إعترافات قلب

[DR.SMA]

أخشى غدا بكل تفاصيله
أخشى الفقد ,, الحرمان ,, الألم ,, الخيانه .........
أخشى فقد روحي والقريبين منها
المتعلقين بها تعلق أبدي ولا أستطيع التخلي عنهم رغم محاولات إقناع زاتي بذلك
أخشى الحرمان من الأمان والذي مازلت أبحث عنه بين سطور الحب وكتب الحياه
ولكني لم أجده إلا في صفحات الذكرى
أخشى الم الماضي وتجدده المستمر
الذي حاولت تلاشيه والتغاضي عنه ولكني أعود كل مره من حيث بدأت
وكأني أدور في دائره لا أخرج منها أبدا
أخشى الخيانه من نفسي ومن الآخرين
فالخيانه ليست جسد كما يتخيلها البعض
فـ الخيانه خيانه عهود وفكر وصداقه وحب ومشاعر وكلمات
الخيانه إحساس معنوي وليست ماده
نعم
أخشى غدا بكل تفاصيله

[DR.SMA]

إتبسط في توبيك ساعه مع مورشو
غيرت مودي جدا والله
مع اني مش واخده على البرامج ديو لا بشترك مع حد مش أعرفه
لكن محمود لما قالي قولت يلا اهو اخويا الصغير :d
شكرا يا مورشو وشكرا محمود جدا كمان
خدت 100 مشاركه حلوين
ومن يومين خدت 100 هنا تكريم الصفحات
حاجه حلوه والله هههههه

[DR.SMA]

بمزاااااااج سيء جدا
تنتابني مجموعه من الأحاسيس المؤلمه
احاول الضغط على نفسي اكثر مما ينبغي
هذا اليوم مميز بالنسبه لي بدرجه كبيره
ولا أستطيع تجاهل ذلك

[DR.SMA]

ليله رأس السنه دي بالنسبه ليا
أحلى من ليله العيد كتيييير
يعني إحساس داخلي
محدش يجي يقولي حرام :d
انا مليش دعوه ده عيد مسيحيين ولا عيد مسلمين ولا حتى ده عيد يهود
انا بحبه لإنه بدايه سنه جديده
نفسي أبدا السنه دي بدايه حابه ابدأها
عمري ما بضحك على نفسي في اليوم ده أبدا
ولا بحاول أقنع نفسي بحاجه عشان أتعايش
ليله رأس السنه لا أتعايش مع الواقع أبدا
لكن أعيش ما اريده ولو كان في الخيال
حاولت أعمل الي بعمله كل يوم بس للأسف معرفتش
يمكن عشان كده حاسه بالوجع والخوف الي انا فيه ده
مش عارفه السبب بجد
لكن خنقه وضيقه وألم ووجع إلخ........
بجد عايزه أبتسم في يوم زي ده زي كل سنه
ليه كده يا 2012
كان أولها حلو أوي اوي اوي
ولكن بعد كده بقت صعبه أوي
ده انتي حتى بتضيعي السنه الي بعدك
يارب تخيب ظني وتجعلها سنه سعيده
يارب تجعلها سنه سعيده
يارب على الكل
يارب ..

[DR.SMA]

في سنه 2012
حصل حجات كتير أوي
وبالظبط زي ما انا كتباها
نصها وردي ونصها أسود
اقرب الناس ليا علاقتي بيهم مهزوزه أوي
في منهم لظروف خارجه عن إرادتهم
وتانيين بكامل إرادتهم
فيهم ناس منهم قريبه مني موجوده
وفي ناس خرجت شكلا بس موجوده
لكن كلهم جوايا موجودين ومينفعش يخرجوا

~~
منهم ناس ظلموني اوي وحاولت احافظ عليهم
بس وصلت لدرجه اني تعبت منهم فسكت
مسمحاهم بس موجوعه اوي منهم
والنهارده الوجع زايد
لاني لما مسكت الفون معرفتش اتصل بيهم واقولهم كل سنه وهم طيبين
مع اني كنت مقرره ده ,, بس مقدرتش
مكنتش متخيله انها وصلت بيني وبينهم للدرجه دي

~~
ومنهم ناس اول ما ظلموا ظلمو نفسهم اوييي قبل ما يظلموا غيرهم
وبردوا حافظت عليهم اوي
لان الي بيني وبينهم اكبر من حجات كتير
والغلط وارد وكلنا بشر
ومينفعش الي يغلط يخرج من حياتنا
لان لو كده فكلنا هنخرج من حياة كلنا
لان الكمال لله وحده
~~
وناس تانيه الدنيا ظلمتهم وظلمتني معاهم
جوايا ساكنين اوي ومش عارفه النهارده بالزات أنكر ده


