إعترافات قلب

[DR.SMA]

العصبيه الزياده وحشه اوي
وانا بقيت عصبيه لدرجه عمري ما وصلتلها
محدش عارف يتعامل معايا
ولا انا حتى عارفه اتعامل مع نفسي
جوايا زي خناق كده مش قادره اوصل معاه لـ نقطه اتفاق
مش على حاجه معينه هو مجرد احساس بس
موسيقى وسمعت
قرآن وسمعت
كلام ومع سمسمه اتكلمت
هدوء وضلمه وأعدت فيهم لوحدي
طيب اعمل ايه اكتر من كده
انتحر مثلا :d
ياااااااارب

[DR.SMA]

[DR.SMA]

ألم الإشتياق مُضاعف ..
حِين لآ يكون من حَقنا سوا أن نشتاق لهُم فقط .
حينمآ نود لو أنهم هُنا بجانبنا ، نُمسك بِ موطن يَداهم ،
نتكَور بِأحضانهم و نبكي الاشتياق لهم بكاءً ..

[DR.SMA]

الألم الجسدي بيكون ليه أسباب بنعرفها كـ أطباء
كل مرض وليه علاجه سواء كان سهل او صعب
بتختلف درجاته وطبيعته
كل ده معروف
لكن الألم الجسدي الناتج عن بلوغ الألم النفسي أقصاه
ده حاجه صعبه أوي
عارف لما تحصل حاجه تكسرك من جوه بصرف النظر هي كبيره ولا صغيره
بس المهم هي بالنسبه ليك عامله ازاي
عارف بقى لما تتكسر وترسم ضحكه على شفايفك عشان محدش يحس بحاجه ولا ياخد باله
او حد يقول كلمه متعجبكش
عارف لما تعمل ده كله
وتلاقي فجأه حاجه جايه على الكسر ده وتدوس عليه لما تهده
فاهم حاجه !!
اه عارفه انه قدر وحاجه جت من عند ربنا وليها سبب احنا منعلموش
لكن متخيل وقتها الشعور الداخلي والطاقه بتكون واصله لـ فين
طيب عارف واحده زيي الحمد لله يعني ملهاش حل في انها تخبي مشاعرها
وكله بيقول عليها عامله شبه الجبل والابتسامه مش بتفارق وشه
عارف لما الجبل يتهد وكله يشوف ده بعينه
لما الجبل ميقدرش يخبي انكساره ويقع على الارض كده قدام الكل
وياسلام بقى لما يكون الكل واقف كده بيبص ومستغرب ومش قادر يعمل حاجه
اصل الجبل اتعود دايما يحمي مش حد يحميه
يحافظ مش حد يحافظ عليه
يقف وكله يقع ويقومهم
لما هو يقع محدش بيعرف يقومه
إلا لو قام لوحده
تفتكر في جبل بيتهد ويرجع يقوم لوحده تاني ويبقى جبل
ولا ممكن يبقى مجرد تبه او هضبه صغيره او يمكن يكون ضعف او وإتهشف
ويبقى مجرد صخرتين على بعض وبس
اهو ده حال الجبل دلوقتي
مش حتى صخرتين على بعض
دول شويه رمل مفروشين في الارض
بس .

[DR.SMA]

ربنا لك الحمد كما ينبغي لـ جلال وجهك وعظيم سلطانك
الحمد لله على كل حال ..

[DR.SMA]

بما اني غالبا مسافره بكره الصبح ومش هكون هنا في العيد
حبيت اعيد عليكم
كل سنه وكلكم بخير وطيبين
ربنا يعيد علينا جميعا الايام بخير
وبكره يوم عرفه
الدعاء امانه

[DR.SMA]

لظروف صحيه قاسيه انتقلت الى بيت ماما الغاليه منفرده
وكلو سافر وسابني لوحدي
ينفع العيد كده !!

[DR.SMA]

عجبتني اوي ,,

[DR.SMA]

ربي إني ظلمت نفسي فـ إغفر لي ..

[DR.SMA]

وتطلع فجأه تنهيده ..
وعينى من الوجع تلمع
فأقوم ضاحك عشان مبكيش