انا رايى البيتزا هى السبب

moorga · منذ /02-16-2009, 05:43 PM

حوار لطيف بين زوج مع زوجته .
*******

هو: حبيبتي أنا حأطلب بيتزا، عايزة حاجة؟
هي: لا ياحبيبي

هو: اوكي

هي: ولاّ اقولك

هو: ها، أطلبلك كمان؟

هي: مش عارفة

هو: مش عارفة اذا كنتي عايزة؟

هي: لا

هو: انتي جعانة؟

هي: يعني

هو: يعني إيه يعني؟

هي: يعني مش متأكدة اذا كنت جعانة ولا لأ

هو: الواحد لما بيكون جعان بيعرف

هي: لأ بس يمكن اجوع بعدين

هو: يعني اطلب لك بيتزا؟

هي: طيب واذا ما كنتش جعانة وقتها؟

هو: ما تاكليش

هي: بس ده كدة يبقى تبذير

هو: خلاص، تبقي تاكليها بكرة

هي: واذا ما كانش لي نفس آكل بيتزا بكرة؟

هو: مش محتاجة نفس ، الواحد عادي ممكن ياكل بيتزا كل يوم

هي: انا لا.. أنا مش باكل بيتزا الا لما يكون عندي نفس للبيتزا

هو: طيب بلاش، أطلب لك حاجة تانية؟

هي: بس أنا مش عايزة حاجة تانية

هو: يعني عايزة بيتزا؟

هي: لا

هو: يعني مش عايزة حاجة؟

هي: لأ برضه

هو: جننتيني، طب أعمل إيه؟

هي: اطلب انت لنفسك

هو: الحمد لله، اخيرا.. ماشي

هي: بس اطلب بيتزا بالتونة

هو: نعم؟ انا مش بحب البيتزا التونة

هي: بس انا بحبها

هو: وانتي مالك؟ هو انا حاطلب ليا ولا ليكي

هي: ليك طبعا

هو: طيب أطلبها ليه بقى بالتونة؟

هي: يمكن اجوع لما يوصل الاكل

هو: وبعدين؟

هي: ياسلام، يعني تفتكر آكل حاجة مش عاجباني؟

هو: ليه هو انتي.. أصلاً.. عايزة تاكلي؟

هي: ليه لأ؟

هو: يامثبت العقل.. هو أنا حاطلب بيتزا لي, عشان احتمال انتي تاكليها اذا كنتي جعانة؟؟

هي: بالضبط

هو: وأنا بلاش آكل؟

هي: يمكن وقتها أكون مش جعانة

ملاحظة

محكمة الجنايات قررت تبرئة الزوج من تهمة: قتل الزوجة مع سبق الإصرار والترصد.. وتحويل التهمة إلى: قتل الزوجة دفاعاً عن.. العقل

فولدمورت · منذ /02-16-2009, 05:56 PM

هههههههههههههههههههههههههههه

جامدة يا برنس

Just G!rl · منذ /02-16-2009, 07:00 PM

ههههههههههه
ميرسي يا قمر

بجد جامده

Silver Flower · منذ /02-17-2009, 06:20 PM

ههههههههه حلوه يسلموا

maiyosh · منذ /02-17-2009, 10:41 PM

هههههههههههههههههههههههه
جامده

مداميدو · منذ /02-18-2009, 12:17 AM

هههههههههههههههههههههههههههههههههههههههههههههههههه هههه

عنده حق وياسلام بقه لو طلع ورمي نفسه من فوق قصر النيل

moorga · منذ /02-18-2009, 01:10 PM

هههههههههههههههههههههههههههههههههه

شكرا فولدمورت و فراشة و flowerو maiyosh و مداميدو على ردودكم اللذيذة

A . y . a · منذ /02-18-2009, 04:37 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه

دي تشل

ياعيني على جوزها

شــكــرا يا جميلهــ

ما نتحرمش منكــ.....

moorga · منذ /02-18-2009, 10:47 PM

اقتباس

المشاركة الأصلية كتبت بواسطة اية


	هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه دي تشل ياعيني على جوزها شــكــرا يا جميلهــ ما نتحرمش منكــ.....

أي خدمة يا عسل شكرا لمرورك

CuOp!D · منذ /02-18-2009, 10:49 PM

ههههههههههههههههههههه

حلوة ورخمة فى نفس ذات الوقت

ربنا معاك بقى يا جوزها

مشكور يامورجا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البيتزا	دموع القمر	قسم طبخ المأكولات والعجائن	4	01-17-2012 12:28 AM
وين رايح	وهج الشموس	قسم الخواطر - وهمس القوافى حصرى بقلم الأعضاء	8	09-24-2011 01:52 PM
طيب ايه السبب في كده ممكن تقوالو ليا ايه السبب ...؟	ماتركس	قسم مناقشة المواضيع المتداوله والمنقوله	48	08-19-2010 11:07 PM
كيفية عمل البيتزا	!nicegirl!	قسم طبخ المأكولات والعجائن	3	03-24-2010 01:19 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

انا رايى البيتزا هى السبب

نكت - طرائف - وناسة - فرفشة