ناااس وناااس

[۩۩ سيد الشرقاوي ۩۩]

ناس وناس ......تعالوا نشوف الناس.......!!!! شفت كتير أشكال أجناس شفت وشوش شفت رتوش شفت الناس من بين الناس ******* ناس شقيانة وناس تعبانة وناس تتعب لو مضغوا لبانة وناس ظهرها محني من الفاس ******* ناس من كتر الغلا مكبوتة مش قادرين يشترو كيلو قوطة وناس مبسوطة عايشه حياتها في شرب الكاس ******* ناس فقرا ومش قادرة تعيش أكتر كلمة تقولها مفيش وفي ناس تاخد ما بتديش وعشان تدي إيديها تتباس ******* ناس كرامتها فوق الكل رغم الفقر ما ترضاش ذل وفي ناس واطية زي الفل تِوْصَل لو حتى هتنداس ******* ناس دايماً واقفين طوابير لقمة عيشها ده هم كبير وفي ناس رغم إنها طنابير عمر ما تتعب ولا تحتاس ******* ناس تديها ظهرك تإذيك وناس تتمنى إنها ترضيك عايشة حياتها كلها ليك بتكمل معنى الإخلاص ******* ناس عايشة في زحمة ودخان شمس وحر وخنقة كمان وفي ناس تانية قليل ما تبان وبتتشال كده فوق الراس ******* ناس تلاقيها ساعة الجد عمر ما تتعب ولا تتهد وفي ناس عمر ما ساعدت حد نفسي وبس – أنا وخلاص ******* ناس بالرغم إنها محتاسة ما بتطلبش عشان حساسة وناس تندب في عينها رصاصة ناس منزوع منها الإحساس ******* لكن بين الناس والناس شفت وشوش شفت رتوش شفت الناس كده غير الناس

سيد الشرقااوي

[واد حبيب]

والله كل كلبامك صح يا سيد

الدنيا ده ناس وناس فعلا

ناس عايشه ميته وناس عايشه علشان تموت الناس

تسلم يا سيت علي الابداع العالي

دايما موضيعك جميله جدااا يا غالي

تقبل مني كل احترام وتقدير

والتقيم لروعتها

الحبيب

[عاشقة الهدوء]

رااااااائع ياسيد تشبيهك القيم لآحوال الناس وكلماااتك

المتقنه وأسلوبك الرااائع أبدعت ياسيد

فى وصفك ومش جديد عليك أخى

التميز والتألق والابداع وطبعا كلماااتك النهارده

ليها استايل خاص ومتنوع بحييك عليها

ربنا يحفظك ونتمنالك التوووفيق دائما ربنا يكرمك

وتقبل تقييمى البسيط

[sokara]

كلمات فى وصف احوال الناس بكل احساس

رسمت صوره بريشه فنان عن احوال وطباع لناس
استمتعت بها بكل مافيها من فكر ورؤيه
سلمت يمينك على الطرح الراقى
تحياتى

[عازف على جدار القمر]

بارك الله فيك
قلم
ولا اجمل واعذب
متشكر جدا

[۩۩ سيد الشرقاوي ۩۩]

اقتباس المشاركة الأصلية كتبت بواسطة واد حبيب والله كل كلبامك صح يا سيد الدنيا ده ناس وناس فعلا ناس عايشه ميته وناس عايشه علشان تموت الناس تسلم يا سيت علي الابداع العالي دايما موضيعك جميله جدااا يا غالي تقبل مني كل احترام وتقدير والتقيم لروعتها الحبيب

تسلم حبيب قلبي محمد
علي مرورك الغااالي
يااغاالي مننحرمش ابدا
من توااجدك