استفدت ايه من منتدى بنات مصر ..... دعوه للاعضاء

[abo adhem]

اقتباس المشاركة الأصلية كتبت بواسطة AhMeD HaMaDa ماذا اضاف الينا منتدى بنات مصر الاخوه والاخوات الاعضاء هل اضاف اليكم المنتدى اى اضاف او استفاده او معرفه ام لا اكيد اضاف لينا حاجات كتير .. شفنا مواضيع جميلة ولا اجمل شفنا افكار و وجهات نظر و تحاورنا في الاشياء المحتاجة حوار . و اكتر استفادة اخدناها اننا تعرفنا على بعض و اصبحنا اسرة واحدة منستغناش عن بعض واى الاقسم التى تعجبكم اقسام كتير منهم قلم الاعضاء والعام والرجل >> الرجل بحسه بيتي الصغير :vb19: واى مواضيع استفدتم منها مواضيع كتير موجودة بالقسم العام و الاسلامي و النقاش بحيث اصبح مرجع لأمور كتيرة واى الاعضاء بيعجبك قلمه بيعجبني قلم البرنس رامي و دكتور فارس و مش هقدر اذكر الجميع ... واى المواضيع التى تستهويك انا بيستهويني المواضيع بتاعت البرامج و الرياضية وايه رأيكم فى ادارة المنتدى على راسي من كبيرها لصغيرها .. ادارة ولا احسن بس عندها شوية اخطاء .. وهل اثرت عليكم المواضيع والاقلام واكتسبتم الجرئه على الكتابه والنقاش اكيد اثرت عليا صار الواحد معاه خبره في النقاش والحوار و اكسبته جرئة على التعبير عن رأيه بحرية حيت يكون واثق من نفسه و من معلوماته الي بيذكرها .. ايه السلبيات وايه الايجابيات الايجابيات كتير مش هنقدر نعد ... بس اهمها زيادة الوعي الفكري والثقافي للاعضاء المهتمين .. و تبادل وجهات النظر والاراء والتعارف الجميل الي بيحصل بين الاعضاء اما السلبيات ان شاء الله تزول ... اترك المساحه مفتوحه للتحدث من القلب عن المنتدى بكل عيوبه و مميزاته تحدثت والحمد لله ,,,, و شكرا يا طيبـــ على الموضوع الجميل .. والطرح المميز و كل عام وانت بخير و المنتدى بألف خير ... تحياااااااااااااااتي AhMeD

شكرا جزيلا اخى احمد للمشاركه وحسن الرد
وانا احس فعلا انك مستفيد من المنتدى لان الاحظت غير فى تناولك فى الردود والمشاركات والمواضيع واصبحت محاور جميل والحمد لله يعنى انك راضى عن المنتدى واتمنى لك التوفيق ياغالى
ابو ادهم

[عازف الاحساس]

السلام عليكم ورحمة الله وبركاته
الاخوه والاخوات مضى عام من انطلاق منتدى بنات مصر الى الشبكه العنكبوتيه لابد لنا من وقفه للمحاسبه .
ماذا اضاف الينا منتدى بنات مصر

اضاف الينا من العلم كنزنا ومن الاستفاده موضوعا ومن القلم ابدعا ومن الاعضاء محبه في قلبهم


الاخوه والاخوات الاعضاء هل اضاف اليكم المنتدى اى اضاف او استفاده او معرفه ام لا
اكيد طبعا
اضاف لنا العلم والمعرفه والاستفاده بكل نوحيهم

واى الاقسم التى تعجبكم

جميع اقسام منتدانا رائعة حقا
وانا متعلق بالاقسام العامه والنقاشات والحوارات الجاده
واى مواضيع استفدتم منها

جميع المواضيع ذات فائده كبيرررررر

واى الاعضاء بيعجبك قلمه
جميع اقلام الاعضاء ذات ابداع كبير
ولكن المبدعين في اقلامهم في وجهة نظري كثيرون جدا ولكم منهم
قلم بلا حبر
البرنس رامي
عراقي
وعذرا لمن لم اذكر اسمه او لم يتخلل في ذاكرتي