~~
عموما لكل الي جوايا سواء بره حياتي أوجوه حياتي
كل سنه وهم طيبين أوي
كان نفسي أقولكم في مكان أكتر خصوصيه من المكان ده
لكن مش عارفه أصلا هل في مكان غير ده ولا لأ للأسف
بس لكل الناس الي كتبت عنهم فوق دول
كل سنه وهم طيبين
ويارب اشوفكم دايما على خير
عمر ما مكانتكم عندي هتتغير أبدا
لانكم أصل وأساس حياتي
انتو فعلا حياتي
حتى لو خدتكوا الدنيا بعيد فإنتوا أقرب الناس
اتمنى تفضلوا دايما قصاد عيني ومعايا
خلو بالكم من نفسكم دايما ..

[DR.SMA]

الناس الي في السعوديه
دلوقتي بدات عندهم السنه الجديده خلاص
بما ان في فرق توقيت
مش عارفه باقي الدول العربيه ظروفها ايه
الي اعرفه توقيت السعوديه
بقولهم كل سنه وهم طيبين تاني
بس المصريين الي هناك يستنونا
لازم يحتفلوا مع مصر
الانتماء واجب بردو

[DR.SMA]

أحْتَاجْ لِمَنْ يُحدّقْ بَـ عَيْنايْ فَـ يَفهمْنِي فَـ أنَا لآ أُتقِنْ الكَلامْ عِندَ الألَمْ !

[DR.SMA]

happy new year

العبوها وجربوا
جميله
من عند بريمو

[DR.SMA]

شكر حقيقي

لكل الناس الي وقفوا جنبي وساعدوني
لكل الناس الي عرفوا يحموني من حجات كتير
هم مش كتير
هم تقريبا 2 بس :d
بس يستاهلوا كتير
وحقيقي بجد بحاول على أد ما أقدر أرد الجميل ده
حتى لو كان حاجه فوق طاقتي
حتى لو كان حاجه مش قادره عليها
عارفه ان ربنا هيعيني
سعات بحس اني بعمل كل حاجه عشان عيزاها من جوايا
وسعات تانيه بحس اني مش قادره اعملها بس لازم أعملها عشان ده الصح
بس في كل الأحوال بعملها بفضل ربنا

بعتذر

لكل الناس الي ممكن اكون غلطت فيهم
أو الي ممكن في يوم أكون جرحتهم
او خزلتهم
أو الي ممكن اكون في وقت خيبت ظنهم
بس إحنا بشر
وللبشر طاقه
وانا والله عملت الي في وسعي والي اقدر عليه
عشان اقرب ولما معرفتش عملت الي اقدر عليه عشان أبعد بهدوء

بتمنى
محدش يكرهني او يشوفني وحشه
محدش يشيل مني أي حاجه
محدش يتكلم عليا من غير ما يفهمني صح
محدش يقول رأيه فيها وهو ميعرفنيش
انا كمان بيوصلني كلام كتير عن ناس كتير
ومش بكرره ولا حتى بسدأه
عشان عارفه كويس ان كل واحد بيتكلم بيتكلم من وجهه نظره بس
وإن كل واحد بيقول حاجه فهي نابعه من مفهومه عن شخص
والمفهوم ده مبني على أساس موقف معين
مش بكره حد ولا بشوف حد وحش
وبحترم اخطاء الناس كلها
فـ أرجوكم إحترموا الخطأ زي ما بتحترموا الصح
وشوفوا الحلو زي ما بتشوفو الوحش
ولما تحبوا تحكوا حاجه إحكوها زي ما هيه
بلاش وجهات النظر دي

وامنيه عامه

مصر كلها تكون بخير ونفوق بقى ونعرف يعني ايه حريه
ويعني ايه ديمقراطيه
ويعني ايه مصلحه دوله وشعب
ويعني ايه شغل فريق مش شخص
ويعني ايه احنا مش انا
وان احنا دي يعني مصر كلها مش جماعه


كل سنه وكلكم طيبين
فاضل 8 دقايق بس على السنه الجديده

[DR.SMA]

تكريم وكرمنا
نجم شهر وعملنا
نشأه قسم وعملنا
تصوير للقسم وحطينا
مقدمه واحلى مقدمه من سمسمه اهوه
سنه جديده وقولنا كل سنه وانتو طيبين

أظن نقول تصبحوا على خير بقى
يارب احلام سعيده في أول ليله في 2013