إعترافات قلب

[DR.SMA]

اقتباس أنا أحسن واحد يقنعك تحكى „ ومابيحكيش أنا أحسن واحد يقنعك تبكي „ وما بيبكيش أنا أحسن واحد يقنعك تفرح و أحسن واحد يقنعك تجرح أنا أحسن واحد ميت يقدر يقنعك….تعيش

من عند بريمو دي ..
حقيقي والله دي أوي
ممكن تلاقي إنسان يخليك تفرح بكل الطرق
ويخليك تحكي وتفضفص
ويخليك تقتنع تماما إن الدنيا مش مستاهله حاجه
وانك لازم تفرح
يخليك تسامح الناس وتدور على الفرح
وممكن كمان يقنعك انك صح برغم انك بتجرحه
بس عشان عايزك تعيش
ممكن تفهمه غلط ويقولك تمام كمل انت مظبوط
بس عشان حاسس ان كده كده مش هيغير حاجه من الواقع
فـ لازم يعمل كده عشان يحس بينه وبين نفسه انه عمل حاجه
فيحسسك ان كل حاجه ماشيه تمام ويخليك تبص لبكره بأمل اوي وتحب بكره وتحاول تعيشه أجمل ما يكون
ويكمن كمان يجبرك إنك تنسى إمبارح او تحس ان إمبارح ميستاهلش التفكير عشان تعرف تخلي بكره هو امبارح والنهارده وبكره كمان
وهو آعد مكانه مش عارف يتحرك خااالص
لا عارف يكمل ولا عارف يرجع
لا عارف يقول انه إتظلم ولا عارف يقول انه متظلمش
لا عارف يبص لبكره
ولا عارف حتى يبص على إمبارح
هو فعلا أحسن واحد ميت يقنعك تعيش ..
جميله يا نيمو
منقوله بقى مقتبسه هيه جميله وخلاص ..

[DR.SMA]

قلبي بين ممرات الهوى سجين
ليس هوى حبيب فقط ولكن حب الملايين
ما بين أهل وصداقه وقبلهم رب كريم
ما فاز سوى بحب الله الرحمن الرحيم
وأحمده على ذلك فـ هو فوز عظيم
ولكن في الدنيا رأى من كثيرين
فصدمه الواقع ما بين يوما ألم وآخر حنين
في فراق بشر ما بين رحيل حي وموت دفين
قلبي من يوما في هواهم سجين
ولكنه متعلق بحب الله يصبره حتى موعد الراحه يحين
إن كانت الراحه في دنياه أم بعد الدنيا في جنه النعيم ..

[DR.SMA]

اقتباس [سمــــــا] بقالها فترة بتتكلم عن الموت حتى في آخر مشاركة النهاردة بصي بئا عايزة أقولك حاجة عشان مش هعرف أقولها كلاما ريللي أصلي هتأثر أوووي وأنا بقولها وهي مش طالبه =)) انتِ بتقولي كدا عادي لكن دا بيخنقني أنا والله حقيقي بتخنق بطلي ياسمسم وحياة ربنا ماهتحمل حد بحبه يروح كل مرة بتقولي كدا بجد بتخنق وساعات من الخنقة انتِ عارفة بئا ع فكرة ياسمسم بحبك كتييير والله ووجودك مهم أوووي بالنسبة لي فاهدي كدا واعقلي وبطلي الكلمة دي ..

مش تزعلي يا سمسمه
أنا كمان بحبك كتييير والله
أنا اسفه عشانك حبيبتي
انا بس بهزر معاكي وبكون بضحك وكله تمام عادي :*
اما عن المشاركه فـ مش مقصود اني أموت خااالص
متخافيش لسه عايشه كتييييير ههههههه
وتسلمي على الحب الكبير ده يارب دوامه

[DR.SMA]

يا طير يا ساكن قرب داري
يا ترى زيك زي الناس وانا مش داري
ولا انت غيرهم كلهم وللخير شاري
ولا القسوه فيك ساكنه بس انت ليها بتداري
ولا عايز تكسبني قربك وبعدها يبان كل مداري
ولا فعلا الحلو طبعك وزي ما أنا شايفه ليا شاري
يا طير يا ساكن قرب داري
عندي قلب كبير بس عليك بداري
بعرف أحب بردو بس بخاف وأداري
أصلي جرحني الهوى ومكنتش ليه بداري
وراح الحب كله ومبقتش داره داري

يا طير يا ساكن قرب داري
ابيض وجناحك مرفف في السما عالي
وشايلني فوق في السما ومخليني دايما غالي
وانا الي جرحي مالو دوا حيران بالي
وانا الي فكري مبيهداش ومعتش البال خالي
وأنت يا طيري لساك أبيض ولسه جناحك بيرفرف في العالي