واى المواضيع التى تستهويك
التي بها فكر
تحورات ونقاشات
التي تتكلم في ما يهم الاشخاص من افراد وجماعة ما يهم المجتمع باكمله مايهتم بدين الله
التي يكون بها منطلق الحريه في سمع وجهة نظر الاخرين

وايه رأيكم فى ادارة المنتدى
اداره متزنه تتصرف كما يريد الفعل التصرف معه
ادارة متميزه تهتم باعضائها برقي منتدها بالحفاظ على شعور اعضائها
ادارة منظمه لها تنظيم خاص بها
اداره فائقه على تحمل مشاكل الاعضاء وحلها

وهل اثرت عليكم المواضيع والاقلام واكتسبتم الجرئه على الكتابه والنقاش
اكيد طبعا فكل من يمتلك قلما مبدعا له اثرا على مابدخلنا لكي نتكلم ونتناقش

ايه السلبيات وايه الايجابيات
هناااااك عديد من الايجابيات التي لم استطيع الالمام بها
ولكن يوجد هناك عدة سلبيات

هو التزمد الشديد وعدم التفاهم في عدة نقاشات



اترك المساحه مفتوحه للتحدث من القلب عن المنتدى بكل عيوبه و مميزاته

وانتهز الفرصه واشكركم جميعا للتفاعل الدائم معنا فى المنتدى
فنحن نعمل لكم ونسئل الله ان نكون موفقين فى تزويدكم بالمعرفه

اخوكم المحب لكم
ابو ادهم

لكى مني ارقى التحيااات
وكل تقدير واحترامات
ابو ادهم

وهذه هي صفات ادارتنا التي تجعل الكلام التي بدخلنا يقال في سطور


تحياااااااااااااتي

فـــ هــ شــ ا م ــــارس

[razan]

اقتباس هل اضاف اليكم المنتدى اى اضاف او استفاده او معرفه ام لا

اقتباس طبعا انا بالنسبة ليا استفدت منة جدا معلومات جديدة ومعرفة دة غير انى اكتشفت انى ممكن اكتب موضوع واى الاقسم التى تعجبكم الاسلاميات بحبة جداا لانى بلاقى نفسى فية وبتعلم منة حجات كتير فى الدين وقلم الاعضاء بردة لانة لما اتفتح خلاننى اجتهد عشان اقدر اكتب موضوع يسجل باسمى عالنت واى مواضيع استفدتم منها الدينية واللى بتحتوى على معلومات عامةوالمواضيع النقاشية واى الاعضاء بيعجبك قلمه ناس كتير فى المنتدى بتعجبنى كتابتهم واى المواضيع التى تستهويك المواضيع اللى بقلم الاعضاء بقدر اتعرف من خلالها على شخصية العضو من خلال كتاباتة وايه رأيكم فى ادارة المنتدى ادارة فرى خالص ومش متشددة انا بشوف فى المنتديات التانية ادارات بيحسسونى انهم فى الجيش لكن هنا الادارة كانها مجرد عضو لا يختلف عن باقى الاعضاء بالنسبة للمعاملة يعنى. وهل اثرت عليكم المواضيع والاقلام واكتسبتم الجرئه على الكتابه والنقاش اة طبعا عمرى ماكنت اتخيل انى هعرف اكتب موضوعين فى قلم الاعضاء ايه السلبيات وايه الايجابيات السلبيات ...بصراحة ممكن انة ناس تكون مشاركاتها قليلة وبتبقى مشرفة علطول الايجابيات طبعا انة كلة الاعضاء والادارة ايد واحدة وان المنتدى بيحتوى على شخصيات كتير مثقفة وواعية وكمان انة فية مواضيع واقسام لم اجدها فى منتدى اخر ودة طبعا بفضل الادارة الواعية والمتفهمة

كل الشكر ليك ياابو ادهم وتحياتى ليك على الموضوع الجميل دة

دمت متميزا بحضورك ومواضيعك

[abo adhem]

