هوووووووووص .. سـكوت هنصــــــــــــــــــور .؟؟!!

أبـكتنــى ذنوبــى · منذ /12-25-2011, 06:16 PM

السلام عليكم ورحمه الله وبركاتـــــــــــه ,,

~~
بسم الله الرحمن الرحيـــــــــــــم ..

~~~

من قلب الحادث ,, هوووووووووص

سـكوت هنصــــــــــــــــــور ..

سكوت هانصور

سكوووووووووووووووت

سكوت هانصور أول مره
كلاكيت أكشن عاوزين حركه
الخطوات كُلها محسوبه
واللي هايغلط يطلع بره

كلاكيت صور م الزاوية دي
عاوز المشهد يطلع عادي
واول لما الدنيا تمسي
خلي الجو طبيعي وهادي

كلاكيت صور شغل السيما
نكته غتيته ف حلقه أديمه
بيقدمها حاكم دوله
ونصقف له نكته عظيمه

ولما الضحك خلاص بقي غالي
ولما أسودت أحلى ليالي
فاض بالعالم كل ما فيها
يحصل فيها مهما هايحصل
والله متفرق ولا هتبالي

كلاكيت مشهد خارجي نهار
ليبيا تحت القصف ونار
والقذافي يوماتي بيعلن
إنه زعيم كل الثوار

كلاكيت أكشن جُوا دمار
ورصاص نازل كالامطار
ارواح راحت بلا إنذار
مشهد جد وفيه تكرار

كلاكيت عَشر مره أكشن
مش من حقك تنطق أبداً
لو تنداس بنعال الدنيا
مش من حقك إنك تحزن

كلاكيت مشهد خارجي ف ليل
غزة تعاني شايفه الويل
ويهودي حفيد الخنازير
يقتل زهر طفوله جميل

كلاكيت مشهد داخلي سكوت
وأدي صالح ف يمن بتموت
قاعد ومتبت ع الكرسي
يقتل .. يخرس أيها الصوت

كلاكيت مشهد م الطياره
صور أرض ماليها غباره
واكتب كلمة عالم عربي
اعمل زوم كبر بشطاره

خلي الصوره تبان بوضوح
وطني العربي حزين مجروح
ثرواته ف جيوب حُكامة
وشعب بيهتف صوته مبحوح

كلاكيت مشهد خيط م الضي
من تونس إشعاعه أهو جي
جرعة دم لجسم مريض
شوفنا الجسم أخيراً حي

صور حركة كاميرا سريعه
لف ودور أخطف ف مشاهد
وأخطف مشهد م التحرير
صوره لشعب بوحدتة صامد

stooooooooop

منتج .. إقطع
شيل زين العابدين م الصوره
علي وإرفع
صوت تونس كانت مقهوره

منتج .. أحذف
مبارك ومعاه ألاديشه
أكنس .. نضف
صور شعب مصر وجيشه

شيل الظلمة ف المونتاج
خلي الناس تظهر طبيعيه
بوشوش صافيه بلا مكياج
أظهرلي معني الحريه

خلي نهاية الفيلم تكون
هدوء وسلام بيلف الكون
وعيون بكيت ظاهره بتضحك
والظالمة قاعدين ف سجون

فركااااااااااااش

مبروك يا جماعه

الفيلم خلص

MĺŔǾ · منذ /12-25-2011, 07:29 PM

توبيك أكثر من رائع يحمل مغزي ومضمون

تحيتي لكي وتقبلي مروري

مع تحيات حمله دعم ميرو في الانتخابات الإداريه القادمه 2012

صدى الحرمان · منذ /12-27-2011, 02:35 PM

كلمات أليمه وقاسيه ولكنها هذه الحقيقه
التي جعلت دمع عيني يذرف خجلا من وضعنا
ووجههنا الحقيقي البشع ونحن نرى ومكتوفي الايدي
وطبعا ما خفي أعظم ونحن بالنهايه الخسرانين

بارك الله فيكى