خايفه عليك لـَ يوم تضعف وتشوف فيا جرحك
خايفه عليك لـَ يوم تزهق وما تلاقي فيا فرحك
هسيبك تدور بين النفوس وتشوف
يا ترحل زيهم ومفيش عليك لوم
أصلنا من كتر الوجع بنوجع غيرنا ونشيله هموم
يا ترجع يا طير تطير في السما فوق داري
وساعتها لا هبعد قلبي ولا عنك الحب هداري
هحاول أفتحه يمكن تداوي الجرح المداري
هحاول افتحه يمكن يجيله الشفا على اديك ويبطل في وجعه يداري
ويروح الوجع ,, وأرجع أنا بردو أحب ولا أداري


تصدقوا كاتبه عاميه
تجربه يعني
تفتكروا نجحت !!
يعني مجرد محاوله كده :d

[DR.SMA]

الصوره الجميله المتكامله من كل الجوانب ليست في الدنيا
فهي واحد من إثنان
أما حاله واقعيه ولكنها لا تكتمل
أو خيال لم يبدأ في الواقع أصلا
لأنها الدنيا
لن تكون مكتمله الجوانب من حيث السعاده أبدا
فلا تبحث يوما عن كمال السعاده في الدنيا
بل إبحث عن واقع تعيشه وتتعايش فيه وتسعد به
وحاول إكمال جوانبه بوجودك مع الله
لتنال السعاده الكامله حينها
غير ذلك فهو مجرد أكذوبه نحاول جميعا تصديقها
الى أن يصدمنا الواقع بقوه
فنرتطم بصخوره ونظل ننزف ألما
إلى أن نفيق على واقع لا نستطيع معايشته ولا العيش بداخله مطلقا
جميعا يحاول تصديق تلك الكذوبه ومحاوله الحصول عليها وتنفيذها
فيفشل ويبدأ بالتفكير من جديد
ولا يوجد فينا نحن البشر من لا يحاول ويستفيد من غيره
فجميعنا نحاول ونجرب ونخطي ونفشل ونبدأ من جديد ولكن بدايه ليست بالصفاء الملطق
لأنها دوما تكون بدايه مجروحه من تجربه الأمس ..

[DR.SMA]

قوة أنثي
عنك حق والله فعلا متستاهلش
كل ما نفتكرها تستاهل نلاقيها متستاهل اكتر من الاول
شكرا لمرورك الراقي ده
بكون سعيده جدا بيه ..

تيتشر نفشهـ♥’
زيزو الجميله
منوره الدنيا انتي والله ومبسوطه بإنبساطك ده هههههه
انتي كمان كتاباتك معبره جدا والله
وصفحاتك بردو اجمل ما يكون
تسلمي على مرورك الحلو ده
دايما منوره


رنين
عنكد حق رنينو
جميل مرورك يارب على طول كده موجوده بالخير
سعيده بوجودك ..

ĩήνιśιьιε
شكرا ليك جدا أ\رائد
ربنا يسعدنا جميعا ان شاء الله
ونكون كلنا مبسوطين دايما ان شاء الله
وشكرا لمرور حضرتك
تقديري طبعا ..


فنانه باسلوبي
اللهم امين يارب
ربنا يخفف عننا جميعا يا دودو
شكرا لوجودك حبيبتي
دايما منوراني يارب
ربنا يسعدك ويسعدنا جميعا ..

دمعه حائره
انتي الي منوره يا منون
شكرا حبيبتي :*
دايما منوره حياتي مش هنا بس ..


Words Whisper
ربنا يبارك في عمرنا يا سمسم دايما
وعارفه والله حبيبتي وانا كمان كتيير
:*


beauty angel
ايه وحشاني اوي
محدش بيشوفك الا كل فين وفين كده ليه
تسلمي يا حبيبتي الاجمل وجودك فيها
حاضر هستمر
ابقي نوريني بقى وطمنينا عليكي كده ..


كل اللايكات منورين وكل الي بيمروا من هنا سعيده بوجودكم ..

[DR.SMA]

في ناس من كتر ما هيه مش عايزه توجع حد
وبتحاول ترضي الجميع على حساب نفسها
بيطلع في الآخر كل الناس حلوه
وهيه الوحيده الي وحشه في نظرهم
قوليلي ليه بقى
أصل بعيد عنكم بيقولوا عليها هيه الوحيده الي مش صادقه
مع انها بتجمل صوره كل الناس في عين كل الناس
عشان كل الناس تكسب بعضها
ويمكن هيه بس الي بتحس انها بتخسر
بس أقولكم حاجه جميله
الناس الي زي دي مش بتخسر أبدا والله
فعلا بجد ربنا بيكون جنبها بشكل رهيييييييب أوي
أصل إستحاله الإنسان يعمل حاجه كويسه وربنا مش يكافئه ويجيبله الخير
حتى لو إتظلم من الناس وخدوا تصرفاته بنيه سيئه
والله عليه بقى لو سامحهم كمان وخد هوه تصرفاتهم بنيه كويسه
ربنا بيكافئه أكتر وأكتر
ربنا عظييييم أوي
عندي ثقه بيه بتخليني دايما مبتسمه حتى لما بتوجع
عشان كده هو بردو دايما بيكون عند ظني الحسن بيه
مش بقول ان الناس دي مش بيغلطوا أبدا
بالعكس دول بشر وبيغلطوا
بس نيتهم دايما في تفضيل غيرهم عليهم وحرصهم على انهم ميكونوش سبب في حاجه وحشه
بيخلي ربنا يكافئهم بحجات حلوه اوي
كفايه أوي انه بيخلي عندهم ثقه فيه بدرجه كبيره كده
دي لوحدها نعمه يحمدوا ربنا عليها
ربنا لك الحمد كما ينبغي لجلال وجهك وعظيم سلطانك ..