اقتباس المشاركة الأصلية كتبت بواسطة dr. faris أخـى العزيـز ابو ادهمـ تحية طيبه وبعد،،، كما عودتنا دائمـاً علـى مبادراتكـ الطيبة فأشكركـ من صميمـ قلبـى أخـى المنتدى أعطانا الكثيـر بالفعل أعطانا من الفكـر الكثير ادخلن بالنقاش واخرجنا بالنتائج والأفكـار أسبنـا علاقات جديـدة حميـدة جعلنـا نعرفـ أصنـافـ من النـاس منها الخير ونها من نتمنى من الله ان يهديه وكمـا نشانا فى دنيا نعد جزء منهـا بها من العيوب والميزات فلهذا الصرح من كلاهمـا وان تغطت الميزات على العيوب لكن اخـى الفاضل الإشرافـ والمشرفينها العبء الكبيرومايدور وراء الستـار نرى اننا لسنـا بالأسرة الواحدة لا تربطنـا مواثيق شديدة هذا الأمر الذى يتركـ فى نفسـى أثراً سلبياً شديداً...... اخى واخوانى فى المنتدى نحن نملكـ من الأقلامـ ما لا تعد ولا تحصى منهـا المبدع فى النقاش منهـا الذى يملكـ الخيـال منها من يملكـ الجراءه منها من يملكـ القافية و الوزن بالفعل لدينا مجموعه متكامله من الأقلامـ كرر تحيتى لكـ اخى ولمبادرتكـ التى عهدنا على مثلها الكثيـر تحياتى لكـ يا غالى فارسـ ***يثبت الموضوع

شكرا جزيلا ياغالى للمشاركه وحسن الرد وان شاء الله بعض ما ذكرت فى طريقه للحل ونصل الى
تحقيق التفاهم والعمل بروح الجماعه
ابو ادهم

[Mohammed ali]

اولا احب اهنى كل الاداريين والمشرفين والاعضاء
على مرور عام لانطلاق المنتدى الى الشبكه العنكبوتيه
واحب اهنى استاذى ابو ادهم على الدعوه الجميله دى

ماذا اضاف الينا منتدى بنات مصر
طبعا بلاشك اضاف الكثير والكثير
فهو ملتقى للافكار والنقاش الهادف وتبادل الثقافات المختلفه
كما اضاف الينا كيفية التحاور مع الاخرين بشكل حضارى
والاستماع للرأى الاخر واحترام هذه الاراء

واى الاقسم التى تعجبكم

حقيقى جميع الاقسام هايله وكلا منها ذو طابع خاص تنفرد بيه عن الاقسام الاخرى

واى الاعضاء بيعجبك قلمه
المنتدى ملئ بالاعضاء المميزين اصحاب الاقلام الجميله والمبدعه يصعب ذكرهم جميعا

واى المواضيع التى تستهويك

بصراحه المواضيع فى المنتدى العام وبقلم الاعضاء والنقاش والتنميه البشريه والاسلاميات كلها مواضيع هادفه ومميزه جدا

وايه رأيكم فى ادارة المنتدى

اداره محترمه جدا تقدر الاعضاء وتعاملهم كأسرة البيت الواحد
وقرارتها دائما ما تكون صائبه لمصلحة المنتدى والاعضاء



وهل اثرت عليكم المواضيع والاقلام واكتسبتم الجرئه على الكتابه والنقاش

بكل تأكيد لها دور مؤثر فى تطوير المستوى الفكرى والثقافى والاجتماعى

ايه السلبيات وايه الايجابيات
الايجابيات كتيره اوى
مثلا تبادل الاراء ومعرفة وجهات النظر بين الاعضاء
التعرف على ثقافات جديده
اكتساب خبرة التعامل مع الناس وتعلم اساليب الحياة المختلفه....
والسلبيات اعتقد انها فى المتناول ويمكن علاجها

كل الشكر والتحيه استاذى ابو ادهم على الدعوة الجميله
خالص احترامى وتقديرى

[رونى 2008]

