إعترافات قلب

[DR.SMA]

لو حبيت حد و عدى زمن عليكم ب فراق او فقدتوا الذاكره و رجعتوا لاقيتو نفسكم لسه بتحبوا
اعرفوا انكم بتحبوا بجد
مينفعش تحب حد مرتين و تكون مضحوك عليك او مجرد إعجاب
أكيد بينكم توافق حقيقي بيسبب الحب ده مهما حصل ..
وقتها حاولوا تكملوا مع حبكم ماخسروهوش
لان اكيد قرار الحب هو الصح
فكررا وقتها تاخدوا خطوات صح عشان الحب يكمل و يعيش
بلاش تقضوا عليه ب قرارات غلط ..
❤❤


كمان لو فارقت حد بسبب وجع و شاء القدر انك تصادفه ولاقيت الوجع رجعلك
حسيت انك مفترقتش او ان الي وجعك زي ما يكون لسه حاصل
اعرف انك اتوجعت اوي و لسه الجرح واجع
تعرف وقتها ان ملوش لزمه الابتسامه الي بتداري وجعك ( ابتسامه النفاق دي )
وقتها لازم تدي ضهرك للوجع و تمشي
المواقف بتكشف التراب عن جروحنا لو لسه حيه ف الوجع بيرجع
نزلوا التراب تاني على وجعكم و ادولوا ضهركم و امشوا مترجعوش
وإدعوا ل نفسكم و ل قلوبكم ب جبر الخواطر
انت أصدق حد هتدعي ل نفسك ب الراحه و الفرج
متبخلش على نفسك ب الدعاء زي ما بتدعي ل غيرك
❤❤

[DR.SMA]

كتبت كلام كتير و اتمسح لوحده
قولت يبقى بلاش
رمضاان كريم جميعا
ربنا يعيد علينا الايام بخير
كل سنه وكلكم طيبين ❤❤

[DR.SMA]

’’بعد فترة تتَعلم الفرقَ الواهي بين الإِمساكِ بيد وبين تكبيلِ روح، وتتعلم أنَّ الحُبّ لا يعني الاِتكاء وأنَّ الصُحبة لا تعني الأمان.وتبدأ بالتعلم أنَّ القُبل لا تعني اتفاقات مُبرمَة وأنَّ الهدايا ليست وعودًا وتبدأ بتقبُل هزائِمك مع رأسكَ مرفوع وعينيك مفتوحتين بسموِ إمرأة، وليسَ بحُزنِ طفلٍ، وتتعلم بناء كُلّ دروبك على يومِك الحاضر لأنَّ أرضَ الغدِ غير جديرة بالثِقة بالنسبة إلى الخِطط. بعد فترة تتعلم.. أنَّ حتى أشعة الشمسِ تَحرق إذا بالغت في الاِقتراب. لذا تقوم بزرعِ حديقتك وتُزيّن روحِك بدلاً مِن انتظار شَخص ما ليحضر لك الزهور. وتتعلم أنَّ بمقدورَك حقًا الاِحتمال.. أنكَ حقًا قوي وأنك تطوي قيمتَك بداخِلك.. وتتَعلم وتتَعلم.. مع كلّ وداعٍ تتَعلم..‘‘

#خورخى_بورخيس

[DR.SMA]

بعيش ف الدنيا متهمش
بقيت على نفسي مهتمش
يارب انا جرحي متلمش
اكيد عندك ل حالتي علاج
مفيش غيرك معاه راحتي
اروحله احكي ليه براحتي
مقولش بعد فضفضتي
انا اسف على الازعاج

#اسف على الازعاج
جميييله كلها بجد

[DR.SMA]

بوست السنه الجديده جاي متاخر السنه دي 😊
ده طبعا بركات الجميله ليليان الي مخليه سما مش عارفه تعد ب هدوء شويه و تكتب شويه كلام من قلبها
السنه الي فاتت كنت متفائله أوي ف أولها
بعد 13 يوم منها جبت نور عمري كله مش ااقمر بس
ليليان ❤❤
و نجحت
وسمسمه نجحت
و ريمو اجوزت و هتجيب نونو كمان شةيه شهور
و أحمد شغله أحسن من الأول كتير
الحمد لله دي حجات حلوه اهيه كانت تستحق التفاؤل 😃😃
و حصلت مشاكل و طلعت مديه ل ناس مقدار عندي اكبر من المفروض بس مش زعلانه طبعا الحمد لله ربنا يديمالمعروف بردو
السنه الجديده هتبقى كويسه ؟؟
يارب تبقى حلوه علينا كلنا
في قرارات خدتها بس مش عارفه أجلت تنفيذها شويه بسبب بعدض الاحداث
و قرارات تانيه اتنفذت بالفعل

سمسمتي : يارب من سعاده ل سعاده و اشوفك مبسوطه و نفضل دايما سوى و يديم غلينا الصداقه والحب ودايما موجودين ف حياه بعض و سند و راحه
و تبطلي تتاخري الله يخليكي بالله عشان بدات اقفل من الموضوع بجد 😃😃😃

