاجة بلاش تختار الشخصيات المشهوورة اوي

ولا الشخصيات اللى مش معرووفة خالص

حاجة بين البنين كدا

تفيد الناس بمعلومات جديدة وتقدر تعمل موضوع محترم في نفس الوقت

بس موضوعك شديد يا صاحبي كعادتك

واختيار غريب ومميز

تحياتى ليك