اقتباس المشاركة الأصلية كتبت بواسطة abo adhem السلام عليكم ورحمة الله وبركاته الاخوه والاخوات مضى عام من انطلاق منتدى بنات مصر الى الشبكه العنكبوتيه لابد لنا من وقفه للمحاسبه . ماذا اضاف الينا منتدى بنات مصر الاخوه والاخوات الاعضاء هل اضاف اليكم المنتدى اى اضاف او استفاده او معرفه ام لا بالنسبة لى أضاف الكثير والكثير فمنتدانا ملئ بالمعلومات القييمة وهذا ما أعجبنى به كثيرا واى الاقسم التى تعجبكم القسم العام طبعا وقسم المسابقات واى مواضيع استفدتم منها هناك مواضيع كثيرة جدااااااا استفدت منها واى الاعضاء بيعجبك قلمه كتير جدااا فمنتدانا ملئ بالمبدعين والمتميزين دائما واى المواضيع التى تستهويك المواضيع الدينية والعامة وايه رأيكم فى ادارة المنتدى بصراحة وبدون مجاملة فوق الممتاز وهذا أيضا أزاد تمسكى بالمنتدى فأنهم يقدمون كل ما هو مفيد لنا دائما ويبذلون أقصى جهودهم لتقدم المنتدى ولراحتنا أيضا فمن خلال هذا أتوجه بخالص شكرى لهم جميعا وهل اثرت عليكم المواضيع والاقلام واكتسبتم الجرئه على الكتابه والنقاش نعم أثرت فيا كثيرا ايه السلبيات وايه الايجابيات لا يوجد سلبيات الايجابيات : ادارة ممتازة ، روح الاخوة فى الله ، قوانين صارمة وهذا ما يساعد على تقدم المنتدى ، مساعدة الادارة للغير وتلبية طلباتهم الصراحة هناك الكثير والكثير من الايجابيات اترك المساحه مفتوحه للتحدث من القلب عن المنتدى بكل عيوبه و مميزاته وانتهز الفرصه واشكركم جميعا للتفاعل الدائم معنا فى المنتدى فنحن نعمل لكم ونسئل الله ان نكون موفقين فى تزويدكم بالمعرفه اخوكم المحب لكم ابو ادهم

أشكرك أخى الفاضل / ابو ادهم
على هذه الدعوة الصادقة من القلب
خالص تحيتى وتقديرى وشكرى لك

[miraa]

ماذا اضاف الينا منتدى بنات مصر
كتير فعلا
ممكن يكون فى غيرى كتير شعر بنفس الشعور ده
بس حقيقى انا اول ما دخلت المنتدى كنت فى بدايه صدمه فى حياتى فى اسلوب وصفات ومبادئ كتير اتغيرت واتبدلت فى الناس كنت تقريبا داخله على عزله وحزن بس هنا بجد العكس حصل هنا استطعت ان ارتاح واخرج ما بداخل صدرى من حزن لقيت من يرشدنى يفهمنى ينصحنى والاهم حقا وجدت من يقدرنى ويحترمنى وجدت اسره وعائله كبيره كت احتاج يوما ان اكون معها
فعلا لاول مرة شعرت انى فى مكانى الصحيح فى عالمى ومع اخوه حقا تجمعنى بهم كل احترام واخلاق وصدق وحبه
هنا تعلمت الكثير من مواقف حياتيه دعوه رائعه لمعلومه مفيده معلومه تقربنا اكثر لله بطريقه مهذبه محترمه ودوده

واى الاقسم التى تعجبكم
بقلم اعضاء بنات مصر
بحس انه فيه كل ابداعات الاعضاء

واى مواضيع استفدتم منها
كتير مواضيع هادفه تحمل فكره ومعلومه بطريقه مبسطه رائعه فى اسلوبها
ومنها مواضيع تحكى مواقف حياتيه تحدث فعلا تتشابه بطريقه كبيره مع حياتنا
تعبر بكلمات راقيه عن مواقف ومشاكل تحدث فى الواقع
كتير بستفاد من المواضيع الاسلاميه حقيقى بعرف حاجات كتير منها

واى الاعضاء بيعجبك قلمه
الحمد لله فى هنا بجد اعضاء كتير مبدعين فعلا لديهم فكر واسلوب وتعبير رائع
عن الفكره بطريقه تصل سريعا وسهله الفهم سواء اكانوا من الاعضاء القدامى او حتى الجدد فمن لديه فكر ومنهج وفائده يود نشرها دائما يترك اثر عند الجميع

واى المواضيع التى تستهويك

المواضيع التى تهدف لنقل فائده معلومه ربما نقل مشاعر بطريقه قريبه جدا للقلب
تحمل كلماتها فائده وفى نفس الوقت ترتاح وانت تقرأ هذه الكلمات