أحمد : أشوفك يارب أحسن اب و زوج و حبيب ليا و ل ليليان .. ربنا يوفقك ف حياتك و شغلك معانا
خلي بالك مني و ربنا ما يحرمني منك ابدا ❤❤

ريمو : ربنا يقومك بالسلامه يا بحر 😍😍
انا مش كتخليه اني قريب بالسلامه هشيل ابنك او بنتك بين ايديا
انا حاسه ب حجات غريبه مش عارفه اوصفها
يا عشره 16 سنه خير و وفاء و إخلاص و طيبه
ما شاء الله يعني
ليليان :❤❤ يارب أشوفك احسن حد ف الدنيا كلها
احسن مني و من غيري و من بابا و من الدنيا كلها
بحبك


معظم الناس الي هنا دلوقتي مش عرفاهم و هما مش يعرفونا
المكان ده فضل مكانا ل سنين
كنا حوالي 10 كده ولا 15 صاحيين نايمين بايتين واكلين شربين هنت هههههههههه
بس الدنيا بقي
بردو كلكم كل سنه وانتو طيبين ربنا يجعلها سنه سعيده عليكم
ادعولي

[DR.SMA]

كل سنه وانتي طيبه يا اجمل هديه من ربنا
ربنا يباركلي فيكي يا لولو و يخليكي ليا و يفرحني ب سعادتك و نجاحك ف حياتك كلها
انتي عوض ربنا ليا عن كل حاجه شوفتها والله
يارب تجعل ايامها سعاده و هنا و فرح و رضا
بحبك يا نور عمري كله
1 year

[DR.SMA]

و سيأتيك الخذلان من الجهه التي عصيت الله من أجلها 👌👌

[DR.SMA]

اكتشفت من وقت قريب اوي اني بقالي سنين قافله قلبي بجد
قفلاه على وجعه و حبه و فرحته و ضعفه و ألمه
مكان مليان و قفلته على الي فيه ؛؛ ف طبيعي مفيش مكان ل أي حاجه جديده اي كان نوعها انها تقدر تدخل
المشكله اني مكنتش مدركه ده فعلا و كنت مكمله و فاكره ان هو ده الوضع الطبيعي و اني كده عايشه الحياه الطبيعيه الواقعيه
منطقيه لذيذه المها و تعبها محدود في نطاق معين
مش هنكر ان ده يعتبر منتهى الأمان .. انك تبقى ماشي ف طريق فاضي على سرعه هاديه و مشغل الكشافات و بس
لكن يمكن صعب تكمل كده ؟!
هو انا مفكرتش بصراحه بس فجأه حسيت اني عايزه ارمي شويه حجات من الهارد ديسك الي عندي ف دماغي ده
و ادور على مفتاح القفل الي صدى على قلبي من ركنته
يمكن حسيت ان من حقي فرصه جديده
فرصه الاقي فيها نفسي من جديد
بس معقول جايه ابدا احسن اني محتاجه فرصه ل نفسي بعد الوقت ده كله
عدى كتير اوي يا سما واتأخرتي كتير يعني فاتك كتير من الآخر
بس بجد انا بدأه اخد نفس
يدوبك بدأه
ممممم
يمكن أن تكون أول خطوه في طريق التعافي منك
او ربما مجرد امل كاذب حين يتعلق الموضوع ب اعتبار الماضي شيء رحل

[DR.SMA]

ربما الاصدق انه مجرد امل كاذب حين يتعلق الموضوع ب إعتبار الماضي شيء رحل

[DR.SMA]

شهر رجب كل سنه بيروح في حد من أغلى الناس على قلبي
والسنه دي زي غيرها بردو شهر رجب جه
الله يرحمك يا عمو مصطفى ويجعل مثواك الجنه و يصبرني على فراقك
صحيح مبيربطنيش بيه نسب ولا دم بس والله ربنا يعلم معزته عندي و انه ابويا التاني
الوحيد الي بابا كان بيآمن عليا ف بيته و كان بيسمحلي اروح عندكم
ابو ريم صاحبتي و عشره عمري كله
عمري ما طلبت منه حاجه و اتأخر عليا
كان بيعنبرني واحده من بناته بالظبط لدرجه انه كان بيديني عديه زيهم
ولما ليليان اتولدت بقي بيعيد عليها زي العيال بالظبط و يطلبني في العيد ولازم اصلي العيد معاهم
محستش ف يوم اني غير بناته مع اني مش اكتر من صحبه بنته
ربنا يجعله في مسزان حسناته ةيصبرنا على فراقه
قلبي واجعني عليك اوي و هو اصلا مش ناقص وجع ده هو متصلب
ربنا يرحمك و يجعل مثواك الجنه و يجعل قبرك روضه من رياض الجنه يارب
سعات الواحد بيلاقي الاهل بره اهله
اهو ده كان اب بعد بابا الله يرحمه
ادعوله كتير