[DR.SMA]

عارف
النهارده كملت سنتين مش شوفتك
من حيث انك وحشتني فإنت وحشتني جدا بصراحه
ومن حيث اني محتجالك فـ بردو محتجالك جدا جدا يعني
بس بردو بدعليك أوي وعارفه انه الخير من ربنا
وعارفه انك أحسن مليون مره من وإنت معايا
وان لو الخير انك كنت تفضل معايا كان ربنا عمله
وبما انك كنت لسه معايا وجايبلي بشاير حلوه خالص في المنام
فـ أنا هرد عليك هنا
رقم واحد
حاضر هبتسم وعارفه اني كويسه خالص والله وبخير
رقم 2
مش تقلق عليا انت عارف اني أد كل حاجه أصلا (( بميت راجل يعني ))
رقم 3
انا كمان ضحكتي وحشتني وهسمعهالك على طول متخافش بس انت كمان ضحكتك وحشتني اوي
يمكن اليومين الي فاتو فعلا مخدتش بالي من حق نفسي عليا
لكن انا عارفه ان ربنا بعتك ليا عشان يفوقني ويعرفني ان لنفسي كمان حق عليها مش بس القريبين منها
كمان خلتني اشوف الأمور من كذا ناحيه
رقم 4
النهارده انا سامحت كل الناس الي غلطوا فيا والي قاصدين يوجعوني والي مش قاصدين
والي فضفضوا بكلمتين وجعينهم فجابوها على دماغي بردو هههههههه
والي قصروا في حقي والي زعلوني بكلمه
كل ده عشان زيارتك الحلوه دي بس وكلامك الحلو الي فيها بردو
رقم 5
حاضر مش هتغير وكله هيعدي ولا هيهمني وماشي كل حاجه تقولها
وانا كمان بحبك كتير

::

بس إبقى تعالى زرني كتيير الزيارات الي بتطول وفيها كلام كتير دي
مش تبص من بعيد وتمشي زي الكام مره ال فاتوا

انا بجد مبسوطه بزيارتك دي اوي وحاسه انها جددت كتير جوايا كنت حاسه انه مات
حقيقي مبسوطه وربنا ما يحرمني من وجودك جوايا وحواليا ومعايا وكل حاجه

صحيح مش لازم يكون الناس الي بتحبهم في نفس العالم معاك عشان يكونوا جنبك
سعات بيكونوا تحت الأرض وانت فوق الاأرض
بس قريبين أوي منك
وربنا بيبعتهم ليك في الوقت المناسب

ربنا يرحمك بابا ويجعلك في الفردوس الاعلى يارب بصحبه النبيين والصديقين والشهداء
دي مش ذكرى وفاته ولا حاجه
بس هوه لأنه توفى في السعوديه وانا كنت هنا
فـ النهارده 18\2
كان اخر مره شوفته من سنتين
ربنا يرحمه ويجمعني بيه على خير بعد عمر كله طاعه ورضى من ربنا

بجد بعد كلامه ليا في المنام النهارده
حسيت ان ربنا راضي عني اوي وانه بعتهولي عشان يريح بالي ويسعدني
بشكر ربنا اوي وبشكر بابا حبيبي كمان

[DR.SMA]

أحيانا كلمه عابره من أحدهم بدون قصد
تجعل منك سعيدا
فإحرص على إنتقاء كلماتك لعلها تكون باباً للخير لأحد ما
ربما تعرفه وربما لا
وإن أخطأت فـ إعتذر
لا يقلل إعتذارك من شأنك ولكنه يجعلك الأفضل
في نظرك ونظر كل من له عقل وقلب يفكر بهم
أما انا فـ أعتذر للجميع
إن كنت أخطأت يوما في تلك 22 سنه في حق أحدهم
أعرفه أو لا
وأتمنى أن يسامحني الجميع دوما
فـ من نحن حتى لا نسامح العباد
ورب العباد يسامحنا جميعا برغم كثره الذنوب ..

[DR.SMA]

وبرغم أن بداخلي ألم لم أعد أقوى على حمله
إلا أن بداخلي أمل لا نهايه له
معادله ::
عندما يكون الألم بقدر المحبه لأحدهم
وأيضا الأمل بقدر المحبه لأحدهم
فالنتيجه هي أن ::
تلك هي عنايه الله حقاً
رحمته وسعت كل شيء