وايه رأيكم فى ادارة المنتدى
اداره المنتدى هى سبب كبير من اسباب تعلقى واستمرارى فى المتدى
حقا عند انضمامى للمنتدى ابهرتنى حقا الاداره الكريمه بمدى احترامها المتبادل
بمدى اتقائهم لله والخوف على جميع الاعضاء .. بالحزم واللين فى نفس الوقت
تجدها اداره حازمه صاحبه قرارات جاده وفى نفس الوقت تجدهم اخوه لكك يرحبون بك يهنئونك يقفون بجانبك
مبدائهم الاحجترام والفائده والمحبه والاخوه لوجه الله

وهل اثرت عليكم المواضيع والاقلام واكتسبتم الجرئه على الكتابه والنقاش

بالتاكيد طبعا
فى البدايه بنبقى مرتابين شويه عند كتابه موضوع فى التفاعل مع الاعضاء
بس عند اول رد وعند وجود تشجيع حقيقى وتقدير فعلى
بنتشجع وبالتاكيد بنحاول نقدم اكبر فائده لجميع اخواننا هنا

ايه السلبيات وايه الايجابيات

السلبيات: اعتقد ان المنتدى بس محتاج شويه حريه فى التعبير عن مشاكل وقضايا
مهمه تحدث فى العالم
الايجابيات: كتير والحمد لله
اهمها هنا فعلا بحس ان دى اسره كبيره هنا فعلا اخوه فى الله مفيش اى مصلحه تجمعنا بنجتمع للفائده للنقاش للتهنئه حقيقى هنا بنكتسب اخوه عوضنا بهم الله عز وجل هنا بنطور قدرتنا على التعبير والنقاش
بتوسع مداركنا وقدرتنا الاستيعابيه كتير معلومات بتبقى متاحه للفائده والنقاش

تسلم ابو ادهم
لاتاحه الفرصه للتعبير الصادق وابداء الرائ فى منتدانا الكريم

[حنـــــون]

فى البدايه احب ان اشكرك اخى الكريم ابو ادهم على مجهوداتك وافكارك الغير مسبقه

ماذا اضاف الينا منتدى بنات مصر

اضاف لى الكثير والكثير
ويكفنى انى اكتسبت منه اصدقاء واخوات
محترمين وعلى خلق

واى الاقسم التى تعجبكم
بقلم اعضاء بنات مصر
لان الموضيع من تفكير الاعضاء وبيبذلوا فيها مجهود وبيكون نابع من تجربه شخصيه

واى مواضيع استفدتم منها

بجد فى موضيع كتيره جدا استفدت منها
وفادتنى وبجد عرفت معلومات جديده مكنتش اعرفها


واى الاعضاء بيعجبك قلمه
اعضاء كتيره جدا بجد بتعجبنى كتابتهم
لانهم ليهم اسلوب وفكر رائع وبيعبروا فعلا
باسلوبهم عن مواقف فعلا موجودا فى حياتنا

واى المواضيع التى تستهويك
الموضيع الى ليها فكر وتهدف لشئ كويس

ومفيد واى موضوع فيه مشاعر صادقه واحساس

جميل بجد بيستهوينى
وايه رأيكم فى ادارة المنتدى
بجد وبدون ادنى مجامله اداره موفقه

جدا ومحترمه وعندها تعاون واحترام

للاخرين ومن خلال اسلوبها رفعت من شأن

المنتدى وانشاء الله المنتدى يفضل من نجاح لنجاح

وهل اثرت عليكم المواضيع والاقلام واكتسبتم الجرئه على الكتابه والنقاش

اثرت جدا طبعا وادتنى ثقه انى اناقش اى موضوع
واحترم اراء الاخرين حتى لو مختلفين معايا
ايه السلبيات وايه الايجابيات
نبدا بالايجابيات اولا بجد بحس اننا اسره وحده يجمعها الحب والاحترام واعتقد ان ده اهم شئ موجود
وكمان اسلوب الاداره محترم جدا وايضا بيحافظ على الاخلاق والاحترام بين الاعضاء

اما سلبيات

اكيد كل شئ فى الحياه ليه اجابيات وسلبيات
ولكن سلبيات المنتدى بجد بسيطه وممكن اننا نحاول نغيرها بسهوله


