إعترافات قلب

[DR.SMA]

وبعدين صوتي متغير عشان خدت برد النهارده الصبح
عماله أكح وأعطس اهوه
ده انا زي الفل وعسل ( فله شمعه منوره ههههه )
شكلك كده بتتحجج وعايز تبص بره ومش لاقي حجه
لا بقولك ايه كله الا ده
ده انا أدبحكم كلكم هههههههههههه
اه خلي بالك بس عشان انا بسامح في كل حاجه الا دي
ساعتها بقى يبقى عليا وعلى أعدائي يا حماصه
بس بهزر معاك إضحك بقى
يعني لازم أقولك اني تمام على الملأ كده ههههههههه
والله حلوه كـ العاده يعني ( تواضع :d )
وقمر يعني وعسليه خالص ومفيش مني إتنين ( قمه التواضع :d :d )
كده بقى انا عارفه انك خلاص ضحكت ههههههههه
تصبح على خير ..

[DR.SMA]

Bright Brain
هو التقييم فاضي بصراحه
لكن وجودك وحده شرف
تقديري ..

K A S E M
قاسم منور أكيد
من زمان مش بنشوفك في المنتدى
لكن نورت من جديد
ونتمنى دوامك ان شاء الله
وشكرا لكلامك طبعا ..

ĩήνιśιьιε
اول مره أشوف حضرتك هنا
شكرا لمرورك
ويارب دوام السعاده لينا جميعا
والحمد لله الواحد لما بيحب بإخلاص
ربنا بيخليه يحس بأحبابه دول في كل حالاتهم
بدون ما يكونوا قدام عنيه
تقديري لمرورك الكريم ..

واد حبيب
منور طبعا كتير
لكن كنت أقصد هنا ان المتعب هو الفراق بعد الحب الكبير ده
مش ان الحب الكبير ده هو الي متعب
بالعكس ده بيكون أجمل حب وعمره ما بيتنسي
ده كمان بيفضل جوه الانسان على طول بكل تفاصيله
لانه بيكون صادق جدا لدرجه كبيره وبعيد عن أي تفكير في مصالح او واقع او غيرها
منور يا محمد دايما
تقديري طبعا ..

Words Whisper
انتي اقتبستيها بس كنتي ضدها
لكن انا إقتبستها وموافقه 100%
صدقيني الحب ده موجود بجد
ومفيش اجمل منه
ولا أوجع منه كمان
منوره يا سومه ..

"الرحاال""الزجاال"
الاجمل مرورك أ\ أيمن طبعا
والتعبير الصادق بيوصل للقلوب بسرعه
شكرا لمرورك بإستمرار وتقييمك
بفرح كتير لما بشوفك هنا او بشوف تقييم من حضرتك
مشكوووور

طبعا كل الي بيعملو لايك او بيتابعو في صمت
بشكرهم جدا وسعيده لمتابعتهم دي
ا\محمد شاهين وبريمو واحضان الحبايب وفرح
وتوتي حبيبه قلبي وقوه أنثى وروح صامته وسمسمتي
محمود محي و ساد ايز محمود تقريبا
وياسمين رفعت وإحساسي صحيح ورنينو
كلهم منورين دايما
ويارب على طول موجودين ..

[DR.SMA]

مش كل حاجه بنفهمها بنبقى عايزين نفهمها
سعات بيكون في حجات شايفينها قدام عنينيا
لكن مش عايزين نفهمها
عشان خايفين نفهمها
او بنضحك على نفسنا ونقول فرصه تانيه وتالته وغيره
او بنقول مش يمكن كانوا يقصدو كذا
بس الحقيقي فعلا
إن الواحد لازم يفكر بطريقه مختلفه
على الأقل يحاول
ويعيد ترتيب حساباته من تاني
هو أنا مكنتش عايزه أفهم بصراحه مع اني شفت بعنيا كتير :d
لكن عموما كده أحسن
شكرا بجد

[DR.SMA]

هنام بقى
بدري اه واخده بالي
لكن حقيقي محتاجه انام كتييير
حاسه بإجهاد وتعب رهيب النهارده
ودور البرد الي ناوي ييجي ده شكله هيكمل
تصبحون على تحقيق أحلامكم بالخير
وليله سعيده بأحلام ورديه



مسك الشهاده أ\خالد
وجودك صفحتي منور كتير
تقديري أخي ..