فى النهايه بجد مفيش حاجه اقولها غير شكرا لكل من ساهم فى وجود هذا الصرح المميز
واشكرك مره اخرى اخى ابوادهم واتمنى لك التوفيق دائما

حنون

[abo adhem]

اقتباس المشاركة الأصلية كتبت بواسطة dr.mero اخي الفاضل أبوادهم قبل الاجابه والرد علي الموضوع أشكرك جزيلا لانك بالفعل نعم الاخ ونعم الاداري الناجح بجد ابوادهم فعلا المنتدي هنا في خلال سنه واحده أصبح من افضل المنتديات الموجوده ده بفضل الله اولا ثم الاداره الناجحه للمنتدي اشكرك بجد علي انك وفرتلنا مكان محترم زي ده ممكن نستفيد منه بشتي الطرق دون الخوف علي انفسنا من المساؤي الكثيره الموجوده في الشبكه العنكبوتيه وبالتوفيق دائما للمنتدي ولاعضائه

اختى الغاليه مروه شكرا جزيلا للمشاركه وحسن الرد
والحمد لله انك استفدتى من المنتدى بس انتى كمان افدينا بكل ما تبزليه من جهد
بارك الله فيكى انتى وكل من عاوننا فى انجاح المنتدى
ابو ادهم

[Karamela]

بصراحة ياابو ادهم انا مستنية الموضوع ده بفارغ الصبر

وخصوصا من شخص مسؤول فعلا عن المنتدى مش لمجرد المشاركة .. وان شاء الله المنتدى من تقدم لتقدم ... واتمنى افيدك بردي ع الاسئلة دي


واى الاقسم التى تعجبكم

بصفة عامة بحب قسم النقاش الجاد لانه فيه مساحة للكتابة والتعبير عن الرأي

لكن بعيد عن وني مشرفته

التصميم والجرافيكس

الطبخ

الازياء والاناقة ومعظم اقسام حواء .. ماعدا البشرة والشعر .. فعلا والشهادة لله ولا وصفة من وصفاتهم شغالة .. بقيت اشك فيها كلها ..


واى مواضيع استفدتم منها

المواضيع الادبية .. خلت عندي تطلع لمعرفة الادب الاول ماكنتش بطيقه ... كمان مواضيع البرامج والتصميم فادتني كتير في التعرف على الجهاز


واى الاعضاء بيعجبك قلمه

كل عضو بيتقبل النصحبصدر رحب ويحاول مرة واتنين وتلاتة .. بس طبعا في اقلام مميزة زي فارس العمارى هو اخ رحل عننا وربنا يرجعه بالسلامة .. قلم بلا حبر برده ماشاء الله عليه .. وباسلوب مختلف طارق

واى المواضيع التى تستهويك

مواضيع الفكاهية ..و النقاشية


وايه رأيكم فى ادارة المنتدى

ادارة المنتدى ادارة حازمة طبعا وياما قلت فيهم رأي وكتبت فيه صفحات .. من غير ادارة قوية مافيش منتدى قوي .. كل واحد منهم ماسك جزء وبيعملوا بتوافق تام .. ماعدا طبعا حكاية الاسماء المخالفة دي على ابو ادهم ياعيتي عليك ياابو ادهم :vb19:

وهل اثرت عليكم المواضيع والاقلام واكتسبتم الجرئه على الكتابه والنقاش

جدا جدا جدا .. انا من قبلها وانا رغاية جدا من قبل ماامسك الاشراف هنا .. لكن من ساعة مافعلا بدأت اكتب بجد وبضمير .. بقى كلامي هادف اكتر من الاول بنسبة كبيرة جدا

ايه السلبيات وايه الايجابيات

السلبيات كده بالصلاة ع النبي ومن غير زعل ياابو ادهم

ان احنا محتاجين قسم للافلام والمسرحيات والعروض التلفيزونية .. واعضائنا هيقدموا كتير ليه .. وهنستفيد اوي ونفيد كتير .. وبدل ماندور برا ندور جوا منتدانا .. ده واحد .. غير طبعا الزباين الي بالهبل هيعجبوا بمنتدانا ويسجلوا .. ودي المشلكة الوحيدة في رأي

كفاية كده

ومنتظرة تعقيبك على كلامي

تحيتي