[DR.SMA]

مش بحب أكون محط أنظار الجميع
بس سعات بتكون في مواقف بتضطرك لكدهـ
بكون حقيقي مدايقهـ
عارفين لما حد يجي عشان يقولك هي فلانهـ هنا
انا بحس ان نفسي الأرض تتشق وتبلعني أهون
وبقول يارتني ما روحت
ولما حد يجي يقولك ما شاء الله عليكي
والتانيه تقولك والله كان نفسي أشوفك من زمان بس مفيش وقت
ليه يا اختي كنتي بتناقشي وتحضري للدستور معاهم
والتالته بقى تقولك بجد انتي ده احمد بيكلمني عليكي كتير
وهو بيكلمك ليه اساسا انا مش فاهمه
يلا الواجب بقى
وال ايه ماما تقولي لازم تاخدي على كدهـ
هوه بالقوه ولا إيه
إجتماعيات ممله بجد
المشكله ان الواحد خد على الحياه بره او في مصر بس لوحده بشكل كبير
حكايه الناس والعائلات والواجبات وانتي معنتيش صغيره والحاجات دي متعبه حقيقي
لا انا مكبرتش انا لسه طفله بقى
عايزه أعيش في أمريكا

[DR.SMA]

< لحظات صادقه >
أشتاق لجزيره ليس لها وجود على الخريطه
ولم يستدل عليها أحد من البشر
أكتشفها أنا فقط //
ولا أخبر عنها أحد //
أختلس الوقت وحدي //
لأكون هناك أنا فقط
في حضن الطبيعه
أشاهد السماء والشمس والبحر والجبال
أراقب الغروب والشروق
فقط انظر لكل ما هو جميل
اكون انا بروحي التي أفتقد وجودها
أكون انا التي أخبئها عن كل من حولي
إشتقت لكوني أنا وليست تلك التي توجب عليها أن تكون
أشتاق لتلك الفتاه التي لا تعرف معنى للحياه سوى أنها كـ نقطه ندى على ورده حمراء في الصباح الباكر
البراءه ؛ الهدوء ؛ النقاء ؛ الابتسامه التي تخرج من القلب
إشتقت لكل ما هو غير مصطنع
إشتقت للحقائق التي قررنا التنازل عنها من اجل تصديق ما يجب تصديقه
إشتقت لي ..

[DR.SMA]

فرق كبير
بين أن تلامس الروح
أو تلامس العقول والقلوب
تلامس الأرواح مختلف
مختلف جدا
تلامس الأرواح لا يزول
أما العقول والقلوب فتتغير مع الواقع والمواقف
الروح نقيه لا تعرف الزيف
الروح لو فارقت الجسد إلتقت بالسماء
الروح عشق مختلف .

[DR.SMA]

لسه 4 أيام بس والسنه تخلص
حاسه بخوف من السنه الجديده اوي
مش عارفه ليه
عمري ما حسيت اني خايفه من السنه الجديده
بالعكس بقابلها كل مره بتفاؤل وأمل وحب كبير اوي
وحتى لو في حاجه وحشه
بكون دايما حاسه ان السنه الجديده هتكون أحلى
المره دي مش حاسه بكده
مع ان حياتي بشكل كبير من الواضح انها بدأت تستقر
لكن من جوايا بجد حاسه اني خايفه اكمل
لدرجه اني بنام وانا خايفه بكره هيكون شكله إزاي
عمري ما جالي الاحساس ده
أتمنى يكون طاريء وميستمرش
واني بكره او بعده او ليله راس السنه
أكتب كلمه بمناسبه راس السنه واقول اني متفائله وحاسه انها سنه جميله
يارب سنه سعيده علينا جميعا ..

[DR.SMA]

اقتباس ” تَخشى أمي عليّ دَائماً مِن الغُرباء لَو تعلمينَ يَـا [ جنّتي ] . . ما أوْجَعنا سِوى الـأقربآء “ ﺑﻌﺪ ﺍﻟﺠﺮﺡ ﺃﻭ ﺧﻴﺒﺔ ﺍﻷﻣﻞ ،،، ﻵ ﻗﻴﻤﺔ ﻷﻱ ﺷﺊ ﺣﺘﻲ } ﺍﻷﺳﻒ !! .

عملتلك تقييم عليها يا نيمو
بس حسيت انه مش كفايا
خصوصا لما شوفت الي بعدها دي
بيوجعوا الجملتين دول أوي
وبيفضلوا يوجعوا على طول
وللأسف مبيروحش الوجع بعد الأسف
جميل منك ..

[DR.SMA]

سمسم
إنسانه من كتر ما بحبها ومتعلقه بيها
خايفه تروح زي الي راحوا
شبهي في حجات كتير جدا
بتفهمني بسرعه رهيبه
أنا بردو بفهمها أوي
من كتر ما الناس حواليا عماله أتصدم فيهم
حاسه إني عايزه أحطها في مكان غير الناس
أقرب الناس الي ليا من فتره فاتت بحبهم على عيبهم
عرفاه وقبلاه لاني بحترم وجود عيوب في الاشخاص
لكن إنتي وعلى غير العاده عيبك بالنسبه لناس ميزه كبييييييره أوي
برغم محاوله رسمك انك منطقيه بزياده وقويه بزياده
الا انك عااااطفيه جدا وحساسه جدا جدا
ومخلصه فوق الـ جدا جدا دي
ويارب تفضلي كده على طول
ومش من كتر ما تشوفي في الدنيا تتغيري زي ناس كتير
لإن الي بيتغيروا دول بيخسروا حجات كتير أوي
أول حاجه بيخسروها هيه نفسهم
يارب نفضل شايفين بعض صح على طول زي دلوقتي
ربنا يخليكي يا سمسم
خلي بالك من نفسك دايما ..
بتكلم بجد